J & B 開心又無聊的生活點滴部落格

2010年3月21日星期日

細細病了

養左隻細細妹已經八年喇...一向佢都好少病痛...係早幾年試過一次比較嚴重係尿道結晶石...不過好快無事...不過已經令我地非常擔心...而通常佢睇醫生都係因為皮膚既問題多...所以佢都算係一隻健康的狗仔!!

上個星期三...朝早返工時已經覺得佢好似比平時嗲...成日跟住我...以為佢又扭要零食...所以比左一條雞肉乾滿足下佢......

o個晚十點幾返到去...見到廚房成地都係佢d大大...至驚嚇既係成地都係血...好多滴...嚇死我...不過當時見到佢都仲係好精神...嗲住要玩...仲識跳跳扎...以為佢屙得太盡情...搞到pat pat流血......不過過左一個鐘後...佢開始好累咁...叫極都唔想郁...係咁訓...開始覺得佢有d唔妥......等到阿B返黎...再觀察多佢一陣...決定都係帶佢去睇急症...

要出太平路睇 24 小時急症...全程車程佢都係綣埋個身訓響我對腳上面...無乜大郁動...一D都唔似佢平時咁...我地真係好擔心好擔心...因為之前上網 search...話狗仔屙血可大可小...通常因為腸有事...而呢d病係狗仔既致命原因...所以真係好驚佢會有事......

呢間診所相當之大...有隻狗仔都係黎睇急症...阿細跟佢排第二...終於論到細細...醫生問左佢既病徵...量度了體溫...抽埋血驗內臟...要等候半小時取化驗報告...而糞便報告即要等四日才知結果...細細全程都好緊張...不過佢都好乖巧...只係響度震無大反抗...醫生及護士都讚佢好乖呢~~!!

等待半小時的時間...真的覺得好漫長...其間見到有個女主人拎住個枕頭...在和護士商討愛犬的身後事...不時見佢在飲泣...我個心有d拿住......聽到一d關於狗隻善終既野...更加好唔開心...雖然呢d野遲早都要面對...不過我真係唔想去面對......

化驗報告終於出左...顯示細細的內臟功能很正常...不過佢正在發高燒...醫生有要求可以留醫吊鹽水...如果唔係就打抗生素...我地選擇幫佢打針...因為唔想佢一個留響度...佢實驚啦!!! 呢個醫生打針手勢麻麻地囉...阿細應該覺得痛呀...一打完阿細即刻拎轉頭望支針呀!! ><" 之前抽血已經響佢前頸度拮左幾針...見到都好心痛呀!!!

返到屋企都成兩點幾...隻妹妹累到唔想郁喇...響佢張床仔度係咁訓...第二日我請左假黎陪佢...佢朝早都仲有屙左d血...而且仲嘔...唉...真係擔心死人喇!! 幸好訓醒一教食左少少野...個樣好似精神番d......不過都係成日訓......餵佢食藥都好合作...連我食牛肉飯佢都無反應...平時佢一定好興奮...要一齊分享架!! 証明佢真係好病好唔舒服...嗚嗚~ 睇下佢...訓到個頭好似生意失敗咁既樣......

佢仲要食幾日藥呢...而且仲要戒口...食減食既糧...為左補充佢既體力...要用 1:1 既份量開補抗力比佢飲...

到左今日...佢應該好番晒喇...因為佢又變番好為食既樣...聞到美食就會咀lam lam...而且餵佢食藥仲會反抗...而且仲好大力添...!! 而佢大便既化驗報告都出左喇...幸好只是腸胃炎...!! 細細...你唔好再病啦...!!! 拜託~~!! 我寧願自己病呀...因為佢唔識同我講邊度唔舒服囉!!!

今日阿B幫佢理髮呀...病完之後已經輕左...家下仲剪左好多毛...而家佢成隻瘦晒...變左排骨妹!! 好清爽呀~~~

2010年3月17日星期三

Our Sweet Honeymoon Trip ~ Day 3@佛羅倫斯 & 比薩 23/10/2009

訓醒一教...今日係行程第二日...不過仲係落雨呢...而今日既目的地就係景色優美既佛羅倫斯...OMG~~

意大利人好鍾情嘆咖啡...所以我地沿途經過加油站既時候...都買左杯咖啡黎試下...真係幾香滑架喎!!

「佛羅倫斯」這譯名是根據城市的拉丁語名字「Florentia」而來...這個建於山丘上的廣場，十九世紀時是社會上層階級的聚會地點，其邊緣圍以石砌欄杆，設有數座小型望遠鏡，供遊客觀賞遠近風景。佛羅倫斯城的主要名勝多在河的另一面，如紅白相間線紋的「百花聖母院」、在其旁邊是高聳的「喬托鐘樓」。還有另一邊的「聖十字架教堂」以及「聖羅倫佐教堂」的灰褐色鐘樓等，此外可眺望「維奇歐老橋」、及「阿諾河」兩岸的景色，盡收眼底.......

