CHECK LIST

主要事項
1	大日子	OK
2	酒席	OK
3	註冊地點	OK
4	律師	OK
5	化妝	OK
6	攝影攝錄	OK
7	Snapshot	OK
8	婚紗禮服&褂	OK
9	婚紗相	OK
10	婚紗相相簿	OK
11	小禮物
12	租車	OK
13	印帖
14	婚前檢查
15	戒子	OK
16	餅卡
17	場地佈置	OK
18	伴娘伴郎	OK
19	兄弟姊妹名單	OK
20	晚宴MC	OK
衣飾類
21	奶奶衫/媽咪衫	NIL
22	姊妹衫	OK
23	兄弟tie
24	新睡衣
25	飾物
26	婚紗鞋 & 褂鞋
27	禮服鞋
28	禮服裇衫
29	Girdle/束褲
30	花球
31	主婚人襟花
32	兄弟襟花、姊妹手花
中式禮儀類
33	過大禮日子及吉時
34	過大禮用品
35	上頭用品
36	安床
37	嫁妝
38	新睡衣
39	利是封、貼紙、囍字貼
40	花車裝飾
41	男女家對聯
42	茶壺	OK
43	蓮子、紅棗、米、紅豆及綠豆
44	紅繩
45	紅傘
46	cushion
47	接新娘遊戲
48	回門豬
49	約攝影師visit男女家
50	封利是
晚宴類
51	戒指枕、羽毛筆及結婚證書套
52	帖既label
53	派帖
54	約攝影師visit晚宴場地
55	片頭 (成長mv)
56	晚宴司儀	OK
57	婚禮場刊
58	晚宴流程
59	酒席歌曲
60	紅酒
61	賓客簽名筆
62	簽名布	OK
63	放禮既袋
64	啤牌、瓜子、糖果	OK
65	賓客List + sitting plan
66	預備各項尾數
67	同酒店、攝影攝錄師、雙方家人、兄弟姊妹brief rundown
68	各人聯絡電話表
69	各人當日分工表

座位安排 (參考資料)

座位的安排可以表現出新人對賓客的重視，多花一點心思，就可以讓每一位來賓

都有賓至如歸的感覺了！來參考以下一些座位編排的小貼士吧：

主家席

    

1. 男女家各設一席主家席，可免顧此失彼。

2. 新郎、新娘座位應是男左女右。

3. 伴郎和伴娘的座位應安排在新人身旁。

4. 大妗姐坐近新娘身邊，可隨時照顧新娘的需要。

5. 長輩和比較親近的親人如雙親的兄弟姐妹或祖父、祖母的兄弟姐妹，都應該盡量安排在主人席或重要的位子。

 

   

副主家席

安排給其他長輩及親戚，如︰伯父、舅父、同輩或表兄弟姊妹等。

其他座位

1. 根據男女主家的位置，把女家和男家的賓客分為左右兩排，男左女右。

2. 把賓客分成姊妹團、兄弟團、同事、同學、普通親友和教友等類別，盡量給同一類別的賓客分配一至兩席，並編定檯號。

3. 將座位表張貼在接待處，方便賓客對號入座。

4. 請賓客在簽名布留名時，可順便記低賓客到達的情況，遇有太多賓客臨時缺席，就可在入席前將已到場的賓客巧妙地集合在一起了。

HKMA DINNER

自從公司 2005 取了 HKMA QUALITY AWARD 金獎後...每年都會贊助一圍檯 (贊助費HK$92,000)...所以我地都會響洲際酒店有餐免費晚飯吃...不過公司好多人都唔鍾意出席呢D場合...所以會以畫鬼腳黎決定邊個去...無錯係幾悶既...不過見下世面都唔錯丫~~ 今年我無畫中呀...不過有同事有事唔可以去...所以叫我頂佢個位...所以無所謂啦~~

聽完李國寶響台上依依哦哦講一大輪野...之後到陳祖澤接力哦...跟住就頒獎...跟住開餐...好肚餓呢...不過 D waiter 分野食都好快手...所以好快就有得吃了~~~

雖然份量唔太多...不過對我黎講都夠了...阿B就唔多夠...哈哈~~~

之後車埋幾個同事返屋企...不過因為唔太順路...兜到暈~~@@!!  所以成個幾鐘先返到屋企呢...阿細細豬又嬲左我地喇!!  又咁夜?!

