響上個星期六及星期日...因為天雨...所以無出街...匿左響屋企兩日o牛蟲......不過星期五晚我地好有先前之明...買定晒兩日既糧食...heehee~~
2010-02-06星期六的晚餐:
JB Menu ~
(1) 三色椒炒牛肉
(2) 匙油王雞翼
(3) 甘筍花生眉豆雞腳湯 (百佳湯包...加舊瘦肉)
我負責切既材料...哈哈哈~~ 我刀法幾 " 厲害 "!! 嘿嘿~~ 切得好鬼樣衰...!!
二人合作既完成圖~~!! yummy~~
2010-02-07 星期日的晚餐:
JB Menu ~
(1) 清炒菜心
(2) 臘腸飯
(3) 四季豆炒大蝦
(4) 甘筍蓮藕馬蹄豬展湯
今日主力係阿B炒...我只係做助廚...HEEHEE~~
真係好~~~~ 兩次都係佢洗碗...!!
近月要做年結...好多數要計...成檯面都係野...睇數字睇到我眼都懞...前一排個mon既鬼影仲越黎越嚴重...忍左好多個月喇...終於忍唔住請同事換第二個mon比我...雖然都係舊mon...不過無左鬼影令到我對眼舒服好多...真係好開心!!
近黎公司裝防盜攝錄系統...所以買左個新 mon...我上司居然話換個新 mon 比我...星期一返到公司一見到好開心呢!!!! 因為阿B係完全無話比我知的!!
呢個係 19吋 mon...比之前既 15吋大好多...雖然我響屋企都係用19吋...但都係要黎上網打機多...響公司對於我做數就方便好多...用excel時唔駛成日行黎行去咁煩...特別係響呢排成日要做咁多 report ...真係做得爽快好多!!
我上司仲專登走黎問我係咪換左好好多...我仲多謝佢添呀...嘿嘿~~ 不過佢即時又比多幾份野要我跟...仲要好急好趕o個隻.....真係一擔砂糖一擔C呀!!!! 
舊時既工作位同而家個位...其實都係同一位置...haha~
玩完遊戲...又四出同d親戚影集體相...真係好多謝d親戚朋友賞面黎...好耐無試過咁多親人一齊照相喇!!
之後出去 receiption 影番少少合照...我地個 Floor plan & seating plan ~~ 個座位表之前一晚仲改緊...所以百忙中有少少出錯...哈~~~ 都無乜影響~~
當然要同阿B響佢既心血傑作~~~相樹前影下相啦...無理由賓客有影...自己主人家反而唔影架嘛^^
時間過得好快...籌備八個月的婚禮 (實際有行動只係兩個月左右...haha~~)...就在今晚實現了...雖然唔捨得呢個大 Project...不過都係時候要出去送客了...不過我地響出面企左好一陣都無賓客走...@@~~ 姊妹Y仲問我公司聽日係咪全公司放假@@~~ 而兄弟A就話肯定D人以為仲有遊戲玩...又或者六合彩唔中所以唔肯走...哈哈~~
之後陸續開始有人潮...今晚真係招呼唔到...真係唔好意思~~
阿姨的小孫女...玩遊戲時...佢幫我地未來BB改左個名叫 : 曾寶珠~~~哈哈~~~ 為佢 Daddy 嬴左 500蚊任洗既大毛巾...哈哈哈~~~ 我弟婦仲玩阿姨: "阿姨...你返去慢慢洗喇~~!" 哈哈~~
同事的囡囡...佢成晚係咁咪咪笑咁望我...之後忍唔住叫佢媽咪問我 : 姐姐今晚著既裙...裙底識唔識變魔術...?! 哈哈~~ 因為佢睇過馬仔既"我的低能婚禮"囉...比佢笑死我~
小妹妹仲送左個親手整既音樂盒比我做結婚禮物呢~~ 呢份心意令我好感動^^
好多同事都好比面黎飲...仲話我今晚好靚...總之真係好感激...好開心... 特別係某幾位...響我地正在煩惱時爽快的義不容辭的幫忙...真係令我地鬆一口氣...^_____^
我阿 head...佢兩公婆份人情好厚呢...年尾唔會響我地 bonus 扣番架呵?! 哈~ (見唔見到有班人企晒響入口處? 就係我地班同事...佢地個個唔肯走先...所以我地阿head先打頭陣走...@@~~場面好搞笑~~)
好同事...!! 多謝你地一家大細啊!!! ^^
同事問我對手重唔重...當然唔重啦~~ 我咁少金器...哈~~ 不過金雖輕...但情義卻重......
