2011-03-31 收穫@花園街 & 上海街

本來今晚 (31/3) 要返學...不過早兩日Raw 打黎話要改期...改到下個月尾...而阿B又響大陸上完培訓先返黎...即係我要等到佢九點幾先一齊食飯~~!!  所以我決定去花園街逛下...順便買 d 材料...今日見到花園街伯伯鋪頭度...有個花園街嬸嬸響度一齊睇檔...!! 

新娘子鍾意紫色玫瑰花...不過我影出黎變左藍色...@@!!  其實我想試扎個花球比佢...因為佢未訂花球...而佢訂o個款係用呢隻色做...不過無襯花的...即係將呢扎剪開黎...再束好d綁條粗絲帶就收 $200 ...!!  咁我覺得我應該都做得到...@@!!  呢扎都係$45咋嘛...比人賺其實我都覺得係應該既...不過要賣家係有heart先係囉~~!!  呢個 Sun 試下先......

另外我買左深少少既紫...用黎做手花...加埋隻貓仔落去...少少襯花...應該 ok 掛...Sun 做隻版出黎先得!!  都想比主人家睇下啱唔啱心水~~

我始終都係有d鍾情小牡丹...所以點都買左d...哈哈~~~

本來諗住行埋繽紛...點知今日盤點收六點呀 ><"  仲想睇下有乜靈感添...!! 

之後醒起想去上海街買烘焙用品...o個度收八點呀...即刻搭地鐵過去油麻地...!!  去到都係七點九左右...仲有好多人響裡面買緊野~!!

我都係第一次黎...唔難搵...真係好多野賣...!!

響裡面真係睇到唔捨得走...多野到丫...係睇唔切有咩買...哈哈~~~

不過我心目中一早已定左D想買既野...所以都好快揀完...走得!!  之後仲去左旺角什麼店買左個保溫袋仔~~ 之後就即趕返去太和會合阿B喇~~!!

我仲比左$$入會做 VIP...!!

今晚既行程超趕呀...哈哈哈~~~ 不過行得好開心~~!!