2012-06-24 皮革手機套

皮革...其實都幾好玩...所以每次見到有團購...都會叫埋茂利朋友一齊玩...!!

兩個多月前...約埋去觀塘某工業大廈上堂...!!

呢個阿SIR好啊~~!!  我地全部揀做電話套...佢任我地揀式及顏色...

仲可以自己做咩款都得 (當然只限簡單款啦...)

個個人都唔同架...第D班唔會比咁做架...!! 

而且 NOTE CASE 都可以整...只係加 $30 ...!!


成個 PHONE CASE...由 CUT 皮都係自己一手包辦...由無到有...!!

阿B想要一個可以掛在皮帶的 NOTE CASE ...

佢整得比我地複雜...不過佢係第一個完成穿線...@@~~

我地六個人...揀左三隻皮色...3X紅...2X綠...1X藍...

CUT 皮至難係整圓角...又驚介斜...好彩今次無事...!!

個個埋頭苦幹之餘...仲好多野講...課室都係嘈之巴閉 (基本上有我地都係咁嘈)...

又講波又講馬...阿SIR都加入講埋一份...好搞笑...!!

呢間真係唔錯...會教埋我地處理裡面D皮屑...

上次嗰間講明團購唔包喎!! 

成個過程都係要自己黎...由 CUT 皮...打穿線孔...塗保護劑...穿線...油皮邊...鑿字都要親力親為...

間中當然 CALL 急救支援 (阿SIR) 啦~~~~~~~

雖然攰 D ...不過真係滿足感大好多...!! 

阿SIR真係極之好人...其實我地做到已經過晒時...第二班都返學了...

佢仲開多張檯比我地繼續做...仲繼續教埋我地其他野...又唔嫌我地嘈住其他同學啵!!

不過好似對第二班唔係咁公平~~@@"

搞左幾個鐘...OVERRUN 左超過一個鐘呀!!

我地呢班茂利既製成品終於出場喇~~~~~~~~~~~~

阿B嗰個可以穿皮帶用...我嗰個可以斜"咩"用...!! 

D 皮係阿SIR自己染...好靚又唔甩色喎!!  勁!!! 

搞完一輪...仲要叫阿SIR幫我地合照...HAHAHA~~~

有機會要再黎呢度整個相機袋仔呢...!!  我見有人整個即影即有機袋好靚架!!! 

2012-08-25 食在大尾督

又開始轉懶了...今個月係生日月...比較忙又比較懶...@@~~

再上一個星期六 (25/8) ... 其實呢篇之前打好晒架喇...點知一POST就衰左...早D SAVE 左先...


話說行完一遍龍尾灘...我地雖然話唔肚餓...不過一場黎到大尾篤...就食埋至走啦~~~

上年黎...見到一間泰式餐廳好多人等位下...我地話下次黎一定去試下...

大概時間仲係早啦...都未夠六點呀...唔駛等位即入得!!!

雖然坐近門口...不過呢度冷氣夠...一D都唔熱!!!

呢間叫做 " 忠誠茶座 " ...個名一D都唔覺係食泰國野...!!

打開 MENU ... D 圖係幾吸引...樣樣都想食...!!

明明話唔肚餓...點知兩個叫到一檯都係野...!!!

叫左乜?! 

< 1 > 泰式炒蜆

呢個可以唔叫...一黎份量少...二黎麻麻地好食! 

< 2 > 咖喱炒大蝦

大概有五至六隻大蝦...算大隻...啖啖肉...好味!!!! 

< 3 > 蒜茸包

既然有咖哩汁...就梗係要叫客蒜茸包啦...香口又夠脆...好味!!! 



< 4 > 生菜包

呢個幾惹味...不過間中食到D汁好鬼辣...

真係辣到猛飲水...叫 WAITER 加水...

佢見我食到伸晒唎話好辣...好體貼地問 : 駛唔駛比杯冰水你地?!

嘩~~~~兩個即刻雙眼發光啊...!!!  即刻係咁點頭...個樣應該好傻啊!!! 

阿B仲話我好戲...伸埋唎話辣...!!  咩啊?!  真係好辣丫嘛!!!

 

< 5 > 沙嗲雞 & 牛

雞肉好味D...牛就有D鞋又硬...!!  不過D汁都幾好味~~~

兩個話唔肚餓既人...就係叫左成檯食物...

好彩只係食剩少少生菜包...唔係太飽唔食啵...係因太辣食唔到了...好彩無乜浪費!

呢餐食得好開心又滿足呢...!!  下次再黎...試埋其他野先得...!!

食飽飽之後...就打道回府了~~~~~~ 呢日過得相當充實而且仲好有口福呢~~~!!!

是日節目:

2012-08-25 High Tea@Mr. Steak Cafe

2012-08-25 龍尾灘@大尾督

2012-08-25 龍尾灘@大尾督

上星期六 (25/8) ... 響沙田食完 TEA 之後...就揸車入去龍尾灘喇~~~~~~~~~~~~~~

入到大尾督...呢日其實都好熱...等左一陣就有車位...

換左對拖鞋之後...就落石灘行喇~~~~~~~

呢個灘好多蠔殼呀...好多人都比蠔殼介損左手腳...

而且間中仲見到玻璃添... 好多家長都帶左小朋友黎摸蝦捉蜆...

不過佢地捉左又點呢?!  拎到返屋企實瓜架喎?!

其實想小朋友接觸大自然既同時...應該教導埋佢地要愛護小生命...!!

