J & B 開心又無聊的生活點滴部落格

2009年6月14日星期日

提早慶祝父親節

距離父親節仲有一個星期...不過今晚因為人齊...連埋大細佬既外父外母...total 成九個人...好少咁人齊呢...所以決定提早同兩位父親慶祝啦~~~

o係沙田...我地都係去開皇都架喇...味道 ok 價錢又唔太貴...而且次次響o個度食魚都唔係好貴...我細細佬至鐘意就係呢樣喇!!

齊晒人就開始叫野...今餐都係入大細佬公司既數...所以兩位老闆ok就食大喇...因叫一圍套餐又驚食唔晒...所以叫左個 for 半席既套餐... sun 價 $1,038, 之後再散叫 4 隻乳鴿, 一份龍蝦伊麵...咁就等起菜喇~~~ 我老爸第一時間就話叫啤酒...成晚係咁叫人飲杯...哈哈~~~ 不過得我老爸...細佬外父同埋我細細佬's 女友飲...無錯!! 係佢女友飲...佢細細粒但係酒量相當驚人!!! 普通男人都唔係佢手腳~~嘿~~~ 佢只有5呎2左右但不到90磅的身型!! 不折不扣既女中豪傑...哈哈~~

之後經理走過黎話條魚好細...不如加 $180 改條大杉班啦...咁是旦啦~~~

好快就黎左 d 乳鴿龍蝦伊麵...個個都好肚餓咁...頭幾樣野都無人記得影下相咁...@@~~

跟住上其他菜...碟碟都超大碟 @@!!! 食完乳豬同翠玉瓜大蝦球時...我都已經覺得飽了...之後記得影下相...大合照啦~~~ 不過響細佬部相機度...

我部相機成日只係要黎影阿細同食物咁...

你地睇下我細細佬將條大魚化骨呀...無錯...!! 佢係食到最後只有少少骨剩既!!! 上次睇到酒樓阿姐呆左...仲話大開眼界呀!!!

o拿~~~無呃人架...真係牒牒都超大牒架~~~~ !!!

不過食食下...開始覺得有d問題...!!!!! 點解隻乳豬係全體既?! 隻雞都係成隻喎!!! o個兜翅成個面盤咁大...食極都食唔完咁...!!! o個盤鮑片同瑤柱咩咩菜...我都已經唔想食了~~

望下隔離檯...坐成16人...上既菜份量同我地好似一樣咁...阿經理唔係寫錯我地一圍嘛?!

臨尾o個個甜品...我諗住留肚食架嘛...桂花糕平時我都幾鍾意食架嘛...點知呢個好重紅棗味...um...好怪味丫~~

之後食埋生果...埋單...個侍應都開始覺得奇怪了...明明上既應該係全席...點解寫既係半席價錢...所以拎左入廚房問啦...搞左幾耐下...不過可能佢地真係自己搞錯...所以都係收我地半圍既價錢...加埋之前加既野...埋單都係 $1,5xx... @@!!

我爸爸買左六合彩唔中...中左餐大餐食下~~~!!

不過總係覺得唔係幾好意思咁...好啦...中秋我地識做...會幫你地買月餅劵架喇!!

***

買左個羽毛球拍同件波衫比老爸...收到不知幾開心~~ 呵呵~~

而阿 B 就買隻藍色錶面既精工表比佢...好靚架~~仲即刻帶住添...

大細佬送左對波鞋比佢...佢猛話鞋頭闊著得好舒服~~

細細佬就送 $$ ... 佢收到一樣開心~~!! ^__^

黃老闆...身體健康呀!!! ^^

懶人的話

近黎都無乜 mood 理結婚 d 野...天氣又熱又成日落雨...想去街都無心機...所以o係屋企 hea...上下網周圍睇...

