上星期五 (24/6) 睇左套很不錯的舞台劇...因為過海途中發生了輕微的交通事故...我地遲左少少入場...因為要等過場先可以入去...所以只好響門口睇電視直播~!! 不過電視既影像都幾濛下...@@!!
呢套劇個個都做得好落力...第一次見人扮狗...彭秀慧扮狗女 Sylvia ...真係好搞笑...對白亦很精彩!!
可能本身係狗主...睇落更投入...好開心有機會睇到呢套咁好既舞台劇呢~~~~
2011年6月29日 星期三
2011-06-24 輕微踫撞
上星期五 (24/6) ...過海途中...阿B架車同架七人車發生了踫撞...七人車的司機阿伯點都唔肯認衰...所以阿B決定報警...大家落完口供吹埋氣...我地架車裝左錄影...大家睇埋段片...明明係阿伯唔啱...係都要扒上黎...阿伯點都唔認佢有錯...點都唔肯賠...終於由阿SIR出馬...佢話佢唔係以警察既身份黎比意見的...只係帶番佢兩個返去學車時期...路面上的標誌係代表右面的車要讓左面的車過......咁明晒啦~~~ 阿伯仲要面子地話車多有踫撞在所難免......!! 我地都知丫...不過而家發生左就要有人負責架啦~~~!! 阿伯話一人一半...阿B因為趕時間...所以最後只收佢幾佰算了......!!
負責處理事故既阿SIR講野好搞笑...佢問阿B地址時...又寫錯左...我地話比佢知...之後佢好尷尬咁話執筆忘字...叫阿B幫佢寫...
之後佢抄完阿B身份証...又響度計佢年齡...大大聲問佢係咪...!! 要計既咩?! 笑死我~~~ 後黎佢問我可唔可以比埋身份証佢睇...我同阿SIR講...你唔可以大大聲講我年齡出黎架下......佢極搞笑用手遮住我出生日期...然後問我: "乜佢唔知你幾多歲既咩?! 你仲有咩呃住佢架...?! " 嘩哈哈哈哈~~~~~ 笑到我丫!!!
呢兩日我地都好黑仔...一個趺倒...一個撞車...希望衰運快D走啦~~~~ !! 係咪有人暗中咒我地...!?
2011年6月27日 星期一
2011-06-23 變左大冬瓜
上星期四 (23/6) 仲係成日落雨...出門口時...響屋企附近一個唔留心...成個人四腳朝天"線" 低左...痛到我丫...都唔能夠即時企得番起身呀...又成身濕晒...仲撞傷左手...後來至發覺右手母指扭傷左...
就係呢度...!!! 平時都唔覺滑的...!!! 可能我對鞋開始蝕底喇~~~~ 哇~~~~好痛!!
 |
| Free Hit Counter |
2011年6月24日 星期五
2011-06-21 証書套盒子製作 (開工喇)
星期二晚...左想右想...都係整埋個盒入住朋友的証書套...!! 收藏同擕帶都好似方便d d...
不過整呢個盒可以想像幾難整 (對我黎講)......上次響 Peggy 度學整時...成日出錯...幾個人都嗌晒救命...今次無高手在旁指點...要靠自己了~~!! 而且個盒 size 比上次做的要大幾倍啊!! 會唔會痴唔穩呢...?! 不過唔整過唔心息...開工喇~~~~~
度好晒位...不過都係有點偏差...而家 cut 出黎試組合後...好似大左少少...其實我係預大左...係我驚入唔落......不過而家諗諗下...上下左右都預位既話...本証書套又會走黎走去唔多好咁......太 fit 位又驚好難拎出黎.......我會唔會諗多左呢?!
又要停下來...想一想...... 仲有...好唔好用張紫色直紋紙黎包個封面呢?! 定係去買過張白色直紋紙整好呢?! 諗清楚先................................
我們家的狗仔又黎搞搞貢喇~~~ 佢初頭響遠處望下望下...又扮抓痕...又扮"lam"腳......最後響我隔離訓教~~~ 真係痴身既喞~~~
朋友的結婚証書套製作過程 :
|
| Free Hit Counter |
2011-06-20 補祝父親節
因為父親大人非常的繁忙...所以今年要後補同佢賀父親節...
黃老闆鍾意摸酒杯底...其實都係飲下啤酒...一杯起兩杯止...佢好有節制的...!! 而且太勁酒精佢都唔會飲...佢話嗰 D 太 " 得力 "喎 ....
今次我地又去左大埔街市試食...無去到出名嗰兩檔...試下 " 新旺都 " ...以前食過都 OK架...而家搬左去角落......
