Pop Up Card@首次交換手作

近黎參加左一個興趣組織的活動...一大班喜歡手作的人交換手作咭...!!

其實今次已經係第三次舉行...上兩次因為懶啦...所以錯過左參加聖誕咭及情人咭的交換活動...

今次活動的特色係指定一款咭的款式...即係每人都係做呢款咭...

而且玩法幾得意...大家會抽有一個神秘有緣人...會長會提供對方的地址...指定時間內要完成張咭寄比對方...

即係會整一張咭比一個有緣人...另方面亦會收到另一有緣人做的咭...令人充滿期待...!!

哈~~就係因為會友可以提供埋製作的 VIDEO...所以就決定一試了...!!


今次大家係做 POP UP CARD!! 

睇完 VIDEO 之後...我用咭紙大概整左一張...起碼有個初步理解...

其實初時我已經構思左一個版面...不過最後無用到呢個構思黎做...

咪就係因為我油顏色未夠班啦...總係油得唔好...!!!  所以最後決定做另一款了...!! 


呢款咭其實唔太難整...不過要點先整得靚...真係好花心思...!! 





近黎愛上 GRAPIC 45 的 PATTERN PAPERS...每一次既DESIGN 都好靚!!!

而且好快賣斷又唔再出...所以...我決定以後每一款都會入貨...!!!!!!!! 


今次選用最新的一款...SECRET GARDEN!!! 

又要和戒刀玩遊戲了...有D細微位其實CUT得唔太好...不過遠睇都OK  (<--- 又在自欺欺人了!!)

想張咭立體少少...所以加左D紙花...

同埋將D花 & 鎖匙剪左出黎再貼番落去...有少少立體感...

加左個雀籠...砌呢D野都用左唔少時間...!! 

另外貼左d 珠仔閃石 (一粒 XD)...好似版面豐富一D...

而咭裡面...我仲獻醜地用水溶木顏色油左個公仔...

遠睇都OK (又黎自欺欺人!!! )...近睇會發現一撻撻!!! 

其實呢張PATTERN PAPER 就咁已經好靚了!!

斷斷續續做左兩晚...終於都完成了!!!!!  希望有緣人收到會鍾意啦~~~


< 封面 >

< 內頁 >

哈哈~~~~為左唔好因為我手字影響到張咭...

所以我整左個袋口位黎入張心意咭仔...!! 

< 封面 & 背頁 >

背面我用左兩張PATTERN PAPER + PUNCH 邊合成的...!! 

< POP UP 效果 >

當咭拉起黎就會現出 " SECRET GARDEN " 的字眼...HAHAHA~~~

人地D咭拉起黎通常會出現祝賀的句子...我就無拉拉拉起個秘密花園出黎...HAHAHAHAHA~~~

希望有緣人唔好抓晒頭啦....嘩哈哈~~~~  (做著我的有緣人真係唔好彩...樣樣都無厘頭!!)

其實都唔係太立體...有機會要再做好d先得...!!!

< 信封面 >

都要搞點意思先得...!!

紫色 PATTERN PAPER 再用 PUNCH 加上珍珠仔...貼上有緣人的網名...!!

完成...!!! 



我仲入左D PATTERN PAPER & 裝飾物響個公文袋內...

小小心意...希望對方會鍾意啦~~~~~~~~!! 

搞惦晒影埋相...POST上 FB GROUP ... 比班長確認...就可以寄出喇...!!

希望平安交到有緣人手上啦...唔好唔見啊~~~~~~~~~~~~~~~~~~~~~~~~~  (好緊張!!!)

參加左呢個活動真係幾好...起碼可以令懶散既我的起小小心肝去搞呢搞路...!!! HEEHEE~~~

2013-01-18 Treasury Album &amp; 行李箱相簿

近黎整得最滿意既作品就係愛情寶盒 & 行李箱...

呢兩個都好複雜...而且係整得最耐最辛苦的...!!

不過做完出黎既滿足感係最大...!! 

先睇下個 " 愛情寶盒 " ...哈哈~~~~ 我第一次行 pink 呀!!!! 

導師都估我唔到...乜揀隻 pink 黎玩...同我既 style 完全相反囉~!!!


做落都有幾多烏龍野...痴錯呱呱叫唔發生嗰次先奇怪...heehee~~~


我呢鋪真係好乖架...差唔多所有功課都做足的...!!!!  導師都估我唔到!!!! 

我本 album 連 decoration 都襯好晒拎上堂的!!!!!  嘿嘿~~~ 幾乖!!!!!    (乖一次就牙擦擦!!!!)

本來想放 Nov 影既相落去...不過收到相覺得效果麻麻地...所以都係唔放相lu... (其實最大原因都係一個懶字!!)

呢本 album 好多頁...其實我已經懶...將面 & 底的一頁就咁痴實算了...襯少兩頁...!!  


第一次走 girlish style ...紅紅粉粉...都算順眼掛...@@~~!! 

其實我都有點頂唔順全本野又紅又粉...所以最後加左d 粉藍落去中和下...!! 

呃...原來我有d tag 都係未整的...次次都係咁...!!  算~~~~ 呵呵~~~~~~~

今次導師比左支保麗龍我地...所以拎番個行李箱出黎修補下...

雙面膠紙痴得唔實既地方就痴補下..,!!

收埋左幾個月的行李箱...好懷念啊~~~~~~~~~~~~~~~~!!!!

彷彿見到有血有汗流出黎呀~~~~~~~~~~~~~~~!!! 

兩大辛苦傑作...終於可以黎個合照了!!!!!!!!!!!!!!!!!!!!

相信好耐之後先會再有呢類大製作出現了!!!!!!!!!!!!! 

其實黎緊仲有個COURSE好期待...不過要待四月先可以去玩...!!

呢段時間其實有兩個 COURSE 想去玩的...可惜一係時間唔啱一係就遠...唯有隨緣啦~~~~

2013-01-14 迥轉木馬音樂盒 &amp; 情人咭

兩個月前...第一次響呢間學藝...其實我想整摩天輪多d...

不過貴好多...所以放棄左...揀左整迴轉木馬音樂盒 & 情人咭...

呢個都幾好玩...全部野真係要一手一腳自己黎...

cut 紙 cut 圖 cut 到我手都痛...呢度又無乜紙可以揀...

本來想整個紫色的...可惜無紫色pattern paper...

整完出黎都好開心...不過唯一美中不足係...隻馬唔係導師原本嗰款...呢隻係班點馬...好古怪...

導師原來嗰款係馬戲團的馬仔...靚好多...搞到我無心機油顏色......而且d馬係倒後行囉...!! 

呢樣真係有點失望...話晒整左咁耐...一上鍊先發覺有問題...

我又無馬仔既stamp...想自己整過都唔得...!! 

呢間坐位好迫...而且提供既材料唔多...d stamp 更加少選擇...

所以可能無乜機會再去玩了......