2012-11-28 再戰口金包

冬天懶呀...掛住煲劇丫...又要陪小狗玩啦...好多blog 堆左響度...

有d 都放棄 blog 喇~~ 而家主力 blog 番 d 去玩去食既事...比自己一個紀念...


上個月尾 (28/11)...又再戰口金喇...對於針線弱者既我...

話時話...已經玩第三次了...但係每次都係新挑戰!! 

今次做既口金大少少...啡色塊布係我揀既...朋友們揀的布都好靚架~~~

導師一早已幫我地栽好布同埋聯起左內裡...節省了不少時間...

嘩哈哈~~~ 係節省了導師不少時間...

如果比我地自己栽 & 聯...又不知花多少時間了!!! 

又係穿針引線到滴晒汗...一揸起支針...我就硬晒呔~~~!!  支針好似千斤重咁...!!

幾經辛苦...按過幾次救命鐘...終於聯好個包包...都成功反到袋...!!! 

但係最難上既口金都未開始...!!  手已經好攰又痛了~~!!

真係針針皆辛苦...!!   

不過今次明顯已經聯得快左少少...又靚左少少...已經無咁求其聯埋就算了~~!!

一如過往都係 overrun 架喇...我地三個的口金都上左四份一...都已經唔錯了~~!!!

不過直到而家...我都未完成...擺左埋一邊...HAHAHA~~~

幾時會完成...應該係不日...要睇心情 & 時間...!! 

朋友的口金布好靚架...不過好搞笑...一邊係美女...另一邊個條蟲...

我地笑話...我地整得咁慢...美女都等到變成蟲了...!! 

哈~~~三個大口金...遠睇好似完成左咁...!!



口金其實幾好玩...不過整到隻手真係好攰下!!

2012-11-19 拍拖週年紀念日

一個月前...即係無記台慶日...亦即係我地拍拖十N迵年紀念日...

年年我地都會幾重視呢日...因為無呢日...就無咁多個其他紀念日出現.......HEEHEE~~~

呢日其實阿B仲係幾唔舒服...不過佢都有堅持要出去食飯...

其實都無諗到去邊度食...見手頭上仲有張 COUPON ...

所以就 BOOK 左去食鐵板燒了~~~~~~~~ HOHOHO~~ 兩個都係日本食品精...!!

今年係響呢間龜井鐵板燒慶祝我地十N週年~~~!!

鋪頭其實唔算大...安排左我地坐鐵板檯...不過師傅全程唔係我地面前燒燒燒...

都見到佢既...不過係離不遠處........@@~~~

呢餐有D咩野食?!  睇下喇...!! 

(1) 凍豆腐沙律

(2) 三款厚切刺身 (唔見得有多厚...!!)

(3) 什錦天婦羅

(4) 鐵板帆立貝

(5) 鐵板鵝肝

(6) 鐵板和牛薄燒

(7) 和牛脂炒飯

(8) 蜆肉麵豉湯

(9) 炒野菜 (呢牒餐無寫有的...唔知點解會比埋我地...?!)

(10) 甜品 (雪糕)

我地只係另外加左兩隻鮑魚...其他既都係跟番原本既餐...

食物味道同份量都OK...除左牒"和牛薄燒" ...份量只有一人份...太過份囉...!!

 

兩條友仔食食下...無無聊又玩自拍...

點知比店長見到...哈哈~~~ 佢仲主動提出幫我地影呀!!

最搞笑係...佢話: 其實你地都影得好好架喇...不過我再幫你地影啦~~~!!

服務態度真係極之好呀~~~~~~!!!

< 呢張係我地自拍的!! >

< 呢張係店長幫我地影的!! >

< 影相機裡面的我們...!! >

特別的日子...訂左個蛋糕黎慶一慶...今次終於訂b.仔的~~!!!

呢個係芒果流心蛋糕...好清新的味道...b.仔蛋糕真係幾好味的...!!  不過貴左d囉...!!

小狗細細對個蛋糕好有興趣啊...!!

近黎佢精神好左好多...又活躍左好多...不過...佢既身體機能已在慢慢衰退...

只希望...明年的十N週年...你依舊跳跳扎的在我們身邊嗲著.......

不經不覺已十八年...真的很漫長呢...哈哈~~~~~~~~~

但當日既情景...都仲好清晰......

叫小狗細細望鏡頭...真係超難...佢不時左擰右擰...但總係唔望正中...@@~~

不過唔緊要...只要你係響我地正中就可以了~~~~~~~~~~~~!!!

之後捉住隻妹黎自拍...佢又係唔多合作...成日 "lam" 我...!!

又左郁右郁無時停...!!  真係好鍾意佢呢~~~~~~~~~~~!!!

小狗細細自從病左之後...經過治療反而比以前精神好多...

而且仲百厭左...唔通大病一場後都睇化左...識得及時行樂了?! 

嗨~~~~~~~~~ 你要繼續努力啊!!!!!!!!!!!!!!!!!!!!!!  乖乖呀~~~!!

呢張影到小狗細細對支蠟燭好有興趣咁...HAHAHA~~~ 佢伸唎仔真係好可愛呢~~~!!



好開心...只有身邊有你們就可以了!!!!!!

2012-11-18 細細@Story Studio

上個月拍拖紀念日前一日 (18/11) ...book 左 studio 同細細玩影相...

今次呢間響觀塘...幸好九月份無期...如果唔係相信都影唔到...因為當時小狗病重...

今次可以影係特別開心...因為小狗細細呢兩個月活潑生猛左好多...

雖然佢個病仲未確定有好轉...不過見到佢開心番活躍番...真係好安慰...

實在唔想見到佢咁辛苦又幫唔到佢...!!


去到觀塘泊錯左一個好遠既停車場...行左幾條街...好彩無遲到...今次影 1.5 hrs......

攝影師都好有耐性...成日逗小狗細細玩...細細對佢 & studio 都好有興建...成日周圍走無時停...

影咁多間...我同阿B都覺得環境最好係柴灣...而且仲係最平...又全數相可以拎走...!!

細細今日超精神...仲周圍八卦...不過唔肯坐定定比攝影師影相...

所以影佢都幾難影...

今次幫細細豬帶左幾套衫仔去...我地都有兩套...呵呵~~~

影完之後即揀相...好容易就揀完...點知揀多左一張...費事再揀黎 DEL ...買埋佢算了~~

攝影師都唔得閒理我地...因為佢仲要影第二場...係BB仔黎架...

小狗細細成日想走去八卦人地...搞到我成日要捉佢返黎...@@~~~

又唔客氣跳上人地梳化玩...完全唔攰 (我仲攰過佢...阿B仲攰...呢日佢帶病上陣的...)

哈~~~偷影左幾張...其實就算影晒都仲可以...

不過算了...唔好太過份...@@~~~~~~~~~~~~~!!!!

呢張好搞笑...兩條友仔鬥啤咁...!!

哈~~~呢張阿細好似砟 LUM 咁...!!

三個星期後有相拎...我地無加錢喇...三百幾影一次...玩下都抵丫~~



回程時...傻妹開始攰喇...訓到好 LUM...仲扯晒鼻降添...!!