2011年3月19日星期六

2011-02-20 My first homemade blueberry cheese cake (J Cake C001)

學左九堂既蛋糕課程...都未試過無人 lead 住咁去完成一個蛋糕...講真...我都仲未係咁有把握...因為我覺得始終有部份過程掌握得唔係咁好~~ 而且次次都會依賴去問阿sir & miss...又無乜記性......!!

上星期返學時...向miss買左 d 材料用黎整凍餅...不過一直唔得閒...而且新買既工具都未清洗...今日見無所是事...所以就的起心肝去完成喇~~!!

今次既嘗試係整 Blueberry Cheese Cake...Miss 比左份 recipe 我...仲簡單教左我一次點整...!!

其實都幾緊張的...因為響屋企整...無人可以問...係咁成日望住張 recipe ...好驚做漏一個步驟...

首先放滿一檯既工具 & 材料~~ 全部都係新購入...包括沙糖...哈哈~~~ 個磅新年時響日本城買...打蛋器都係前兩日先買~~

今日既 Blueberry Cheese Cake's 材料~~

影完晒冷相之後...正式開壇喇~~!!

首先磅好晒D材料份量~~~ 不過我唔記得預先拎舊 Cheese 出黎...打起黎好難打...之後唯有座溶少少再打~!! Handmade 梗係會有少少問題出現既...呵呵~~

首先整餅底...用牛油將餅碎搞勻...再平鋪壓實落餅模內...搞惦之後再放入雪櫃雪硬佢待用...

之後再將淡忌廉打起至6成待用...不過我覺得我打得過火左...應該有8成...haha~~後黎睇書先知 6 成既意思應該係水d既...@@!!

跟住再將舊芝士加入糖...打到變滑...不過我覺得打極都一舊舊好實...後黎座溶少少先打得順d快d...好似滑d 咁...

打完 cheese 之後...再加入少許藍莓醬再用膠刮搞勻...跟住再座溶D魚膠片...加入再搞勻...

不過呢個步驟我差D衰左...我浸軟D魚膠片之後...唔記得倒左D水就座溶D...仲溶到變晒水...咁份量咪多左囉?! 所以我倒左佢...再黎過~~@@!! (愛恩斯坦又上身...)

終於搞惦可以倒晒 D 材料入餅模度喇!!! 歷史性的一刻來臨喇~~!! 不過我覺得好似杰左D...唔知實際係咪咁既呢? 倒完入模後...阿B幫我"鄧"平佢~~~~ 之後放入雪櫃...搞惦!! 成個過程差唔多個幾鐘...都算快手完成喇掛~~~

之後要洗番 d 工具...oh~~ 第一次洗番自己用過既工具呢~~~平時上完堂咩都唔駛理架嘛...嘩哈哈~~~

雪左大概兩個鐘之後...就拎個凍 cake 出黎脫模喇~~!! 哈哈~~~因為個模係 6" ...又要搵d高身又窄身過模既野黎座高...阿B好聰明...佢搵幾隻碗疊埋...

1...2...3...順利甩模...啦啦啦~~~~ 甩得好靚仔喎~~!!

無刻意掃平個 CAKE ...因為上面仲會鋪 Blueberry 蓉 ...唔知味道得唔得呢?! 早D倒起一杯黎試食啦...!!

阿B叫我唔好落咁多...因為佢麻麻地...我就覺得 OK 喎...又唔係好甜...@@~~!!

終於鋪勻喇~~~~ 賣相都 ok 丫~!! 我既第一個 Homemade Cheese Cake 響呢日順利完成喇~~~!!! 無買d生果黎裝飾啊~~ 自家吃...唔駛搞咁多啦~~~

再放入雪櫃雪下先~~~~ 好期特試味呢~~!!

食完飯...hea 左成個鐘...忍唔住拎個 cake 出黎...切左一少舊黎食~~!! um~~~~ Yummy!!!!!!!!!!!!! 不過個餅底唔夠實...可能我落少左牛油...哈哈~~ 阿B話自己食唔駛落咁多牛油啦~~~~

真係幾好味架...第一次無人監控下完成...好開心呢~~!! 放左上 FB ...有D朋友仲打黎 order...哈~~~ 咁信得過我?

不過阿B警告我...要過多兩個星期先可以再開壇...嘩哈哈~~~因為佢話咁食又唔運動...太肥喇!!!

2011年3月18日星期五

2011-03-16 Postcard Booklet Making

星期三 (16/3) ... 去左 CWB 返學...呢堂係學整 Postcard Booklet...!! 通常返 Pegco 都係得一堂會比較趕...而且次次都係做唔晒...上兩本相簿我到家下仲未完成...因為響屋企得自己整又太懶...會搞下玩下其他野...

一去到又係揀紙呀...我地四個係咁埋頭苦幹咁揀...終於都每人都揀到 6 張紙...我地大家部份揀左相同...哈~~ 之後就係咁 cut 紙...呢度無 trimmer...要用間尺度黎 cut ...所以比較慢...仲要 cut 咁多張 @@~!! 我地唔想咁多相同...所以又交換下...!!

