2013 B 的新舊曆快樂的生日餐

補完自己既生日 BLOG...家下講返一個月前...阿B的新舊曆生日...哈~~~

舊曆生日...阿B提議去 露比餐廳食...好呀~~~!!

我地六點半去到...差唔多一個鐘就打黎話有位喇~~!!

響等待既一個鐘內...我地超快手 SHOPPING...哈哈~~~

買左年 NIKE 風褸比阿B做舊曆生日禮物...比佢用黎跴單車時用...!!

點解要講明係 " 舊曆生日禮物 " ...?!  因為早在十二月頭...已經送左份厚禮比佢了!!!

佢買左部 D800 相機呀~~!!  我出左一半錢呢~~~~~~~~~~~~!!!!!!! 

而今日...佢都自己送左支鏡頭比自己呀~~~~~~~~~~~~~~~~~~~~!!! 




食飽飽之後...去b,仔度拎蛋糕... 今次個蛋糕味道好清...茱莉味...都唔錯...!!!

哈~~ 因為聽日約左班朋友聚舊...其中一個想買個 cake 同阿B慶祝埋生日...

所以我叫佢唔駛買...我拎呢個過去就得...講真...呢個 CAKE 真係好大個...兩個人食幾日都食唔完!!!

哈哈~~~~~~~所以呢個蛋糕拎到返屋企...只係 FOR 拍照紀錄 ONLY~~!!

蛋糕上面我專登叫師傅寫左句野比佢架~~~~~~~~~~~~~~~!!!



過完舊曆生日一個星期左右...就到左阿B既新曆生日喇~~~~~~~~~~!!!

呢日下午就帶左阿細去彭福公園玩...

夜晚我地就去左大尾篤食飯...又係去呢間...因為真係好好味架!!

呢晚因為係 SAT ...所以幾多人等下...我地都差不多等左半個鐘先有位...!!

仲要係唔太好的位置...!!  人多實在無辦法呢~~~~~~~~!!

兩個人叫左四樣野...不過都清晒檯...好飽呢~~~~~~~~~~~~

嗨~~~~~~~~~~~~~~~ 生日快樂呀!!!  身體要健康...!!!  日日都開開心心...!!!






之後出番沙田去b.仔度拎蛋糕...呵呵~~~~~~今次訂左個 恐龍蛋糕 比佢呀!!!

荔枝芒果味...好正...好清香~~!!

個蛋糕樣仲好靚添呀~~~~~~!!! 

好友松見到之後...響情人節都訂左個送比老婆做生日禮物~~!!!

阿松嫂勁鍾意...佢同我都係 b. 仔的 堅硬份子~~~!!! 

哈~~~阿細似乎都好鍾意個蛋糕啊~~~~~~!!  真係好味又好靚~~~!!!




呢個蛋糕真係超得...初時以為好大個...但係食落又唔係好大個...

反而四方嗰個就真係睇落唔大...但係就好重秤下~~!!

呢兩個就係今年送比阿B的兩個蛋糕喇~~~~~~~~~~~!!!

話時話...今年做乜我生日無蛋糕架?!?!?!?!?!?!?!?!?!?!?!?!?! 

 

 

 

 

2012-09-03 海洋公園生日飯

上一篇講完兩傻的海洋公園上山記...今次講番生日食左乜了!! 

今次入公園...仲做左遊客先會做既事...!!

就係一入公園就比人捉左去影相...又比人捉左去"唔買都睇下先"既睇相效果...

跟住又自動拎銀包出黎買左張相...!! 

生日有 coupon 平d 喎...哈哈哈~~~ 咁都比人 tum 左~~~!!  (傻過自由人...!!  )


差唔多到七點時...我地就去左 " 海龍王 " 餐廳喇!!!

好醒喎...book 到好正的位置...d 魚響身邊游黎游去...!!!

我都覺當時睇到成日嘩嘩聲既我...有點鄉里出城咁...!!    係咁影呀影...嘩呀嘩~~!!

除左以前屋企個魚缸之外...我都係第一次食飯有魚響身邊睇住食飯呀!!!!

請原諒我的無聊 & 大鄉里少見多怪的舉動!!!! 




我地叫左兩個餐...味道普普通通...呢度擺明食環境...價錢都算ok...!! 

 

食之前...又係要餵飽部相機先...!!  哈哈~~~ 係咁架啦...唔係 FB 要黎做乜呢下...?!  嘿嘿~~~~

今日的海洋公園之旅...真係好開心...好好玩...好好笑...!! 



