JB1018 Wedding Party@席前切蛋糕(綠色EG) & 席前迎賓(紫色EG)篇

響大埔海濱公園影完一輪外影...就要去到晚宴的酒店作準備喇...!!

去到已見到一眾兄弟姊妹...已經開始忙碌地幫我地佈置 Receiption喇~~~

我地既大會吉祥物~~~~大口仔大口妹夫婦!!  到處都會見到佢地幫我地招呼人...哈哈~~~~

姊妹們忙於打點現場...

呢個大型 Welcome Board 係我地自家出品...掛在 Receiption 後面...!! ^^

Receiption 的靚靚招待組成員...加埋我個傻更更的細細佬 & 佢女友~~ 仲加多個對我好照顧的姊妹A...而佢係負責1018大會既統籌及 Time keeper...!!

辛苦晒各位喇!!!  ^_______________^

而呢位靚靚既就係負責佈置統籌既~~~姊妹Y~~ 佢響我地婚禮上既角色多元化...例如: 兄弟無間道@九千萬女郎...檯咭設計師...愛的宣言設計師...Formboard 速遞員...特約派相員...佈置統籌等等...無左佢...我地會好似打麻雀爭隻腳咁!!  o個晚及之前很多個晚上都多得她呢~~~!!

你都比個 GOOD 自己呀?  我比十個你!!

姊妹Y幫我地將相片樹的相片掛滿...還原展現人前~~!!  上面有好多娘爆老土核突 look架...haha~~

一對搞笑的活寶貝鎮守接待區...haha~~~^^

就係有佢兩位響度搞笑...所以沉悶繁忙的 Receiption 變得輕鬆愉快得多了...搞到我細細佬話比我聽佢坐到唔願走...!! ^^

而我就即刻要去轉妝換上 淺綠色 的晚裝...準備迎接各方親朋戚友到來祝賀...因為屋企人開通...都唔駛再著裙褂影相喇...咁我又可以多d時間著多件靚靚衫喇...

之後同d早黎既賓客影下相傾下計...暫時都好輕鬆自在...哈~~ 我地有即場派相...有兩個攝影師影...所以和賓客影就要用較多既時間...之後姊妹A及姊妹Y就幫我地做跑腿...周圍派相比人...真係辛苦晒佢兩位呢...仲要著住高跟鞋添...!!  ^__^

十年前一個網上遊戲...令一班陌生人聚在一起...再變成好朋友...Acer family 既 members~~ 能夠 keep 住咁耐...真係一種緣份~!!  很難得的緣份...!!  ^__^  而另外有d都想請架...不過太耐無見唔想亂炸人...所以只有派雪糕劵比佢地啦~~

影左一輪相...大概六點半左右就到左切真蛋糕時間喇~~~!!  好開心...可以切真蛋糕...!!  我覺得結婚點都要切下真蛋糕先完美...呢個係我既執著想法...!!

因我地擺既圍數唔多...所以無花錢訂個靚蛋糕喇!!  呢個蛋糕係酒店送架...雖然樣子很普通...食左少少 cream 都幾ok喎~~ !!

個 stage 其實好細...所以我地唔想搞到好誇...Backdrop 只用少少燈...白色的紗...加上簡單的 Logo ...完全附合我地要求既簡簡單單...清清地~~!!   兩座水晶花柱係送既~~ 都幾靚架!!

一大班人一起圍住切蛋糕...好開心好熱鬧呀!!!   好耐無切過蛋糕喇...!!   yeah~~ 多謝你地既祝福呀!!  ^___^

兩個低 b仔...塞到成咀都係 strawberry~~~ 之後仲比攝影師玩...要我地用咀互餵...!!  @@" 

成班兄弟姊妹圍在一起切蛋糕...很熱鬧很開心...!!  ^___^ 

之後同 d 親朋好友影左陣相...攝影師就催我去換第二套晚裝喇~~~ @@"  因為開始越黎越多人喇!!  佢叫我爭取時間...因為轉妝換衫都起碼 20-30 mins ...如果唔係就浪費左另一件衫架喇!!

MC 當晚表現非常出色...有她代我們跟進事宜...令我地好放心去招呼朋友...享受晚宴...^^

換左另一套 紫色晚裝 出場...開始忙住同d賓客影相...雖然賓客唔太多...不過都係影唔切...有d要留待敬完酒再補影了~~ 好鍾意呢條紫色裙...好特別...隻紫又靚...!!

兩個臨時加插的小花女...樣子比實際年齡細...其實兩個都八歲喇!!  丫...!!  其實花女有冇年齡限制的?! 

好多謝老闆都黎飲呢...真係好開心好感激咁賞面~~^^  做左咁多年...同老闆最親近都係今次!!