哈~~~今次我地個個都幾叻下...overrun 左一個鐘...不過就完成左個 booklet 喇!!!

我地有三個既封面都係呢隻雀...!!

我個封底呀...不過 cut 紙時無留意下面...嗚嗚~~~ 無咁靚添~~~

我地要做十張 postcard ...下面係Postcard 既部份內頁... 不過未有 decoration...因為 miss 係唔包呢 d ...要後期再加工~~

呢張係同學仔比佢張紙我用...真係好感激呢~~~ 呢張真係幾靚啊!!

Miss 提供既 postcard stamp...效果非常好啊...呢個 stamp 好靚呀~! 呢度每張 postcard 都可以撕出黎用架~~~

呢個相簿都係用 book binding 既方法...拎住本製成品好開心咁返屋企...不過返到屋企都成十二點半喇~~~!!

急性盲搶鹽

香港人點解變成咁...?!

中港爆發「急性盲搶鹽」

投機謠言顛倒民智引發香港「盲搶鹽」，無稽鹽荒隨時擴大！受日本福島核電站輻射污染海水令食鹽不安全，以及食鹽含碘有助抗輻射等謠言刺激，搶鹽潮昨早由內地直撲香港，上水、大埔及深水埗至各區零售點現輪購食鹽人龍，深水埗有超市一度逾三百人輪鹽，四噸食鹽半日被搶空且漲價十倍。有食鹽批發商稱，部分零售點一個上午鹽銷量為平日廿倍，批發存貨亦被搶光。批發商及港府均即時闢謠指有常識也會知道食鹽不能防輻射，呼籲投機者停止炒作，而本港食米供應量亦正常，着市民不用擔心。

港府昨晚表示，市民毋須擔心本地食米短缺，儲存量足夠十五天食用量，緊急情況米商能確保本港食米供應穩定，預期未來數月的食米不會有問題。

內地搶鹽消息透過互聯網席捲本港，不少港人收到內地親友手機短訊求代撲鹽，搶鹽潮昨早瞬間在多區爆發，辦館超市無一幸免。大埔富善街一糧油店中午一度有近二百人排隊購鹽，有途人只聽排隊者說「就快無鹽」便加入，不少人十斤十斤地買，有向大埔零售點供貨的批發商稱已向該區補充五千公斤食鹽，而深水埗大南街匯駿超市許主任稱，開門半小時，七百公斤粗幼鹽即售罄，再向批發商入貨三千三百公斤食鹽亦於下午被搶空，該店高峰時有百卅人排隊排出馬路，需要警員到場維持秩序。

超市貼出告示，指店內的食鹽已遭搶購一空。（馬竟峯攝）

白米豉油同被掃清光

港人「盲搶鹽」連甚麼鹽也搶，平日一元斤的食鹽昨「最低消費」兩元，有炒高至六至十元一斤，漲幅十倍，消費者委員會收到最少五宗市民投訴指有零售點將原本兩元一斤的幼鹽加價至十元。搶鹽以外，雞粉、豉油等與鹹有關食品同樣被搶。有米商透露，散裝白米銷量也急升三成，港人愈炒愈瘋狂。荃灣街市一雜貨舖店主稱，一早已有內地人排隊購鹽，更一次掃走一百多斤，她即時加價十倍就是要令搶購者知難而退。

本身有批發及零售食鹽的港九罐頭洋酒伙食行商會副監事長李廣林稱，本港八成食鹽來自內地，其店昨下午已賣出逾二千公斤鹽，為平日廿倍，不少零售店缺鹽，補貨何時送到或甚麼價錢亦不知道：「因為無稽炒作就買幾年都食唔晒嘅鹽，投機者好唔要得。」惠康超級市場表示個別分店食鹽貨源緊張，已要求供應商加大貨量，百佳超級市場亦指會留意存貨，增加供應。

市民爭取到超市搶購食鹽食米。（劉雲彪攝）

上水龍琛路亦堆滿人群，爭相排隊搶購食鹽。

天耀邨貨架上的食米亦幾近掃空。

昨日亦有不少市民到超市購入豉油。

食肆有存貨暫無影響

旺角一間茶餐廳老闆黃先生表示，食鹽供應暫未影響，認為市民搶購食鹽是愚昧行為，但有食物業界憂慮無稽鹽荒始終會導致食鹽供應失衡及漲價，食肆一般有兩星期存貨，鹽荒可能稍後才浮現。

食物及衞生局局長周一嶽昨稱，鹽難入口，相信有常識的甚至連中小學生也不會相信食鹽防輻射，認為有人搶鹽只是投機分子散播謠言從中取利，強調日本輻射污染海水令食鹽不安全，以及食鹽含碘有助減低輻射的傳聞完全沒有根據，市民毋須對日本核危機杞人憂天。

