2011-03-06 再戰芒果流心布甸~~~ BUT~走芒果...@@"

繼上次未即時成功凝固芒果蓉...所以泡制的芒果流心布甸...最後變成 "走流心的芒果布甸 "...!! 

今次再挑戰流心效果...不過買唔到芒果...變左又要走梗樣野...哈~~~今次變成 " 流心布甸走芒果 "...愛恩斯坦甜品系列係咁架喇~~!!! 

今次我落少左魚膠粉...軟滑好多...不過無芒果又好似爭D咁...家下似花奶布甸多D...哈哈~~~

首先起個細既黎睇...點知唔識甩模...用風筒吹...哈~~~ 不過一甩就甩左個底層出黎...味道雖然都係無影響...不過影唔到 " 流心" 的效果相丫嘛!!!    要再黎過~!!! 

今次試大杯既...都係幾難甩出黎...究竟用咩方法易甩D呢?!  面頭有少少花左添...哈哈~~ 不過唔緊要...要留意既係裡面成唔成功!!!  樣呢下野...下次會改善下......HEEHEE~

啦啦啦~~~~~終於得喇...成功流心呀~~!!!

真係好好味既呢...!!!  仲有芒果蓉剩...過幾日再試下先得!!!

阿B幫我上網 search 點樣容易d甩模...用熱水座...不過幾難下喎...我覺得買個膠既會易甩得靚d... (為左影相...呢個熱過龍...溶埋添呀...哈哈~~~)

2011-03-07 Paper Bag Baby Album - Lesson 3 & 特別晚餐!!

三堂的 Baby Album 返埋呢晚就返完喇...好唔捨得~~

今堂係咁整整整...最後發覺我原來已經做左五頁...@@~~ 不過呢五頁比較簡單一 d ...所以慢吞吞既我都可以完成...同學仔個個都整得好好...比起我呢本...佢地做得花巧有心思得多......

哈~~暫時未有君君小公主的相片...所以暫時拎住 d 陳年婚紗相度下位先~~~

呢張係拉出黎架...!!

呢張玩 distress ink ...今次無搞到一手都係...heehee~~

呢張 pattern 紙好靚...真係唔想遮住佢~~ 其實呢張都未完成晒...仲有條絲帶未加上去...又未 stamp ...@@~~

呢張做得最求其...哈哈~~~

仲有幾張要自己完成...要比 d 心機先得...!!! 

*** *** *** *** *** *** *** *** *** *** *** *** *** *** *** *** *** *** *** *** *** *** ***

每次放學...阿B都會帶細細出黎太和接我返入去...當好累的時候見到家人黎接自己...真係好開心!!!  哈哈哈~~~

今晚阿B仲整左個特別的晚餐比我...哈哈~~~ 有幾特別...就係屋企剩左咩就整埋比我食...哈哈哈~~~~不過我鍾意喎...因為太好食了!!!

仲有兩塊麵包...煎隻蛋...有份熱辣辣既蛋治...好味~~~

仲有佢留比我既菜心 & 肥牛 (肥牛我分左D比細細食...哈~~)

仲有塊香茅豬扒...食晒所有野...真係勁飽!!!!    大滿足!!

2011-03-06 簡簡單單的自家煮

星期日 (6/3) 無出街...響屋企攤抖下...好舒服...間唔中同隻小狗玩下...睇套 DVD...真係幾寫意~~

夜晚都係響屋企食~~~ 出得街多食飯...食到唔知食咩好...響屋企食飯其實都幾好~~~當然唔駛我煮仲更加好...不過我都會幫少少手既......

響 Park'N 買左份香茅豬扒...哈~~~其實幾考起阿B...佢都好少整豬扒的...!! 

加埋 D 煎過下既車厘茄...又幾好味喎~~~

蠔油菜心~~~

粟米紅蘿蔔馬蹄湯~~~

飽晒!!!!!  YUMMY YUMMY~~~~

2011-03-05 自家煮 ~ 烤雞 again

上星期六 (5/3) ...放工後去左赤柱視察環境...影下相行下...哈~~~無聊到行埋 taste ...響度買埋餸返屋企玩煮飯仔~~~   哈~~ 去到咁遠買餸真係勁搞笑~~!! 

今日食乜餸?!

買左隻巴西雞~~~ 阿B又烤雞喇~~!!  不過隻雞唔夠上次好食...可能太濕黎焗...變左o牛熟... d 肉質麻麻地...下次再試過...嘩哈哈~~~~

第二道菜係黃椒蜜糖豆炒肥牛~~~~好味!!!

