早兩日響網上遊...見到隻好簡單既 Wedding bowl ...敗家因子又蠢蠢欲動喇...!!
話說...我返到屋企唔太鍾意手手腳腳比 d 手鍊頸鍊介指束縛住...但又好興除左之後周圍放...@@~~ 所以第時隻結婚介指要搵個地方固定安放...呢個地方一定要當眼處又要易取易放...哈~~
今日見到呢隻碟...正中我意思...又可以刻名刻日期...用黎放婚介一流...!! 不過人地好似用黎結婚交換介指黎用...@@~~
終於訂左喇...大概廿幾日就會收到貨喇...好期待...到時放響門口個櫃面先...出門口前實見到...一定記得帶啦!! ^____________^ heehee~~
就係訂左呢個款喇...到時會係我地個名同結婚日期啊~~~
終於又比敗家因子戰勝左喇!!
今日又去玩 spinning...隔左兩個禮拜無做運動喇...即係有兩個禮拜無食好野...哈~~
上到去又係跑步先...不過我都係步行多過跑...想留番d 力跴單車...
4:30個阿sir...我第二次跟佢跴...佢教既運動量會好夠...好攰呢~~ 而且佢夠大隻靚仔...跟佢跴真係賞心悅目...哈哈~~
之後去左玩步行機...跴左半個鐘...聽佢地話 6:30 spinning o個堂個阿 sir 好 crazy...好奇心驅使雖然已經好攰...但決定玩10mins...
大概6點左右就見到個阿sir響我身邊經過...我一見到佢既裝扮就知呢個係!!! 因為佢既爆炸頭...四方型膠眼鏡框...下巴d鬈鬍鬚...加上佢瘦瘦既身型...仲有令人一見難忘既包頭髮巾...單睇外型已經覺得佢係傻傻地...如果佢再著爛d...我響街度會以為佢係乞兒@@!!!!!!!!
6:10佢已經入左間房準備...我地已經成日比佢既舉動忍笑忍得好辛苦!! 佢地仲幫佢改左個名叫做 " 單車男 " ...
到正式玩時...佢d熱身運動笑到我死...係瘋狂咁做吸氣呼氣...手腳郁得好快...好似邪靈上身咁...不過跟佢玩好好玩...娛樂性又豐富...所以我跟玩足全堂...忘記左先前既疲倦!!
佢簡直係瘋狂...跴跴下可以甩左個單車扶手舊膠扔左落地...成日好似指揮家咁跟住d音樂指揮我地跴...跴到包頭巾甩左就縳響額頭度...佢d舉動真係好搞笑...又成日瘋狂咁大叫...下次我都要跟佢玩!!
跴左兩場...人都散咁~!!
一班人做運動時間過得好容易...由四點玩到七點幾...過得好快~~
食飯時好肚餓呀...係咁食食食...哈~~運動左幾多食番幾多...!!!
而且做運動之前...我響新開既伯伯加奴食左杯strawberry雪糕呀...所以先會體力充足...嘿~~
呃...而家周身都在痛~~
正想話暫時可以放低的姊妹項目...突然醒起姊妹裙條披肩唔想用佢比既珍珠紗...太通透...sales 話影相出黎靚...不過我唔覺...有D姊妹都認為太肉感了...我都係覺得做番雪紡會好d...所以就打番去鋪頭問...原來雪紡要預訂的...好彩問下...順手改埋~~
我叫佢跟番D裙一樣做番米白色就okay...點知佢突然話比我知...d單寫係香檳金色?! 下?!?! 我明明話要一律係長裙...要米白色...腰帶或小蝴蝶結用深紫色......咁即係我講錯定佢寫錯?!
不過佢又話比我知...兩隻色出黎效果差唔多...um...搵日都係要去睇真 d ...溝通好似出左d問題添~~ 點會差唔多呢?!
米白色 = 香檳金 ?! 我覺得係兩回事...... ~____~" 其實香檳金我都無所謂既...不過突然醒起租比伴娘o個條係米白色...如果兩隻色真係有偏差呢? 咁咪好怪囉?!
