送給朋友的姊妹剔名筆

完成左 324 朋友的兩項婚禮用品...會將用剩的少量剩餘物資交回給他們...

見到仲有三朵花剩...就決定幫佢做多三支姊妹用的剔名筆...

就算唔用...都可以搵個樽仔插住佢地放響 reception 當裝飾 (我自把自為地認為...呵呵~~~)

兩個鐘就搞惦晒...但發生左少少意外...我有幾次比支熱溶槍辣親d手指...都只係痛一痛...

當整最尾一枝時...檯面好混亂...又眼訓...隻中指揩左去熱溶槍咀度...痛到人都醒左!!!!

用屋企d有限材料整...樣子唔差掛...?! 

2012-03-17 完成 324 的人情箱

距離 324 朋友的大日子只有一星期...應承左佢 18/3 前做起個人情箱比佢...

上星期六 (17/3) ... 整日都響屋企痴痴襯襯貼貼...終於搞惦喇!!!  效果都好滿意...!! 

早幾日響粉嶺書局買多張紫色皮紋紙...可以將D蓋都包埋喇~~~

之後就要將三個盒痴埋...最難搞係底層的大盒...因為會做活動式...而且個盒又好重身...

驚拉起又蓋合的時候會整甩左出黎...所以一定要痴得好實...單單用OK 膠痴邊都唔放心...

仲要在邊位加縐紋膠紙...最後仲封多條紙條落去...實喇掛!!!!!!!! 

盒蓋邊全用紫色絲帶封邊...感覺上靚D...HEEHEE...其實轉頭都比我用 LACE 痴住遮晒!!! 

之後將D LACE 響個盒上面左砌右砌...合眼緣就開始痴實...

人情的入口...用膠珠仔圍邊痴住...好似 GRAND D 咁...

今次呢個人情箱做得複離過 6 條 1 時做的...物料都用多好多呢~~~~ 時間更加多了!!!

單係痴珠仔都用左好耐時間......!!   連 LACE 內都有痴到...痴左百幾粒啊~~!!!  痴到人都顛呀~~

D LACE 大概痴好晒...就開始襯埋D絲花上去...全部花以紫色為主...!!

頂層砌左個半圓小花球落去...

放埋對 MICKEY & MINNIE 上去試下位...感覺都唔錯...!! 

SEND左比其他朋友睇...佢地話好似結婚蛋糕...哈哈~~~

三個蓋我都無痴實的...主人家可以保留最上部份又得...留埋第二層的蓋都得...無咁丫地方嘛!! 

今次無時間幫對公仔做禮服了...因為硬身的公仔...真係唔知點整好...@@~~~ 無時間研究了~~~

至於最底層...可以就咁開黎拎番D人情出黎...!!!  簡單~~~

終於完成喇~~~ 呢個係人情箱的背面...

我個人就幾喜歡 D 色睇落幾柔和...

正面就係咁架喇~~~~ 靚嘛?!  





希望朋友收到實物後都覺得靚 & 鍾意啦~~~


之後計番D 單...發覺呢個人情箱既成本都唔平...!!

不過...好坦白講...從來 DIY 既野都唔會平得去邊...!! 

已經無計車費, 心機, 手工 & 時間的了.......

324 的人情箱開工

下星期六就係 324 朋友的大日子...不過我只係完成左証書套連盒...

之前周圍搵啱用既紙盒黎整...不過什麼店又無乜呢類盒啱 size...

所以最後響宜家度買一set三個的圓盒...差唔多百五蚊...不過就硬淨好多!!

不過就非常難 cut 呀!!  面層包左叫黃麻質地既布...勁厚身...

cut cut 下阿B都忍唔住幫我手...!!  佢好驚我 CUT 到手...不過佢接力時...我又好驚佢CUT到自己...

今次會整三層...下兩層就可以入人情...上層仲諗緊放唔放主人家交黎嗰兩隻米老鼠...

新娘子想用淺紫色...所以就要用皮紋紙包包佢...仲有D蓋未包好...

因為唔夠紙...要去補倉...!  希望可以在星期日前完成啦~~~~~!!!

0307 & 0324 的結婚証書套連盒

今個月非常的忙碌...因為月尾有朋友結婚...之前應承左幫佢整結婚証書套 & 人情箱...

上星期終於去左 Amor 買了幾卷 Bookcloth ... 終於可以開工了~!!

新娘子鍾意紫色...初時有想過用布做...不過後黎都係決定用 Bookcloth...