三個人食四個餸...真係幾多...下次叫三個好了......!! 個紙包骨...其實係豬扒黎...麻麻地...舊豬扒好鞋丫~~~ 豆腐煲 & 生菜北菇...都算 OK......至好味係個炸藕餅...幾香口下~~~
兩個啤左一支生力~~~~
黃老闆~~~你做乜搶晒鏡啊?! HAHAHAHA~~~~
2011年6月22日 星期三
結婚週年紀念名稱
結婚週年 中文名稱 English Name 解釋及意義
1週年 ~ 紙婚 Paper Wedding 最初結合薄如紙。
2週年 ~ 布婚/棉布婚 Calico Wedding/Cotton Wedding 比較厚一些。
3週年 ~ 羊布婚/皮婚 Muslim Wedding/Leather Wedding 開始有點韌性。
4週年 ~ 絲婚 Silk Wedding 是緊緊地連接著。
5週年 ~ 木婚 Wood Wedding 已經硬化起來了。
6週年 ~ 鐵婚 Iron Wedding 夫婦牢實得像鐵。
7週年 ~ 銅婚 Copper Wedding 像銅一樣不會生鏽。
8週年 ~ 陶器婚 Pottery Wedding 陶器雖美，但仍可打破。
9週年 ~ 柳婚 Willow Wedding 像垂楊擺柳，風吹雨打不能折。
10週年 ~ 錫婚 Tin Wedding 錫器閃閃生光，不會打破。
11週年 ~ 鋼婚 Steel Wedding 不但不生鏽，比鐵還要堅。
12週年 ~ 鏈婚 Chain Wedding 像鐵鏈一樣，交織連銷，永不分離。
13週年 ~ 花邊婚 Lace Wedding 不但堅韌，並且很美。
14週年 ~ 象牙婚 Ivory Wedding 時間越久，越晶透越美。
15週年 ~ 水晶婚 Crystal Wedding 晶瑩而通透，純樸無瑕，不易破。
20週年 ~ 搪瓷婚 China Wedding 滑而無瑕，但跌在地上仍會破裂。
25週年 ~ 銀婚 Silver Wedding/Silver Jubilee 夫婦婚後的一個大慶典，因為能相對廿五年的夫婦，實非容易。
30週年 ~ 珍珠婚 Pearl Wedding 像珍珠般的圓渾，美麗和珍貴，使人豔羨。
35週年 ~ 珊瑚婚/碧玉婚 Coral Wedding/Jade Wedding 嫣紅而寶貴，更為生色。
40週年 ~ 紅寶石婚 Ruby Wedding 愛火依然熾熱，永不熄滅。
45週年 ~ 藍寶石婚 Sapphire Wedding 情深似海，恆久不變。
50週年 ~ 金婚 Golden Wedding 這是夫婦的第二個大慶典，可以兒孫滿堂，熱鬧非常。
55週年 ~ 翡翠婚 Emerald Wedding 像翡翠玉石一樣，是無價之寶，人生中非常難得的東西。
60週年 ~ 鑽石婚 Diamond Wedding/Diamond Jubilee 如鑽石般堅硬不屈，象徵天長地久的愛情，還可以說是夫婦一生中最大的慶典。
2011年6月20日 星期一
2011-06-19 朋友的結婚証書套 (完成篇)
斷斷續續咁做左幾日既結婚証書套...尋日 (19/6) 終於都搞惦喇~~~!!
過程中...至難既就係 cut 咭紙... cut 野一向都係我既弱項...總係會無拉拉傾斜一邊...不過好彩今次相當順利...只係 cut 到隻手有 d 攰 ~~~
不過...臨尾差 d 衰左...就係唔記得貼走光位 ( 証書套中間的接合位)...就已經貼左放証書嗰版上去...好彩醒覺得快...而且仲未痴得實...拿拿聲求其 cut 張咁上下大既 bookcloth ...快手快腳塗白膠槳貼番上去...!! 好驚險啊~~~ 如果已痴實再搣番出黎既話...我驚會整爛呢~~~!!
之後貼放証書那張咭紙都唔係咁順利...其實應該壓多一會等佢平 d 才痴應該會順利得多...成日彈起痴唔實...最後我要補 d ok 膠等佢快d乾先得......
塗白膠槳呢個步驟一定要好仔細...如果唔係...一旦痴唔實...一陣註冊影相跌落黎就大鑊了!!
今次擦白膠槳都好順利...無貼到一忽忽拱起...又無弄污張 bookcloth ...因為我盡量快手塗到好薄......
我們家的小狗成日走黎八掛...
佢又過黎聞白膠槳喇~~~~
封面:
張 bookcloth 咁靚...唔想放太多野阻住晒...所以封面都係以清簡為主...只有側邊的 Lace 加上珍珠白的膠珠仔...簡簡單單的感覺~~~
放相片的地方做了個立體的小窗...用絲帶圍了邊...
放 Pre-Wedding Photo 的位置:
在相片上應該會加工...加上他們的名字及結婚日期...我覺得影相出黎會靚 d ...... 度過放相片的位置...用 8F 要左右 cut 少許......出入亦暢順...heehee~~~ 好彩無失手......
放証書套的位置:
呢四隻角都搞左幾耐下...因為怕貼得唔平均...之後貼珠仔又要好小心痴...好驚 d ok 膠漏落本野度~~~~
貼左珠仔...高貴左唔少...heehee~~~
sent 左比準新郎哥睇...佢再比佢女友睇...過關了......準新娘子話 " 靚靚~!! " 丫.... yeah~~
終於大功告成喇~~~~~ 要向另一樣進發了~~~!!
做邊樣先好呢...?! 好唔好整埋個盒入住佢呢...!?
上次商務恆生咭有折時...買左呢本書...係教 d book binding 既方法...都幾好啊~~
** 星期六趁有空檔的時間...上左 Amor 買左幾張 bookcloth ...而家有八折呢~~~
製作過程:
|
| Free Hit Counter |
訂閱：
文章 (Atom)