今年黎左...下年又唔駛黎了...

他的兄弟團

介紹完一班靚靚既姊妹...求其都要介紹下阿B的兄弟兵團既...!!  呵呵呵~~

首先介紹兄弟團唯一未結婚的...不過他將會在我們結婚後一個月就做老襯了...!!  恭喜晒~~~ 油脂阿叔...哈哈~~~ 你肥左好睇好多啊...!! ^^  不過唔好比 Shirley 咁大壓力啦...成日笑佢步驚雲!! . \ / .  

第二位係高大英俊既阿康...二人世界都要出黎同朋友食飯聚下舊先得架嘛!!  ^^  咪成日匿埋呀~~~ 真係好耐無見喇!!!

第三位係鍾意踢波但好屎波...鍾意睇書但只係睇小說...但居然係一個好爸爸...不過成日食煙既阿松~~~ 戒煙啦...無益架!!  仲有...好減肥啦~~~你睇下你個肚腩丫!!

第四位係好好人既同事 Chris ...佢好鍾意狗狗...不過佢係魔鬼化身...成日帶阿B去玩D高消費又高危既野...例如: 越野電單車...放直昇機...玩風帆等等等等......

第五位係大會既 Snap shot 攝影師 Eric...哈哈~~佢食過期食品係無不良反應架喎!!!!!!  巠力!!  佢好鍾意著橙色衫...我成日話係一個暗橙份子!!  (你鍾意 Shinhwa 可以名正言順架...好多男仔都鍾意佢地!!  而且我仲知你鍾意 Eric...唔係做乜改埋同一個名o者?!  唔駛怕醜啦~~~哈哈!~~)

第六位係講野好似胡楓...身型同行路姿勢越黎越似公司其中一個老闆既 Benson...佢今年一月剛做新郎哥呢~~ 唔知幾時做爸爸呢?!  ^^

第七位係粵劇界新星...靠樣搵食既 Franky...佢唱粵曲台型十足...著起中山裝...將d 阿太殺個片甲不留...簡直係新一代既師奶殺手!!  我都就做阿太...都驚驚地第時佢係我既追星目標!!  而且佢扮花旦亦維肖維妙...真係天生食呢行飯架!!  仲有...佢響波馬方面亦好亨通下!!  嘿~~

以上既七位帥哥係咪個個一表人材呢~~ 呵呵呵 ^^

我要收集佢地 d 相 post 出黎真係唔容易架...經過一番努力的!!  (真夠無聊...哈哈哈~~) 

當我話比阿B知...我 post 左 d 兄弟姊妹相上 blog...佢問我點搵 d 相...我笑得好樣衰叫佢估下...佢估到我有d古惑...就估我用合成既方法...呵呵呵~~~ 佢仲以為估中...仲懶醒話咁易估中唔好玩...嘿嘿...邊有咁易估到我搞乜?!  不過我話比佢知出黎既反應效果...一定有d似佢睇新o個個喜力廣告咁既反應...一定會嘩嘩嘩...哈哈哈~~~ ^^

當佢睇到呢篇時...第一個反應笑到俗親...係咁咳...一路笑一路咳...都話你估我唔到架啦...懶醒!!  呵~~~ 佢話我會得罪人...乜你d兄弟會咁無幽默感既咩?!  heehee~~

 

我的姊妹團

一個婚禮的背後...需要有班美貌與智慧並重的姊妹支持才可成功...所以經過詳細的考慮及分析...終於定好我的姊妹團的人選~~~ 當然要隆重咁介紹佢地出場啦~~~ ^^ 由相識日子黎逐一介紹啦~~~

