| 婚禮日期： | 18/10/2009 (星期日) |
| 當日rundown ： | 有些少idea |
| 註册 | |
| 註册地點： | 九龍維景酒店 |
| 證婚律師： | 壹証婚服務 |
| 戒指枕: | 大口仔-已請Ron加工制造(暑假前交貨) |
| 羽毛筆： | 律師提供 |
| 結婚証書簽名冊： | 律師提供 |
| 結婚戒子： | 已買 (J's Duet) |
| 婚宴 | |
| 婚宴地點： | 九龍維景酒店 |
| 場地佈置： | Casablanca Flower Workshop |
| March-in音樂： | 諗緊 (大概用陶喆, 蔡依林的今天妳要嫁給我) |
| 婚宴音樂： | 諗緊 (MC可提供) |
| 成長片段: | 純美新娘 (未交相片) |
| 嘉賓簽名冊： | 巴黎婚紗 (已取), 羅浮宮 (未影) |
| 簽名筆： | 大口仔 DIY 簽名筆4枝 加 花花簽名筆4枝 |
| 酒水： | 酒店提供, 會再買紅酒兩箱 |
| 結婚蛋糕: | 酒店提供 |
| 回禮小禮物: | 未諗定…有幾個方案 |
| Table Stand： | 酒店提供 (應該會找朋友DIY) |
| 賓客名單／Seating Plan： | 有初步構思 |
| Pre-Wedding／婚禮當日攝影 | |
| Pre-Wedding Photo : | 1) 巴黎婚紗 (已影及取相) |
| 2) 羅浮宮 (2009-05-16) | |
| 婚禮當日攝錄： | 純美新娘: 攝影師 - 福哥, 錄影師 - 未知 |
| Snap shot攝影師 - 同事及弟弟 | |
| 禮服及配飾 | |
| 新娘 | |
| 婚紗／晚裝： | 溫馨 (1WG, 1EG - Confirmed) |
| COUPLE 囍 (1WG, 1EG - Hold) | |
| 仲有 1EG 未JOIN (敬酒-心水是紅色 / 送客) | |
| 裙褂： | 榮華 (已租中五福) |
| 婚紗鞋： | 未買 |
| 裙褂鞋： | 未買 |
| 化妝造型： | Shirley @ Image Beauty |
| 頭飾及飾物： | Shirley @ Image Beauty |
| 花球： | 1) 絲花球(pre-wedding photo)-Trinice Flower (已取) |
| 2) 真花球 - agnes b. florist (未訂) | |
| 新郎 | |
| 禮服： | 溫馨 (Confirmed) |
| 恤衫： | 金都 (會再買多一件) |
| 皮鞋: | 未買 |
| 西褲: | 未買 |
| 銀包: | 未買 |
| 上頭及兄弟姊妹 | |
| 新郎及新娘上頭人選: | 未諗 |
| 伴娘／姊妹服裝： | 伴娘 - 溫馨租 (Confirmed) / 7條姊妹裙 (未買) |
| 兄弟服裝： | 未諗 (兄弟自己提供, 可能會提供tie) |
| 証婚人襟花： | 未諗 (可能用Trinice Flower) |
| 兄弟襟花／姊妹及司儀手花： | 未諗 (可能用Trinice Flower 或 找Ron) |
| 兄弟姊妹團 | |
| 伴郎： | Anthony |
| 伴娘： | Maggie |
| 兄弟： | Hong, Chung, Eric, Chris, Franky, Benson |
| 姊妹： | Wendy, Emile, Amy, Yan, Connie, Sammy |
| MC： | Angel Leung |
| 花車 | |
| 花車： | 1) 美滿 (紅色London Taxi) |
| 2) 酒店已free三小時花車, 但未決定用7人車還是Benz) | |