睇到好多 blog 友都好有心思去令自己婚禮好有特色...睇番自己...真係好 hea~~ 其實曾幾何時都幻想過自己要有一個夢幻式既婚禮...不過人大左...好多野都現實左...而且浪漫對我黎講又有d骨痺...可能我都豪爽慣...想要個難忘既婚禮...又怕太大壓力到頭來會失望...所以羨慕下欣賞下人地算了~~~

其實搞呢個婚禮都係想老爸開心一下...佢開心我就開心了...!! 原本怕麻煩的阿B和我...一早是決定旅行結婚...不過老爸口頭上說不擺酒無所謂...不過眼神就是出賣了他的內心...

所以...終於決定擺酒...不過對我黎講真係好大壓力...一時間好多野要去做決定...有決擇恐懼症既我...真係一時間係無拉拉瘦左5磅...做運動其實反而無令我瘦過呢!!

搞左一輪結婚既野...反而覺得搞既過程都幾得意...會令人長大...而且會將兩個人既關係拉近左...哈~~~有幾次...阿B send msg 比我...叫我老婆仔...笑到我丫~~ 原來感覺都幾幸福...原來夫妻關係和男女朋友的關係真係有唔同的!! 以前佢都有咁叫過...不過而家聽到...個感覺真係好唔同好唔同......

一齊去籌備個婚禮個感覺好開心...因為唔係自己一個人在努力...每事都可以商量唔駛自己一個行事...例如買嫁妝試衫...原來開心就係咁簡單...定係我思想太簡單?! @@~~

曾幾何時都有怪過佢好似凡事唔上心...不過實際上...佢有放在心上...沒表現出來...而且在這個籌備過程...只要我喜歡的...他多不會反對...呵呵~~ 可能我既要求唔高掛...睇黎佢都幾幸福...哈哈~~~

其實我要既難忘婚禮...唔需要華麗的包裝...只要有班真心黎祝賀我既朋友就心滿意足了...

***

不過我都要開始努力了...衫都未揀好呢...我相信...我係最唔上心既新娘...居然連應該要最重視o個樣都未搞惦...!!

2009年6月12日星期五

霸地盤?!

噚日下午酒店有位小姐打電話比我...話同一日擺酒o既另一對新人會佈置條樓梯...聽左初時都覺得ok丫...佢佈置埋我地就可慳番一筆啦~~

不過位小姐既語氣又麻麻地...佢話比我知到時對方march in 時...條樓梯會 block 左唔比人用...咁我問佢咁我地d 人點?! 佢話可以搭 lift 上黎...而且條樓梯都係近對方一 d...?! 臨尾仲話循例要知會下我...?! 之後佢收左線...

越諗越覺得有問題...好唔忿氣...點解之前唔同我地商量下呢?! 咁我打番比我地既負責人 yanny...佢話應該係另一位 nancy 小姐搵我...而佢唔知咩事?! 下?! 咁佢話叫 nancy小姐搵我再交待下...搞錯?!

之後 nancy 打番比我...我問佢究竟知唔知我地都o係酒店做註冊...如果到時對方要 march in...我係咪所有客人要匿埋?! receiption要搬走呢?! 佢話我誤會佢既意思喎...只係會阻我地幾分鐘...仲話條樓梯其實近對方一D?! 姐姐...我上過黎睇過啦...條樓梯對正我地既 receiption架...!! 之後佢可能感覺我開始不滿...就將話題轉去請帖度...問我幾時黎印帖...我話比佢知而家未定...我問佢...咁以後應該搵 yanny 定搵佢呢?! 佢又答唔出...咁算啦...我都費事再同你講啦...!!

***

真係好唔甘心...咁即係點?! 係咪先開口既就霸得就霸呢?! 我唔希望到時佢地將條樓梯個人化喎...更唔想佢地印d名呀樣呀響d 樓梯既裝飾上面!! 條樓梯公家架嘛...你咁樣搞法...我 d 客人黎到好似好混亂囉...!!

今日阿B打比 Yanny...大家講清楚會好d!!!

