星期二晚~~~兩個唔知食乜...所以又去推車仔搵靈感...樣樣都想食既情況下...就買左一堆餸...!!!
兩公婆好忙碌咁響廚房整呀整...隻狗仔就會好奇怪咁...成日入黎裝裝貢...
阿B忙碌左一大輪...(我睇佢整多...
是日 MENU:
(1) 乜寶忌廉湯
(2) 芝士火腿餐包
(3) 煎蕃茄
(4) 煎荷包蛋
(5) 蜜糖豆炒腸仔
(6) 香茅豬扒飯
嘩哈哈~~~~ 係咪好豐富呢?! 呢個主意係阿B提出的...我覺得整到出黎好搞笑啦~~~
我們的大堆頭碟頭飯...哈哈哈哈哈~~~~~ 勁好食丫~~~~
前一排見到一直想學既熊貓麵包有團購課程...第一時間約埋 d 朋友買 coupon...之前一見到已經好想學...又近我返工既地方...有次有張 $100 既 coupon...不過到左 expire date 都總係時間唔啱...無得學...好彩啫...家下有半價添~~!!!
不過其中一位朋友仔唔得閒...所以臨時問下公司d同事有冇人想去......咁啱同事個囡囡好想去玩...所以就由佢黎頂上啦~~~~不過我見得佢一個妹妹驚佢悶...所以就問埋另一位同事的囡囡去唔去玩...只要加 $40 就有得一齊合作整一個了~~!! 而另一位同事又帶埋佢姨甥女黎...所以今次既整餅團係最多人玩既一次~~~!!! 好熱鬧呢~~~!!
呢間既環境唔錯架~~~地方好大下...呢個麵包團購好受歡迎...今日個課室就有成30幾人喇~~~!! 有d仲一家三口黎...場面好溫馨熱鬧~~!!!
勁鍾意佢條紫色圍裙~~~ 佢地仲好貼心地提供小朋友的圍裙仔呢...細細條...超可愛~~!!
材料一早已經幫我地準備好放在位置上~~~
呢位阿sir都幾搞笑下...教得都幾好~~~~
到我地開始整喇~~~ 兩位妹妹仔都好認真架...而且做得唔錯呢~~~ 呢個麵包做法都幾簡單既...不過要撻舊粉都幾攰下~~~ 力的表現~~!!
經過一輪既努力...終於個包都成型可以拎去發酵喇~~~~
響呢個等待既期間...阿sir就拎左d作品出黎比我地~~~~~選購...嘩哈哈~~~
不過都唔平架~~!! 一件西餅都 $18...蛋撻至平都要 $5...兩個妹妹仔好想食...所以就請左佢兩個食啦~~~~
等左差唔多成個鐘...個麵包終於都焗起喇~~~~ 哈~~~ 個個麵包既外表都幾好呀...!!
因為出左爐要待涼一陣先切得...所以全班都係拎黎影下相...heehee~~
終於可以切喇~~~~不過阿sir又唔比人開住...要等齊晒所有人都ok先一齊打開...好期待~~~!!!
終於睇到我地既製成品喇~~~!! 比想像中好啵...哈哈哈~~~~
大家興高采烈地拎住傑作係咁影呀影~~~~ 好開心~~~~
呢個就係我同妹妹仔一齊整既傑作喇...唔錯掛...?! 嘻~~~~
兩位妹妹仔都話好好玩呢~~~~ 有機會再帶你地去玩下~~~~~
噚日放工返屋企時...電台剛講緊下面呢段新聞...我家的男人就專登開大聲個收音機聲音...同我講 : "講緊你呀......!!" 佢話我成日夜晚唔訓教呀...哈哈哈~~~
【明報專訊】美國一項研究發現，世上有一小撮天生每日毋須睡滿6小時都能精力旺盛，屬於精明能幹、外向的「少睡精英」（sleepless elite）。
加州大學三藩市 分校研究發現，有約1％至3％人口是天生的「短睡者」（short sleepers）。他們像貓頭鷹和早起鳥兒的混合體，深宵仍不會昏昏欲睡；短睡4至5小時即能精力充沛地處理一日事務，全日都不會打盹，也毋須飲咖啡提神。
體內含「hDEC2」基因突變
此外，一般人倘睡不夠，會脾氣暴躁，辦事能力下降，影響健康等；但是「短睡者」不僅精力無窮，健健康康，還似乎較具耐痛和調適情緒能力，個性傾向外向、樂觀和好挑戰。
有一對母女自嬰孩期已是典型「短睡者」，專家發現她們體內均含一種叫「hDEC2」的細微基因突變。用基因工程人為獲得此基因突變的實驗鼠也有抗睡能力。
古今名人如美國科學家富蘭克林與意大利 文藝復興 三傑之一的達芬奇，均屬「少睡精英」；但英國 前首相戴卓爾夫人和邱吉爾都睡得少，卻要睡午覺，故不算在內。
加州大學研究員傅英惠（譯音）說﹕「我的長遠目標是，有日可以了解夠，讓我們能自塑無損健康的睡眠模式。」
哈~~~噚晚的晚餐...因為之前買左D牛肉 & 番茄等...唔想浪費...所以我地放工後又去玩推車仔...買左少量材料就速回 sweet house~~~ 途中仲買左十蚊雞魚旦諗住頂頂肚先...點知 d 魚旦又唔熱喎...所以焗住拎埋返屋企叮叮佢...睇下會唔會好味番少少......係唔會既...難食既就係難食~~!!! 