之後 fing 多幾 fing...有隻鈪飛趺落地...@@~~ 兩個攝影師即刻走過黎係咁影...@@!!
真係好多謝各位黎到我地呢個小型 Party ...今晚真係好開心...好難忘...個個都係熟識既人...令我完全唔駛扮斯文去 social...hahaha~~~ 令我有個真我性情的婚禮...我地請人唔多...所以無大排延席...坦白講...我地識既人都唔少...不過唔想係人都請...見人就炸...耍請既個個都係真心真意的朋友...真的感覺很幸福...!!
送別大部份賓客之後...錄影師幫我地拍埋個 ending ... 叫我地兩個同對方講下想講既心底話...我當然係多謝阿B幫我實現左夢想啦~~~ 其實我地個婚禮一D都唔華麗 ...無好感人的場面...亦都無浮誇...但當中卻存在很多的心思...絕對唔係人有我有既貪心...其實當晚及之後...聽得最多既係: 你地真係好落心機......其實我諗就係咁彌補了很多的不足......點辛苦都係值得的!!
就是這個人令我有個開心難忘的晚上......!!
再唔捨得...都要講拜拜喇....!!
我們永遠記得 2009 年 10 月 18 日 這天所遇到的人和事......
謝謝各位收看啊...HEEHEE~~~ 在此亦祝各位幸福快樂!! ^___^
先前訂的利是封...終於收到 Janice 通知可以交收喇!!! 噚晚出左旺角...響彌敦道塞車...之後要落地鐵站...條街勁多人...感覺行左好耐先落到去
Janice 一見到我就問係咪訂左大口仔o個個...佢問我有冇環保袋...仲叫我打開幫我袋入去...真係好服務@@~~ 不過數量唔足...差十幾個...算了~!! 佢自己都讚整得靚~@@!! 真係唔該晒佢幫我將個圖由 jpg轉做 ai...我真係唔識呢d野!!
仲訂左d貼紙...好得意~~ 嘻~~ 我仲問阿B...我地駛唔駛練習下用咩姿勢派比人...哈哈~~~ 
收到後好開心...即刻拎左一套出黎睇......一紅一香檳金...這就是我們的獨一無二的利是封及貼紙了~! YEAH~!!
原圖:
成品:
【明報專訊】虎年快將來臨，一項調查發現，58％受訪者表示今年會派20元一封的利市，其次是10元、50元，只有4％人稱會派100元一封的大利市，有18％受訪者預計今年派利市的總金額會較去年多。
18%料派利市金額增
香港研究協會於1月27日至2月3日隨機抽樣電話訪問了1479人，在自稱屬於「派利市」的受訪者（861個次樣本）中，最多人（58％）計劃平均每封利市會封20元，其次（24％）是10元、7％人選擇派50元，4％選擇「100元或以上」。至於派利市的總金額，18％受訪者預計今年會較去年「增加」，較去年同類調查多8個百分點；14％人表示會「減少」，較去年調查跌10個百分點；表示「差不多」的佔68％。
調查亦發現，兩成半受訪者預計今年新春的消費會較去年「增加」，較去年調查多10個百分點，是同類調查5年來首次錄得上升，反映經濟回暖給市民帶來新希望；表示「減少」新春消費的佔21％，表示「差不多」的則佔54％。
引自: http://hk.news.yahoo.com/article/100208/4/giix.html
*** *** *** *** *** *** *** *** *** *** *** *** *** *** *** *** *** *** *** *** ***
旺角實在太多人喇...所以去埋旺電幫公司買左個 mon 之後就走人喇...返左太和先食晚飯......而家太和商場裝修完之後...多左好多飯堂選擇...今晚我地試左呢間...味道還可以...不過份量似乎有點少呢!!
第一年做人老婆...點都要對D長輩識做既...所以響聖 anna 買左d新年糕點禮劵...其實我地年年都幾識做...@@~~
