超抵的哈根大雪糕!!!!

今日公司位 " 零食達人 " 話比我知沙田 Yata 做緊 哈根大 雪糕 promotion... 買十個 89g 的雪糕杯 ( 口味任揀)... 都係百六蚊左右...仲送3個 89 g 的新口味橙朱古力...咁仲唔止呀~~~~ 拎住張 recept 去 哈根大門市...仲送多你一個 397g 既家庭裝雪糕呀!!!!!!!

係咪超抵先?!   唔買對唔住自己個肚啦下話!!!!!!!!!!!!!

我去o個時都唔係好多人買...好快到我...不過效率麻麻囉...首先揀左味之後...要拎住晒d雪糕去排隊比 $$ ...之後返去 pack 箱...咁d雪糕會好容易溶架嘛...@@~~~ 好彩佢會入d冰粒同埋乾冰落去個箱度...但係就要抱住個箱走去門市再換埋盒家庭裝雪糕...都幾重下架...雖然可以遲d先換 (一個月內)...不過一次過好過分幾次去拎啦~~~

去到門市...態度及服務要比 5 粒 ...個女仔見我抱住個盒...就叫佢同事比個大袋我裝住...真係超貼心呢~~~~

嘩嘩嘩~~~ 睇見都開心呀!!!!!!!!!!!!!!!!!!!!!!   已忘記左 " 肥 " 呢個字喇...一於食完先算啦~~~   笨左添喇...我應該每個口味要一個...我有幾個係重覆的...嗚~~~

兩個低 b 之後又拎 d 乾冰玩...

放落匙巾度發出 "吱吱" 聲架~~~

乾冰加左水之後...好多泡泡出黎呀...好得意呢...哈哈~~~

好似拍戲既仙景一樣呀~~~~~~~~~~~哈哈~~~

我諗無人會好似我地兩公婆咁無聊?!  heehee~~~ 呢 d 就係我地既生活方式了......

 

 

 

2010-07-03 & 2010-07-10 深圳錢櫃

連續兩個星期六都約埋細細佬同佢 GF...四個人上左深圳唱歌仔...呢間錢櫃好大架...不過我覺得佢就執咁...以前有得食 buffet ...買佢 d 代幣仲有其他特別野食...前一排無左呢個咁吸引人既地方喇...而家只有加十蚊既下午茶餐...可能因為咁...少人左好多啦~~~!!

雖然佢 d 下午茶餐既賣相又幾靚下...不過始終多 d 野比人揀會感覺好 d 又抵 d咁啦~~

其實而家 d 新歌我都無乜點聽過...而且唔似以前 d 歌咁好聽咁...所以我地都係揀番 d 舊歌黎唱...@@~~~ 反而我細細佬就咩歌都識唱...所以佢負責揀歌...我地識唱就唱啦~~ 呵呵~~~

不過o個日超級熱呀...晚餐時去左 pizza-hut ...熱到呢...中央冷氣喎...無得較大 d 喎...@@!!!!  一路食一路流晒汗呀!!!  嗚~~~

黃雨中的 BBQ

June 27, 2010 (SAT)

移民左去澳洲的肥仔朋友...返左黎香港逗留兩個月左右...佢話想搞個 BBQ Party 玩下...可能佢響袋鼠國無乜機會燒野掛.......大熱天時...其實個個聽到都有d驚...哈~~~不過咁難得佢返到黎就滿足下佢啦~~~~~~~~~~~~不過當日最後竟然係佢燒得最少...而佢又係至怕熱既一個...哈哈哈哈~~

燒野食前o個個星期...日日都落雨......雖然朋友屋企有蓋可以遮雨...不過都幾狼狽下囉@@~~~ 

點知我地o個日出發時仲要係最大雨...去到朋友屋企仲黃雨添呀!!!!!!!!!!!!!!!!!!!!!      肥仔真係超級貴人黎架!!!!!!!!!!!!

我地準備左兩盤食物帶去燒...就係什錦丸...同埋芝士牛油蝦.......yummy yummy~~~

阿B好好心機將D蝦開背...再將D芝士同牛油"讓"入去...再包張錫紙包住...叉住黎燒...嘩!!!   好正呢~~~  至衰o個日勁多蚊又大雨...所以都無拎相機出黎影相啊...因為又要食又要抓痕...相當忙呢~~~~~~~~~~~~~~~

而阿松嫂準備左相當多既食物比我地燒...單係雞翼已經有辣同唔辣揀選...仲有好美味既自制黑豚肉...更有幾款味道揀...秋刀魚...豬仔骨...鹽燒青魚...超級日本蕃薯 (超貴...三十幾蚊得兩條)...栗米等等......份量仲超級多...

我地每次燒完...佢老公都要帶成個星期既 BBQ 飯盒...哈哈~~~可想而知份量有幾勁...下次一定要影低呢D震撼場面先得!!!!!!!! 