首先介紹我的伴娘 Maggie ~ 她是我的中學時期的同學...因工作地點接近...所以是我的 shopping 最佳伙伴~~ (兩個正宗敗家精獎門人!!  哈哈~~)

第二位係我讀書時一直認為係我既最佳伴娘人選的好友...只不過她一早已名花有主...很早已經搵到幸福上左岸喇...好幸福既少奶奶~~~ Wendy~~ 當年好多人追呢~~~ 不知令我多妒忌呢~~ 嘿~~

第三位都係中學同學~~~ 住響悲情城市~~天水圍的日與夜既 Emile ~~ (Wendy成日係咁形容佢)...佢響往澳洲的生活...一直都好識為自己將來打算既佢...正在搞移民中...好羨慕呢!!

第四位是識左不知多少年的靚靚 Connie ... 咁多個姊妹真係最靚係佢了...!!  希望佢早d搵到幸福...^^  不過佢咁多人追...一定花多眼亂啦~~~~ 唔怕...至緊要搵個鍚你既!! ^^

第五位係我的同事好朋友...就係高妹 Sammy 了...佢都會響今年12月結婚啊...搵到個好錫佢既人呢~~ ^^   而家佢同我一樣努力緊呢...!!

第六位係最識照顧別人...而且好大方又多人錫...鍾意睇舞台劇既 Amy...佢真係好好人架...為別人著想多過自己...喂~~~ 好錫自己多d喇!! ^__^  仲有...唔好成日喊...會盲架..!!

最後一位係我既檯號咭設計師...哈~~~ 成日話自己 16 歲扑扑趣的靚女恩...佢對愛情好專一...而且好堅持...佢愛左傑斯有十多年...呢份堅持和執著令我好欣賞...哈~~ 唔好意思...因為佢好鍾意紫色...所以想搵張著紫色衫既相出黎...點知搵到既只係呢張咁 sexy 既...@@~~ 是旦啦可...哈哈~~

姊妹們...多謝你們的支持...!!  ^_____________^ 

10月18日要好好地 " 招呼 " 各兄弟...嘿嘿嘿~~~ 拜託了喇~~!!

COUPLE選戰衣 (Part 2) (朋友限定)

經過一輪試衫影相...睇左效果...商量過及經過考慮下...決定 Confirm 下面三件戰衣喇...!!

(1) 外影婚紗 :

前面睇都幾修身...幾靚架~~~

原來我個樣呢個角度都幾好睇...哈~~ 到時要咁樣影多幾張先得...

簡簡單單的小拖尾...其實也很好看~~~

如果係蝴蝶結o個條當然係最 perfect 啦...不過機會都幾微了...算啦...緣份既野好難強求既~~

(2) 近賓晚裝 :

著起黎都幾精神丫...影相出黎d 色都好ok呀...好靚的紫色!!

oh~~後面好 sexy...呢件唔可以著 girdle...要勤d做背部磨沙呀...唔係點見人呀!!! 

不過個sales都唔幫我整好d條裙腳既...~___~"

(3) 敬酒中式晚裝 :

前面Deep V好sexy...又係唔可以著girdle架~~不過應該會加個中式結繩扣...著起黎前面睇都幾瘦啊...哈~~不過我要學下唔好寒背了...原來影相出黎真係唔好睇架~~~ 仲要買對紅色高跟鞋...如果唔係唔多靚啊~~

不過我要努力d減個肚腩先得喇...突晒出黎呀~~!!!  仲要買條束褲呀...!!  側面仲開高叉...@@~~~ 對腳都要減下...仲要去買絲襪呀!!!

背面唔係大露背添...不過露左前面...後面就唔駛露啦...費事d人眼花潦亂...哈哈~~

全程試左兩個幾鐘左右...都算快手喇~~~

今日所揀既3件衫都好滿意...最衰(1) 唔記得響榮華影件褂...(2) 溫馨又唔比人影件婚紗同埋晚裝...如果唔係就可以一次過幻想當日既6個 look 喇!!

