下星期六就係 324 朋友的大日子...不過我只係完成左証書套連盒...
之前周圍搵啱用既紙盒黎整...不過什麼店又無乜呢類盒啱 size...
所以最後響宜家度買一set三個的圓盒...差唔多百五蚊...不過就硬淨好多!!
不過就非常難 cut 呀!! 面層包左叫黃麻質地既布...勁厚身...
cut cut 下阿B都忍唔住幫我手...!! 佢好驚我 CUT 到手...不過佢接力時...我又好驚佢CUT到自己...
今次會整三層...下兩層就可以入人情...上層仲諗緊放唔放主人家交黎嗰兩隻米老鼠...
新娘子想用淺紫色...所以就要用皮紋紙包包佢...仲有D蓋未包好...
因為唔夠紙...要去補倉...! 希望可以在星期日前完成啦~~~~~!!!
可不可以教我整一個?
回覆刪除[版主回覆07/03/2012 14:58:21]呢個其實好易整架咋...
買幾個啱SIZE 的盒...只要在盒中央開個口...等上下互通...
再連接兩個盒...上面加上裝飾就可以了...
遲D有可能再做一個...到時或者影低過程...再出POST ^^