2012-07-07 貼鑽殼

上個月尾突然醒起有張貼鑽殼就到期...所以即刻同姊妹A夾時間...

不過好可惜佢好多日都唔得閒...最後唯有找她的 " 最佳頂友 " 黎頂佢個位啦~~~

最佳頂友就係姊妹Y...佢非常易話為...基本上近黎好多都係由佢頂上...


今次我地係去荃灣玩...話說因為姊妹M對貼石好有興趣...

不過睇過好多 COURSE 都下下要五百多...好似又貴左D...

咁啱見到呢個班...就平平地一齊去認識點貼石法...

如果真係再有興趣整...大可去淘寶淘個痛快呢~~~~~~~~~~~~


呢間兩個導師非常好人...又唔催我地走...個半鐘的課程...最後我地三個鐘先完成...

而家呢間D石都好閃下...唔係D好 CHEAP 既石黎喎!!

材料又任用...唔夠就好大方咁拎出黎比我地任用...!!

仲好人到幫我地反轉 D 石...方便我地貼落個殼度...真係好感激呢~~~!! 

每人仲可以揀番自己既電話款黎貼...我個 NOTE CASE都唔駛加錢呢...!!

其實貼石唔難...貼得靚先難...又要有耐性...眼又要好 (我貼到好眼懞呢..!!)...

最後我地三個完成既作品...貼得最快就係姊妹M...

佢係咁摩打手咁貼...得佢一個將個殼貼滿晒石呢~~~~~~~~

如果要我貼滿晒個 CASE...我諗比多兩個鐘我都搞唔惦...!!

返到屋企只係甩左兩粒石...算唔錯了...

不過咁閃爆既 CASE ...我 D 低調人其實唔會用...當紀念今日玩過呢樣野啦...HEEHEE~~~~~~~~~