正想話暫時可以放低的姊妹項目...突然醒起姊妹裙條披肩唔想用佢比既珍珠紗...太通透...sales 話影相出黎靚...不過我唔覺...有D姊妹都認為太肉感了...我都係覺得做番雪紡會好d...所以就打番去鋪頭問...原來雪紡要預訂的...好彩問下...順手改埋~~
我叫佢跟番D裙一樣做番米白色就okay...點知佢突然話比我知...d單寫係香檳金色?! 下?!?! 我明明話要一律係長裙...要米白色...腰帶或小蝴蝶結用深紫色......咁即係我講錯定佢寫錯?!
不過佢又話比我知...兩隻色出黎效果差唔多...um...搵日都係要去睇真 d ...溝通好似出左d問題添~~ 點會差唔多呢?!
米白色 = 香檳金 ?! 我覺得係兩回事...... ~____~" 其實香檳金我都無所謂既...不過突然醒起租比伴娘o個條係米白色...如果兩隻色真係有偏差呢? 咁咪好怪囉?!
另外我想改八月中定晒所有款同 fitting ...提早九月中就起貨...唔等十月頭喇...到時有問題我真係無時間去搞呢!! 哎呀...平淡中有小挫折添!!
我睇過張單真係寫咗香檳金喎,咁使唔使改丫?
回覆刪除我唔會再轉款啦,不如妳問埋其他幾個靚女,冇改動就提前到九月中起貨啦,我都同意預鬆少少時間好啲呀,唔使到時有咩阻滯影響妳的好心情呢!
[版主回覆08/11/2009 00:21:00]今日我去左問喇~~真係有d差別架!!
始終幾款裙質料密度唔相同...
而家將每條裙都加層紗料...咁唔會相差太遠...
另外改埋時間大概九月中貨到會call你地去 fitting...
希望順順利利啦!!