Yanny 話比我地知對方好小朋友脾氣?! 佢地話既然係咁要share用...佢地用左 $1,000黎佈置條樓梯...咁要我地比番 $500喎!!!!! ok...!! 你咁講得出...$500 算係咩呢?! 咪豪比你囉!! 原來佢地真係諗住佈置左就可以私有化架?! 早講嘛...我用 $2,000 黎佈置囉...你比番 $1,000 比我囉!! 真幼稚!! .\ /. 我相信我會搞得仲好睇添...

對方會響大概九點幾先進場...咁咪ok囉...我地約左律師八點半...大家既時間應該唔會撞...到時唔駛將 receiption 收埋啦~~

不過我覺得酒店處理得唔係咁好...其實呢d佢地可以控制到架嘛...可以話比對方聽公用既唔可以想私有化囉!! 有d規則你可以定架嘛!! 仲想叫我地兩家人出黎坐低傾下?! 唔係有病下話?! 可以傾到既咩?! 到時傾唔惦擺酒o個日係咪要面左左...扎晒馬呢?! 真頭痛...估唔到無拉拉要煩埋呢樣!!

yanny話對方如果要放易拉架在樓梯口...咁應該我地都可以放...其實我又無乜所謂擺唔擺...擺酒應該係開開心心...我都想向對方說句恭喜...點解要咁幼稚玩霸地盤呢!? ~___~" 霸唔到又即刻反晒面咁...!!

本來想約 yanny 聽日去睇房傾細節...不過佢又放假...而下星期佢又約左客...真係煩上加煩...

好心煩...

就係呢條樓梯啦...唉...其他既都未得閒去影呀 ><"

***

夜晚約左朋友出黎補祝生日...哈~~成個月後先黎補祝...今晚響又一城既又一棧食上海野...d 餸都ok...係等牒賽螃蟹同拔絲蘋果耐d o者...!! 阿裙話...等左一粒鐘...食左唔駛一分鐘...哈哈哈~~~

仲有...呢家野d食物名稱好搞野下...

2009年6月11日星期四

婚前婚後...?! 真架?! @@~

Subject: 婚前婚后

以前提到結婚，想到「天長地久」；
現在提到結婚，想到「能撐多久」。

當初會結婚，說是「看上眼」；
後來會離婚，說是「看走眼」。

婚前，愛情是神話；
婚後，愛情是笑話。

男人花錢，是為了讓女人高興；
女人花錢，是因為男人讓她不高興。

嫁入「豪門」，要懂得理財；
嫁入「寒門」，要懂得生財。

以前的人，視婚姻生活為「一輩子」；
現代的人，視婚姻生活為「一陣子」。

婚前，男人在餐廳等女人；
婚後，女人在客廳等男人。

婚前，男人經常找女人「討論」；
婚後，男人只告訴女人「結論」。

婚前，男人對她悄悄講話；
婚後，男人對她大聲講話。

戀愛時，情話綿綿；
結婚後，謊話連連。

戀愛時的男人，喜歡「毛手毛腳」；
結婚後的男人，變成「沒手沒腳」。

婚前，情侶做什麼都是「浪漫」；
婚後，夫妻做什麼都是「浪費」。

如意郎君何處覓？
有才華的長得醜，長得帥的掙錢少，掙錢多的不顧家，顧了家的沒出息，有出息的不浪漫，會浪漫的靠不住，靠得住的又太窩囊………

男人呢?
漂亮的女人不下廚房，下廚房的不溫柔，會溫柔的沒主見，有主見的沒女人味，有女人味的亂花錢，不亂花錢的不時尚，時尚的不放心，放心的沒看頭。

想結婚，是自己已能獨立；
想離婚，是子女已獨立。

婚前的男人，大都很幽默。
婚后的男人，大都很沉默。

女人的記性，吵架時最好；
男人的耐性，結婚后最差。

戀愛時，一見面就「親嘴」；
結婚後，一見面就「鬥嘴」。

婚前，男人常給女人「空白支票」；
婚後，男人常給女人「空頭支票」。

戀愛時，生活「妙不可言」；
結婚後，日子「苦不堪言」。

婚前，男人天天盯著女人；
婚後，女人天天盯著男人。

熱戀時，總相許下輩子再結良緣；
結婚後，常疑上輩子造作孽緣。

大男人，會「作威作福」；
好男人，會「作牛作馬」。

婚前，「謊話」都是「情話」；
婚後，「情話」都是「廢話」。

婚前，靠近一點；
婚後，閃開一點。

婚前，沒話找話說；
婚後，有話也不說。

就出喇...就出喇~~!!!! My dongwan first concert DVD!! YEAH!!YEAH!!YEAH!!!