另外我想改八月中定晒所有款同 fitting ...提早九月中就起貨...唔等十月頭喇...到時有問題我真係無時間去搞呢!! 哎呀...平淡中有小挫折添!!
聽日就係八月喇!! 即係仲有兩個半月時間咋!!
八月內希望完成埋以下部份...!! 要開行Turbo!!!!
(1) 買女婿多寶 (皮鞋, 西褲, 皮帶, 銀包)
(2) 買鞋 (我, 阿B, 黃老闆, 細細佬)
(3) 搵花球款式資料 ~~~> 訂花球
(4) 開始搞要DIY既野...起碼要有初形 (<~~ 個個月都係咁講...)
(5) 搵頭紗及手套資料
(6) 諗下個 backdrop 用咩色咩設計
(7) 搵兄弟 tie
(8) 身體檢查
(9) 覆MC婚宴音樂
(10) 買紅酒
(11) 買唐餅咭, 西餅咭, 雪糕劵
(12) 買束褲, nu bra
(13) 做禮服 (黃老闆及細佬)
(14) 買禮服 (伴郎)
(15) 搵相 (整相簿, 成長片段)
(16) 印貼子, 咭......
其實我已經做左好多野下...點解好似仲有咁多未做既!? @@~~
結婚就好似考試咁...九萬幾樣要準備......
台上幾個鐘...台下十年人工!!!!!!!!!!!!!!
今日響公司唔知係咪撞邪...無拉拉坐坐下覺得好凍...之後頭痛肚痛...又標汗...但其實個人覺得幾凍...食左粒止痛藥...仲有D想嘔咁...
放左工即出沙田想睇醫生...不過唔知係藥到定係換左環境...又好似無咁痛...可能出左身汗覺得好左好多...所以最後都無睇醫生...唔想食太多藥...一食多藥人就水腫...捱過左無事就唔食好過食~~
***
響火炭車站售票處見到有隻狗好似搵緊主人咁...不過我覺得佢幾老下...因為佢行得好慢...只響售票處徘徊...佢主人唔係遺棄左佢下話? 車站職員又唔敢埋去...只係響度望望下...其實我唔知隻狗咩原因響度...可能佢係響度唔見左主人...所以不停響度四圍望...只係覺得隻狗仔好忠心...希望佢搵得番佢主人啦~!!
***
搭緊車途中...突然醒起要幫姊妹們約化妝師...即刻打比mua大 S...問佢要幾時 book...因為佢公司會派個人黎做...佢話而家都可以book...仲話六個有折...我再問佢有冇得再平D...佢話除非唔o係佢公司book...佢自己幫我搵其他化妝師...我問佢手勢得唔得架?! 佢話好難講架喎...個個要求唔同...哈哈~~ 因為我話我d姊妹要求好高架...如果朝早set完頭未到夜晚就甩頭甩髻就唔好啦...佢話如果係佢搵既...到時唔ok...佢會幫姊妹們搞番惦喎!! 反而公司派o個d佢就唔會執手尾...因為各有各做唔想搞人地d野喎!! 佢多次叮嚀我唔可以同佢公司講 @@~ 咁我都唔會打難人飯碗既...於是成交...!! 每人平左六十蚊呀!! 姊妹們...希望到時大家都化得靚啦~~包括祝福埋我呀...!!
另外問埋佢 final 試妝試頭...佢叫我九月尾去揀飾物o個日試埋...唔駛分兩日去咁煩喎...到時要帶埋d衫既相...弊喇...溫馨o個兩條裙唔知幾時可以影相呢? 要做下功課set d 咩頭先得...不過我都無乜 idea...只要唔太誇就 ok 喇...普普通通其實仲啱我......
又搞惦一樣...姊妹呢part暫時可以放低了......
