2012-07-07 貼鑽殼

上個月尾突然醒起有張貼鑽殼就到期...所以即刻同姊妹A夾時間...

不過好可惜佢好多日都唔得閒...最後唯有找她的 " 最佳頂友 " 黎頂佢個位啦~~~

最佳頂友就係姊妹Y...佢非常易話為...基本上近黎好多都係由佢頂上...


今次我地係去荃灣玩...話說因為姊妹M對貼石好有興趣...

不過睇過好多 COURSE 都下下要五百多...好似又貴左D...

咁啱見到呢個班...就平平地一齊去認識點貼石法...

如果真係再有興趣整...大可去淘寶淘個痛快呢~~~~~~~~~~~~


呢間兩個導師非常好人...又唔催我地走...個半鐘的課程...最後我地三個鐘先完成...

而家呢間D石都好閃下...唔係D好 CHEAP 既石黎喎!!

材料又任用...唔夠就好大方咁拎出黎比我地任用...!!

仲好人到幫我地反轉 D 石...方便我地貼落個殼度...真係好感激呢~~~!! 

每人仲可以揀番自己既電話款黎貼...我個 NOTE CASE都唔駛加錢呢...!!

其實貼石唔難...貼得靚先難...又要有耐性...眼又要好 (我貼到好眼懞呢..!!)...

最後我地三個完成既作品...貼得最快就係姊妹M...

佢係咁摩打手咁貼...得佢一個將個殼貼滿晒石呢~~~~~~~~

如果要我貼滿晒個 CASE...我諗比多兩個鐘我都搞唔惦...!!

返到屋企只係甩左兩粒石...算唔錯了...

不過咁閃爆既 CASE ...我 D 低調人其實唔會用...當紀念今日玩過呢樣野啦...HEEHEE~~~~~~~~~

 

 

2012-07-19 慶祝在公司工作了N週年

上星期四 (19/7)...係我響呢間公司工作左 N 多年的紀念日...

為左鼓勵自己...加上阿B要培訓...在無人監視的情況下...

我決定放工去沙田出下血~~!!

出下血有助舒筋活血~~~~~~~~~~~

哈~~~ 行左兩個鐘左右...大有收穫...!!

以下呢D係贈品黎架咋...其中 b 仔的 note case 係加 $ 換的...!! 

波點...LIKE!!!

太耐無 shopping ... 我覺得自己好似猛獸出籠咁...嘩哈哈~~~

贈品咁可觀...可想而知收穫有幾豐富了......嘿嘿嘿~~~~~~~~

女人間中係要比自己放縱下既......!! 

分享其中幾樣戰利品...就係 sport b. 的朱耳繩...heehee~~~ 買三樣有七折呀...幾大都買買買...!!!! 

星星...LIKE!!!

仲有...之前響團購度見番有呢部機賣...好懷念呢...!!

以前朋友們都送過一部比我架...那些年...我仲用黎係咁影細細呢...

不過之後壞左 LU...一直都想再買...不過又好似好貴...

今次買番...雖然唔係平好多...不過都令我好開心...可以尋回那些年獨一無二的樂趣呢~~~

即影即有...LIKE!!!




第一張...用黎紀錄細細...HAHAHA~~~ 戴頭盔的細細...!!

2012-07-09 Happy Birthday To Christine

七月九日係阿B妹妹即係我的姑仔的生日...其實我地年年都唔記得佢生日的...哈哈~~ (非常無良心的哥哥 & 阿嫂)

反而佢就記得我生日...年年都有送大口仔的禮物比我...HEEHEE~~~ 我要反省下先得...!!

佢朋友應該送左個龍島蛋糕比佢...佢呢兩年都拎過黎同我地一齊分享架..!!

個蛋糕幾靚架...兩款口味...栗子 & 芒果...非常好味呢~~!!

哈哈~~~ 我地唯一為佢做既...就係唱生日歌比佢聽...

借細細比佢影下相...哈哈~~~ 我地兩公婆真係無乜心肝呢~~!!!

生日快樂喔~~~~~~~~~ 日日都要開開心心呀~~~~~!!




我地最後買左隻手表比佢...希望佢鍾意...不過...佢個人對物質都無大要求...應該會鍾意...heehee~~~




屋企隻阿細小姐呢...最鍾意阻頭阻細...人地影相...佢實會埋黎咋咋帝博上鏡...叫極唔走...!!

2012-05-11 黑森林蛋糕搞搞搞

兩個月前...茂利團又出動去整餅了!!

今次目標係黑森林蛋糕...上堂只係用 1.5 hrs ... 今次連個海棉蛋糕都係一手一腳整...

不過我唔太鍾意個蛋糕材料加左d化學物 (唔記得咩名...)...

個個的蛋糕都焗得唔錯...不過就唔太軟熟...

蛋糕一出籠...班嘩鬼茂利就係咁影影影...哈哈~~~ 呢d就係茂利精神喇~~!! 

四個各有特式的...哈哈~~~ 不過都有個共通點...就係都好似一個憤怒蛋糕...哈哈哈~~~~

登登登~~~ 呢個就係我的傑作了...!!

可惜 Miss 只提供紅莓醬放在蛋糕中間......我就麻麻地...覺得好藥水味~~!!

近黎做的兩個蛋糕都麻麻地好味...

七月的舞台劇

呢個月睇左兩套舞台劇...第一套輕輕鬆鬆笑一餐...第二套太深奧...完全唔明白!! 


2012-07-14 潮性辦公室

2012-07-15 Crave 狂情

2012-06-23 合作煮一餐簡單晚飯

一齊煮左餐簡單晚飯...雖然無大魚大肉...不過食得好開心...!!

2012-05-09 夜光painting油油油

五月一班嘩鬼又去發揮藝術天份...今次特別D...話係夜光畫...但係我地全無概念...!!

呢間響深水埗某商場入面...呢個商場賣D野越黎越複雜...入到去好似密麻麻咁...

咩都有...個 FOOD COURT 先誇張...間間細細間...總之有好多間...

我覺得呢個商場係至殘得快的...究竟係咪管理上有問題呢?!


講番我地一行人走去畫夜光 PAINTING...呢間係有兩個鋪位...真係超細...

而且係完全無人指導我地...只有位阿嬸同我地講如果想畫大D就要收多廿蚊...

遲左走又收多三十蚊...差D仲唔記得講D顏料放響邊...之後就走左去...間唔中先蒲頭......


個個開始搵題材黎畫喇...呢間仲有樣搞笑...

提供移印紙比我地 COPY D 圖落去...咁其實只不過係叫我地黎油顏色

我本來又想畫家人架...不過家人同夜光又好似拉唔埋咁...算了!!  決定畫朱古力雨...!!!

姊妹Y唔駛講啦...一定係畫同佢愛人傑斯的合照...!! 

另外朋友E...佢畫黎送比佢朋友做生日禮物...佢又好有心思喎!! 

不過...你地唔好效法呀...!!  我生日唔好送呢D比我丫地方啊~~~嘩哈哈~~~ 唔同人係唔WORK架!!


之後個個畢加索上身咁...係咁好努力發揮天份...!!! 

我地可以響3個鐘內畫完晒喇~~~~~~~~~~~~~~~~~

四幅都加左夜光油落去...不過可能我地加得唔多啦...效果唔明顯~~!!!

我相信貓貓嗰幅會好好多...因為朋友E比較認真地不斷加色...哈哈~~~~

呢D就係送禮 / 自用既分別啦~~~~~~~~~~~~~~~~~~~~~~~~~~~~~~~

哈~~~ SORRY~~~ 醜化了 FATINA...!!!