因為開始肚餓喇...所以阿B加快速度整呀整...為左快...今次仲開兩邊爐...實行一人一爐...哈哈哈~~~~各有各炒野!!! 我炒牛肉翠肉瓜甜豆 & 金菇...佢就炒菜心 & 蕃茄炒蛋~~!!
哈~~~因為無醃到 D 牛肉...所以牛肉好牛肉味...哈哈~~~ 不過加左 D 黑椒汁落去都 OK既~~~
阿B炒既蕃茄炒蛋...都唔錯啊~~~ 幾靚仔~~!!
呢餐好清淡...都好丫~~~唔好成日食咁濃味既野...健康一日啦~~~~嘩哈哈~~~
今日下午約左一班朋友去學整熊貓麵包...所以阿B就要陪我早起床...仲提早整 lunch 比我食~~yummy~~~
瑞士雞搥又滑又好味~~~正!!!
蕃茄菜心米粉...有營養~~~!! Good~!!
仲有滋潤的甘荀馬蹄竹庶茅根水~~~~
入埋樽方便飲~~~~ 好清甜丫~~~~~ !!
嘻~~~~
*** *** *** *** *** *** *** *** *** *** *** *** *** *** *** *** *** *** *** *** *** ***
整左幾個鐘頭既麵包...送埋兩位妹妹去車站交比其中一個的爸爸...再轉送佢地返屋企...我和同學仔就去左一田行左陣...買左d 衫仔比小君君呢~~~BB衫仔真係好得意...!!
呢件麵包超人日本衫仔...好有型...哈哈~~~
呢面係前面黎~~~
呢面係後面黎~~~
仲有買左三件衫仔兩個口水肩 & 一對手套仔比佢呀~~~好 CUTE 架~~!!!
Daddy & Mommy LOVE Me ~~!! 姑丈 & 姑媽都 love u 呀~~~!!!
之後響太和 join 埋阿B食 Dinner~~~ 返到屋企就一齊品嚐今日既成品~~~~ 綠茶熊包麵包...味道唔錯啊~~~ 都好軟熟呀~~!!! 呢個課程真係幾好玩~~!!
*** *** *** *** *** *** *** *** *** *** *** *** *** *** *** *** *** *** *** *** *** ***
仲有一個月...好期待這旅程......回來後...希望一切變得更美好~~~~
又到兩公婆一星期一煮的時候...
是日晚餐 menu:
(1) 黑椒牛仔骨
(2) 金菇翠肉瓜炒雞柳
(3) 雞腳湯
今晚又用刀叉又用快子食飯...哈哈~~~ 中西合壁的晚餐~~
我家的小狗...我地次次食飯佢都好乖坐響度...博我地賜佢美食...哈哈~~~睇下佢仲咀lum lum添呀~~~
食完又要人陪佢玩...近黎佢超鍾意玩呢隻個頭同佢個頭差唔多大既鬆弛熊...@@~~
聽日就去學整熊貓麵包...本來我地只有四個人去...不過後黎有個朋友有事唔去得...所以我叫左同事個囡囡頂佢個位...而我又帶另一個同事囡囡去同我合作整一個...另一同事又帶佢個姨甥女去...今次超多人一齊玩...呵呵~~~好期待...希望唔會太混亂啦~~~
*** *** *** *** *** *** *** *** *** *** *** *** *** *** *** *** *** *** *** *** *** ***
學習課程一直編排到六月頭...係時候要停停了...上年話比自己一年時間黎玩...做自己想做既事...好開心呢一年黎可以周圍學...周圍玩...可以做好多自己一直想做既事情...令生活非常充實...太滿足太開心了...不過黎緊要開始第二個大 project 了...要學乖喇~~~~ Ready ~~~ gogogo~~~