下一步係要諗係用咩髮型頭飾黎襯 lu~~

 

去COUPLE揀衫 (PART 2-外影婚紗)

揀定晒 D 晚裝...就開始揀件婚紗黎影外景相...其實可以唔租呢件都得既...因為進場o個條其實都係著得一陣...不過阿B話驚影外影時整烏糟條裙 (佢真了解我實在太論盡了)...到夜晚會好肉酸...所以一早已決定租多一條了...對我黎講...梗係好啦...呵~~ 可以著多一款衫嘛!!

響溫馨已經揀左一條...佢地話進場要閃 D 誇 D ...所以揀左條好閃既泡泡型拖尾婚紗...其實我都幾易受人擺佈...哈哈~~ 不過溫馨無得影相...所以無得 post 出黎住...要等 fitting 先影到呢~~

出去外影...我想輕便d...當然今次要揀 A-line 啦...我要簡單既款!!  雖然佢地反對...不過我出外唔要玩變魔術!!!

呢兩條真係無乜花款...我唔鍾意絹料...所以通花尾我麻麻地...我唔適合高貴look...@@~ 呢兩條都有我鐘意既 lace 加埋 d 水晶...著起個人好瘦...但係鐘意浮誇既佢地就極力話唔好...連 carol 都話...一拎出黎佢地一定叫我唔駛試...哈哈~~ 不過都有試...@@~　其實我覺得條裙無乜野都 ok 架...因為影外影附近有好多色彩...加上花球...頸花...頭花等等...都已經好夠啦~~ 當然有d 蝴蝶結會好d啦...hee~~

之後試上次試唔到o個條拖尾蝴蝶結裙...睇相時已經好鍾意...著起更鐘意...不過無期啊 ><"  好唔開心!!

跟住試心口打個結呢條...係最新返既...個結好靚好特別...相信影相會幾好睇...不過我著起黎...好似下身麻麻地咁...可能太修身...個 hip 位唔係咁好睇...所以我無揀呢條...但細佬就話呢條係最好既!

之後試埋呢條...阿B話好睇...所以 confirm 左呢條...不過我個心繫隔離呢條...呢條有兩條架...一條絲帶係粉紅色...一條係白色 (呢條係新返既)...不過兩條都有人 hold 了...而家要等人轉款先得了...我相信都無望喇...!!

終於揀晒所有衫喇...個人好似輕鬆左好多呢...始終揀衫係婚禮既大 project...而家可以煩少樣喇!!!

不過阿B叫我要開始進行地獄式減肥...哈哈哈~~~

而 Connie 叫我好練下唔好成日寒背...因為影相唔好睇...次次試衫出黎佢都提醒我...哈哈...所以我一見佢個樣就會自動自覺廷直個身...Carol 笑我到時不如帶埋 Connie 去...哈~~

試衫過程好輕鬆...而且Connie都比左好多意見...試左兩個鐘左右...好愉快...^^  其實我都算快手搞惦喇...

大日子前十幾日左右再黎 fitting ... 佢地叫我繼續努力...試下盡力啦!!  heehee~~

由於受盡風雨的影響...個樣上左鏡實在太扒了...所以真人試衫d相唔打算公開 post 出黎喇...要睇就留言 add 埋你做朋友仔啦~~~

***

之後返馬鞍山搵埋黃老闆食飯...佢知我又搞惦一樣...都好開心呢!!  原來屋企樓下間酒樓都ok喎...下次可以轉移飯堂喇!!

***

好喇...已經響兩間租衫公司選好兩婚紗三晚裝了...至頭痛心煩o個樣都搞惦了...要開始其他環節喇!!

跟住要搞既係另一大 project...就係姊妹裙了!!!  約了其中兩個姊妹下星期三去百利探路先...希望到時可以順順利利就好了!!