2012-04-28 泰式廚房

兩個月前終於去食左一早買入既泰式廚房...

買左無耐就收到 EMAIL 話改左名...不過又多一間分店可以 BOOK...

之前 BOOK 左一次都話三月的 SAT 同 SUN FULL 晒...終於 BOOK 左 28/4 去食...

不過只係得尖沙咀有位...佐敦正鋪又係無位...唯有是旦啦...點知就出事......


一去到...人影都唔見隻...只係得兩檯客...

• 任選多款燒烤美食，包括雞軟骨、多春魚、香茅雞中翼及雞腎等

今次都有點捉蟲...話任食嗰 D 真係少之又少...好多都要加錢的...!! 

• 2人或以上同行，另送生蠔/ 生蝦刺身，多買多送

其實我都唔記得左有呢個生蝦刺身送...係隔離檯的精打細算小姐提 WAITER 的...

唔該晒啊~~~!!  呢個都幾好味...!! 

• 主菜 6選1，配有薑飯 / 絲苗白飯1碗，包括:
  辣椒羔炒青口 / 咖喱大頭蝦 / 咖喱軟殼蟹 / 海南雞 / 三味魚柳 / 辣椒香草炒牛肉碎

• 送青木瓜沙律一客，清新可口，倍感開胃; 每位包泰式特飲1杯 (香茅薑汁 / 班蘭葉茶)

主菜我地揀左  咖喱大頭蝦 & 咖喱軟殼蟹...呢度 d 咖喱好好味喎!!!!!   

不過唔記得叫薑飯試下......

至於個青木瓜沙律...我而家先醒起...係無黎過.....

而個泰式特飲係杯我地以為係茶既 " 椰青水"...!!! 

至於 d 串燒...我地 order 左幾款...點知佢又黎多幾款...

我地食完先發覺好似無叫到...後黎隔離檯追 order ...先知黎錯左...比埋我地食...哈哈~~~

真係唔好意思喇~~!!   佢地唯有再叫過......食遲幾個字...@@!!

哈哈哈~~~ 以下呢牒就係隔離台叫的...我地就食鬼左人地既...!!  好搞笑~~!!

食物質素普普

2011-12-03 盲俠行

嘩~~~ 今次係 BLOG 番半年前喇~~~

好友A已經行左盲俠行幾年喇...今年佢叫埋我地兩公婆去行...

組左一 team 人...十幾人的隊伍...不過最後各有各忙...最後得番四個人行...@@~~!!

其中甩底既人有個就係我喇...因為嗰日病到七彩...所以最後無行到...

不過我都有好盡力去籌錢架...公司d好同事就係我既最大目標喇...嘿嘿~~~

好多謝各位善長人翁呢...大老闆同我上司都有捐埋一份架...!!

哈~~~ 當晚無行到...不過阿B和好友們不停在 FB update 狀況...

我地無去嗰d 都有在網上為佢地打氣架...!!  heehee~~~ 辛苦晒啊!!! 

佢地要由灣仔運動場行到去淺水灣呀!!!  都咪話唔甘啊~~!!

當中有段 10 mins 既路係要懞住眼黎行...藉此感受盲人的感受......

當中仲有好多造型特別的英雄好漢...!!!

最後行左六個鐘左右...阿B話好好玩...不過好攰呀~~!!! 


拎埋張証書...返到屋企大教訓~~~~

希望出年都有份行....唔知頂唔頂得順呢?!

2012-03-30 好友食在伍仔記&糖痴豆

2012-04-20 12" Page ~ Remember When

好耐無返黎喇~~~ 要還下 BLOG 債了...!!

要講番個半月前的事了...

呢晚去左玩 12" page 的相架...!!

呢堂得兩個人返...呵呵~~~ 老師可以專注響我地身上...heehee~~~

首先係揀幾張 pattern paper...又開始選擇困難症了...

oh~~~~千揀萬揀...總係覺得張紙好熟口熟面...

哈~~~原來我之前用過呢張紙黎整相架的!!!!!  唔緊要啦...!!  可以襯埋一set...哈哈~~~

今堂至開心係學到整立體花...不過剪到痴根!!!

而且個相框係用印仔印上去的...第一次嘗試...效果唔錯啊~~~!! 

玩左幾個鐘...實在好有滿足感~~~!!

放埋幾張 2R 相上去...HEEHEE~~~~ 好鍾意~~!!

2012-04-21 13 & Wind's Wedding

個半月前...出席左好同事的結婚晚宴...佢地響 Mira 擺酒...

新任徐太好靚啊...對上一次見佢已經係三年前在同事M 的 BBQ PARTY上...

好有心思的婚禮...由 save the date card 至現場任何一件物件都見盡心思...

睇得出佢地真係好愛對方...好同事W實在好識逗佢太太了!!  哈哈~~~

其實早在上一年已經知道佢地今年結婚...因為好同事W比左佢求婚段VIDEO比我睇...

哈~~~家下D人求婚都好要求心思...響酒店鋪晒蠟燭引路...再見到一塊貼滿佢地既合照的FOAMBOARD...

見到都心甜啦~~~~~~~~~~ 再送花跪響度求婚...浪漫到........SWEET~~~!!


