2011-02-27 細細再遊南生圍

上星期日 (27/2) ...見天氣開始回暖一d...又無落雨...所以就帶細細出去玩下...今次仲買左個水樽比佢方便飲水...點知佢又唔肯用黎飲...好固執的狗仔~~!! 

本來打算去赤柱的...不過阿B怕細細坐唔到咁耐車...想去彭福公園...又撞正有馬跑...所以決定去南生圍...響屋企渣車去唔駛半個鐘就到...

以前阿B成日去南生圍玩遙控直昇機...不過我因為怕曬又怕悶...所以一直都無黎過呢度...反而阿細仲黎左幾次...哈~~~

不過我對呢處地方又唔係太有興趣...覺得呢度只係多枯草地...有點寂寞廢墟的感覺...唔太覺得靚...而且聽好多 blogger 講...呢度變得多垃圾又人多...

今日一見...都係無改觀...可能剛剛 d 草又被燒過黎...放狗仔係幾好既...因為地方大...比阿細行下係一個幾好既選擇......

後面o個條小木板...就係好多人響度影婚紗相的熱門地~~~ o個日仲要排隊影相...@@~~~

今日熱番好多...終於可以著短袖衫出巡喇~~~~~~~~~

呢隻小狗成日都係痴住阿 B行...真係唔慌會走失~~~ 貼身膏藥咁!! 

沿途 D 人成日撩隻細細玩...又係咁同佢影相...佢就係咁痴住D人玩...逗到阿婆婆好開心添...但唔多肯面對人地D鏡頭...哈哈~~~ 其他人影佢其實都幾難...!! 

玩左兩個幾鐘...太陽開始落山...隻妹又唔肯飲水...驚佢會太累所以要回航喇~~~~

隻傻妹一上到車就係咁訓...直至返到屋企門口就即刻好醒神~~~~~

返到屋企...第一時間就係沖涼...哈~~~~ 唔知點解細細近呢幾年一聽到 " 沖涼 " 呢兩個字就反應好大...好唔鍾意...@@!!!  佢想響浴缸逃走呀!!!!

哈~~~美女出浴照!!!

濕身的細細...其實好細隻架咋...唔好比佢 D 毛呃左呀~~~

2011-02-26 烤雞大蝦自家煮

上星期六 (26/2)...自從買左個焗爐之後...阿B就好鍾意盡用佢...不過又真係幾好玩架喎~~~

細細生日o個日...佢呢位主人就又整大餐...不過細細只係得幾舊仔雞肉食當賀佢生日~~

兩點幾...我地兩個去完洗牙之後...就諗緊去度好...不過諗住星期日會帶細細去玩...所以呢日都係唔去咁遠咁累喇...咁點好呢...阿B又提議整蝦食...!! 

於是兩個就去左大埔墟新街市睇下有咩啱買喇~~~~

終於買左隻冰鮮雞仔...買左西洋菜煲湯黎潤一潤...

*** *** *** *** *** *** *** *** *** *** *** *** *** *** *** *** *** *** *** *** ***

返到屋企...煲左個湯先~~~之後阿B就著手泡制今晚既第一度餸~~~蜜糖烤雞喇!!

哈~~其實我地未試過用焗爐烤雞...又即時上網搵煮食達人...睇下點搞隻雞~~~ (真係好即興的兩公婆...煮到埋身先搵秘訣...!!   )

不過最後阿B 都係用左簡單既醃料~~即係蔥...羌...生抽...老抽...蠔油等幫隻雞做 massage ~~

將D料塞晒落個 pat pat 度...再用牙籤拮住以防漏出~~~用錫紙包住隻雞翼 (網上教: 因呢個位置無乜肉) 以防焗得太濃~~~

用野叉住放入爐...係咁焗~~~~

焗到咁上下熟就拎出黎~~~~

再將 d 蜜糖當太陽油搽響佢個 body 度~~~~

呢個時候可以除左張錫紙喇~~~

再焗多陣就可以出爐喇~~~~ 好香呢~~~~~~~~~~~~

裡面熟呀~~~~ 皮又趣趣地...好味!!!!

等緊隻雞熟既途中...其實已經整緊第二道餸 ~~~ 牛油芝士焗蝦~~!!

材料: 大蝦一隻

將佢開邊~~~

再將牛油及芝士鋪滿隻蝦已被肢解既 body 度~~~~

再拎幾轉黑椒落去~~~~~ 就可以入爐~~~~

焗起喇~~~芝士完全溶入蝦身內...好好味呀~~~!!!!

加埋個滋潤的甘荀西洋菜湯~~~ 正~~~~!!!! 

食得好飽~~~~好滿足...哈哈~~~

 

 

2011-03-02 一個人的晚餐...哈哈哈~~

星期三 (2/3) ...阿B呢晚因為要同大陸的同事聚會...所以呢晚得我一個人食晚飯...本來想響火炭報個蛋糕 course 的...不過後黎因為約左 blogger 交收...所以都係算了......

