細細近況

近黎天氣好凍...我們家的小狗...又開始懶了...食飽就訓...訓飽就食...

成晚最活躍既時間就係我地返屋企 & 佢開餐之前~~!! 

周圍跳跳扎...又撩人玩公仔...又走埋黎痴身痴勢勁嗲人!!

食飽左又會搵處舒服既地方...即係我地坐邊佢就覺得嗰度係最舒服...一定唔執輸!!

之前朱古力送的 Milo 被...已經比佢佔領左 lu...

真識歎...張被好鬼舒服的!!! 




有一晚...佢同布魯托響度傾心事...講悄悄話......

原來主人要送走布仔喇...送去同一班布氐家族一齊生活呀!!  
  
其實我都唔捨得架...因為呢隻布仔響我地屋企住左好多年架喇!!!!

仲要係第一次去香港迪迪尼買架...!! 

會送去邊家人嗰度?!  咪就係送去唔多正常的零食達人度啊!!!  

你地睇下佢點對其中一隻布仔啦~~~~~~!!! 

佢真係傻傻地架!!!!  哈哈哈~~~

布仔~~~~ 希望新主人會好好待你啊~~~嗚嗚~~~~

得閒記住寫信比我呀!!  影下近照比我睇呀!!!



< 資料圖片 > 

上星期六 (17/12) ... 又帶左細細去覆診喇!!!

隻傻妹又係超緊張...成身勁震呀!!!

醫生靚仔d都唔駛咁緊張下話!!!

醫生話隻眼仔進展都幾好...所以下次既約會係三個月之後...!!

細細~~~你要叻叻呀!!!  知嘛?!  

呢位小姐真係老實不客氣...每晚好準時十一點左右...

就走左入房響床玩一輪...跟住就訓到無晒儀態架喇!!!  

 

周圍食呀食~~~~

上星期六 (17/12) ...放工後出左沙田...我地見到有間新開的日本嘢...試下喇喂~~~

我地叫左兩客拉麵...一客小食...上菜都好快...!!

呢個味道唔錯啵!!!



呢間下次可以再黎試...!!!!




呢個星期一 (19/12) ...

我地成班人返學之前去左食茶餐廳...真唔錯...係 D 生炒骨差D...

放學後仲去左食甜品...正啊~~~棉棉冰!!!!!!!!!!!  咁凍食仲好過癮添!!!  不過我無食...哈哈~~~食左個木糠布甸!!!

2011-12-07 3D Star Book Album

兩個星期前 (7/12) ... 去左跟 Peggy 學整 3D Star Album... 呢個聖誕相簿真係勁靚...

又可做吊飾...又可做相簿...!!

不過成堂就好忙咁 cut 紙 & 貼紙...

雖然仲未完成裝飾部份 (我既一貫懶散作風!!   )

不過就咁吊起已經相當得意了~~!!  好鍾意呀~~!!!


我既 3D Star Album 的封面~~!!  (其實都未貼實...!! )

將所有板面貼起來...已經急不及待要打開黎影相睇下效果...哈哈~~~~





又一個唔知幾時真正完成的作品~~~~嘩哈哈~~~~ 不過呢次都已經完成左 80%...算係一個大躍進了~~!!! 

2011-12-12 食在板長@新港城

板長壽司都已經開左好耐...不過次次見到佢地 d 鋪頭門口都堆滿人...

所以咁耐都未去幫襯過~~!!

不過...我地一致覺得元氣好食d...呢間服務態度又麻麻...隻溫泉蛋都唔係嗰回事...

而且我地仲見到有 "小強" 響廚房行黎行去呀!!!   呢間真係無下次呢~~~!!! 

2011-12-09 團購打邊爐

上星期五 (9/12)...好朋友買左幾張團購 coupon 一齊去打邊爐...

間酒店響紅磡...真係極之難搵...我地個個都迷路...而且搵左好耐...

終於都去到目的地...哈哈~~~ 聽隔離檯d人講...佢地都話呢度難搵呀!!


呢幾日天氣轉凍...打邊爐係最好既節目...!!!  

