我們家的細細...真係超嗲...所以成日都會令到我地好心軟......因為佢實在太可愛喇~~!!
佢好鍾意痴住主人黎訓架...!!!
哈哈哈~~~ 好鍾意呢輯相呀...佢兩個好溫馨呢~~~!!!
2010年9月25日 星期六
2010年9月23日 星期四
2010-09-22 反轉廚房@中秋節
今年既中秋節...因為落雨啦...所以都無搞 BBQ...而且阿B又病左...雖然今年有得放半日...不過都無去街玩喇...比阿B返屋企透下訓下......
阿B病左...所以呢日就由我黎做大廚啦... (幾扮野!!!!! 
呢晚整左一湯一餸...不過阿B都有D忍唔住要黎幫手......
2010年9月22日 星期三
2010-09-18 電髮電髮...!!
以前長直髮的時候...因為懶得去剪髮...由佢長到自己忍受唔到先走去剪...因為實在無耐性坐在 salon 咁耐...我既忍受期通常都可以捱到半年甚至一年...嘩哈哈~~
自從上年結婚前個幾月電完髮之後...一直無再剪過...長到就黎到腰喇...難得仲係有d鬈...如果唔係太長...可能我都仲會忍忍忍落去呀!! 
終於成年後先再去剪髮 & 電髮...!!! 都係 keep 住係長鬈髮...不過就短左好多喇!!
坐左響髮型屋成九個鐘呀...pat pat 好痛呢...又成日恰眼訓丫...戲都睇左四套呀!!
2010年9月21日 星期二
2010年9月18日 星期六
2010-09-15 Travel Photo Album ~ Lesson 1
當第一次見到 Travel photo album 既真身已經好鍾意...不過好難先報到...所以好期待呢一堂既來臨...!!
一上到 amor...見到 Olivia 已經將一份份配襯好的紙...其實真係好難揀呢...heehee~~因為好多心...又想用綠色...又想用啡色...又想用藍色...又想用雀仔...最後決定用藍黃綠色...不過我發覺我次次都會揀d鮮色既紙多...
今堂只係做 cover ... 個 punch傻傻地...所以每打一野就要篤佢一野先 work...哈哈~~
可能多左d經驗...今堂做得快手了少許...犯錯少了...嘻~~~不過唔代表無犯錯...就係痴錯左絲帶...好彩救得番......
十點鐘落堂...不過我相信下堂會無咁早走了...
制成品存放在 amor...要兩星期後先重聚喇~~~ 好唔捨得....
丫~~~要開始搵相去晒喇...就搵 honeymoon 既相啦~~~!!
2010年9月17日 星期五
2010-09-14 Book Binding
星期二晚...再次去 amor 學習...今次係學 Book Binding...玩得好開心...
今堂又 over run...差唔多十一點...每次都令到 Olivia 夜走...真係唔好意思...!!
上堂前我和另一位同學仔係咁揀紙...因為上個 week 唔得閒黎買紙品...我地兩個好努力係咁揀揀揀...haha~~ 我主攻 d 較薄身既紙...
登登登....加埋我月頭去 Peggy 度買左 d 紙...花花碌...睇到好開心...擇日要開工了...黎緊要做三張生日咭比朋友們呢...!!
在 amor 的收獲:
在 Pegeo 的收獲:
做特價買的雙面紙...$5 張...好抵!!
睇完敗家品...就要入番正題喇~~!!
今堂主要學用白膠槳....丫...唔係...係學 Book binding 先啱...其實我至怕係白膠槳...痴立立的感覺...今日先知原來可以加水用...而且仲係 non acid 的 @@!!! 真係估佢唔到~~
首先學做拉頁細相簿...上次 Olivia 已經送過一本給我們...已經覺得好靚~~今次自己去做...真係好興奮...!!
揀 bookcloth ...花多眼亂...個個同學仔都揀到心大心細...互相比意見...有d好鍾意...不過唔夠大張...好可惜...本來揀左紫色...不過見到呢張覺得幾特別...橙橙黃黃...所以決定改用呢張...其實呢張已剩番好細張...好彩都夠做一本~~!!
係咁 scor scor scor ...塗塗塗...貼貼貼...掃掃掃...終於完成...不過當時我個面係未做好的...因為我想用 clear stamp 印字...但唔夠時間...返到屋企做時...又發覺我無乜文字既stamp...只係 happy birthday...make a wish etc...印上去會怪怪囉...所以到而家都未定案...
d花花同鈕都係暫時放上去的...heehee~~ 不過又好似都ok喎!!