好開心好開心~~~收到 DVD HEAVEN 既 e-mail 通知...Wan Wan 既演唱會DVD大概o係6月19日出啊!!!! 等左好耐喇...上年九月開完演唱會到而家成10個月喇...等死人咩!!!! 嗚嗚嗚~~~ 係要o係呢個時間黎出...真係越窮越多 $$ 駛呀!!

Kim Dong Wan : 1st Concert (2disc) + Concert Photobook (32p)

Detail Features
Screen : NTSC 16:9
Audio : Dolby Digital 2.0 Stereo, Dolby Digital 5.1 Surround
Region Code : Region All
Runtime : Disc1-108 Disc2-81 Min.
Dubbing : Korean
Subtitle : Korean, English, Japanese
Grade : All

DISC 1: CONCERT

1.HONEY
2.擺脫惡女
3.秘密
4.愛情是可憐的
5.因為是我的錯
6.後悔
7.應該要忘記
8.夏天真好
9.聽聽看
10.KISS BETWEEN US
11.SAY ANYTHING + ALWAYS
12.風之歌
13.離別電話
14.好人
15.為什麼這樣
16.SCREAM
17.男人的愛
18.BRAND NEW
19.手帕


DISC 2: CONCERT SPECIAL
1.SPECIAL TALK - 1010CLUB
2.MULTI ANGLES - KISS BETWEEN US
3.CONCERT MAKING FILM

***

你個衰仔丫...人當兵你當兵...好似放大假咁周圍去玩...影呢影路...@@!!  枉我之前咁擔心你!!!  你家下成日去日本玩添!!!! ><"

2009年6月8日星期一

婚禮進度表 (Ver 20090608)

紅色既係未完成項目...仲有咁多?! @@" 婚禮日期：	18/10/2009 (星期日)
當日rundown ：	有些少idea

註册
註册地點：	九龍維景酒店 (晚上8:30)
證婚律師：	壹証婚服務 (未辦擬結婚証明書)
戒指枕:	大口仔-已請Ron加工制造(暑假前交貨)
結婚証書簽名冊：	朋友代訂
羽毛筆：	律師提供
結婚戒子：	J's Duet, 非常簡潔的款式

婚宴
婚宴地點：	九龍維景酒店 (未確定圍數及菜式)
出門酒店：	九龍維景酒店 (未傾細節, 未睇房, 未訂房)
場地佈置：	Casablanca Flower Workshop (八月有初稿)
March-in音樂：	諗緊
婚宴音樂：	諗緊 (MC可提供)
成長片段:	純美新娘 (未交相片)
婚照片段:	巴黎婚紗提供 & DIY
嘉賓簽名布：	巴黎婚紗 (已取), 羅浮宮 (八月尾取)
簽名筆：	大口仔 DIY 簽名筆4枝 (未做)
酒水：	酒店提供, 會再買紅酒兩箱
結婚蛋糕:	酒店提供
回禮小禮物:	已落訂
Table Stand 及 Menu：	酒店提供 (應該會找朋友DIY)
賓客名單／Seating Plan：	有初步構思, 幾頭痛…

Pre-Wedding／婚禮當日攝影
Pre-Wedding Photo :	1) 巴黎婚紗 (2008年已影及2009年已取相)
	2) 羅浮宮 (2009-05-16已影, 未取相)
婚禮當日攝錄：	1) 純美新娘 - 攝影師:福哥, 錄影師:未知
	2) Snap shot攝影師 - 同事,弟弟及親戚朋友(哈哈~)

