2010-09-01 Papercraft 101 - Lession 4 (Baby & Butterfly Card)

連續病下病下過左兩星期...仲係唔多舒服...不過又無的起心肝去睇醫生...少少咳少少頭重重...無乜精神...如果過多兩日都仲未好...唯有向現實低頭...去睇醫生......

*** *** *** *** *** *** *** *** *** *** *** *** *** *** *** *** *** *** *** *** *** *** ***

星期三 (1/9) 返埋最後一堂既 Papercraft 101...好唔捨得呢~~ 今次和別班的同學仔調左班...第一次見其他同學仔...!!

第一張要整既咭係 Baby Card ...我揀左較淺色既紙黎整...

哈~~我次次都會 cut 錯紙...今次都唔例外...第三層既黃色紙我就cut錯三張紙仔...cut出黎唔係正方型@@~~~Vivien見到仲問我點解咁多張...哈~~之咪係我又 cut 錯細左囉...heehee~~

呢張咭好多紙要 CUT呢...同學們係咁忙住CUT CUT CUT...之後又忙住係咁印印印...花花紙要貼得對稱的...不過我痴一面落去時痴過左少少...點知搣番出黎搣爛張花花紙既呀...嚇死我呢...好彩未爛得晒...只係爛左個底...再痴都唔多覺......  好彩好彩...

隻蝴蝶結我縛極都縛唔好...連我隔離個同學仔都睇唔過眼...話不如幫我手...@@~~ 最後連 Vivien 都出手幫我先整得靚靚痴得上去...

BB 車個印...第一次有D印得唔清楚...要用另一面印多次...我要多D練習下先得...

BB Card 完成圖啊...張咭既設計好靚靚呢...  啡色真係好百搭...配任何色紙都變得柔和~~!!

好快就開始整第二張咭...呢張更複雜...今堂用熱風槍...之前響 Oli"s workshop 同返印章班時都玩過...不過第一次要整咁大範圍...幾緊張...而且第一次用咁大個 stamp呢~~~

呢張咭主要學 embossing ...好鍾意呢d效果...好神奇...明明係粉...加熱後就變左滑滑浮起...好得意~~!!  白色 embossing powder 幾靚靚啊~~ 不過我整得唔夠好...有d水泡...

今堂見到另一款打 eyelet 既工具...完全簡單容易...唔似其他工具咁打到好嘈又要用力...不過就比較大部...@@"

我返到屋企先發覺...其實我未打好個 eyelet...哈哈~~ 因為見佢甩左出黎...之前穿繩無甩所以我無發覺...哈哈~~唯有用屋企o個個嘈嘈閉既打多次...嚇到我隻狗仔好驚驚要匿埋...哈哈哈~~~

好鍾意呢張咭...好靚靚呢..!!

放學幫 miss 執野既時候...佢仲提點我一d關於整咭既心得...真係獲益良多...我會好好努力...多謝 Miss Vivien 既教導呢...!! 

我好鍾意呢d由淺入深可以打好基礎既課程...了解多d可以加深興趣...每一張咭就咁睇制成品好似好簡單...其實背後有很多心思及步驟...做手作其實一點也不簡單呢~~!!

上完呢堂...要隔個半月才上 202...好期待...!!  希望到時改善到我 cut 錯紙既弊病...哈~~ 其實係我對尺寸無乜概念...heeheee~~

黎一張 101 大合照...好開心擁有呢段快樂回憶...^^