2010-07-17 Alan Tam Concert

早幾個星期去左睇 Alan 伯's concert...今次佢只係開三面台...而且個台好細...一睇就知會無 dancer...果然!!  請來一隊日本太鼓...

我地雖然都係買貴價飛...而且仲係優先訂票...不過位置就相當唔好囉...好側呀...望個台好辛苦呢~~!!!!  大概睇得唔清楚又坐得辛苦...所以感覺有d 悶啦~~

請來 Mr. 黎做嘉賓...為平淡既演唱會帶來高潮...總覺得演唱會應該要係氣氛高脹先好睇架嘛...... 10 月訂左飛睇草蜢...相信應該會好好睇!!

敗家呀......學人網購呀!!

香港好少地方賣 D Scrapbooking 用品...有都幾貴下...開始上網睇下有咩地方可以買...自己訂番黎...減番 shipping 仲係平左...所以決定敗下家......

我的第一張低能之作 (J01)...HEEHEE~~~

未買到 D 靚卡紙...響十蚊店買左 D 彩畫紙...就用黎做練習先...

係咁剪呀...貼呀...印呀...打孔呀...油呀油...終於完成左我首張低能之作!!!

登登登...

< J01 >

呢 pack clear stamp 係 ppart 新返既貨...無折的...不過實在覺得可愛...算了...拉勻條數黎計當其他平少左啦...

D 蝴蝶仔好得意...HEEHEE~~~~MS PUNCH 真係好好用...好靚呢~~

字句的 stamp 手頭上實在無乜得揀...所以揀左 " make a wish " ...隻狗個樣好搞笑~~!!

影得懞左 D 添...

第一次用 clear stamp ...幾好用...不過每次要清洗...好多工序...暫時有點雞手鴨腳...成日驚自己太大力拉爛 D Stamp...@@~~ 但係又痴得好實啵......一步一驚心...!!

封底~~~ 用左個禮物 stamp ...有點求其......heehee~~~

做呢張卡唔係用左好多時間...不過下次我一定要再好好構思點整先得!!  其實我想去學整卡...不過試問過...但沒有回音呢...嗚~~

黎緊既星期日...我會去拜師正正經經學刻圖章...很期待呢~~~

信封模具

在無印買了兩個做信封的模...有左佢...好快就完成一個信封~~!!

先將模放在 A4 紙上沿邊畫...之後用 cutter 跟住d線界...接著用鉛芯筆個尖咀界一界 d 摺位...咁比較易摺 d ...跟住用膠水痴埋...咁就話咁快完成喇!!!  不過其實有少少唔啱位...要稍作調整~~!!  唔通日本既 A4 紙係大少少既?!

摺呀摺...貼呀貼...

一個靚靚既信封完成喇~~!!

而小利是封既作法都係一樣!!!  簡單快捷!!!  正呀!!!   如果個利是封模大 D ... 我有D想新年自己 DIY 利是封...HEEHEE~~~ (痴心妄想症又發作了~~~!!)

20100724 再戰書展

今日約左細細佬一齊去闖書展...早幾日去過探路...大概知道條路應該點行...嘻~~

今日見到好多名人...有高永文...盧冠廷...黃貽興...真係笑話o個個李導演等等...

之前搞到滿城風雨的一眾o靚模...會展就見唔到佢地既真身...不過佢地既寫真真係好容易就搵到...其中周秀娜小姐的就最為突出...仲出埋 3D 螢幕添...搞到條路塞到...要搵實蕉黎扮人肉鐵馬開番條路出黎...

我地兩個一場黎到當然唔執輸睇埋一份...其實都無乜野睇既...只係著住泳衣又幾立體咁響你面前擺下 POSE...講真...爭住拎 3D 眼鏡黎睇既居然係女仔多喎...哈哈~~ 可能 d 女仔既心態係睇你有咩咁特別...而d男人就買隻牒買埋本書返去慢慢欣賞....!!

點解書展會搞成咁?!  度度都係賣呢d書呢~~~

今日有帶相機可以同 chocolate rain 個公仔影相...小馬既簽名籌一早已派完...不過我響塊 foam board 度見到佢簽左個大名...哈~~~

之後去左食 buffet ...其實都無咩特別...不過今年細細佬話請我食...真係食得幾開心!!  嘩哈哈~~ 我話佢變左...家下咁闊佬!!! 

今日其實收穫唔多....買左套雀仔印...個盒好靚...買埋個 stamp pad ...