廣場有數間 cafe，遊人可邊欣賞山下美景邊嘆香濃的 Cappuccino 就最為寫意。尤其是在黃昏日落時份，與心愛的融融細語，一同陶醉在浪漫的晚霞雲彩之中，如此迷人圖畫，想必是如蜜糖般香甜的呢。

可惜...當日我地去到...正在下雨呢...><" 如果無落雨...相信真係幾靚架...我地D團友落雨都影到唔捨得走呢...!!

小山崗上的『米高安哲羅廣場 Piazza Michelangelo』...廣場位於亞諾河傍的小山丘上，從這裡可眺望整個佛羅倫斯舊城區的迷人紅磚瓦頂景色，這裡是不少明信片及電影的拍攝場地.......

置於廣場正中央有《大衛雕像》復製品...雖然是老翻既A貨...但仍是佛羅倫斯的著名標誌之一...

我仲同阿大衛開左個小玩笑添...點知比個外國人睇到...仲指住我笑添呀!!

今日下午好豐富...食正宗 pizza...燒雞...又係紅酒仕飲...實在有點那個...下午都飲紅酒...@@~~ 不過可能水土不服...胃口唔太好...呢餐我食左好少呢...其實味道係幾好架...um...意大利既水真係好難飲呀......

餐後就出發去下一個景點喇...比薩斜塔...!!

比薩(Piza)，意大利的中古教堂一般分為主教堂、領洗堂、和鐘樓三部份，欲倒不倒的斜塔原來就是鐘樓，塔高七層，由純白大理石建成，神聖而美麗。

黎到呢度...個個團友都變得好鬼馬...一定會影下d扮野相...我地都唔例外...不過就扮得比較含蓄...呵呵~~

近年先重新開放比遊客上斜塔...不過為左唔好增加斜塔既負擔...所以我都唔唔上去喇...heehee~~~其實係因為大排長龍呢...都唔夠時間上去參觀喇...

哈~~我發覺外國好興乜鬼都要收錢...任何名勝參觀差唔多都要收錢...甚至乎參觀廁所都要收錢呢~~~ 所以成日都要留定d散銀去 toilet 用...@@!! 真係去到外國屙篤尿都貴過人......

意大利既男人真係好靚仔既呢...守衛都係靚仔...換轉香港o個d...唔係阿伯就好騎尼怪...oh~~唔好意思...香港的靚仔們千祈唔好對號入座...heehee~~

我地要坐呢d suttle bus 來回旅遊巴集合點架...斜塔旁有個售賣紀念品既市集...不過一定要講價囉...響度買左幾個水晶球...真係幾靚架...不過因為裝滿水的關係...最後令行李增加左唔少既負擔~~@@!!!

今晚既晚餐都係好簡單既食物...味道其實就麻麻...但係個甜品就好正囉~~

而今晚既酒店設備其實都幾好架...而且意大利人好搞鬼...馬桶旁仲有個類似洗手盤...唔好用黎洗頭呀...意大利人用黎洗 pat pat 架...哈~~~

Our Sweet Honeymoon ~ Day 1 & 2 HK TO 羅馬 & 梵蒂岡 (21 & 22/10/2009)

um...之前打既野無拉拉無晒...有點提不起勁再寫囉....><" 點解會咁架?! 嗚嗚~~~

*** *** *** *** *** *** *** *** *** *** *** *** *** *** *** *** *** *** *** *** ***

一向慢半拍既 J & B 組合...結婚相又未執好...Honeymoon 相又搞左好耐...終於的起心肝 blog 番個 honeymoon ...... 其實仲有好多相...不過無心機再執喇...就抽部份出黎 blog下啦....

一直我地都只係在亞洲區旅遊...成日比人笑衝唔出亞洲...所以就以一生人一次既 honeymoon 豪情既豁出去...一於去歐洲...至多返黎匿埋幾個月隱居...!!

不過之前一直忙婚事...所以都唔諗住煩...一於跟團...去幾個國家探下路...!! 報完團之後其實都唔記得會去邊個國家囉...不過傻下傻下既我地...去邊都一樣...所以我地可以去左4次台灣...3次日本...3次泰國...5次韓國...嘩哈哈~~~ 原來我地一齊都走過很多路...!!

大日子後第二天周圍還野...變番平民...跟住返外家回門...哈哈~~人地回門帶乳豬...我地呢d新派 (亂黎派獎門人)...係帶蛋糕...哈哈~~~ 成家人一齊切蛋糕...好搞笑囉!!