" 末世 " 愚慌 ~____~"

「末世」愚慌

(星島)2011年3月18日星期五 05:30

(綜合報道)

(星島日報報道)日本地震引發海嘯及令核電廠受損出現核泄漏，全球關切。連日來報道日本人的冷靜、忍耐、團結…… 種種美德，足令世人讚譽、憤青蒙羞，在此不贅。還望上蒼保佑，核泄漏到此為止，日本人大步檻過。

　　相比之下，距日本震災區三千里外的香港，卻謬事連連，此起彼落。有人以為碘酒能抗輻射、爭相搶購；江瑤柱吉品鮑日後恐成絕響，有海味鋪乘勢加價；日本奶粉更有人囤積居奇。此等趁火打劫行為，不能只賴奸商無道，愚民助長亦是原因。

　　最新最荒謬者，盛傳鹽能防輻射，街市立即大排長龍，一眾愚夫愚婦搶購食鹽粗鹽，莫論炒價倍升，照買可也。結果不少雜貨鋪食鹽存貨一掃而空，補貨短期無望，因為鹽的來源地，亦即我們偉大的祖國，忽然鬧「鹽荒」，內地和鹽業有關的股票亦趁勢飆升，原因同樣是市民深信訛言。

　　杞人憂天愚民處處

　　觀看電視記者訪問排隊買鹽的群眾，有女人大條道理說現在不買鹽，日後的海鹽可能受污染。有一中年男人被問及，只說：「見到人買咪買囉！」面對此等人云亦云的愚民，可笑復可悲。他們的無知除反映欠缺獨立思考外，亦反映市民質素和文化到了甚麼程度。網上最新有人言之鑿鑿傳吃大便可排走體內核輻射，且把冷眼看世態，又有幾多嘗糞先鋒？

　　大難當前，日人鬧糧荒，尚且處變不驚，我們和內地卻鬧「愚慌」，自亂陣腳。不要怪製造謊言和奸商囤積惡行，這是愚民充斥的世代，惡棍不橫行，他對得住自己嗎？

7仔都有手作書賣...!!

今晚放工之後...出左旺角行街...一出火車站見到 7 仔就走去睇下有咩八下...!! 突然眼前一亮...我唔係關心林峰有咩戀情...亦唔係見到有鹽賣... 而係居然比我見到有本手作書喎...!!

講橡皮章啊~~~今日先過左去金麥姬老師度灌過水...夜晚就見到同佢有關既野...真係邪架o者~~!!

唔貴架喎~~!! $38 only...意外驚喜唔止呢下.............

再睇真...仲有盒野送的!! 師奶本性又浮起~~~~ 有野送啵...唔駛睇咩內容都覺得抵啦下話!!

贈品內容係: 一塊仔橡皮膠...兩個木底座...仲有一個爛左既印台 (嗚~~~~)

至於內容...都係教你點刻章...對初學者都幾有用架~~~

大家去到 7 仔見到...不妨買黎睇下...

搵日要再執起刻筆雕番個先得...本來已經唔係雕得好架啦...仲放低左實在太耐了...支筆刀唔知生銹未呢?!

*** *** *** *** *** *** *** *** *** *** *** *** *** *** *** *** *** *** *** *** *** *** ***

諗住去中南買番幾張靚咭紙黎整下咭仔......點知原來呢個鋪位做埋今日呀...下個月中先會響油麻地彌敦道重開呀~~~ 三樓無開呀...聽到佢地係咁 pack 箱既聲......oh~~即係又無得整咭啦~~~ 搵日要的起心肝去聯興入下紙先得...實在無乜靚咭紙啊~~!!

之後轉戰十蚊店...主要係睇下整蛋糕o個 d 工具...真係就咁睇都好開心...咩都有...居然仲有整唔同蛋糕o個d粉賣...有埋食譜比你參考~~ d 模具又多...!! 我只係買左少少野...我想自己學整曲奇...唔知成唔成功呢?!

2011年3月17日星期四

終於拎左隻手鐲型手錶喇~~

噚晚返學之前...去左 ubuyibuy 度拎左之前團購時買既特價錶...黑色係最搶手...o個晚一開始訂轉頭已經話 full 喇...好彩我地都訂得切~~! 其實白色都靚既...只不過五隻裡面得一款係黑色咪顯得特別 d 啦~~~

佢地間 office 響 CWB 同 Wanchai 既中間...真係難為了我...由百幾號門牌行到去 333 號... 之後再行去 CWB 返學...好彩仲有D時間去左義順食左個豬扒三文治 & 凍檸樂...不過就超貴啦~~~承惠 $39!!!

我幫同學仔拎埋...總共拎四隻... d staff 叫我 check 下有冇問題...我見只係得 d bubble 紙包住...就問佢地 : 無 packing 架?! oh~~原來係無架!!! 真係簡陋得有點過份...雖然...我都唔會 keep 個包裝...不過總係希望有份拆禮物既心情架嘛!!!