星期六...約左班朋友仔去睇小人國3...
之前響新都會行下...玩轉辦公室...幾得意喎!!!
Join 埋朋友後...就去搵野食...朋友仔揀左"茜廊"...不過呢間野D員工態度麻麻...有個女waiter仲發另一waiter脾氣...真係好無禮貌......
食物質素都ok...係人既工作態度真係要改善下啦~~~
呢個係我 order 既豚肉炒飯...都唔錯啊~~~
阿B的士多啤梨紅梅燒排骨...都唔錯呀~~!!
薯蓉田螺
朋友仔的唔知咩排......哈哈哈~~~
乾炒牛河~~~~樣子唔錯啊~~~
好似唔錯的白汁闊條麵...!!
食飽飽就過隔離"葵青劇院"睇"小人國3"喇~~~~之前睇過"小人國1"已經覺得好好笑喇...!!! 好期待呢~~~~
好厲害呢...13場爆滿呢~~~~ 呢個舞台劇真係唔錯!! 笑到我地眼淚水都出...拍爛手掌呀!!! 句句對白精警又搞笑...好到肉呀~~!! 而且 D 演員個個都好落力...!!! 謝雪心更令我地好有驚喜呀...心姐~~~你係得既!!!!
期待已久既 Notebook Making Course 終於都等到 Oli 在平日開班喇~~~
之前一直想報...不過好多時都響 sat...所以無辦法啦~~~
好多款布比我地揀呀...第一眼見到塊俄羅b布就好鍾意...不過個圖太大又橫又直咁...唔太適合做呢本notebook...個圖好難 cut 得好睇呢...之後揀左一幅懷舊味重既布...不過拎起手總係覺得自己唔襯呢d vintage feel~~~所以放棄左...想揀d花花的...太 elegant 又唔似我...所以最後都係揀左呢幅簡簡單單的...
呢本 Notebook 真係全程力的表現呀...打孔已經打到我地個個手都痺...哈哈~~ 特別係打o個個拉釘...真係少d力都唔得...... 好彩手臂已經好番好多...嘻~~~
經過一輪搏鬥...製成品終於都完成喇...好感動呢...!!
第一本自家製的記事簿終於完成喇......真係好開心呢~~~
就係呢口釘...真係要好用力呀!!!
第二日條繩乾左就可以將佢拉埋喇...真係好有滿足感呢~~~!!
Oli 真係教得好好...又細心...真係好感激遇到一位咁好既導師......上埋呢堂...唔知幾時再有機會去上堂 lu...好唔捨得呢~~~~~
今晚去左朱古力度 shopping...勁開心...今次同 Snoppy crossover 呀...買左幾件女裝 T & 一件男裝 T ...送左呢兩份野...幾時都話女人錢易賺...
抹手巾兩條~~ 質地普通~~~
污衣籃一個...呢個靚係好靚...又夠硬淨...不過我唔鍾意用呢類污衣籃...始終係布質地...又唔易清洗...我會送比朋友...佢專儲 chocolate 既野...heehee~~~~
我家的細細小姐...自細食完 dinner 之後一定會問我要零食...佢仲要揀黎食架...唔係樣樣野佢都鍾意食既...佢鍾意食d 香口又有得咬下既零食...軟綿綿o個 d 就一定唔食...仲串到就算入左口都會吐番出黎~~~
呢個晚餐後食零食既習慣...一直都改唔到...因為佢次次食完正餐之後...就會成日跟住我...又或者坐響我附近 (要比我見到佢既位置)...只要我有咩郁動...佢就會即刻有反應...有次試過我唔舒服訓左...佢走入房黎抓張被...想叫我起身~~!! 
有時朝早返工...佢見我吹頭...就會行去床尾度等我...我一郁...佢就行先出房...係帶我到廚房...佢就跟住我後面......即係引導我拎零食比佢食...佢真係好得意...佢雖然唔識講野...但係佢 D 身體語言非常容易令人明白佢想點囉~~!!! 
有時佢腸胃唔好...我唔想比咁多佢食...不過佢隻眼仔好可憐咁望住你...我又會唔忍心令佢失望...所以佢知道呢招係萬試萬靈的!!! 
不過隨著佢年紀開始大喇...成日食零食始終唔係咁健康...所以佢生日之後...都開始減少零食比佢食喇~~~
本來都唔成功的...因為細細勁鍾意食佢食開o個款零食...雞肉條!!! 但係佢無拉拉又唔太食咁...可能轉左牌子...佢唔鍾意呢隻掛...加上佢生日時...我地買左包零食比佢...佢係極唔鍾意食.....所以比左幾次...佢一係擰轉面唔食...一係就放好耐先食...久而久之就無再比佢...而佢又唔再扭要喎...而家無比零食佢食喇...應該算係戒左掛~~~
但係...佢又發掘左一樣佢鍾意食既野...家下我食親佢都會跟住黎...就係蘋果喇...!!! 醫生話狗仔可以食蘋果...所以都放心比佢食少少...不過佢食得好招積的...要我咬晒d皮佢先食...仲要啱佢咀型先食架!!! 大舊d佢都吐番出黎!!! 狗仔之中...佢都算揀飲擇食又招積巴閉喇!!!
當然...佢想食...我地會叫佢做動作的...唔會飯來張口就得!! 哈哈~~~ 平時叫佢企響度都無咁定的...有得食就會響梳化都可以企定定呀~~!!! 睇下佢既目光係唔會離開舊蘋果的!!!
佢等食時個樣係勁乖的!!!! 叫佢做咩都肯做架~~~!!! 
睇下佢...食得幾滋味...佢唔會即刻吞架...識得 " o趙 o趙 o趙" 咬爛先吞架~~~!!
每晚餵佢食蘋果...真係好開心~~~ 不過有時佢都幾無義氣架!! 佢食蘋果肉我食皮...哈~~~有時佢知道個蘋果唔夠爽...或者唔夠甜...佢就只係食少少...有時甚至唔食架~~~!!
噚晚和同學仔一齊又去左玩花藝...今次係學整 " 金莎花束包裝" ...呢堂都係 $99 ...極之抵玩~~
今次阿sir無乜賣廣告喇...大概知道我地好多已經學過...
之後就要即刻開始整野喇~~~~ 今次我地每人有七粒金莎...!!
包金莎都包到我地隻手就黎抽筋...因為成日要用力固定佢黎包...手都硬晒...包到人都忟忟地~~~
比阿sir係咁催叫我地整快d整快d...終於都搞惦喇~~~!!!
搞左成個鐘...兩個終於搞惦喇~~~!!! 都幾花時間架喎!!
阿sir教得其實都幾好既...對我地非常有耐性...嘩哈哈~~~~~~
今堂仲派左張 label 比我地...叫我地貼響個花球上面...哈哈~~~阿sir你係得既...賣廣告既技兩層出不窮呀...!!!
紫色的毛毛~~~~ 靚靚~~!!! 包得也算不錯掛...heehee~~~~
放左學後...阿B出左黎花墟接我...我地響附近搵左間粉麵檔黎食晚餐...
我叫左呢個秘製芝麻雞翼 + 炸蝦餅米粉...雞翼唔錯啊...不過蝦餅就麻麻地喇~~~
而阿B就叫左豌牛腩河 + 淨粗麵 & 菜心~~~
哈哈~~~之前上網睇...有D blogger 話黑白淡奶好過三花既淡奶...無咁"so"味...一路都唔知邊隻係黑白奶...而家見到呢隻杯我就知喇...我曾經見過架喇...不過好似唔係度度都有得賣......