買左本漫畫書...一本澳門既旅遊書...哈~~係新假期同 chocolate rain 合作的!!

今日 chocolate rain 好多野都做八五折呀...激死我呢~~ 好彩新貨無折都無咁心痛!!  買左兩本 postcard...送左兩個袋...真係超值!!!  仲平過就咁買個袋呀!!!  ~___~"

前幾日買左馬仔本書...不過唔記得加 $$ 換購個散紙包...遇到個超好人...肯比佢張 receipt 我去換購...真係唔該晒呢!!!

由五點幾行到十一點幾就走人 lu ...都逗留左成六個鐘...基本上三個館都行晒...但係睇唔晒咁多野...只係重點出擊......其實想搵 d 手作書...不過黃家細少爺成日無耐性等我慢慢睇...@@!!

 

Martha Stewart Punch & Clear stamp

今日約左 blogger 旻響 CWB 交收 MS Punch...今次係第二次見 blogger...哈~~ 或者彼此在對方的 blog 都看過彼此的樣子...一眼就認出對方了...嘻~~~ 旻係 yahoo 新婚 blogger 中我認為係比較有心思的其中一個...很友善...好得其他 blogger 愛錫...  她真人好靚女呢~~~

她交給我的貨品也經過一點裝飾...看到後很開心......很欣賞她對細節亦很關注...這三個 punch 很實用呢...係做卡既好幫手~~~!! 

之後去了中環 Paperart ...買了兩樽 embossing powder...兩樽毛毛粉 (仲未太識用!!) ...兩 pack clear stamp (其中一款係新貨無得折@@~!!)...四個 ink pad ...一塊細 acrylic block...怪唔得呢度咁多 blogger 黎進貢...真係唔買睇下都開心!!    買左就更加心花怒放...嘩哈哈~~~

另外~~~ 前一晚約了 Tanny 交收訂了的 Clear stamp ... 送了一盒字母印仔...可以開始玩卡了~~!!

 

 

黑雨中的書展

噚日請左日假...不過個肚又有D唔舒服...為左唔會突然想去廁所...所以成日都唔敢食野...下午三點開始...個天開始行雷閃電...勁大雨...我地隻狗仔就好驚...係咁跟實我...我一坐低就坐上我隻腳上面...@@~~~ 都唔忍心剩番佢一個響屋企...

之後沖涼洗頭我都無關門...佢跟埋入黎...叫佢都唔走......@@"   動物對天然真係有預知感覺咁...佢平時都會驚...不過今次係特別驚......估唔到之後既天氣真係變化得好厲害...由黃雨...紅雨到黑雨都係個幾鐘轉變......

大概五點幾雨細了...亦都無行雷閃電...所以我開始出發喇.......點知行到一半出路口...就突然又大雨又行雷又閃電......行到條橋仲開始有水浸現象.......既然已經出左門所以就繼續向前衝@@~~~  後來先知大概七點左右...條橋已經浸滿水...有架七人車死左火停正中間...搞到條村D車無得出入~~~~~

我響火車度見到已經黃雨...大概去到九龍塘...突然宣佈掛黑雨!!!!!!!!!!!!!!! OMG!!!!

咁我仲去唔去好呢?!  算了...括出去!!!!!!!  不過...會唔會去到已經 CLOSED?!  所以即刻上網 search 貿發局打去問詳情......線路繁忙要等...輪候 no. 10...好似去飲茶咁@@!!

終於有人接聽...知道依然會繼續開門...位小姐仲好好心咁叫我小心d....哈~~~

***

去到會展...好多人龍離開...入場既人數好少...第一次行書展係咁好行......其實我只係上隧巴時比雨淋濕左少少...基本上我無乜濕到...鞋都無入水...我都覺得好好彩......

第一時間去買馬仔本新書 " 我的低能湊 B 之道 "...真係等到頸都長呀!!!!!!!!  之後買埋個馬仔公仔比個小妹妹~~~ 仲買左個 Iphone 保護貼比自己...其實有點失望...我想係殼多d囉......而且都唔平呢......

見到呢本書...oh~~~關於婚禮的...雖然已經結左婚差唔多10個月...不過都想回味下...哈~~而且係公仔書...輕輕鬆鬆...笑下幾好丫~~!!