 

My First Rubber Stamp

今日 lunch 有時間剩...所以就雕左我人生的第一個橡皮圖章...其實真係好難控制把刀...用左半個鐘左右...雕左隻無手既聾貓出黎...哈哈~~~ 不過未試印啊...因為我無印台呢..... 所以唔知效果係點...不過遠睇還可以...近睇d線超樣衰...... 唔知點解雕完之後我覺得對眼好"劫"...唔通我對 d 橡皮膠敏感...@@~~~

登．．．登．．．登．．．

我既劣作呀～～～～　刻得有點求其．．．還需要好努力先得．．．．．．

 

2010-06-20 我最愛的日式飯

阿B煮野食都有少少心思的...呢款就係佢成日整比我食既日式飯...真係我既至愛...食極都唔會厭的~~!!   簡簡單單...平時唔好米飯既我...都會食到一粒米都無剩!!!    正~~!!

什麼店尋寶

上幾個星期見到有 blogger 發現斷貨多時既橡皮膠出現在什麼店!!  即刻出動去採購...點知旺角無...火炭無...灣仔無.......有點失望......

不過前幾日有 blogger 維維小姐又發現 mega box 有大量存貨...所以今日放工後即刻叫阿B陪我去掃貨........!!!

其實呢間什麼店同火炭都差唔多大...不過賣既野就吸引好多...哈~~可能火炭o個間我已行慣...賣d咩都睇慣......所以去到第二間就好似發現新大陸咁......

終於見到傳說中既日本三層橡皮膠喇...比想像中細塊呢~~~只有大概 8 x 10 cm...因為怕生手容易刻壞...所以買了十 多塊...有排玩了!!  而呢度仲有幾款彫刻刀選擇呢...我買多了一把丸刀......

我掃完之後有個男生又黎掃貨...佢好有良心咁拎剩一塊...@@!!  haha~~

唔駛擔心...其實仲有大把貨呀...放左響第二邊呀!!  睇下~~~幾震撼~~用 iphone 影得有點手震...haha~~~

以下係我今日既收穫~~~嘻~~

這橡皮膠還是 Made in Japan 的呢...三層分別是藍色...白色及黃色...很精美...!!

還買了幾塊木頭仔...可惜搵唔到迷你 size 的丸刀...只有中及大 sizze...試下好無用先...

呢d手工紙係用黎遲d整野用的~~~ 多顏色又花 look look ...啱我!!

買左兩個 postcard holder 用黎入我地既足跡...嘻~~~ 仲有個細 holder 遲d用黎入住橡皮圖章既原稿...

仲有呢兩包雀仔夾...好靚呢...雖然未知有咩用...HEEHEE~~~ 丫... 試下彫呢隻雀都好喎!!

掃完什麼店...行左去隔離鋪頭...嘩...好多俄b 啊...不過我好乖...忍手一個都無買!!!  不過我實在好喜歡最上面o個個大袋呢...嗚嗚~~~好唔捨得...唯有影低啦!!

實在好可愛的樣子...!!!

食完飯...臨走前睇班人比賽打冰上曲棍球~~~ 好刺激呀!!  而且d運動員好似好型添呀!!  haha~~

手臂的創傷

右手的手臂...一直都係咁痛...可能因為實在太唔小心...唔係比人整到就係自己論盡...有幾次無拉拉都撞埋牆...真係懷疑自己係咪發雞盲......

早兩個月前睇過趺打...係好左d咁...不過轉頭又拉傷左...轉睇西醫...佢話我應該係拉親筋...肌肉發炎...睇左兩次普通科醫生...食左兩次消炎藥...擦藥膏...無效!!!  完全無減輕過痛楚.....其實都好困擾...因為開始影響我日常既生活...手開始不能向後彎了...代表問題嚴重了!!

唯有轉睇骨科...每次都五百幾落樓...又係比消炎藥...食左三次 (每次七日藥)...都係無乜效...又唔寫紙比我去照 x-ray...其實都開始擔心係咪有其他問題存在?!  但次次骨醫左按右按我隻手又唔痛喎...係要郁到某一個位就好似甩骹咁痛...隻手係痛到唔識"第"起...o個種刺痛的感覺...我真係唔識形容!!  我直覺係d骨既問題.......

而家骨醫寫紙轉介我去做物理治療...成四百蚊一次...><"...book 左呢個 Friday 做...希望會轉好啦...!!  最無奈係骨醫先生叫我唔好灰心.......~___~"  咁反而令我更擔心....

近呢兩個月我不停咁食呢d消炎藥...轉過幾次藥都係完全無效...食咁多藥...真係有點吃不消...搞到我個人都腫起黎!!!  

唉...仲想開始試玩橡皮圖章...隻手舉耐d都痛...嗚嗚~~~真係無晒心機呀!!