| 花車佈置： | 大口仔中式公仔, 已找Ron設計絲花佈置 (暑假前交貨) |
| 兄弟姊妹／賓客車： | LB's車, LB's 大哥7人車, Chris's車 |
| 兄弟姊妹／賓客車佈置： | 可能買現成 或 DIY |
| 喜慶用品 | |
| 接新娘遊戲道具： | 未諗 |
| 嫁妝： | 買了龍鳳鐲, 花花頸鍊, 其餘未睇 (耳環及手鍊) |
| 中式禮餅券: | 未買 (會買奇華) |
| 西餅券: | 未買 (請同事代買美心80張, 另買50張Pappagallo雪糕劵) |
| 過大禮用品： | 未決定 (應該會以果藍, 唐餅及以利是代替有關物品) |
| 龍鳳被及上頭用品： | 未買 (應該會買雅芳婷 / 上頭用品在笋崗購買) |
| 紅傘及睡衣： | 未買 (笋崗 / 金都) |
| Cushion及敬茶用具： | 未買 (笋崗 / 已買小鳥茶壺) |
| 囍帖: | 未睇 (可能用番酒店提供的) |
| 回門乳豬： | 未諗 (或以利是代替) |
| 利是封： | 未買 (笋崗) |
| 佈置物品： | 未買 (笋崗 - 囍字貼, 絲花等) |
| 其他 | |
| 婚前檢查： | 未book時間 (已 join package, 大概六月去驗身) |
| 新居： | 泰亨祠堂村 |
| Honeymoon地點： | 未決定 (目標係衝出亞洲!! 嘿~) |
2009年5月6日 星期三
婚禮進度表 (ver20090506)
2009年5月5日 星期二
2009年5月4日 星期一
終於搞惦個絲花球
今晚去太子拎番個花球...我無上到去...只係阿B上去...個花球重扎之後圓番...不過都唔會改變我既決定了~~!!
***
嗚~~~四月頭已收到消息 b.仔 既花球加價啊...!!!! 原本已經貴架啦...而家仲加多幾百添!!! 雖然有匯豐白金咭會有10% off...不過都唔夠填番個加幅...阿 B落井下石...佢話之前話左你架啦...明明睇中無拉拉又去左第度訂...嗚嗚嗚~~~ 當教訓囉!!
去過又一城問過下...婚期前一個月訂都OK...不過肯定無大牡丹...網上既款好少...去到有本相薄睇...好多款啊...個網得咁少既?! 而且個sales都好耐心同我講大概個 size係幾大...咩花響10月會靚d...服務都ok啊!! 人地咁大公司都唔會咁大鼻要成大半年前hold期...又唔怕佢會執...貴少少都係個保証既!! 好...一於申請張匯豐白金咭先!!
2009年5月1日 星期五
買左對平平既鞋
去完羅浮宮揀衫...跟住出左太子...行下金都...因為阿B要買裇衫...響地下睇左一間既款都OK...要二百幾...咁上去上面睇埋其他先啦...到 Big Day 時會有兩件裇衫替換...因為阿B超大汗...哈哈~~~ 佢上次做兄弟幫人影相...o個日氣溫得o個幾度...凍到痴根...佢居然都會個身濕晒呢...Big Day佢一定會緊張仲出汗啦...佢仲話最好下午影完外影返酒店沖個涼添呀!! @@~~ 其實我都想呢...至唔鐘意個身痴立立...去完外影...返去沖個涼再化妝set頭...唔知夠唔夠時間呢?! 哈哈~~~
睇左兩間...終於去返上次細佬租禮服o個間買...好似賣$180幾...試上身ok...買住一件要黎影相先...遲d再睇o岩先買...話唔定再買過兩件新的~~
經過d婚紗鋪好自然又再望下d衫...見到一件幾靚既A-line婚紗...真係好想著一件係A-line呢!!!! ~___~" 你地就比我平凡D啦~~~ 其實我覺得簡單就是美囉...可能我個樣平凡...實在唔想搞太多野...
其實我仲有件衫未 join 的...不過都的唔起心肝去睇...可能過左度氣...又懶...弊啦!! 遲d搵唔到...心水比人hold晒...我實後悔又怪自己了~~~ 搵日真係要去搵了!!
