2012-05-14 Anthony's Ranch@Sai Kung

兩個月前...BOOK 左去 西貢的 Anthony's Ranch 食野...

呢間d裝修都幾特別...好似去左印第安咁...!!

一坐低就有碗花生可以剝黎食~~~~~~~~~

本來有兩杯餐酒的...可以要紅酒 / 白酒...不過我地都唔係酒徒...所以轉左汽水...!!

唔識飲所以無謂扮野了...heehee~~~

先黎一客沙律...今日係大蝦凱撒沙律呢...!!

主菜係 : 烤豬肋骨

拼甜玉米...涼拌捲心菜 + 薯條

另一個主菜係 : 烤雞拼盤

甜品係: 芝士餅 + 哈根大雪糕 (明明應該有埋蘋果批的...又無黎喎!!)

呢間環境同食物質素唔錯...有機會可以再黎...heehee~~~~

2012-07-23 十號風球的威力

早幾日的韋森特令本港13年來再發十號颶風信號!! 

威力有多厲害?!  屋企附近有幾棵的大樹都折斷了...!! 

周街都係樹枝樹葉...比風吹爛既雜物等......

整晚風聲不絕...出面嘈得很...!! 

天文台於晚上11時20分，先發出九號烈風或暴風增強信號，到午夜12時45分改發十號颶風信號，維持2小時50分，
到凌晨3時35分，改發八號東南烈風或暴風信號

第二朝...十點半左右...轉為三號風球...要返工了!!

oh~~~ 我地架車都入左水啊~!!!! 

公司對面的行人路...斷了幾棵樹...要捐過d樹都返到工呢~~~~~!!





之前一晚提早放工...諗住去超市入d貨儲糧...菜都比人搞得一乾二淨呀!!!!!!!!!!!!!!!

香港人真係咩都搶囉~~~~~!!

2012-04-22 鑽石對戒製作

又要坐時光機喇...帶定嘔吐袋啊!!! 

三個月前 (22/4) ... 我地兩 pair 人又去整戒指了...

今次係整情侶對戒啊...而且仲係響 J's 姊妹公司度整添...!!

去到大廈 lift 口...嘩~~~風涼水冷...勁好 view 呀...無敵大海景!!!

不過可以想像如果打風就大鑊了!!!  一定濕硬身呀~~~~~~~~~~

首先就係揀款啦...我地幾個都有加錢換粒大少少既鑽石...

雖然係大少少...不過都係打個乞痴就會唔見的 size ...heehee~~


呢度唔會比我地自己 cut 銀片...度好 size 已經有現成的給我們打磨...

其實係半 DIY 啦...可能時間有限...而且為左確保我地有對見得人既靚戒拎得走掛...!! 

我地就揀左戒指中間有條坑的款式...不過條坑都係導師幫我地戒出黎...!!

其實除左打磨之外...我地都無乜野做...

我就更加無乜野做...因為我成日依賴屋企既男人...(佢手工好D嘛...!!) 

好多打磨都係佢幫我執手尾......

之後到鑲石...都係導師幫我地裝入去...!!

梗係啦...咁細粒點比我地自己裝呀?  粒豆豉石一定唔知去左邊!!! 

大部份完成晒...就要將隻戒指磨番平滑喇... 導師話我無乜力水...磨左好似無磨咁...!!

即係話我姐手姐腳啦~~~~~~~~~~~~~~~~~

另一 PAIR 好朋友...佢地的對戒無要任何款式...只係鏤粒石落去...

簡簡單單的...都唔錯啊...同我地對結婚戒指差唔多款...!!

阿B係我地咁多個之中...比較積極的一個...好多步驟佢都要求導師比佢自己黎 (除左鑲石唔得外)...!!

搞左兩個幾鐘...我地兩對對戒都完成喇...嘩~~~ 靚~~~!!! 

今次我做大隻左又粗左...因為想戴在食指上...好似型D...HEEHEE~~~

我地仲刻左名 & 拍拖紀念日期落去添呀...!!!

近黎我地都係戴呢隻多...真係貪新忘舊的人...嘩哈哈~~~

2012-07-17 輕黏土簽名筆

上星期一 (17/7) ... 我地三個茂利唔整餅...走去整輕黏土...

今次係去葉蘊儀開既黏土學校玩...不過就見唔到佢真人...

唔駛一百蚊既 course ...仲想佢教咩?!  咪咁天真啊...嘩哈哈~~~

學校位於 K11 內...門口擺滿好多作品...靚到丫...

我地響門口猛影相...差D唔記得係黎上堂...!! 

本來有三樣可以報讀 ... 不過我地只係揀左兩樣...簽名筆 & 手花

今堂我地就玩簽名筆先...兩個星期後再玩手花~~~


首先揀花既顏色...導師已幫我地溝好D黏土顏色...

我地三個都覺得紫色靚過粉紅色及桃紅色...

只係支筆我揀左粉紅色...佢兩個就揀左綠色...

先將紫色黏土分成十四粒左右...搓成圓型...

之後再將佢地壓平...前面再按平一點 (其實我應該再按薄D先更似花瓣)...

跟住再逐塊圍住黎貼滿花芯...咁就完成朵花喇...!!

講好似好易...不過實際要整得靚都需要技巧...

我地幾個就欠呢D技巧了...成日叫導師救亡...

下次都要剪左指甲先去玩...因為有指甲好易D劃到一條痕落黏土上...!!

又發揮茂利精神...!! 

之後整埋D葉仔 & 花仔...導師幫我地痴在筆上就搞惦喇...!!

今次都無 OVERRUN ... 大家做得都好快...!!

我地三個既作品...遠睇都好睇啊...HEEHEE~~~

各位就結婚的BLOGGER~~其實都可以考慮用黏土黎整簽名筆...都幾易整...而且幾靚啊~~~~~

2012-07-07 貼鑽殼

上個月尾突然醒起有張貼鑽殼就到期...所以即刻同姊妹A夾時間...

不過好可惜佢好多日都唔得閒...最後唯有找她的 " 最佳頂友 " 黎頂佢個位啦~~~

最佳頂友就係姊妹Y...佢非常易話為...基本上近黎好多都係由佢頂上...


今次我地係去荃灣玩...話說因為姊妹M對貼石好有興趣...

不過睇過好多 COURSE 都下下要五百多...好似又貴左D...

咁啱見到呢個班...就平平地一齊去認識點貼石法...

如果真係再有興趣整...大可去淘寶淘個痛快呢~~~~~~~~~~~~


呢間兩個導師非常好人...又唔催我地走...個半鐘的課程...最後我地三個鐘先完成...

而家呢間D石都好閃下...唔係D好 CHEAP 既石黎喎!!

材料又任用...唔夠就好大方咁拎出黎比我地任用...!!

仲好人到幫我地反轉 D 石...方便我地貼落個殼度...真係好感激呢~~~!! 

每人仲可以揀番自己既電話款黎貼...我個 NOTE CASE都唔駛加錢呢...!!

其實貼石唔難...貼得靚先難...又要有耐性...眼又要好 (我貼到好眼懞呢..!!)...

最後我地三個完成既作品...貼得最快就係姊妹M...

佢係咁摩打手咁貼...得佢一個將個殼貼滿晒石呢~~~~~~~~

如果要我貼滿晒個 CASE...我諗比多兩個鐘我都搞唔惦...!!

返到屋企只係甩左兩粒石...算唔錯了...

不過咁閃爆既 CASE ...我 D 低調人其實唔會用...當紀念今日玩過呢樣野啦...HEEHEE~~~~~~~~~