三位由細玩到大的好朋友...雖然事前因姊妹裙 & gatering 的關係有點不愉快...但只係沙中事件...風吹過後就無痕跡...無影響到友情...這就是真正的朋友...^___^  當晚她們都盡心盡力去幫助我地完成婚禮...

往後的日子...還是需要你們在身邊支持和鼓勵......

因為親戚唔多...有d又玩野唔黎...~___~"  敬茶既時間都唔多~~ 不過一敬茶就會用左好多時間...所以最好酒店 / 酒樓員工可以立即幫忙搬椅子拎茶壺...咁樣會快速搞惦又可以再影相了...

一對好搶眼的麒麟臂...哈哈~~ 只怪自己天生愛吃又懶惰...很早已放棄減肥了~~ ^__^  因為著實好難忍受美食當前要忍口的滋味...heehee~~~

因為好多客人都在八點左右時間先到...有d到左又留響門口影相...所以影大合照都幾趕下...又要等齊人...約左律師八點半証婚...律師好準時到左同MC討論...不過我仲未入得去準備...仲影左一輪相...!!

終於八點三先拿拿臨跑去換婚紗轉妝...o個陣好心急...律師同我講乜都聽唔入耳...腦裡面係一片空白...!!   間新娘房又細...成六個人響度...好混亂...爭d鞋都唔記得著就走出新娘房...見到出面已經熄左燈好耐...但係我仲未準備好...當其時真係開始有 d 炆自己 @@~~ 搞到個個叫我放鬆放鬆...笑都笑唔出...好彩最後都趕得切唔係遲好多...不過之後諗番...其實都唔駛咁趕...因為個律師好好人...都無催過我地...所以就黎大日子既 JM們...到時記住要放鬆心情...因為一定解決得到呢...無謂搞到拿埋口面...至緊要保持靚靚啊!!  ^___^

 

下回:

JB1018 Wedding Party@進場 & 註冊篇

曾生婚後第一個生日~~ 生日快樂!!!

今日係阿B的生日大日子~~~~ HOHOHOHOHO~~~ 生日快樂...身體健康...腰骨唔再痛!!!

已經 book 左位今晚食 buffet 喇...睇怕佢生日之後...肯定肥幾磅呀...佢係咁食食食~~~!!

寫左張生日咭比佢呢...heehee~~~ 今晚先比佢...包保佢睇到笑哈哈~~~ ^___^

*** *** *** *** *** *** *** *** *** *** *** *** *** *** *** *** *** *** *** *** ***

放工後...即出旺角帝京Fa月亭...重回呢間酒店的 lobby...大日子既情景又響我地腦中浮現呢~~~~ ^^

我地今晚就食響呢度食喇!!!!   而家無左兩舊幾水食兩個鐘呢個 promotion...所以要 $398呢~~~!!  訂坐時...位小姐超串!!  我話其中一個今日生日.......我都未講完...佢就窒住我...話呢度無生日優惠呢回事!!!   我同佢講我唔係想要咩優惠...只係想問下有冇d野可以幫我安排下......佢話無!!!!   呢d人真係要"的"在再培訓呀!!!  咩服務態度?!  就算無都唔駛咁丫嘛?!  好彩仲病緊...無佢咁好氣!!

祝各位 bloggers 同你另一半~~~~永結同心!!!  ^___^

阿B次次都會拎牒飽肚既...HAHAHA~~~ 有炒麵"law"米飯...仲有佢飲左四碗既蓮偶湯~~

呢度d蝦好大隻...d肉好結實...食多幾隻都幾飽的@@~~

而長腳蟹呢...唔知係咪而家唔係好時候食丫...腳幼幼咁~~~

食左三件開邊龍蝦...啖啖肉...阿師傅仲好得閒咁教我落咩汁...佢叫我落牛油汁...不過好淡既~~@@!!   而和牛都 ok 好味...!!   我最鍾意食呢度既鹽燒雞翼...好夠味...我食左八隻呀!!!

今日只係食左好少魚生...可能呢幾日食得太多呢d喇@@~~!!

大蝦天婦羅...阿B既至愛... !!    呢度又係有兩款牌子雪糕架...仲有脆皮雪條添!!  我食左兩個 Haagen-Dazs...都回番少少本...haha~~

當阿B出左去拎野食時...我放左張咭響佢檯面...不過成日比巡邏既 waiter 望望貢@@!!

哈哈~~~ 我都話佢睇左一定笑哈哈架啦~~~ 我抽左佢接新娘讀既愛的宣言其中一部份黎改編...佢問我 : 咁似愛的宣言既!?  當然我寫o個d梗係對我有利d架啦...呵呵呵~~~

老公~~~~~~~~~~~~~~~~~~~~~~~生日快樂呀!!  ^______^

我地由六點半食到九點幾呀...不過原來只係免我地 1 hr parking @@!! 