哈~~~今次係滾湯...粟米冬瓜粒蛋花湯~~~~yummy!!

 

半價 Princess Cake House 熊貓方包製作班

又有整呢整路既半價團購喇!!!   呢個 Panda 麵包 好得意呀!!!!

http://www.gigonzone.com/productinfo.do?method=viewTopProduct&subproductid=936

 

2011-03-04 芒果流心布甸~~ BUT...走流心...哈哈~~

響網上周圍睇...發覺有個芒果流心布甸好吸引...而且好似唔難...之前就買左兩個芒果...第二日就開壇......

(3/3 晚上) 買齊晒要用既材料~~

(4/3 晚上) 量好晒d份量~~

首先要整左 d 芒果流心餡 ...因為要雪至凝固先可以用...

將d芒果打至變蓉...加入糖及檸檬汁搞勻...拎入冰箱雪至凝固...點知原來呢part要搞好耐......最後只好放棄加入流心...哈哈哈~~~不過照雪...留番遲d再用...哈哈~~~ 估計錯誤添!!

之後唯有只係整無流心既芒果布甸...!!  似我...欠留心...哈哈~~~~

好簡單將所有野搞勻...加入布甸杯內...放入雪櫃...搞惦!!

終於係做左兩杯大...兩杯細...試食左...味道 ok...不過我覺得可以減少d魚膠粉...好似硬左少少唔夠滑~~

(5/3 晚上) 雪左一晚 d 芒果蓉先凝固變硬...切成一粒粒放入保鮮盒...搵時間再試先得!!

(6/3 晚上)  再試...不過因為買唔到芒果...所以就好只做無芒果既布甸... 先在底層倒少少雪一陣變凝固...再放芒果蓉粒在中間...再倒埋其他布甸水落去...雪一晚.......

聽晚放學返黎睇下成唔成功先得!!!  ~___~"  唔知識唔識流心呢?! 

 

 

2011-03-03 Surprise for B~~~ HAHA~~

上星期三 (3/3) ...放工後一支箭咁搭車去左太和等阿 B 響大陸返黎...又去左商務打書釘...睇睇下書突然醒起朝早佢好似話今晚要培訓...咁咪即係要九點先落到黎?!  家下先六點幾...我響度咪要等好耐...@@?!?!   諗諗下...難得的煮癮又起...所以就即刻去百佳打個轉...!! 

其實我唔知整咩架...去到拎靈感啦~~~~ 首先我係買左 D 整芒果布甸 & 北海渡牛奶布甸既材料...哈哈~~~我係咁唔按章出牌既人...!!   明明黎買餸又買乜鬼野布甸材料呢?!  哈哈哈~~~

行左陣就靈感到...所謂靈感咪係又係o個幾味囉!!!  嘩哈哈~~~

返到去諗住拿拿臨煲左湯先...點知隻小狗細細係都要我幫佢執左個尿兜先...因為佢又想去殊殊呀...因為我仲未執佢個濕左既兜...明明佢屙多篤都唔會濕到腳架啦...佢係要招積...行入黎 check 左幾次...見佢神色慌張...明明好急架啦...但點都唔肯上去...!!  又驚佢走上梳化度解決喎!!!  我咪死死氣唔搞 d 煲湯料住...幫佢執左先...一執完...佢就九秒九上去個兜度屙殊殊喇!!!  真係巴閉!!!  我成日懷疑佢有公主病的!!!  哈哈~~~ 貪靚又醃尖!!! 

搞完隻小狗~~~~ 洗好手...再搞d湯喇!!!  煲湯都要兩個鐘起碼...比隻小狗搞一搞...切完材料已經成七點幾喇!!!  即係阿B返到黎都未有得飲!!! 

之後又要醃下 D 雞翼 & 牛柳~~~

八點半左右...阿B打比我...佢已經響上水了...問我響唔響太和...我叫佢返屋企先...佢都估到啦...仲玩野話佢好肚餓係咪食完先返屋企!!!  

收左線後即刻開爐~~~ 用焗爐整雞翼 ...再開鑊炒四季豆 & 牛柳...佢返到黎又幫下手...終於搞惦喇!!!  不過個湯都仲未得...仲要煲多一個鐘...

是日 MENU :

(1) 焗蜜糖雞翼

(2) 四季豆炒牛柳

(3) 木瓜雞腳瘦肉湯

哈~~~因為無煮飯...所以阿B就煲左個麵黎食...HEEHEE~~~我仲係未識煮一人份既飯...!!