響太和商務睇左陣書...關於狗狗的...關於蛋糕甜品的......突然見到 d 烹飪書...忽發奇想...!!!   哈哈~~~就係決定今晚自己煮比自己食...!!  (有夠白痴~~   仲覺得好好玩咁...?!  明明做人太太應該要識整野食的...!!!  )

即刻走轉百佳...但係買咩好呢?!  煮咩好呢?!  響我既 "自家煮字典" 裡面...咪得o個幾味囉...無理由又整呢d架嘛...一於搞搞新意思...自己整西餐...登登登...........  好驚嚇係咪?!

左睇右睇之後...終於買左呢d o個d ~~~

迷你娃娃菜 & 車厘茄

黃椒

西冷扒

粟米湯

哈哈哈~~~~係咪有點不自量力呢?!   對住呢堆野....我都有點點覺得係........!!! 

終於搞左一大輪...首先搞惦左d伴牒配菜...!! 

之後煎埋塊 cheap cheap 扒上牒~~~

個粟米湯又煲起~~~~

我既晚餐終於登場喇!!!!   似模似樣掛?! 

我就覺得好好食啊~~~~ 黑椒香草西冷扒呀~~~~哈哈哈~~~~~~

 

 

2011-02-28 Paper Bag Baby Album - Lesson 2

星期一 (28/2) ...今晚係 bb 相簿的第二堂...我地今晚都算快手...@@!!  9點半都可以放學...!!

今日完成左三頁...不過我仲未貼落相簿內...我想完成晒才再安排次序......

哈哈~~~未有小公主的相片...用住我地兩個茂利頂住先...!!

下一堂都要再快手 d 先得...!!

分離抑鬱症?!

星期三 (2/3)...六點鐘...約左 blogger 交收訂左既日本橡皮膠...佢好好人呢...幫我地響日本...但係無賺錢既...其實佢咁幫我地...用左佢唔少既時間啊...又要分別約交收...我反而覺得佢應該要賺的~!!

之後自己返到太和...去左商務睇左陣關於狗仔健康與疾病既書...因為我家的小狗近呢排唔知搞乜...成日響梳化賴尿...初時覺得佢係受驚 (即附近突然有好猛烈既聲音嚇親..)...不過發覺又唔似...唔通佢有病...?!  但係我地響度佢又識得去自己個廁所架喎!!  所以就去揭下d書睇下...發覺有一樣極吻合!!

近來我地返工...佢成日好唔捨得咁...仲要震晒...雖然佢一向都係極痴人...不過我地話返工...佢通常都會明白咁...只係跟到去門口...佢好醒的...識得分我地係去街定係返工... 知你去街...佢會好嗲咁 "鶯鶯"聲叫......

不過當我地一返到屋企...佢又表現極為雀躍...開心到彈彈跳周圍走...仲痴身痴勢咁...

之後佢就會響梳化或床典典下咁玩...@@~~!!

玩到成個傻仔咁...頭髮凌亂!!   @@!!!!

玩到衣衫不整呀 .... @@!!!!

 

我覺得佢係患左疑似 " 分離憂鬱症 " ...!!

原因:

如果主人過份溺愛狗狗...滿足牠所有要求時...狗狗對主人會產生強烈依賴心...因此...只要主人不在身邊...就會陷入強烈的不安...這種不安感會引發各種問題行為......

症狀:

當主人不在家時...就會出現問題行為...每隻狗的問題行為各不相同...通常都是隨地大小便...打壞房間內的東西...或是大聲吠叫等...另外...也會有食慾不振...暴飲暴食...嘔吐...腹瀉...流口水...氣喘如牛...脈搏加速等...也會因為經常舐腳導致皮膚炎...

治療:

使用行為療法...使狗狗適應主人外出...

剛開始時...只有外出數秒而已...逐漸增加外出時間...消除狗狗因為主人不在而產生不安... (每次阿B去掉垃圾或者去花園淋花等...佢都吠到痴根...@@!!)

嚴重時...需要使用抗不安藥...在維持狗狗心情平靜的情況下...採取行為療法...

預防:

從幼犬時代開始...就要讓狗狗了解人和狗之間的主從關係...在室內為牠安排一個空間...使狗狗和人類的生活有一線之隔..."平時"讓狗狗在牠的"地盤"生活...只有在主人允許時...才可以走出"地盤"...  (佢由細細個已經可以響屋企自由行...仲同我頭貼頭一齊訓...@@!!!)

必須明確區分和狗狗遊戲時間和不理會牠的時間...培養牠可以獨立自主的獨立心... (佢一向當正佢自己係人架喇...食又要食埋一份...坐又要一齊坐...@@!!!)

容易罹患的犬類:

怕寂寞的狗...整天和主人黏在一起的狗...

OH~~!!!  佢中左好多條件呀~~~~!!!   不過我反而希望佢只係因為咁...因為我唔想佢有其他病啊 ><"