呢度寫明 : All you can eat...@@~~ 食物質素都ok架...飲品任飲...都有啤酒...汽水...酸梅湯...仲有紅酒選擇!!

一人一個爐...四個人四個唔同的湯底...打得幾過癮...!! 

我地四個人叫左 40 隻蝦...哈哈哈~~~ 仲有每人送 1/4 隻乳鴿啊~~!!

今餐食到好飽呢~~~~

自家煮幾餐

< B's Kitchen >

Yummy~~~~

 

完成1216結婚証書套連盒

仲有一星期就到 1216 朋友的大日子...真係病都要頂住~~!! 

仲有個結婚証書套 & 盒子未整...!!

之前一個星期已經 cut 晒咭紙...不過仲未諗惦用唔用紫色塊布整...


星期六 (10/12)

終於決定用番有把握的 BOOKCLOTH 做...因此塊紫色布真係太薄...我驚整出黎唔靚~~!!

不過手頭上唔夠 BOOKCLOTH 做晒一本...終於諗到用兩隻唔同質地既白色 BOOKCLOTH 做...

出黎效果又出奇地夾...只係其中一隻質地較硬...要好小心...如果唔係就會整出裂紋~~!! 

有左上次整既經驗...整呢本出奇快手...其實都用左唔少時間...

做証書套...經驗之談...唔駛做得花巧...簡簡單單其實仲靚...因為主角應該係你幅相 & 張証書...

最主要係要做得貼服...白膠槳千祈唔好落得多...夠就得了!!

每次用親白膠槳...都會諗番起響 AMOR 學習的情景...

經常擺烏龍既我...今次都有蝦祿出現...就係痴好張 BOOKCLOTH 之後先發覺...唔記得包 LACE...!!!!

好彩最後都痴到...其實都驚條 LACE 邊會痴得唔穩甩番出黎...經過兩日後都仲好實淨...咁都放心D!!!

今次呢本將條 LACE 打橫黎痴...效果好似仲好過上一本...

而且個放相窗口做薄了... 條紋 + 暗花...出黎效果唔錯...!!





一路睇歡樂滿東華...一路整...整完証書套之後...見團火仲未熄...所以就即刻整埋個盒子!!!

其實當時已經成點幾鐘了!!!!

好彩上星期CUT 定D 咭紙...所以好快可以開始 CUT 紙 & 痴貼...

今次個盒...我用左紫色皮紋紙...雖然薄身D...痴既時間要更有耐性...因為好難痴得平服...要好快手掃平...

不過隻紫色整出黎應該幾靚......LACE 款式同証書套一樣...

其實做做下開始有D眼訓...而且又好凍...不過既然開頭了就想完成晒先訓得安樂~~~~

終於做到三點半先搞惦...!!!  哈哈~~~ 睇完歡樂滿東華!! 

期間都發生左 D 小意外...差D要痴過個盒面...好彩發現得早!!!!

可能因為開始眼訓...又分左心去睇卡拉之聲...哈哈~~~~ 居然有張雜誌紙痴左響個盒既角落位置度~!!

好彩只係痴實左少少...撕番出黎只係花左少少...如果唔係又要去買紙再整...嗚嗚嗚~~~~ 咪玩啊!!

真係嚇到成個人醒左~!!!!!!!!

仲有...因為張皮紋紙實在太薄...所以藏響盒蓋入面既 LACE 都有點現形...

最後見仲有紙剩...決定痴多一頁落去...!!

我都估唔到今次可以一日內完成呢兩樣野~~!!  

不過前後加埋 HEA 下又食下野睇下電視既時間...都做左 12 個鐘.......

只知道整完的一刻...真係重重舒左啖氣出黎~~~~

其實做今次個 JOB 真係幾辛苦...亦因某D原因做得唔係咁開心......

期間又唔舒服...天氣又凍...而且時間又趕......無乜心機...

所以完成晒...真係覺得成個人都鬆了~~!!!  

當然仲有幾項由阿B負責的未完成...@@~~~

見到個盒...其實都幾感動......希望 1216的朋友鍾意啦~~~~

星期一晚已經將佢地交到一對新人手上了~~~!!!   拜拜喇~~~!!  ^^   要幸福喔~~~~