***
催左阿B好多次搵齊d兄弟...今晚終於搵埋兩個兄弟做車長...哈~~ 阿B話我搵左七條女...所以佢要搵番七條仔喎! 今晚搵埋阿松同阿康...我仲笑佢兩個係盛年組既入選港男...哈哈哈~~
兄弟仲有一個就搵齊喇...真漏氣!!!!! 因呢位今晚響高山劇場獻唱的關係...所以電話無人接聽...我地係突然醒起佢唱緊歌的...@@~~ 希望佢有熄電話啦...嘩哈哈~~ 如果佢袋響身就........呵呵呵~~ 唱粵曲有電話既音樂聲...佢咁識執生...我諗佢會即場扮吉百利廣告個細路呢~~~哈哈~
***
呢本就係裝住d單據及資料既活頁簿...就黎爆棚喇!!!
今日決定北上笋崗訂D小禮物同買D結婚用品~~ 我地成三點幾先上到去...哈~~因為唔願起身囉~~
10分鐘既的士車程...廿蚊雞車費~~話咁快就到左笋崗...我地大概黎過四次喇~~如果用成本學黎計...我地每次買d買d...睇下昅下咁...唔慳得幾多...不過以我呢d未來c奶既心態...真係行下都好開心架...呵呵~~ 總之搞有關結婚既...仲要兩個人一齊搞既就唔再係用 $$ 黎衡量啦~~~ 所以如果真係想慳又買得抵既話...都係一次過寫定份清單先上黎買啦~~^__~
先行"笋崗文具玩具禮品批發市場"...鵬鵬又係超多人...今次仲入唔到去...都話呢間野做唔到我地生意架啦~~ 跟住去睇下心水小禮物...有blogger介紹係上 1樓既...不過正確鋪名就唔知...所以唯有自己搵搵啦~~~
可能因為上個星期打風啦...今日特別多人呀~~~!!
第一間...問價錢...喎?! 連埋刻名仲平左d...而且覺得個 sales 幾老實下...!!
第二間...一開價就貴一倍...訂過 100 居然已然減半...不過刻字要收做版費呀...即係每件野要加兩蚊呀...傻架?! 貴咁多...唔老實呀~~!!
第三間...同第一間既價錢差唔多...不過都係覺得第一間明碼實價d!!
好~~~ 睇埋其他野先再決定...
再睇下d 絲花鋪頭...唔知係咪呢度係批發...d野放得亂d...所以都係覺得花園街伯伯o個d靚d ... (可能只係自我安慰中...因為呢度價錢係平D既...哈~~)
不過都係無買d花籐...因為阿B都未定實點佈置個花園~~所以又要留待下次再買喇~~
上次無行百合隆...突然醒起家下好多blog友都話o個間"立興"價錢公道d...所以就過去睇睇...入到去地下...行兩行就無拉拉搵到間鋪喇...因為企左好多香港人響度入貨呢~~~
有個女sales招呼我地...極之好禮貌...我地係咁執執執...今次清單上既野差唔多買晒喇!! 以下所有物品只係用左人仔四舊水有找...!!!
因為決定著褂鞋啦...呢度又平喎 (人仔38咋)...著起黎覺得幾好睇ok舒服...sales姐姐話影相幾靚架...所以咪買呢對啦...唔駛煩喇~~件睡衣有d花花...質地幾好咁...所以咪買埋...最搞笑個姐姐話可以平時都著得...唔係嘛?! 我腦裡面即時出現在個景像呀~~ 就係紅色睡衣著埋褂鞋...加上我長直的頭髮...村屋地方又黑麻麻...夜晚見到我咁樣去扔垃圾...人地一定以為撞鬼呀!!! 阿B話男既唔駛著喎...佢嫌娘 (其實佢驚我迫佢著馬褂呀...哈哈哈~~~)...不過後黎睇單先知要 55蚊呀...我地唔記得問價添...呢件睡衣響呢堆野之中係最貴的了!! 唔知有冇買貴左呢@@~~ 我仲未試著...唔o岩既話...可以下次拎去換~~
好難得先搵到把個柄唔太膠又無印字既遮...開價人仔30蚊...不過佢落單就寫左28...是旦啦~ 基本上有部份野買貴左...有部份野平左...所以我地都無乜討價還價...因為好熱下~~
之後姐姐仔話啤牌同子孫桶裝飾要過新鋪取貨...問我地介唔介意跟埋去拎...好啊...去見識下~~ 行左兩條街...有個新商場呀...叫做笋崗工藝禮品城...不過無乜野行既...佢仲話比我地聽d野賣得貴d添架~~
買埋個杯托...啤牌要左貴5毫o個款...因為平o個隻實在太薄太軟唔得呀...駛唔到牌呀!! 埋單計數...只係肯送左四包仔利是封...貼子唔肯送要收錢呀!!
