J & B 開心又無聊的生活點滴部落格

2011年4月3日星期日

2011-04-02 拜山日

今日到黃氏家族拜山日...放工後就去馬鞍山接埋黃老闆...不過出發前......阿B就決定先去新港城......因為佢想再買多一條褲比黃老闆...即刻拎去搵鋪頭即改即拎~~!!! 我當然讚成啊~~!!! 原來佢都係因為黃老闆的失望而未釋懷...... 其實真係幾感動架...佢對黃老闆真係好好的...!!

仲買多件T-shirt & 襪...如果噚晚買...爸爸一定唔肯要...佢唔想我地浪費錢...!

買完晒...突然醒起有同事響呢頭住...就打比佢問附近有冇改褲既鋪頭...哈~~~有啊!! 不過要 $30...但六點就有呀~~!!! 真係非常開心~~!!

之後去左慈雲山拜山...今日比較人多...d人居然仲用大檯黎擺祭品...攔住晒好多位...裡面又煙喎...佢地仲誇到連放隻雞都好考究...而且好似仲未人齊咁......咁我地唯有響外面等......

無無聊聊...阿B發現有棵白色洋紫荊樹...好少見的白色啊~~~

等左好耐...我地入過去睇兩次班人都係未有準備走啊...等左都半個鐘有多啦~~~所以再入去放低野...班友仔響度傾計吹水?!?!?!?! 唔係嘛?! 明知有人等緊架啦...呢度又咁煙...!! 我地都真係太忍讓呢D自私精喇!!! 我地企晒響度...佢地仲好似無咩想走意圖...完住當我地無到咁...所以我地真係有點啤住佢地...先至識唔好意思開始慢慢執野...真係過份!! 唔通真係有咩都要留番拜山先講...?!

拜完山之後...就返馬鞍山等拎褲...再去食飯.......黃老闆知道有條褲可以拎...佢不知幾開心...!! 阿B仲買左對鞋比佢添呀~~~~~ 呢兩日爸爸勁豐收呀~~!!!

拎完褲買完鞋就去餐廳食Dinner~~~ 睇下爸爸幾開心...

呢個係阿B order 既鐵板大啡菇一口牛肋骨肉...味道都ok喎~~~

呢個係黃老闆既~~~~咖喱鮮雞飯...佢成日叫我地幫手食d....@@~~

呢份係我既公司三文治...唔錯喎!!!

塊牛扒好滑好好味~~~!!

之後去左 Welcome 買明晚既餸 & 明午既糧食~~~ 仲有買左d整 cake & 甜品既材料...咁就可以隨時得閒就整啦~~~

2011年4月2日星期六

2011-04-01 Shopping Shopping@新港城

今個星期初...黃老闆打電話比我...叫我陪佢去買褲...我就同佢約定星期五 (1/4) 同佢去沙田行街街......

其實我爸爸係一個好少話主動買衫褲鞋襪既人...通常都係我地捉佢去買...唔可以就咁買比佢架...佢有好多規定的...例如: 衫唔可以短身窄身...T-shirt要有領有袋...唔可以太淺色及太深色......好多原則...!! 所以通常我地都會搵個機會帶佢去揀去試......仲有...佢只係聽佢女婿既話...阿B話好睇...佢就通常都OKOK....!!

本來約左爸爸去一田行...點知佢話比我知...佢行過喇...無乜啱佢既鋪頭可以買呀~!! 佢連佐敦裕華都行過... 做乜突然咁積極?! 咁唯有帶佢去新港城千色店啦~~~ 通常o個度都有啱佢心水既...!!! 但係點解佢會自己走去周圍睇既呢...?! 真係好奇怪囉......

佢想買兩條褲...佢只係著西褲咋...因為其他褲佢怕焗身...!! 揀左幾條比佢試...都係同款唔同色...因為佢既嚴格要求變左選擇唔多... 難得佢睇啱...就買左三條比佢...不過改褲要等到星期一先有啊~~!! 佢知道後...好失望咁......!! 好少見佢呢個表情.......我對上一次見佢呢個表情係當我地話比佢知...我地唔想擺酒想旅行結婚的時候......當然今次佢又係好快表現出無所謂......仲自言自語話: "...唔緊要啦......." 但係見到老人家失望...當然內心唔好過......不過我同阿B都好奇怪點解佢會咁失望呢?!

後來終於知點解喇...原來佢將會Mon好早會返鄉下拜山啊...所以想買D新褲...哈哈~~~突然覺得爸爸好可愛...原來佢暗地裡都係貪靚的!! 不過無辦法啦...都要留番星期一先拎啦...!!

阿B知道黃老闆返鄉下...仲幫佢揀左件薄身D既褸...佢知道係女婿送...不知幾開心...

黃老闆仲陪我顛...響街頭玩自拍...!!

之後佢話想食中餐...所以就去左呢間燒鵝唔錯既海皇漁港~~~~

叫左個燒鵝例牌...

花菇紅燒豆腐...呢個味道唔錯~~~

茶樹菇舵鳥肉 (呢個好油...下次唔會再叫...!!)

什菜煲...一貫水準...因為想食多菜...所以次次通常都會叫呢個~~~

老爸最聽呢個女婿既說話...佢講一句...好過我講十句.......

送完爸爸返屋企......我地兩個仲響度討論緊爸爸的"褲子心事".......好明顯...我地兩個實在唔想佢失望.......

2011年4月1日星期五

2011-03-31 北海道牛奶布甸實驗報告 XDXD

哈哈~~~我都覺得自己越黎越無聊...!! 噚晚試左味喇~~~OK呀~~!! 我呢次整既 "北海道牛奶布甸" 係偏向似豆腐花既質感...可能我落多左奶...因為見剩左又無用...所以落埋去!! 口感好滑...如果想硬身D...可以加多少少魚膠粉~~!! 一係就跟足食譜...!!

賣相不錯~~~!! 因為呢個樽...haha~~~ 加分不少~~!!

表面都好平滑架...!! 帶左3個返公司請左 d 白老鼠仔食...HEEHEE~~~~ 佢地應該唔會感染到幅射 (腹潟) 掛?!

我搵到目標喇~~~ 白老鼠仔話想食綠茶味的...下次一於整綠茶布甸!!! 你地想硬d嘛? 下次我會跟足份量...去搵下食譜先~~~

2011-03-31 收穫@花園街 & 上海街

本來今晚 (31/3) 要返學...不過早兩日Raw 打黎話要改期...改到下個月尾...而阿B又響大陸上完培訓先返黎...即係我要等到佢九點幾先一齊食飯~~!! 所以我決定去花園街逛下...順便買 d 材料...今日見到花園街伯伯鋪頭度...有個花園街嬸嬸響度一齊睇檔...!!

新娘子鍾意紫色玫瑰花...不過我影出黎變左藍色...@@!! 其實我想試扎個花球比佢...因為佢未訂花球...而佢訂o個款係用呢隻色做...不過無襯花的...即係將呢扎剪開黎...再束好d綁條粗絲帶就收 $200 ...!! 咁我覺得我應該都做得到...@@!! 呢扎都係$45咋嘛...比人賺其實我都覺得係應該既...不過要賣家係有heart先係囉~~!! 呢個 Sun 試下先......