買左深紫色 & 紫色的 Bookcloth ... 其實我都唔知做出黎靚唔靚...

即管試下...不過呢隻深紫影相出黎有色差...好難影到原色......

用呢隻 Bookcloth 痴白膠槳一定要好小心....因為好易有印...!!  

終於完成了...!!   希望新娘子見到實物都喜歡啊~~~!!  

新娘子事前已要求用淺紫色皮紋紙做盒子...!!

同一時間...我做多一本結婚証書套比零食達人T小姐...個衰妹突然宣佈3月頭結婚!! 

所以想做一本送比佢做結婚禮物...另外...我地第一次用 EURO 黎做人情...哈哈哈~~~ 好搞笑~!!

時間好趕呀~~~近黎又潮濕...一做起就要即送比佢...好驚趕唔切!!!  又驚痴得唔好......

達人鍾意簡簡單單既野...所以就用番白色 Bookcloth...!! 

而 lace 既花紋都揀簡單d...佢成日話自己係 " 男人 " ...@@~!!!  其實佢好可愛的...!!

盒的lace都係清簡為主...!!  噚晚送左比佢喇...佢問係咪我自己整的...?!  佢讚好靚呢~~!!!  鍾意就好了~~~!! 

佢唔影婚紗相...仲搞笑話放 Pluto 家族 D 相入去...真係比佢笑C我...!!  ^^

我叫佢去 HONEYMOON 影左相晒大放入去...^__^

做呢兩本野真係用左唔少時間...不過如果收到係開心...都係值得啊~~~~~~~~!!! 

近黎 CUT 咭紙 CUT 到我手都痛...

嗚~~~~ 整完晒之後...所有垃圾掉晒...先發覺...唔見左要黎度位既婚紗相...!!!!   一定係包埋響D雜誌紙黎...一揸...掉左!!!!!!!!!! ><"

因為時間急趕...我響 27/2 & 28/2 連續兩晚差唔多整到通宵...仲有個人情箱未開始整...要加把勁了~~!!!


307 結婚的小朋友...祝你新婚快樂...永遠幸福...唔好蝦你老公~~~ HAHAHA

Table Card for 1216 !!

1216 的最後一個項目...因為近年尾...印刷公司好繁忙...所以要加錢先及時做到...

而且仲要做後期加工...終於要響佢地大婚前兩晚...先可以交到新人手上...真係要抹一把汗呀!!


當晚放工後...阿B即刻開工...之前幾晚已經將D咭紙條痴好晒雙面膠紙...

所以可以快手將檯咭CUT一刀...再響後面痴上咭紙條...再將兩面痴埋...但係都花左唔少時間...

今次的檯哃比 6 條 1 多一倍份量...呢度係部份半成品~~~

而且改良左上次有少少彈開的問題...

哈~~~ 攝影B幫一對結婚公仔影左一輯婚紗相...好 SHARP 呀~~

終於搞惦~~~ 所有 1216 的項目...終於大功告成喇~~~~~~~~~~~~!!!  Yeah~~~~

經過一個月的時間...終於幫朋友完成晒所有項目...我地亦創造了奇蹟...咁短時間做了八個項目@@!!   真係好開心...可以及時送上祝福心意~~~



相關 BLOG:

1216 婚禮用品 DIY 項目

結婚証書套連盒子

賓客簽名筆

姊姊剔名筆

愛的宣言牌

Floor Plan及入座咭

兄弟襟花及姊妹手花

1216 入座咭 &amp; Floor Plan 完成了~

1216 朋友的 Floor Plan & 入座咭...其實呢兩個項目一早已完成左...

入座咭亦響我地去日本旅行前交左比一對新人...不過係半成品...

因為唔夠時間...所以晒好之後交左比佢地自己搵人 cut ...


< 入座咭設計圖 >

同 Floor Plan 係同一設計... 大部份新娘子都係鍾意紫色的...

< Floor Plan 設計圖 >

每張檯號有隻史迪仔呢~~~

其實仲有一個構思...不過一黎唔夠時間...二黎考慮到運送的問題...所以最後都係用番呢個版本~!!

成品出黎效果都唔錯呀~~~ 如果有時間 cut 埋邊仲靚呀...可惜真係無時間 lu......





聽朋友講番...當晚 d 賓客反應好好...真係辛苦d 都值番了~~!!

今次我地破晒紀錄呀...一個月內做左八個項目...

哈哈~~~好似有d對唔住 6條1的朋友添...佢嗰12個項目...我地用左七個月先完成......