去完羅浮宮揀衫...跟住出左太子...行下金都...因為阿B要買裇衫...響地下睇左一間既款都OK...要二百幾...咁上去上面睇埋其他先啦...到 Big Day 時會有兩件裇衫替換...因為阿B超大汗...哈哈~~~ 佢上次做兄弟幫人影相...o個日氣溫得o個幾度...凍到痴根...佢居然都會個身濕晒呢...Big Day佢一定會緊張仲出汗啦...佢仲話最好下午影完外影返酒店沖個涼添呀!! @@~~ 其實我都想呢...至唔鐘意個身痴立立...去完外影...返去沖個涼再化妝set頭...唔知夠唔夠時間呢?! 哈哈~~~
睇左兩間...終於去返上次細佬租禮服o個間買...好似賣$180幾...試上身ok...買住一件要黎影相先...遲d再睇o岩先買...話唔定再買過兩件新的~~
經過d婚紗鋪好自然又再望下d衫...見到一件幾靚既A-line婚紗...真係好想著一件係A-line呢!!!! ~___~" 你地就比我平凡D啦~~~ 其實我覺得簡單就是美囉...可能我個樣平凡...實在唔想搞太多野...
其實我仲有件衫未 join 的...不過都的唔起心肝去睇...可能過左度氣...又懶...弊啦!! 遲d搵唔到...心水比人hold晒...我實後悔又怪自己了~~~ 搵日真係要去搵了!!
***
跟住行去旺角...途經 blog界傳說中的有利鞋鋪...其實之前都黎過睇一次...都已知正確位置同有咩款...真係好簡單乜裝飾都無既鞋款...而且真係好平...$75咋...仲會響邊會搵到呢?! 拎左兩對白色款既上樓試...d樓梯好難行...上到去都幾多人試鞋...個賓賓問我要乜size...其中無咁尖頭既款無我size...得38...咁唯有試對尖既...其實我幾驚著咁尖的...我隻腳不嬲都好煩...成日腳指抽筋...著呢d鞋一定攰...所以我既抽筋指數一定好高...即管試啦...不過無想像中咁舒服...大一個碼又鬆...o個位老闆...成日同我講唔好意思...又成日講對唔住...~__~" 實在禮多人奇怪呢~~
終於都買左...就係買左呢對呀...!!
呢對都係for去影相...是旦啦...到時頂唔順咪著番我既戰友~~converse囉!!!!
再睇埋d褂鞋...有兩個款都ok...都係80幾元...不過無試著喎...阿B叫我著D有跟既...試左一款都OK既...不過都係睇下先...呢對又唔急既...其實我心目中有一對幾鐘意D色...不過未知響邊度搵到...有人曾經響呢度買到架...不過而家唔見左...借網上找到的相黎分享~~謝謝!! ^^
而跪墊都有心水既...我鍾意d特別既款式...上次問過花得囍...而家已經無得賣呢對雞雞cuhsion喇...我極鍾意呢...嗚嗚~~~
而另外響網上睇中呢款...不過唔知係咪又斷貨呢...個賣家無覆我~~~
唯有再努力去發掘下有冇仲靚d又特別d架啦~~~~
丫~~~其實可唔可以用大口仔 cushion黎做跪墊呢?! 唔係紅色既又得唔得呢?!
***
之後再去卓悅買埋乾濕粉撲同埋假眼睫毛就返屋企喇...因為太多人啦...而且開始好攰喇!!!
唔知呢d 啱唔啱用呢? 因為對化妝品既野無乜研究呢~~~
我都去左羅浮宮租衫呀~~ 我重未買鞋呀,我唔係咁想買尖頭鞋,而且好似好辛苦,但成間野都係得尖頭,都係上廣州睇下先~ 你買粉撲同假睫毛自己化妝呀?
回覆刪除[版主回覆05/18/2009 23:51:00]我去羅浮宮影婚紗相啊~^^
影左喇...對鞋著左成日...真係都OK喎...
起碼唔攰啊!! 而且我無著到抽筋呢!! @@~
粉撲同假眼睫毛都係要黎影相用架!! 不過大盒o個款佢地話唔o岩用喎~~
lee個雞雞cuhsion同對鞋都好靚呀..
回覆刪除[版主回覆05/21/2009 00:24:00]真係好靚啊...不過我問過花得囍...佢話無得賣喇!! ><"
對鞋我好鍾意丫...不過都唔知響邊度可以買到啊!!
等我都去搵下先
回覆刪除如果搵到通知你
[版主回覆05/24/2009 23:20:00]好啊!!! ^^
大家多d交流分享下!!!!