新世紀下面佈置左好有新年氣氛呀~~~ 四處都係桃花呢~~!!

仲有個免費 print 相服務呀~~~ 不過就要你用 facebook a/c join 佢地個新世紀會...

有頂帽 key 落你個頭架~~~ 好搞笑...!!  你可以揀唔同既帽黎 key ...只要你響限時內...覺得呢頂唔好睇就轉一轉自己塊面向另一邊再返黎...咁就自動會出第二頂比你架喇!!  好搞笑架~~~ 本身我地揀左財神架...不過o個張唔成功呀......o個張有鬚架!!  其實可以再整過既...個職員都幾好架...不過費事阻住其他排隊既人啦~~~!!

雖然張相質素麻麻...不過玩既過程過癮就得啦~~~ ^^  我地呢張係戴住大頭佛 & 金元寶!!

預祝曾生婚後第一個生日~~

2010-01-22 去 SSP 睇下 D 電腦用品...買左隻 mouse ...好耐無行過西九龍廣場...嘩~~ 個場好混亂...好多小檔位@@!!

見到有間 " 和亭 " 食日本野好似唔錯咁...原來係 "和民" 集團既...即管試下...兩個人叫左好多野...@@~~ 婚後大食左好多!!

什錦天婦羅...兩客壽司...炸軟殼蟹...清酒煮蚌...三文魚魚生...鹽燒雞翼...牛肉窩飯...今餐係預祝阿B Jan 26 生日大日子的前哨慶祝晚飯!!!!  heehee~~

放到一檯都係食物...好美味~~~ yummy yummy ~~~ ^__^

阿B食得多美味~~ 呵呵~~~

*** *** *** *** *** *** *** *** *** *** *** *** *** *** *** *** *** *** *** *** ***

2010-01-25 阿B生日前一日...亦係我地結婚 100 日的日子...HOHOHOHO~~~~一班好友響屯門黃金海岸食 Buffet 為佢預祝生日~~~ 好熱鬧!!  哈哈~~~ 仲有個蛋糕添...阿B好驚喜呢~~^^

阿B~~~~ 祝你生日快樂~~~身體健康呀!!! ^_______________^

個蛋糕幾襯佢...HAHA~~~ 都係黑蚊蚊...HAHAHA~~

許左咩野生日願望呢? ＾＾

呢度好多野食...不過我仲病緊...無乜胃口...um...後黎先知黎小姐都病緊...我問佢係咪我傳染佢...佢話唔係...朝早已經病病地...呃...怪唔知我仲未好番啦...原來未成功傳染比其他人...heehee~~~

呢位阿哥影相既姿勢好奇怪．．．哈哈哈~~~ 佢買左架新玩具...係咁影不停...好搞笑~~

我第一次黎呢間酒店食野咋... Amy 有六折...所以好抵呢~~~

兩個病人~~~ 哈哈~~

你病呀...咪痴我老公咁近呀!!  哈哈~~~

周圍已經佈置成新年裝飾喇~~~~ 就黎派得利是喇...yeah yeah yeah~~~ ^___^

呢晚好開心~~~ 一大班人吃喝玩樂係人生一大快事...^__________^

呢間都幾多食物種類啊...當然無拎晒所有黎食啦~~@@~~ 阿B就好開心...我見佢食左好多呀...仲成日話仲有咩未食呢?!  哈~~~ 佢其實好細路仔架咋~~!!

大頭蝦...長腳蟹...大蝦.......而且仲有 BBQ 既燒腸仔雞翼串燒等...好好味呢~~~

碗仔翅係每人限一碗...不過我覺得麻麻地...!!  燒羊肉OK喎~~ 而燒乳豬仔真係好好食...即燒架~~~ D皮咬落好脆~~而且又唔肥!!

黃色o個碗仔係佛跳牆...裡面有隻鮑魚仔的~~ 而呢碗清補涼好重藥材味...阿B呢個湯怪都頂唔順呀~!!   哈~~~ 呢度居然有麥芽糖 & 可樂糖喎!!

每人限取一碗的雙皮奶...不過我地無人試過...@@~~ 而呢度D雪糕有兩個牌子選擇...牛奶公司 (芝麻...朱古力...芒果等)...而 Haagen-Dazs 就只有雲里拿咋~~ 我食左兩個...HAHA~~ 唔舒服都照食...!!!

阿B 收到生日禮物呀~~~ 就係呢份禮物令佢多左個名~~~ Never 哥..!!   hahaha~~~ 諗起都好好笑...至於點解...真係唔可以公開...^____^