拉頁呀...哈~~ 原來比想像中容易做...只不過一定要小心d 可惡的白膠槳...如果整烏糟就前功盡廢架喇!!
Olivia 真係好有耐性去教我地...而且成日會比意見我地...真係一個非常好的導師...
之後做本摺合式相套...一見到白色既 bookcloth 就已經決定用佢喇!!! 好靚靚~~!! 好 grand 既感覺.....
呢隻 bookcloth真係好啱用黎做結婚証書套...!! 我都入左一卷...有特別的用途...嘻~~ 神秘神秘...
用左 lace ...仲穿左條幼絲帶落去...好似好 dry 咁啵...點好呢?!
又響 d 絲帶陣...配件堆度搵靈感......
終於比我發現 d 珠仔...貼左落去...當堂唔同晒...嘻~~~ 第一次打隻細蝴蝶結係似樣d...一 take 過的!!!
個 look 得唔得呀?!
內頁呀~~~ 本來 Olivia 比我地o個張係黑色紙...不過我唔太鍾意用黑色...所以用左張淺色紙做框...但係我無簿身又要係 acid free 既紙...呢張係 220g...似乎厚左d...我已經壓左一日...都係唔太合得埋...算了...不過我都未真正痴上去...
哈~~~ 求其搵張相黎試下放相既效果...
之後 Olivia 仲示範整布書簽...真係好靚...不過好似幾煩覆...而且我都唔用書簽...@@~
上左呢堂又學識多d野...真係越黎越鍾意手作...不過我還要培養我既創作細胞...哈哈~~
2010年9月12日 星期日
2010-09-12 南海一號@isquare
今晚一班相識滿N年的朋友為我慶祝生日...不過今次有四個無黎...因為就唔啱時間...唔緊要既...下個月頭都會再見...因為有另一個朋友在十月頭生日呢~~~!!
第一次上到 isquare 既 30/F...可以睇到幻彩泳香江好清楚...雖然今日成日都落雨...好彩個天都幾鍚我...o個段時間無乜落雨...個天仲幾清下......
呢間食店叫南海一號...初聽時以為朋友叫我黎睇樓盤順便睇幻彩泳香江...嘩哈哈~~~ 真係多謝佢既悉心安排呢~~~
很好的服務...食物水準也很高...好舒服的環境...不過價錢略貴......
每次相約朋友聚會都好開心...可能人大了...自然更珍惜每份友情...不竟要栽培一份友情真的不容易......
很多謝每一位朋友對我的愛護...每年都能記住我的生日......在 facebook 內我只有七十多位朋友...但今年其中有三十多位在我生日當天...為我在上面寫上祝福的說話...其實我真的很感動......真的很感激......
2010-09-06 K Party
上星期一 (6/9) ...一班認識了十年多的朋友為我慶祝生日...其實呢班朋友係響網上認識的...不過我覺得在網上認識都是一種渠道...成日聽到有人話網上多壞人...不過我覺得睇下你用咩態度去認識......
間中出來吃飯聚聚...依舊在網上在現實上嬉戲...說說笑笑...很簡單的友情...但卻令人好開心.....
希望每年都能和你們互相慶祝...HAHAHA~~~
臨走時經過樓下的酒樓...剛有人在擺婚宴...OH~~佈置得好靚呢...痴下影張相先得~~
2010-09-03 婚後的第一個生日
近黎少 blog 左係因為這個是我的生日月...heehee~~ 每年呢個月我都會比較懶...因為要食食食...而且我生日呢段時間通常都係病...真係好邪的...@@!! 今年都唔例外...雖然唔係咩大病...但係唔係傷風就係咳呀感冒咁...真係煩......
正日係 Sep 3 ...o個日都要返工...朝早己收到阿B送黎既大紅玫瑰花...好靚靚...下午就同D好同事去左飲茶...多謝晒~~!!
夜晚放左工就去左 The Mira 食 buffet ...我地唔會搵D食到局局束束懶high既地方食野...我地鍾意d 食得輕鬆...可以唔扮野開開心心既地...所以通常我地都係搵d平民化既地方...我地不扮高深但求情真...嘩哈哈~~~~
蝦根大雪糕呀...食左 3 個呀...哈哈~~~ 肥?! 食左先算 lu...
食左兩個鐘...飽到丫~~ 服務食物水準其實一般...可能因為價錢比較貴...所以覺得唔算物有所值...一試無妨...!!
返到屋企同札花影番D相留念...HEEHEE~~~ 當然唔少得我隻寶貝女啦~~~
雖然生日都要返工...不過我覺得無乜所謂...只要同自己喜歡的人在一起就足夠了......
訂閱：
文章 (Atom)