介紹完一班靚靚既姊妹...求其都要介紹下阿B的兄弟兵團既...!! 呵呵呵~~
首先介紹兄弟團唯一未結婚的...不過他將會在我們結婚後一個月就做老襯了...!! 恭喜晒~~~ 油脂阿叔...哈哈~~~ 你肥左好睇好多啊...!! ^^ 不過唔好比 Shirley 咁大壓力啦...成日笑佢步驚雲!! . \ / .
第二位係高大英俊既阿康...二人世界都要出黎同朋友食飯聚下舊先得架嘛!! ^^ 咪成日匿埋呀~~~ 真係好耐無見喇!!!
第三位係鍾意踢波但好屎波...鍾意睇書但只係睇小說...但居然係一個好爸爸...不過成日食煙既阿松~~~ 戒煙啦...無益架!! 仲有...好減肥啦~~~你睇下你個肚腩丫!!
第四位係好好人既同事 Chris ...佢好鍾意狗狗...不過佢係魔鬼化身...成日帶阿B去玩D高消費又高危既野...例如: 越野電單車...放直昇機...玩風帆等等等等......
第五位係大會既 Snap shot 攝影師 Eric...哈哈~~佢食過期食品係無不良反應架喎!!!!!! 巠力!! 佢好鍾意著橙色衫...我成日話係一個暗橙份子!! (你鍾意 Shinhwa 可以名正言順架...好多男仔都鍾意佢地!! 而且我仲知你鍾意 Eric...唔係做乜改埋同一個名o者?! 唔駛怕醜啦~~~哈哈!~~)
第六位係講野好似胡楓...身型同行路姿勢越黎越似公司其中一個老闆既 Benson...佢今年一月剛做新郎哥呢~~ 唔知幾時做爸爸呢?! ^^
第七位係粵劇界新星...靠樣搵食既 Franky...佢唱粵曲台型十足...著起中山裝...將d 阿太殺個片甲不留...簡直係新一代既師奶殺手!! 我都就做阿太...都驚驚地第時佢係我既追星目標!! 而且佢扮花旦亦維肖維妙...真係天生食呢行飯架!! 仲有...佢響波馬方面亦好亨通下!! 嘿~~
以上既七位帥哥係咪個個一表人材呢~~ 呵呵呵 ^^
我要收集佢地 d 相 post 出黎真係唔容易架...經過一番努力的!! (真夠無聊...哈哈哈~~)
當我話比阿B知...我 post 左 d 兄弟姊妹相上 blog...佢問我點搵 d 相...我笑得好樣衰叫佢估下...佢估到我有d古惑...就估我用合成既方法...呵呵呵~~~ 佢仲以為估中...仲懶醒話咁易估中唔好玩...嘿嘿...邊有咁易估到我搞乜?! 不過我話比佢知出黎既反應效果...一定有d似佢睇新o個個喜力廣告咁既反應...一定會嘩嘩嘩...哈哈哈~~~ ^^
當佢睇到呢篇時...第一個反應笑到俗親...係咁咳...一路笑一路咳...都話你估我唔到架啦...懶醒!! 呵~~~ 佢話我會得罪人...乜你d兄弟會咁無幽默感既咩?! heehee~~
哈哈~~~~ 美女與野獸!!!
回覆刪除[版主回覆07/07/2009 01:27:00]哈哈哈~~~係喎!!
呢個真係美女與野獸團喎...哈哈~~
用咁嘅形式介紹佢哋都俾你諗到,真有創意啊~
回覆刪除我也是其中一位美女呢!
[版主回覆07/08/2009 02:10:00]我一路搵已經一路係咁笑...
至搞野就係真係符合晒佢地既特徵...哈~~
你當然係美女成員啦~~