上星期四晚 (10/3)...再試做芒果流心布甸...!! 我一定要完成呢個甜品!!!
經過兩次的試驗...響欠呢樣欠o個樣既情況下...味道都還可以...不過完成唔到總係有d 籮籮髦...呢晚買到芒果就梗係要再黎多次啦!!
材料:
一早已預備好既流心饀 (呢個要早一日完成)
花奶
芒果啫喱粉
重點所在的芒果...切粒備用
減少了份量的魚膠粉
首先將魚膠粉 & 啫喱粉加熱水搞勻...耐涼一會...
再將花奶 & 芒果粒加入再搞勻...
之後倒入 1/3 的份量入杯內...放入雪櫃雪至表面凝固...大概五分鐘左右...但唔可以雪咁耐...凝固到可以承托粒流心饀既重量就得喇~~~
待凝固之後...將流心饀放在中間位置... (呢個步驟今次唔記得影相...用番上次o個張...@@!!)...再倒入芒果布甸水...要完全遮蓋粒流心饀...先放在冰格急凍一會...之後放回下層雪幾個鐘就可以食架喇~~~!!
食得喇~~~ 今次甩模係用座熱水...不過都唔係好易甩...我有用刀介邊再用少少力唧佢出黎...@@~~
啦啦啦~~~今次大成功呀!!! 既有芒果...又有流心...!! 個樣都幾靚仔下...
今次味道非常好呀...而且仲好軟滑...芒果又好甜...正呀!!
不過呢個份量只夠整3杯...有d唔夠喉啊~~~!!
仲有個芒果剩...整唔整多次好呢?! 哈哈~~~
哇哇哇 真係成功worrr hahaa 叻女!!!!
回覆刪除[版主回覆03/17/2011 17:01:00]哈~~ 為左影相比你地睇點樣流心法...
我老公問我 : 係咪次次都要起出黎食咁麻煩...hahahaha~
我都算絕頂無聊喇~!!
嘩..好似好正呀..你就好啦,識整咁多野食..
回覆刪除[版主回覆03/17/2011 17:03:00]真係好好味架!!! 唔難整架...你都試下!!
我其實唔太識整野食架...不過覺得幾好玩咁...就跟住人地整...
好成功喎!!!!! 流心餡....超正呀!! 勁呀~
回覆刪除[版主回覆03/17/2011 17:04:00]呢個甜品真係唔錯...你都試下整黎食丫
我想問 流心饀 係邊到買呀
回覆刪除[版主回覆05/10/2011 19:06:00]流心饀係自己整架...好易架咋~~
流心饀的材料: 450g芒果茸, 沙糖, 1個檸檬汁 將芒果打成茸, 再加入適量沙糖調至適當的甜度, 加入檸檬汁搞勻, 倒在矽膠模度, 放入冰格, 雪至凝結 (大概半日) , 取出切粒放入保鮮盒備用 (要放入冰格)