2010年6月11日星期五

yahoo blog 排名?!

有 blogger 話我知...原來 yahoo blog 係有排名...仲比我睇自己係排第幾...不過我覺得唔多準...都唔知佢用咩做準則?!

2010年6月7日星期一

無心戀 BLOG

近黎越黎越唔想理個 blog ...一黎因為太多垃圾 msg...Delete極都有...又唔想全部 set 私友化...好矛盾........ 搞到清理完一輪都用晒我 d 時間...磨折晒我d心機.......加上都無乜特別野好寫...返工...放工...玩 facebook...行街食飯...唔通下下都影相寫上黎...又好似為左個 blog 而生活咁......或者我生活太平淡...哈~~~

生活雖然平淡...不過我仍然會為自己加點色彩...呵呵~~~我依然有行街買下 d 無謂野...都話女人有錢就身痕...無錢o個d更痕 (即係我呢d )..........

近黎鍾意左呢隻俄羅斯妹~~ 所以就買左幾樣野黎 tum 下自己...想自己開心ddddddddddd....

雖然明知白色殼袋落袋會易烏糟...不過無第隻色選擇...就睇下佢靚得幾耐啦~~~好鍾意呢!!!

另外買左兩樣文具...做野見到都醒神d ~~~ 希望啦!!! XD

2010年5月29日星期六

未免太過份了嗎?! 點解可以咁狠心呢?!

餓死親生嬰父母囚六年

(星島)2010年5月29日星期六 05:30

(綜合報道)

(星島日報報道)同居男女溝稀奶將親生女嬰餓至瘦骨嶙峋，小生命短短三個月就離開人世，其父母早前承認誤殺罪，昨被囚六年。法官慨歎，此案在今時今日的香港令人難以置信，案中女嬰的照片令刑事法庭也覺得慘不忍睹，法官在痛斥男女被告嚴重失職、其惰性令人費解，也期望社會福利署可以加緊跟進同類個案。

　　記者：何鳳儀

　　無業男子黃子聰（二十二歲）及其領綜援的同居女友張寶珊（三十一歲），早前承認於去年六月廿六日誤殺未命名的女嬰。法官昨以九年為量刑起點，鑑於二人認罪，扣減後判囚六年。兩名被告昨都戴口罩應訊，身處犯人欄的他們毫無眼神交流，其中女被告聞判時不時低頭飲泣。

　　官促當局加緊跟進關注

　　高院法官賴磐德昨判刑時指出，男被告曾因掌摑女被告長子而被判守行為，女被告也因而接受評估，顯然這個家庭的新生嬰兒會有一定風險，但社署在女嬰誕生後再沒有家訪，法官表示雖然想作出批評，但由於法庭沒有足夠資料，故只發出訊息，希望當局會加緊跟進及關注這宗慘劇。

　　案中女嬰去世時，消瘦得眼球下陷、肋骨及其他骨骼突出、皮下脂肪及包覆內臟的脂肪幾乎全部消失，本身已在刑事法庭閱過不少醜惡惡心事物的法官，昨判刑時也形容女嬰死時的照片達到最令人慘不忍睹的程度。

　　指兩被告有人格障礙

　　兩名被告在警誡下稱，由於無錢為女兒辦出世紙才沒有帶她求醫，但法官昨嚴斥此藉口毫不中用，因為只要把女嬰抱到當局，其他人見到這皺縮的軀體一息尚存，就算是陌生人也會施以援手。

　　法官又指出，父母的天職是養育及保護孩兒，但兩名被告竟容許女兒在眼前活生生餓死，是極嚴重的失職，而背後原因實在令人難以明白，令法官也禁不住自問：「為何會發生？」但在否決二人歹毒、無知、受毒品影響等原因後，唯一可能是他們都有人格障礙，二人的怠惰程度令人費解，也正是他們罪責所在，亦是極度疏忽所導致的誤殺案件中最嚴重的一宗。