***
跟住行去旺角...途經 blog界傳說中的有利鞋鋪...其實之前都黎過睇一次...都已知正確位置同有咩款...真係好簡單乜裝飾都無既鞋款...而且真係好平...$75咋...仲會響邊會搵到呢?! 拎左兩對白色款既上樓試...d樓梯好難行...上到去都幾多人試鞋...個賓賓問我要乜size...其中無咁尖頭既款無我size...得38...咁唯有試對尖既...其實我幾驚著咁尖的...我隻腳不嬲都好煩...成日腳指抽筋...著呢d鞋一定攰...所以我既抽筋指數一定好高...即管試啦...不過無想像中咁舒服...大一個碼又鬆...o個位老闆...成日同我講唔好意思...又成日講對唔住...~__~" 實在禮多人奇怪呢~~
終於都買左...就係買左呢對呀...!!
呢對都係for去影相...是旦啦...到時頂唔順咪著番我既戰友~~converse囉!!!!
再睇埋d褂鞋...有兩個款都ok...都係80幾元...不過無試著喎...阿B叫我著D有跟既...試左一款都OK既...不過都係睇下先...呢對又唔急既...其實我心目中有一對幾鐘意D色...不過未知響邊度搵到...有人曾經響呢度買到架...不過而家唔見左...借網上找到的相黎分享~~謝謝!! ^^
而跪墊都有心水既...我鍾意d特別既款式...上次問過花得囍...而家已經無得賣呢對雞雞cuhsion喇...我極鍾意呢...嗚嗚~~~
而另外響網上睇中呢款...不過唔知係咪又斷貨呢...個賣家無覆我~~~
唯有再努力去發掘下有冇仲靚d又特別d架啦~~~~
丫~~~其實可唔可以用大口仔 cushion黎做跪墊呢?! 唔係紅色既又得唔得呢?!
***
之後再去卓悅買埋乾濕粉撲同埋假眼睫毛就返屋企喇...因為太多人啦...而且開始好攰喇!!!
唔知呢d 啱唔啱用呢? 因為對化妝品既野無乜研究呢~~~
羅浮宮揀衫日
今日約左羅浮宮12:00揀衫...之前上網睇過下...um...心水都係 suki 系列的...因為新d嘛...唔通揀李嘉欣咩!?
其實影城唔係好大...門口已經係幾個景 @@!! 真係佩服!! 影出黎真係睇唔出!!
上左二樓...一坐低個 sales 就比左幾本相簿我地睇...叫我揀六件婚紗六件晚裝黎試...仲放低埋suki同老孫o個本影集...話 suki o個d未放落相簿...
睇左一輪...其實無乜驚喜...可能睇得出面太多喇...而且之前又影過...揀過又試過出面好多次衫...變得好似麻木左咁...終於係咁掀係咁掀...搵d未著過未試過既款...
終於搵左件小吊帶型...莊思敏's 層層裙...suki's 花花裙...suki's 蝴蝶裙...仲有兩件都唔記得咩款...因為著起黎唔係咁鍾意...小吊帶o個條著起好瘦...不過唔想揀舊款...所以試番suki o個件...花花裙一著就好鍾意...因為幾襯我...而且呢d款我唔會揀黎擺酒著...所以就呢件!! 跟住試埋條層層裙...幾 young look...橫惦未著過呢款...而且一定唔會揀黎擺酒著 (又係呢個原因)...所以就要埋呢件!! 之後sales拎左件掛頸既比我試...um...好唔得...著得我好大隻呢!! 終於兩件婚紗都揀晒!! 我都覺得我效率超高@@!!!
***
呢條就係花花裙...一睇就好鍾意!! 著起黎我好似女仔左好多!! 加埋呢個理由...就呢條!! 不過到時我想唔要手臂o個舊...好似好阻訂咁...試衫時無試到呢舊野!!
呢條就係類似o個條層層裙既下身...實際個款唔多記得...不過係有小拖尾既!! 而呢條無揀黎試...因為裙前面d粉色花花...好似痴左好多垃圾o係身咁@@!! 不過上身幾靚的!!