之後 hea 左一日就出發去我地既蜜月之旅...搭十幾個鐘頭飛機...其實都幾辛苦下...幸好架機唔滿...我地兩個人坐三個位...訓醒幾教仲係上空.......

兩個鄉里...終於都衝出亞洲喇...展開為期十三日既蜜月之旅...hohohoho~~

終於到達左英國既希斯路機場...呢個機場真係非常之大...我地最後一站都係會返黎呢度...而家首先黎轉機去羅馬!!

首次踏足外國的國土...首站係意大利...不過一出機場...天色麻麻呢...落雨呀!! 近黎幾次出外旅遊都踫巧落雨呢...不過只係微微雨...無大影響......

吃過午餐後...我地首先係去一個響意大利入面既國中國...梵蒂岡...

梵蒂岡－世界上最小的政治主權獨立國家，卻是宗教精神世界裏影響最大的國家。三百多年來，梵蒂岡一直是西方世界中心，天主教最神聖的地方，國土面積雖然很小，卻是全球天主教徒的信仰中心，影響力之大絕不遜於美、日其他世界大國。

聖彼得大教堂　Basilica di San. Pietro
重建於16至17世紀的聖彼得大教堂，是文藝復興時期規模最大的建築，也是世界上最大的天主教教堂。聖彼得大教堂由三部分組成，從西向東依次是教堂、梯形廣場和聖彼得廣場。

我地無宗教信仰都覺得呢個教堂相當之宏偉...好大好靚.......遊人都好多呢...

臨走時...我地仲響間小郵局度快速買了兩張 postcard 寫比對方...呢個係我地兩個既習慣...每到一處地方...都會為對方寫至少一張的 postcard...仲要係唔比對方知內容...要收到先揭曉.......(雖然...差不多每次我都偷看...嘩哈哈)

之後出發去鬥獸場喇~~~~

『圓形鬥獸場』，圓周527米、高48.5米，可容納7萬人，見證了羅馬帝國全盛期的國力，是世界性的重要遺產。Colosseum 有的譯作「圓形競技場」，看不出其殘忍。場內是人與人格鬥，人與獸格鬥，稱為「決鬥場」較好，現仍從俗叫「鬥獸場」。它由衛斯帕西皇下令於公元72年動工，動用了4萬個奴隸，歷時8年才完成。競技場的興建目的是為市民提供娛樂設施，以轉移人民對政治的關心。完工後，這裡不斷舉行野獸與奴隸的血戰，吸引大批羅馬市民入場觀賞。走進場內，可以參觀樓高四層的競技場內部。

『君士坦丁凱旋門』它是羅馬三座凱旋門中最重要的戰爭紀念建築，興建目的在紀念君士坦丁皇帝在米爾維安橋一役中打敗對手，取得唯ㄧ羅馬皇帝寶座的勝利。凱旋門共開一大二小三個拱門，整座拱門是由八根立於柱基上的柯林斯式柱子構成，每面各四根。

鬥獸場真的好大...有點廢墟的感覺...因為臨近休館時間...所以我地都無購票入內喇...只響外圍影相...仲買野食...呵呵~~~其實都有點可惜...不過我總相信...我還有機會重臨的!!

之後繼續出發前往好多情侶和新婚夫婦期待以久的地方 - 德維雷噴泉(許願泉)

幾年前無線電視的"衝上雲宵"~~ 睇劇果陣真係覺得好鬼浪漫...

去到之後.............嘩!!!!!!!! 實在太,太,太多人呀!!!!!!

整個泉邊都是人...好唔容易先影到無外人的景...不過我地無學人掟銀仔許願呀...因為我地無乜 euro...hahaha~~ 又費事掟港銀啦...怕唔靈...呵呵~~

『許願池』是羅馬境內最大的噴泉，這片有如舞台戲般呈現的雕刻群像噴泉，前前後後將近花了二十一年才完工。

噴泉設計靈感來自羅馬凱旋門，像極了一個戲院。背景建築是一座洛可可風格的海神宮，由四柱隔成三個空間，中間立著是駕馳飛馬戰車的海神，左右是豐裕與健康女神，上面站著四位少女分別是代表四季，伴隨著海神的是兩位半人半魚的水神，噴泉池內的各種海底動物中，不少是古人想像中的形象。

噴泉的浮雕頗為細嫩，出自巴洛克大師貝尼尼的學生們。這們熱門景點腹地不廣，許多的觀光客為著許願池或坐或站，像羅馬假期電影中的場景般不真實。如果想再來羅馬，要背對許願池，由左肩向池中丟一枚硬幣吧。