　　女嬰體重比正常輕53%

　　案中女嬰去年三月七日在屯門醫院出生，重二點八九公斤（即約六點三七磅），四天後出院，但至死一刻仍未有出世紙，也未到過母嬰健康院接受疫苗注射。

　　案情指出，去年六月廿六日上午十一時許，男被告赫見女嬰失去知覺，致電報警，救護員接報到場時，女嬰已沒有呼吸脈搏，送院搶救後不治，驗屍報告指死因是餓死，死時僅重二點六六七公斤（即約五點八八磅），比正常輕五成三。男被告在警誡下指每月花四百元買奶粉，承認在女嬰臨死前的三個月，每到月尾就因財困而要溝稀奶給女嬰。案件編號：高院刑事四七─二○一○。

2010年5月23日星期日

2010-05-22 阿B第一次煲鮑魚湯

呢晚我地返左馬鞍山的娘家食飯...阿B行行下街市居然買左隻鮑魚用黎煲湯比黃老闆飲...哈~~~ 其實佢係從未煲過的~~!! 今次真係打天才波喇~~~!!

佢問左街市D人點煲...人地就教佢用邊D邊D藥材煲...不過賣o個個人比太多份量佢喇...終於煲出黎好濃既藥材味...哈哈~~~可能有d人會話: " 咁咪好囉...補呀~!! " 不過對於唔好藥材味既我地...就麻麻地啦~~~!! 仲有一隻剩...下次藥材份量減半先得~!!

今晚由阿B做大廚...!! 簡簡單單整左幾味比黃老闆品嚐~~~

呢日我地仲帶左細細去探公公呢~~~~ 公公好鍾意佢架!!!

公公抱得佢幾舒服...抱抱下居然訓左教都有既~~!!

2010年5月21日星期五

四年前的世界杯....七仔換大口仔匙套...30幾個呀...好唔容易先儲齊一套...仲有好多相同既匙套剩呀...諗番起都覺得好辛苦......不過鐘意...無辦法啦!! 唔儲真係對唔住自己......

早幾日...同朋友傾開...七仔換完博士系列之後又換咩呢...想起就黎就世界杯喇...會唔會換世界杯系列呢?! 唔通又係大口仔........點知 lunch 去完麥記...經過7仔...見到張令我好緊張又激動既 poster!!!! 真係換大口仔呀...!!! 即刻拎部 iphone 出黎影低...點知......超低b...影左 movie!!!! 上到公司仲問人點解影出黎有個符號?! 蠢左都未知蠢響邊...!!! 哈~@@~

夜晚周圍去巡7仔...換晒poster同埋display喇....不過未開始換...所以只有影低先...上FB呼籲D朋友仔捐獻!! 呵呵~~~ 你地呢D印花黨呀...係時候報答番我喇....嘿嘿~~

15隻...個個都咁靚仔!!

朝早返工時...仲開住呢幅相黎睇...仲響度諗應該換邊隻先...仲懶醒咁諗梗係換球証先啦...成隊有晒無球証點得架?! 之後就換日本...意大利...荷蘭...英格蘭等等....

點知返到公司...比人話低能...原來係無得揀黎換架...!!! 等我仲諗左成程車既攻略...!!! ~___~"

到正式開始換既第一日...我已經換左一個喇!!! 好開心呢...!!! 不過好耐無換過呢D...而家玩法唔同晒...儲齊既機會難左好多...$20先一個印花...儲夠12個先換到一個...或者6個印花加 $12 換領.......呢兩個月...又要成日巡視7仔喇!! 好彩而家有熟食檔都多左選擇...你知啦...7仔D貨減左貨都仲係貴架嘛.......嗚~~ 真係愛與恨的邊緣呀!!!!!!

德國仔...好靚好得意啊~!!! 我仲賺左5個印花呀...!!! 因為有個女仔買完野就走...個收銀叫住佢話未拎印花...個女仔話佢唔要呢D野就走左...我好自然反應衝口而出話: 我要喎!!! 個收銀哥哥仔望住我笑...佢放左幾個印花響檯面比我....YEAH~~~睇真D...有5個咁多呀...開心到我丫...阿B一路行一路話我賺晒啦...@@~~ 真係好開心呢!!!