之後睇埋d晚裝...um...真係無乜揀得落手...又係搵d唔會擺酒著o個d...終於好難先揀到四條...其中兩條係 suki's 系列...
首先試呢條...um...著起都ok好睇...不過 d 黃花好殘呢~~~突然心諗...比人著黎影相d 衫...究竟幾時會洗一次呢?! @@~~ 我懷疑係唔會洗!!
之後試另一條...都唔記得咩款...好似紫紫藍藍咁...不過感覺好似好舊款...所以即 out!!
再試埋 suki o個兩條...
呢條著起黎瘦d...都幾清新下...不過之前響巴黎婚紗著過條類似呢隻色...雖然一致好評...影相出黎效果好靚架...而且會著得個人幾精神咁...不過唔想太重覆類似...所以只好放棄~~~
最後試呢條...係我心水之一...不過 d 蝴蝶開始舊喇...因為我未試過呢隻色...響無乜選擇既情況下...揀左呢條...著起黎好似無乜收腰咁 @@!! 要努力 d 先得!!
綜合今次揀d衫...全部都唔係成熟款@@!! (扮 young?!) 所以我會要求個化妝造型師幫我 set d young d...化d young d 既妝...哈哈哈~~~
不過朋友都話我唔o岩成熟 feel...可能我個樣低 b...加上面圓圓...而且行為又粗魯掛!! ~___~" 著起似男人扮女人多d...所以 d A-LINE款...佢地見親都話唔o岩我...!! 但係我鍾意呢d款多d啊!! ><"
今次呢幾件...仲令我有番d自信...全部拉得埋拉鍊呢!!!! 完全唔駛用布扣針啊!!!! 哈哈哈~~~ 不過近黎係瘦左少少...無咁水腫~~ 但係好似一直無再瘦過喇...而家驚隨時反彈!! 但阿B話...唔知係咪因為Suki胸大...所以件衫闊d...車...關乜事o者...呢幾套新款既有幾件架!! > <"""
***
個sales幫我試身後...話我個 girdle 有d鬆...問我有冇興趣響佢地度買...可包改...不過我拒絕左...我話我減緊肥所以鬆!! 哈~~ 係真架喎!! 而且我扣到最出...係鬆d既...
之後又拎d package出黎...問我地駛唔駛訂埋花球...裇衫...乾濕粉撲...假眼睫毛之餘此類...我地本著一蚊都唔加既信念...咩都唔要!!
再跟住又拎部手提dvd出黎...播suki同老孫拍攝花絮比我地睇...要二千幾啊...cut出黎好似 3-4 mins...我又唔係明星...o個3-4mins唔駛咁貴...!! 而且上次巴黎婚紗已經加送左呢d拍攝花絮比我地...都唔駛 $$~~ 擺酒時播唔到咁多野喇~~~ 我又無乜fans...呢d making of 既野唔駛啦~~
不過我諗係公司規定要sale以上既野...其實個sales都係好似順口up...順手拎出黎咁...都無迫我地買既意思...話唔要佢都好爽咁...仲問我地用既係真花定絲花球...叫我地去買d頭花...而d乾濕粉撲同假眼睫毛可以去卓悅sasa度買...
成個過程好輕鬆好愉快...全程包埋等只係用左個半鐘...非常暢快!!
可能今日係假期...好多對新人響度影相呢...!! 比起巴黎婚紗...呢度環境普通...而且化妝的位置好似好迫咁...上次我地係貴賓級呢~~
希望16號拍攝順利...天氣良好就好喇!!
個package係送中式拍攝...不過買相就要另加 $$...有件中式幾吸引...類似而家好興o個d新潮褂...我幾鍾意...如果有得揀呢件黎影...我就加 $$買相...呵呵~~ 而且我鍾意suki呢個頭...直覺上覺得幾襯我...um...可能大家都係面圓圓似 pizza啦~~~
訂閱：
文章 (Atom)