禮服及配飾
新娘
婚紗／晚裝：	溫馨 (1WG, 1EG - Confirmed)
	COUPLE 囍 (1WG, 1EG - Hold)
	仲有 1EG 未JOIN (敬酒-心水是紅色)
裙褂：	中五福@榮華
Girdle:	已買
束褲:	其實係咪需要?!
婚紗晚裝鞋：	未買
裙褂鞋：	未買
頭紗及手套:	未買
化妝造型：	Shirley @ Image Beauty
頭飾及飾物：	Shirley @ Image Beauty 及自行購買少量飾物
花球：	1) 絲花球(pre-wedding photo)-Trinice Flower (已取)
	2) 真花球 - agnes b. florist (未訂)

新郎
禮服：	溫馨 (Confirmed-1黑1白)
恤衫：	已買一件 (會再買多一件)
白色禮服鞋:	已買白色adidas波鞋
黑色禮服皮鞋:	未買
西褲:	未買
皮帶	未買
銀包:	未買

親友及兄弟姊妹
新郎及新娘上頭人選:	未諗
爸爸禮服及皮鞋:	未買
弟弟禮服及皮鞋:	未買
伴娘／姊妹服裝：	伴娘 - 溫馨租 (Confirmed) / 7條姊妹裙 (未買)
兄弟服裝：	未諗 (兄弟自己提供, 可能會提供tie)
証婚人襟花：	未諗 (可能用Trinice Flower)
兄弟襟花／姊妹及司儀手花：	未諗 (可能用Trinice Flower 或找Ron做)
兄弟姊妹的詳細分工:	未諗

兄弟姊妹團
伴郎：	Anthony
伴娘：	Maggie
兄弟：	Hong, Chung, Eric, Chris, Franky, Benson (未搵齊)
姊妹：	Wendy, Emile, Amy, Yan, Connie, Sammy
MC：	Angel Leung

花車
花車：	1) 美滿 (紅色London Taxi)
	2) 酒店已free三小時花車, 但未決定用7人車還是Benz
花車佈置：	大口仔中式公仔, 已找Ron設計絲花佈置 (暑假前交貨)
兄弟姊妹／親友車：	LB's車, LB's 大哥7人車, Chris's車
兄弟姊妹／親友車佈置：	可能買現成或 DIY

喜慶用品
接新娘遊戲道具：	未諗 (謝絕3級及嘔心遊戲)
嫁妝：	買了龍鳳鐲, 花花頸鍊, 其餘未睇 (耳環及手鍊)
中式禮餅券:	未買 (會買奇華)
西餅券:	未買 (請同事代買美心80張, 另買80張Pappagallo雪糕劵)
過大禮用品：	未決定 (簡化...會以果藍,唐餅及以利是代替)
祝酒杯:	應該酒店會提供 (未問)
龍鳳被：	已買 (Casablanca)
紅色喼：	已買 (Pierre Cardin)
敬茶用具：	已買 (紅色小鳥茶壺)
對聯:	未買 (笋崗 / 金都)
上頭用品：	未買 (笋崗 / 金都)
紅傘：	未買 (笋崗 / 金都)
睡衣：	未買 (笋崗 / 金都)
Cushion：	未買 (笋崗 / 或買兩個大口仔粉紅色心型cushion)
囍帖:	未睇 (可能用番酒店提供的)
回門乳豬：	未諗 (或以利是代替)
蓮子, 米, 紅豆, 綠豆, 白果	未買
瓜子糖果:	酒店提供
利是封：	未買 (笋崗)
啤牌:	未買 (笋崗)
佈置物品：	未買 (笋崗 - 囍字貼, 絲花, 花瓣, 花炮等)

其他
新居：	泰亨祠堂村
婚前檢查：	未book時間 (已 join package, 大概六月去驗身)
Honeymoon地點：	未決定 (目標係衝出亞洲!! 嘿~)
換銀紙	未換
擇各樣吉時:	未擇