開心的失而復得!!!

大概兩個幾月前買左隻戒指...極鍾意...!! 

差唔多每日都帶住...點知帶左一個月左右...

有日突然唔見左...搵勻車 & 屋企都無...估計係跌左響街了......

跌左之後成個星期...我都成日唉聲歎氣......阿B比我煩C了......

曾經再去鋪頭搵有冇得買番...得黎既答覆係已斷貨喇~~!!!  好失望~~!!

仲同阿B講: 如果有日突然響車入面搵番就好了~~!!!  (當然係無啦~~!!)

而且仲好邪添...唔見左之後嗰晚發夢...我係搵番隻戒指囉!!! 

係人都知通常發夢同現實都會係相反架啦~~~~~~~~~~~~!!   


其實我都成日唔見野...不過好少有好唔開心既情況出現...!!

心一直放唔低呢隻戒指...其實唔知點解架...可能真係太鍾意啦~~~~!!


半個月前某個SUN...同事的太太 Whatsapp 我...話比我知 "黑 / 白朱古力" 響將軍澳有半價...

佢買左幾件衫比佢屋企人...叫我去昅下~~~

咁我本住唔好執輸的心態...MON放工就叫阿B揸車兜一轉去將軍澳行下...

唔知點解我聽到 " 將軍澳" 就諗起 Popcorn ...就好直接話去嗰度睇...@@~~~~~~~~~~~

去到好彩無即刻盡情揀揀揀...去到門口突然清醒覺得奇怪... 有懷疑!!!!  

居然識響度諗......點解 Mrs. L 會知有半價既?!  門口都唔見有牌...而且我都無收過類似既msg丫...?!

好多問題突然出左黎......於是就打比 Mrs. L 問清楚有咩條款...哈哈哈哈哈~~~~~~~~~~~~~~~~~~~~~~~~~~~~

佢比我激C & 吹脹囉...明明寫左比我睇係 : " 將軍澳新都城的朱古力 " ...都唔明點解我去左 Popcorn 囉??????


一場黎到又泊左車...無理由即走架嘛...咪去食埋飯...順便兜個圈啦~~~

阿B見到 b 仔的鋪頭...叫我去睇下有冇隻戒指...響飾櫃昅昅昅...

居然比我見番 " 已斷貨 " & " 已遺失" 嗰款戒指呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

我都未清醒過黎...阿B就叫我入去買...仲話送比我!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

開心到我丫...拿拿臨入去問......不過鋪頭只得番細 SIZE ...

但係可以幫我訂到大SIZE的...仲可以兩日後去沙田拎添...!!!! 

嗰種失而復得的感覺...真係極之難忘呢~~~~~~~~~~~~~~~~~~~~!!!

好開心...好開心...之後成晚都笑騎騎 (幾咁幼稚~~~!!! )

阿B 同我講 : " 都唔明點會黎錯 Popcorn ?!  呢個一定係個局黎...!!! " 

嘩哈哈~~~~~~~~~~~~~~~~~~~~~~~~

經過今次...我領悟到一個真理...

原來戒指一定要係人地送的...自己買的會跌左架...!!!