我地一入到會場...簽左名就收到一 SET 兩份的相片...哈哈~~~~ 每張都唔同...

有我地既合照啊~~~~~~~!!!  哈哈~~~

一張寫有感動說話係比我地 KEEP 的...另一張就寫番D祝福說話綁上樹上...!!!

掛滿一樹的祝福~~!! 

個場真係好靚好 GRAND 啊~~~~~~~~~~~!!!

新娘子又高又瘦...而且仲好靚添呀~~~~~~~~~!!!

不得不讚他倆的心思...晚宴安排每一道菜就會比我地一次驚喜...哈哈~~~

即係每食一樣野...佢地就安排左一D節目或者影片比我地睇...實在好精采!!!

而且最令人驚喜既係...

(1) 新郎哥去學跳勁舞...不過可惜只係播片...之前已經叫佢要現場表演啦...!!!

(2) 新娘在台上跳 SEXY DANCE...之後變身同D姊妹一齊跳傻舞 (之前印度一套戲既搞笑舞)...

令到新郎哥睇到眼傻...哈哈~~~~ 仲話 " 輸左...!! " 哈哈~~~~ 好溫馨啊~~~~~~~~~!!!

而且佢地既說話...真係令人好感動...!!! 

呢個係我近黎出席既最好最有心思有個性的...而唔係人有我有倒模式的婚禮...^^  實在令人驚喜!!



而至於酒店食物和服務方面都好OK...只係食物普遍淡味...

呢晚實在好開心...而且見番一D舊同事... 大家嘻嘻哈哈好開心呢~~~~~~~~~!!

四月周圍食

 

2012-04-02 泰式菜@大埔街市

2012-04-13 鐵板王@旺角

2012-04-16 味千拉麵

2012-04-23 越棧



2012-04-30 Pokka Cafe

2012-04-11 芒果流心蛋糕@Eddie Kitchen

近黎超級懶...勁多blog未補...有d已放棄了...

例如: 兩公婆周圍食食食 & 反轉廚房... 太多了...都唔知寫得邊篇...哈~~

有機會一篇blog晒...只放相...嘿嘿嘿~~~~~~


暫時都係講番d同朋友一齊去玩...又關於學習既野...可能會有趣d ...heehee~~~

上個月...我地呢班茂利又去整餅了!!!

今次因為配合上課時間既關係...所以只有芒果流心蛋糕可以選擇...

而其中一位鐵腳要出 trip ...所以搵黎另一茂利補上...

不過佢唔食芒果...初時話無興趣學的...不過當我話係靚仔sir教時...佢先肯黎...hahahaha~~~


呢日 (11/4) 響尖沙咀上堂...成班只有六個人...都算少有的小班教學了!! 

同埋...我第一次返團購班係可以自己焗海棉蛋糕...!!!  咁先算係真係自己做嘛!!!

不過呢班分配材料份量又係唔夠準...有點求其...

三個人分一隻蛋白份量...終於分到我時...係唔夠的...只分到原來的三份一...搞到個cake幾杰下~~!!

我已經可以想像唔太好食了!!! 

其實阿sir真係好用心去教我地...而且佢仲好靚仔下添...

我地仲搞笑話: 整起餅上黎都賞心悅目...(好似女色狼咁...嘩哈哈~~~~)

大家一齊整裝飾一齊用...即係好醜都好靠運氣...哈哈哈~~~

教左我地整幾款既裝飾...雖然係好趕...不過真係算幾有誠意了...

果然因為係靚仔教學...我地咩都易話為好多...嘩哈哈哈哈~~~

玩左兩個鐘...開始可以裝飾了...不過...阿sir好有原則...一定要我地跟足佢既擺法...

oh~~~ 對於我地呢d 懶有自己 style 既人黎講...其實有點抗拒佢既提議!!

我放歪左少少佢都放番正我粒strawberry呀!!!!!!!!!!!!!!!!!!!!!!!!!!!!!!!  

不過咩都好...總之呢堂勁開心...有得玩...有得睇...有得食...仲想點?!  heehee~~~

阿sir叫我地要響 45 mins 內返到屋企...將個蛋糕放入雪櫃...否則會溶...!!!!!

下?!  我地仲諗住去食埋飯啊...就算唔食...都返唔切屋企啦~~~~~~~~~~~

之後...佢好認真問我地其中一個姊妹...問佢係咪返屋企...

我地打個突...以為阿sir咁搞笑...想車佢返屋企?!?!

點知......係我地想多了 (都怪佢係靚仔啦...難免會令人想多一點點... )!!!!

原來阿sir 好好人...叫我地放入雪櫃先...去食埋飯先上黎拎番d蛋糕...哈哈哈哈哈~~~~~~~~~~~~~~~

我地好聽話啦...就落左去食飯了...

之後上番黎見阿sir仲響度開工...原來佢要趕交貨...整緊個 3D公主蛋糕呀~~~~

佢唧D cream 好靚呢~~~~~~~~~

我地三個今堂既作品...!!!

呢個係我既作品...不過我覺得唔好食...哈哈哈~~~~~~~~~~~~ 好實啊!!!!!!!!!!