o個幾粒英文字響百合隆某鋪頭買人仔兩蚊粒...唔肯減...><" 黎到呢邊賣人仔一蚊粒...比人呃左添! 另外響地下某鋪頭買左扎繩黎加工d小禮物...不過無check到...返到黎先發覺質素好差...下次要拎去換添...唔知認唔認數呢!?
見到有d香港人(仲要係外表好潮的後生)上黎印帖...某d款同香港既差無幾...應該平好多好多...其實香港o個d好多都係拎番上黎印的...!! 如果見到我地張帖呢度有得訂...我地一定個心"拿"死!!
之後返轉頭去"禮真多"度訂埋d小禮物...訂左180 套...貨到後我地會上黎驗貨先...之後再速遞落香港...個妹妹仔好搞笑...只係記得開單就算...居然唔記得收錢呀!!! 仲要係阿B提佢至醒起呢~~~阿B同佢講下次記住開完單要收埋客人錢先啊!! 哈哈~~~ 我都話佢老實架啦!! 不過佢唔係汪菲...佢姓郭的~~ 買左隻咖啡杯好得意...裡面寫住 POISON的...哈~~
之後見到間做水晶相架既鋪頭...問左價錢...覺得好呃人...再問另一間 " 天力 " ...呢間老實好多啊...價錢仲平差唔多一半...所以一定要格下價呀...之前o個間張咭片...我地當時即刻掉左...費事搞錯嘛...哈~~
已經七點多...d 鋪頭陸續收鋪喇...所以我地決定去食晚餐...見對面馬路有間 KFC...所以就試下深圳 KFC 喇...佢地同 HK有d分別...呢度無飯食的...一個桶餐人民幣66元...有支1 lt 汽水...上面仲有韓國人氣組合 Super Junior M 既俏像...D雞幾好味喎...無香港o個d 炸得咁油咁熱氣喎...仲有魷魚鬚食呀...
食完準備打的去交通樓...不過好多人等的士呢...之前比人打左尖...跟住成大鵬人響度等...又無吉車喎...阿B行後少少等...我就企前少少...正在煩惱之際...有架有人既的士停響我前面...司機開窗同我講...話個客去前少少就落...叫我上車先...@@~~~ 我居然聽得明國語呀!!! 咁咪揮手叫阿B上車囉...阿B上到車...問我點解前面有個女乘客喎...哈哈~~~ 不過我都唔明o個度咁多人...但點解個司機只係叫我上車囉......@@!!
***
返到香港...好彩無落雨...如果唔係都唔知開唔開把遮用好!! 哈哈~~
響返屋企既途中...阿B成日拎我把遮黎玩...一時扮盲人...一時扮銀樂隊指揮...又扮老公公揸拐杖行路...又扮劍客...臨入閘門...佢見到個燒烤爐...居然扮燒野食!!!! 佢今晚顛左呀!!!! 無聊指數係極級...!!!! 屬於極度危險人物!!! 佢應該係未食飽所以有呢D失控行為...返到屋企食左個麵就回復正常喇!!
***
如果各位想訂d小禮物...不妨考慮上去搵下...因為好多香港賣既小禮物...例如: 毛巾蛋糕, 毛巾波板糖, 支裝毛巾花, 小餐具, 小相架, 水晶擺設, 蠟燭擺設, 筷子, 印環保袋, 鎖匙扣等等...同呢度賣既無乜分別...不過價錢呢度真係平好多...就算印埋咭仔或刻名都唔係好貴...出貨又快...當然要格下價咯~~~