呢幾日...早餐一定響7仔買...HEEHEE~~~不過其實D sandwiches 好難食...但係送多一個印花嘛......為左大口...頂硬上....!!!!

而 Lunch 就係烏冬套餐...有奶茶飲架!!! 兩個餸....都ok好味!!!

噚日又齊印花換到第二個喇...一開個袋見到黃色衫?! 仲以為係巴西添.......原來係奧大利亞.....!!!

你地要等我呀...我會將你地逐個逐個帶番屋企團聚架!!!!!! 一定會!!!! 不過很吃力呢....嗚嗚~~~

今日換多左兩隻...之後應該換得無咁快了...........

我鍾意既日本仔~~呵~~~~..

呢隻係南非仔.......乜唔係黑人黎既?! heehee~~

我仲換緊麥記杯呀...仲有一餐要食.......... 世界杯...未開波就搞到我好唔得閒.....

2010年5月19日星期三

2010-05-08 即興長洲遊 (Part 2)

食完海鮮...就出沙灘行下喇...好耐無黎喇...其實真係唔覺有乜改變...丫...都有既...東堤o個邊無以前咁熱鬧喇...可能近年太多人響度燒炭...d 渡假屋都無人敢租啦...而且已經變得好舊呢~~~ 有 d 剛剛在裝修...不過我相信未必會回復番以前咁樣喇!! 其實而家 d 人入黎租邊度住既呢!?

呢個時候既陽光係全日最猛既時候...阿B都有D怕左太陽伯伯...但係見到海呀沙呀咁...都幾開心架...好彩有D風啦...無咁辛苦......今日都幾多人黎玩水...不過實際遊游水既又唔係好多...好多帶埋小朋友黎玩堆沙...好溫馨呢~~!!

長洲出左個玩風帆既李麗珊...不過今日只係見到得一個人響度玩呢...以前阿B都有同同事一齊玩架...不過響西貢...而家佢就咩都無玩喇...因為佢D玩伴呢...個個玩D佢未有既玩具~~~ 就係揍仔女喇!! 呵呵~~ 所以放直昇機...小型賽車...放模型車...風帆呢D項目都擱置晒喇........

D 水好清涼...好舒服!! 其實一向我都怕水的...不過人大左...反而有點想學人落水玩下既感覺...@@!!

呢張好搞笑...哈哈~~~ 個肥仔個表情....哈哈哈~~

響度玩左一個鐘左右...真係開始頂唔順喇...晒到個人好慶...阿B條頸晒到好紅開始痛喇!!@@~~ 所以我地就決定去掃街~~ 搵野食!!!

上次見到同事D相...見到呢串薯片...覺得好得意呢...所以一於買條黎試下先!!

即叫即整...自己加鍾意既味精落去...有很多款選擇呢...咖哩...蒜鹽...七味粉等等...我地揀左鹽...咖啡粉...味道幾好喎!!

食完D熱氣野...就走去食雪花冰...老闆話佢地係請教台灣地道師父架...所以好正宗喎~~!! 初時我仲以為係請台灣師傅黎整添.......@@!!

我地叫左兩隻味道...一隻係芒果士多啤梨...另一隻係新出既豆腐花味...兩隻都好好味呀...不過要食左淡味既豆腐花...之好食濃味既芒果士多啤梨呀...如果唔係就會被搶晒味架喇!!

因為出面實在太熱...所以我地響度坐左好一陣...HEEHEE~~ 真係好遊閒呢~~

食完又周圍行...經過一檔賣烤魷魚及巨大魚旦...梗係要試下啦~~~ 每人買一粒大魚旦 ($7 兩粒) 黎試下先...哈~~ 調味品又係自己落...阿B整左D甜醬落去...自動變左個卡通樣出黎...好搞鬼...哈~~~我地再買左隻 $35 既魷魚...好香好好味呀...不過趙到我地口都軟呀!! @@!!