J & B 開心又無聊的生活點滴部落格

2012年10月10日星期三

香港人要洗燥...哈哈~~

上星期五 (5/10) ...同班朋友去左睇黃子華的楝篤笑...

開場仲有短片睇...好搞笑...!!

黃子華真係好有急才...不過佢家下好瘦啊...肥番D好...無咁殘...@@~~

開四面台...全場爆滿呀...聽講...佢D飛好賣得呢~~~!!

今次既主題係 : 洗燥...!! 所以送番皂...!!

仲有派左張黃色 Lesportsec 的九折優惠咭...

除此之外...仲可以憑咭換領一個袋仔呢~~~

有十幾隻色可以揀架...不過大部份係粉色多...

去沙田幫朋友們找埋...最後揀左呢幾隻色...!!

哈~~~ 希望以後d concert 都送類似呢d實際野啦...

唔好再送d pop pop 棒...太嘈了...次次都耳仔痛...!!

響等待取貨期間...見到呢個散銀包幾靚...波點呀!!! 個sales話只係香港有得賣...@@~~

原來香港都會有呢d優越感?! @@!!

我見個大口仔散銀包都已經黑晒...所以就買左呢個黎取代佢...!!

分三格...最大嗰格...我用左黎裝鎖匙...散銀...其實得幾蚊...!!

2012-10-01 國慶鐵板燒~~~

國慶日... BOOK 左去食鐵板燒...

初時以為好難BOOK...點知呢日成條食街都好靜...

因為放煙花的關係...好多路都封晒呀...而且D人可能出晒海旁霸位啦...

今日相當少人...!!

安排左我地坐鐵板側邊添...@@~~

師傅駕輕就熟咁介開蝦殼...起鮑魚...

生飽魚係咁整熟佢...唔知佢痛唔痛既呢?! @@~~

呢個餐有以下食物...二人份量...都OK夠飽...!!

(1) 鮮活魚濃麵豉湯

(2) 鮮蟹子沙律

(3) 三色刺身 (挪威三文魚...加拿大北寄貝...鱆紅魚各兩片)

(4) 馬來西亞老虎大蝦

(5) 南非孔雀鮑魚

(6) 美國安格斯牛薄燒

(7) 鐵板燒花菇及翠玉瓜

(8) 黃金蟹子炒飯 / 超級海鮮 (碎) 公仔麵 < 呢個我地本身係要飯的...唔知點解師傅整左公仔麵囉...!! >

(9)日式炒雜菜

(10) 日本果汁特飲 (呢個要我地問先黎...)

(11) 和式甜品 (明明寫住任食 & 有幾款選擇...不過落單時又話無得揀...師傅整左乜就食乜...)

味道唔錯...不過太快手食完...@@~~~ 坐左都唔夠一個鐘就走得...!!

本來仲諗住睇埋煙花先返屋企...不過仲要等成個鐘...

而且諗諗下...又驚走時多人...所以最後決定早D返屋企陪細細~~~~

2012 中秋圍埋一齊打邊爐

中秋日的中午...我約左班朋友一齊學整雞仔蛋卷...

之前一日...阿B問我想食咩......我話: 打邊爐!!!!!!!!!

所以...呢日我去玩...阿B就要擔起買料打邊爐的重任了!!! (love struck)

非常開心...去完玩...返去沖完涼就有得食...嘻~~~呢句唔係我講架...係佢講架...!! 哈哈~~

買左非常多野丫...所以阿B話不如叫埋佢妹過黎食啦...

好啊!!! 熱鬧D好丫...而且佢妹唔駛一個人過節啦~~~過黎同阿細玩啦~~~!!

阿B排到碟肥牛好靚~~@@!!

好多野丫...三個人都食唔晒呢...!!!!!

今個中秋最開心係見到細細精神 & 狀態都回復...

仲開始為食起黎...!! 成晚纏住我...不過...你唔可以再食呢D野喇...!!!

你乖啊...要健康就要戒口啊!!!

今年朋友又幫我地訂左半島月餅...唔該晒呢...咁重仲要拎咁遠...!!

下年試下訂嘉麟樓...睇下係咪真係咁好味先得!!!

今年公司畫鬼腳...中左一盒美心白蓮蓉之外...

仲好事成雙...中多盒美心冰皮...!!

拎左四隻返公司...同D好同事分享...!!

今年美心好有水準...D 皮好好味...好有食雪糕的感覺...!!

仲買左個CAKE黎賀中秋...哈~~~ 又幾好味啵!!!

埋黎睇...埋黎揀...^^

2012年10月4日星期四

2012-09-30 中秋整傻雞蛋卷

之前同班朋友買左幾張COUPON...一心諗住學整彩繪蛋糕...

點知真係極難BOOK...無理由轉學其他架嘛...都差唔多學過晒了...!!

最後問究竟邊日會有四個人既位...最後BOOK左 30/9 ... BOOK 完至知呢日係中秋節...

怪唔之仲有位...@@~~~~

不過最後兩位朋友因事黎唔到...搵左另外兩位朋友加入...!!

呢間係第三次黎喇...今次係番MISS教...

一去到...仲有大半人未黎...仲遲到...我地就響度吹下水影下野咁...

終於等到人齊...睇左MISS示範...就開始埋位整喇~~~~~~~~~~

首先係整左隻雞仔材料先...!! 跟住就開始發揮創意...

響牛油紙上晝雞咀...以及雞身了...MISS叫我地盡量整走D洞洞...

如果唔係焗完出黎隻雞會變豆皮雞了...!!!