2011年3月13日星期日

2011-03-10 終於成功了的芒果流心布甸!!

上星期四晚 (10/3)...再試做芒果流心布甸...!! 我一定要完成呢個甜品!!!

經過兩次的試驗...響欠呢樣欠o個樣既情況下...味道都還可以...不過完成唔到總係有d 籮籮髦...呢晚買到芒果就梗係要再黎多次啦!!

材料:

一早已預備好既流心饀 (呢個要早一日完成)

花奶

芒果啫喱粉

重點所在的芒果...切粒備用

減少了份量的魚膠粉

首先將魚膠粉 & 啫喱粉加熱水搞勻...耐涼一會...

再將花奶 & 芒果粒加入再搞勻...

之後倒入 1/3 的份量入杯內...放入雪櫃雪至表面凝固...大概五分鐘左右...但唔可以雪咁耐...凝固到可以承托粒流心饀既重量就得喇~~~

待凝固之後...將流心饀放在中間位置... (呢個步驟今次唔記得影相...用番上次o個張...@@!!)...再倒入芒果布甸水...要完全遮蓋粒流心饀...先放在冰格急凍一會...之後放回下層雪幾個鐘就可以食架喇~~~!!

食得喇~~~ 今次甩模係用座熱水...不過都唔係好易甩...我有用刀介邊再用少少力唧佢出黎...@@~~

啦啦啦~~~今次大成功呀!!! 既有芒果...又有流心...!! 個樣都幾靚仔下...

今次味道非常好呀...而且仲好軟滑...芒果又好甜...正呀!!

不過呢個份量只夠整3杯...有d唔夠喉啊~~~!!

仲有個芒果剩...整唔整多次好呢?! 哈哈~~~

2011-03-12 今晚食乜餸...?!

星期六的晚餐...又係玩焗爐...焗爐整雞翼真係超方便...又好味!! 今晚仲買左安格斯牛柳粒...真係又香又好味~~!! 加埋個滋潤的西洋菜湯...非常飽呢~~!!!!

2011-03-12 細細打針

星期六 (12/3) ...又係細細一年一度的打針日...隻傻妹次次一入到去見醫生就非常緊張...係咁狂震仲好想走咁...d狗仔真係好記性...知道黎親呢度都係打針...好唔鍾意~~!!

今日打左兩支針...一支係防疫針...另一支係心蟲針...一連打兩支咪話唔痛...醫生話支心蟲針會痛d...不過隻狗仔好勇敢...無逃走無哼過一聲...佢真係好乖既呢~~~

之後我去左街市買餸...因為想買兩日餸...所以都幾重下...阿B響架車等我...買剩兩樣餸...諗極都諗唔到仲買D咩好...所以拎D野返去放低先...阿B話接力去幫我買埋...

隻狗仔細細極想阿B帶埋佢去呀...企響度係咁望住阿B行去街市...

坐立不安咁...

傻妹~~~佢一陣就返架啦~~!!

周圍扒黎扒去...

四圍係咁望...痴情得佢丫~~~~

望望下仲想跳埋去後座...@@~!!

呢隻小狗真係痴身到不得了呀~~~!!!!

返到屋企一樣咁精神奕奕...次次打完針都好驚佢會唔舒服......

2011年3月12日星期六

2011-03-09 有煮意

星期三晚...阿B要 OT...我又唔想留響公司 OT 做野...因為公司實在太焗...焗到我有D頭暈既感覺......再做我會訓著...

阿B話大概七點先走...咁佢又暗示叫我最好唔好去行街...嘩哈哈~~~~ 收到啦~~~!! 咁我咪同佢講 : 得啦~~~我有 "煮" 意囉~~~!!

又去左百佳逛...推住架車周圍睇...第一件事就去買芒果啫喱粉 & 淡奶!!! 因為我要再試整芒果流心布甸...!! 我一定要完全無漏材料咁去完成!!!!!! 哈哈~~~ 玩野方面我就最認真...差D將呢晚既 " 煮" 意忘記左!!!

推下推下...執下呢樣o個樣...差唔多買完時...阿B又打黎叫我等埋佢... 佢話黎太和接我...不過要等多佢半個鐘...唔係嘛!!!! 我話比佢知我差唔多比錢喇喎...佢居然叫我響度推多半個鐘頭車...!?!!! 不過我又居然會應承等佢...真係響度推住架車周圍咩都睇一餐~~係咁磨半個鐘!!! Crazy!!!!!!!!!!!!!!!!!!!!!

點知佢黎到見到我架車有 d 煲湯料...佢話咁晏唔好煲...煲粟米湯好了!!! 跟住拎走晒d 野放番架上!!! 打亂我份 menu!!!!!

返到去...合作泡制左呢餐好豐富既晚餐~~!! 兩個人食咁多野...真係痴鬼左線~~~

呢碟係我煮......呵呵~~~ 金菇肥牛卷

呢牒都係我整既~~~~

呢牒係阿B炒既~~~ 蜜糖豆炒雞柳

登登登~~~~ 份量真係好多啊...不過最後係清晒既!!!!!

2011年3月11日星期五