夜晚的噴水池...加上燈光效果...好靚呢~~~

 

多謝阿B呢日為我安排既搞笑生日之旅...出年又黎丫...!!!  哈哈~~~

2012-09-03 開心的生日之旅~~海洋公園..!!!

2012 年的生日...終於如願以償可以去到海洋公園了...!!

雖然呢日有點阻滯事情發生...先是小狗唔舒服要睇醫生...

再黎阿B要返公司處理一點問題等等......

去到海洋公園都已經三點幾了...嘩哈哈~~~夠難忘了!!

而且非常運滯的...生日係免費入場...可惜同行者半價優惠就取消了...

仲要係由九月一日已取消...丫~~~~~~~~~~~ 只差三日呢!!!! 

所以阿B要付全費啦~~~~~~ 兩舊八啊!!!!!!!!!!!!!!! 

(係咪懲罰佢前兩年怕熱唔黎呢?! 嘩哈哈~~~我相信係囉!!  )

對上一次黎海洋公園已經係五年前的事了...嗰晚朋友帶我地黎免費玩夜場呢...!!

坦白講...今次重臨...雖然呢度新添了不少新玩意及景點...

但係我覺得呢度舊左好多...@@~~~~~~~~~ 唔知點解有呢個感覺呢!?

但係我都覺得身心興奮...HAHAHA~~~ 生日去邊都咁開心...!!


其實咁晏先黎都有個好處...呢日真係好鬼熱...!!

入到場第一時間就會好自然搵室內黎行...係比D冷氣吸左入去!!!!!!!!!!!!

我地兩個鄉里真係蠢都唔緊要...仲要係懶丫嘛...!! 

出發前都唔做下準備功夫...原來家下上山仲有個方便又快既方法...

我地仲搞笑到上左山都仲未知...阿B仲成日猛催我快D上山...

因為要趕七點前落山食飯丫...!!

點知去到吊車站話維修...要成半個月後才重開...!!

正在苦惱點上山呢...?!  唔通又要去乘登山電梯...?! 

再讀清楚張通告...發覺除左登山電梯外...仲可以乘海洋列車...?!

兩個即時你眼望我眼...頭上出現好多問題...之後出現左個燈泡~~~~~~叮一聲...!!

呃~~~~~~~ 原來剛才我地坐完話搵笨又無野睇嗰座野呢~~~~~~咪就係 " 海洋列車 " 囉!!!!!!!!!!!! 

仲有仲有......我地居然呀其實呀....一早已經上左山都唔知囉...!!!!!!!!!!!!!!!!!!!!!!!!!!!!!!!

仲不停話上山上山上山上山!!!!!!!!!!!!!!!  呢兩個人咩事呢下...?!  仲要上咩山呢...?! 

好彩懶得黎都識睇下地圖...好彩懶得黎所以又未問人囉...!!  

兩個仲傻到...出口地方明明都唔同左...居然都唔發覺囉...!!  唉............................

之後...兩個不停取笑對方啦....傻人二號猛笑傻人一號...

因為傻人一號頭先一路坐海洋列車時...響度分析呢...!! 

佢話呀...架車落左去後不斷響度自轉喎...!!!!  話佢係傻人一號真係無錯囉!!!!!!!!! 

上左山呀自轉!!!!!!!!!!!!!!!!  傻仔~~~~~~~~~~~~嘩哈哈~~ (好彩我無分析習慣...!!  嘿嘿~~~~~~~~ )

之後去睇新既大魚缸...!!!  真係幾靚...不過我都係鍾意以前既設計多D...!!

之後去睇下企鵝仔...好凍呢~~~~!!!  響我地腳下游黎游去呀~!!!!

海洋公園真係令人百去不厭...因為每次都會睇到D千奇百趣的海洋生物!!

話時話...安安佳佳黎左咁多年...我地都未真正見過佢地...!!

家下盈盈樂樂都住左好幾年...就一次過見晒佢地啦~~~~~~~~~~~~~~

今次入海洋公園係唯一一次無玩過機動遊戲!!

哈~~~~單係睇動物都用左唔少時間...

下次再黎...我要睇海洋劇場 (<~~~ 打算同自由人爭櫈坐!!) 


夜晚....我地響園內食飯...阿B book 左海龍王餐廳呢...yeah~~~~

將會響另一篇 blog 講...等我......!!!