睇下其實都可以啊...唔一定要捉佢地架嘛...!! 

D 沙好多細窿呀...因為好多蟹仔捐出捐入...好細隻架...!!!

不過非常敏捷!!  用傻瓜機好難捕捉到佢地既倩影...!!

大家要考下眼力 + 想像力了~~~~~~~~~~~~~~~~~

雖然好熱...不過 D 水好清涼下...阿B問我第時呢度變成人做沙灘...會唔會黎游水...?!

會~~~~~~~~~~~~~~~~~ 黎浸水囉...!!  我都唔識游水既!!!!!

真係好多蝦仔蟹仔...但係就真係要好留心先睇到...!!

不過我無見過電視講既其他生物啦...可能我地無真係好仔細咁睇...

度度都見到好多蠔呀~~~~~~~~~~ 仲有蜆...

其實食唔食得架...?! 

在等水漲離開的蝦仔......

呢隻蜆幾大隻下......

呢日都唔係好多人既...通常都係一家大細黎......

個個都好忙咁烏低身周圍睇...係我地兩個好遊閒咁周圍睇.......



阿B都有越行越出架...佢褲腳可以抽得高D...

我腿粗褲管又窄...抽唔得高...只有響淺水行啦~~~~

 

臨走前都要響呢度留底下褲印倩影的...!!! 

走時都五點半有多了...仲諗緊響唔響大尾督食埋飯先走...!!

初時我地兩個都唔覺得肚餓...不過既然一場黎到...就食埋先走啦...!!

決定去上次見到多人的泰國餐廳試下......

是日節目:

2012-08-25 High Tea@Mr. Steak Cafe

2012-08-25 食在大尾督

2012-08-25 High Tea@Mr. Steak Cafe

上星期六 (25/8) ... 我地都係短週唔駛返工...!!

本來阿B話會返去OT既...我話不如我出黎接佢放工 (罕有!!  )...

睇得出佢不知幾開心...哈哈哈~~~ 我仲話 BOOK 左帶佢去 HIGH TEA!! 

星期五晚佢又話都係唔返喇...咁我又提議不如去龍尾灘睇下係咪真係咁易見到海星?! 

而且十一月就會動工整成人工沙灘了...所以想去睇下啦~~


星期六臨出發前...已單聲比佢知個 High tea set 一定食佢唔飽架!! 

佢真係煮左個芝士麵黎食打底...而我當然唔執輸...都食左個芝士杯麵...嘩哈哈~~~

無辦法~~~~ 大食怪夫婦!!!!! 


今次去左 牛扒先生 度食高茶...!!  由三點開始可以食到五點半...!!

我地入到去仲搞笑話: 我地一定食唔夠一粒鐘...!! 

人地去高茶係去消磨下時間...傾下計...

我地幾時都有得傾啦...加上我地食野速度係極快的...!!  (長期驚死無得食咁..haha...訓練有素)


呢間鋪好細下...主要其實係食扒的... 搵晚黎試下...不過都幾貴下...要搵特別的日子先試得...!! 

今日唔算多人...有幾檯都係食 high tea set...

招呼算唔錯...起碼成日黎加水...!!  又可以免費泊車...!!

呢個叫做 " 皇室日式High Tea套餐 " ...有d咩食?!

(1) 和式漢堡 x 2

(2) 蒲燒鰻魚野菜卷 x 2

(3) 帶子蕃茄莎莎脆多士 x 1

(4) 海老天婦羅 x 1

(5) 煙三文魚和風沙律 x 1

(6) 北海燒海膽酥盒 x 1

(7) 青森縣紅豆和果子 x 2

(8) 北海道牛乳布甸 x 2

(9) 果仁朱古力餅 x 2

(10) 咖啡或茶 x 2


擺放都幾吸引人...就咁數落黎份量都好似好多咁...但有d都係得一件...

而且樣樣都係的的式式...男人唔打下底就唔夠飽架喇....哈哈~~~


我們食野之前都係要拜下神先...  即係影相囉...哈哈~~~

有朋友說的...因為大部份朋友食野先前都係要影下相先...唔影既等食既就咁講了...

次次食先前會問我地: 拜左神未?! 

個樣幾精緻架...味道都唔錯既...!! 

我最期待個北海道牛乳布甸...不過幾奶下~~~~!! 

另外...可以跟餐加錢換杯果汁...不過我見都唔係新鮮既...所以無諗住加...

點知阿B話佢想加......少有喎!!!!   要左杯紅石榴蕃石榴汁...@@~~!!??


不過佢 ORDER 時係指住幅圖黎叫的...!!

佢 ORDER 左之後...我問佢...飲石榴汁既咩?! 

佢如夢初醒話: 下!?  乜唔係紅豆黎架咩?!    仲話要驗下眼喇...!!!

比佢笑C囉...!!!  睇圖唔睇字...睇圖又唔睇真...哈哈哈~~~~

杯野黎到...佢想我幫佢飲左佢...不過又唔講明...只係話你鍾意就飲左佢啦...嘩哈哈~~~

我知啦...我醒架嘛...咪話我嗰杯比佢叫過囉...!!  佢即時好開心話: 咁我諗下飲咩先...!!

比佢笑鬼C囉~~!!! 



食完真係一個鐘左右...我地就出發去 龍尾灘 喇~~~~~~

是日節目:

2012-08-25 龍尾灘@大尾督

2012-08-25 食在大尾督