OOOOOOO 見到 Chocolate Rain...好多精品...買左個筆袋用黎 8 月返學用... iphone 殼有四款架...睇左好耐...哈~~~既然今日落到咁大雨...為左紀念呢日...我揀左呢款...雨遮...幾應景啊!!!  heehee~~~ 另外加 $40 換左呢個大布袋 (原價 $60) 呀...用黎裝 d stamp pad ...Fit Fit!!!!  抵!!!!!!!

去書展...梗係要買書啦!!!  做左人太太...間中都要交下功課既...不過真係好間中...通常有人都會唔抵得我慢摸摸...會親自出手...呵呵~~~ 所以為左增加靈感...見又好似幾啱口味咁...就買左呢三本開心入廚系列...哈哈哈哈哈哈~~~

之後行呀行...買左心儀既水溶木顏色...送左個鉛筆刨~~

之後猛睇份藏寶圖...d字細到丫...睇到我眼花花.......我要搵 paperart 呀...搵緊都搵唔到...終於記起...佢地叫紙品天地...終於搵到...個位好細呢...而且貨既種類都唔多...講解亦有點求其...@@~~ 不過我都響度出左血...買左下面呢堆野!!!

好想玩呢支槍好耐...真係好神奇呢!!!  效果好靚架!!!!

之前響大眾買左個 cheap cheap stamp pad...效果真係好差...所以算了...有20%...就買左幾隻鍾意既顏色~~~ 其實我仲想買黑色的...

EMBOSS DUAL PEN 寫完字...加埋粉粉...再用槍吹下...嘩~~~字醜都變靚呀...HEEHEE~~

另外o個幾支好似唇膏既...可以做d漸變既效果架~~~ 靚靚~~

另外...買左兩 pack 特價套裝...有 embossing powder ( 金 & 銀 )...有個木印仔...個女仔好得意...做卡既好材料...仲有個膠水印台...我另買左樽閃閃既透明粉粉~~~ 搵日要開工了!!!

買左呢包雀仔 clear stamp ... 有八折抵好多~~ 咁多個印除番開都係幾蚊個!!

呢包書簽同埋張咭仔係贈品~!! 

比起其他 blogger...我算出得血少了...不過我響第度出左血...遲d講......哈~

埋單時...sales print 完張單發覺唔記得計我 20% off...哈~~ 佢唔講...可能我會唔覺架...因為我比較遲鈍...@@!!!

行到關門...收到以下贈品...好搞鬼~~

星期六...我會再戰江湖...今次有細細佬一齊去闖...嘿嘿~~

 

 

 

2010-07-20 馬仔@新港城

今晚去新港城食飯...巧遇馬仔呀~~~!!! 

勁鍾意睇佢 d 書呀~~!!!  好搞笑架!!!

超抵的哈根大雪糕!!!!

今日公司位 " 零食達人 " 話比我知沙田 Yata 做緊 哈根大 雪糕 promotion... 買十個 89g 的雪糕杯 ( 口味任揀)... 都係百六蚊左右...仲送3個 89 g 的新口味橙朱古力...咁仲唔止呀~~~~ 拎住張 recept 去 哈根大門市...仲送多你一個 397g 既家庭裝雪糕呀!!!!!!!

係咪超抵先?!   唔買對唔住自己個肚啦下話!!!!!!!!!!!!!

我去o個時都唔係好多人買...好快到我...不過效率麻麻囉...首先揀左味之後...要拎住晒d雪糕去排隊比 $$ ...之後返去 pack 箱...咁d雪糕會好容易溶架嘛...@@~~~ 好彩佢會入d冰粒同埋乾冰落去個箱度...但係就要抱住個箱走去門市再換埋盒家庭裝雪糕...都幾重下架...雖然可以遲d先換 (一個月內)...不過一次過好過分幾次去拎啦~~~

去到門市...態度及服務要比 5 粒 ...個女仔見我抱住個盒...就叫佢同事比個大袋我裝住...真係超貼心呢~~~~

嘩嘩嘩~~~ 睇見都開心呀!!!!!!!!!!!!!!!!!!!!!!   已忘記左 " 肥 " 呢個字喇...一於食完先算啦~~~   笨左添喇...我應該每個口味要一個...我有幾個係重覆的...嗚~~~

兩個低 b 之後又拎 d 乾冰玩...

放落匙巾度發出 "吱吱" 聲架~~~

乾冰加左水之後...好多泡泡出黎呀...好得意呢...哈哈~~~

好似拍戲既仙景一樣呀~~~~~~~~~~~哈哈~~~

我諗無人會好似我地兩公婆咁無聊?!  heehee~~~ 呢 d 就係我地既生活方式了......