阿B的新寵兒

幾年前買過部 SONY DV ...朋友叫佢做 " 阿伯電筒" ...因響百老匯買...而且外型似手提電筒...用過幾次...去過一次泰國旅行用...其餘時間都係擺響度...到上年想用...點知壞壞地喇...成萬幾蚊就咁報銷左...!!

今年又手痕想買部黎玩...而家呢D機越出越平...部部都話高清...心目中唔想買咁貴喇...買部細細地五千樓下就 okay喇!!

我梗係想買番Sony 機啦...因為我係索記的死梗 fans...!!  不過 d 咭真係好貴...而且機都唔平...加上揸機o個個實唔係我...而且梗係比 $$  o個個話事啦...所以由得阿B佢話事啦~~

星期五放工食完飯...去左沙田七樓睇機...入左豐澤...o個位 sales 極之好人...有問有答...唔係求其o個隻...仲係咁拎d機比我地試上手睇...不過無理由第一間睇左就買架嘛...所以走去百老匯再睇下...其實阿B初時心目中諗住買 Panasonic 既機...因為細部啦~~價錢都係筆直範圍...

不過 sales 介紹左部三洋機比我地...拎上手都幾好喎...外型都幾靚仔...而且做緊特價...唔駛5千添...心郁郁...

不過我地知張毛記應該會仲平d...所以就走左去問價...仲平多兩舊幾呀...贈品一樣...!!

於是扑搥!!   去旅行時可以用喇!! 

以前部sony機有個 wide angle ...又 fit 到呢部機...可以慳番五舊幾唔駛買 lu...

贈品有代用電池... HDMI 線...同埋一個機袋...!!   仲有支好弱雞既腳架...都費事影...實在想扔左佢!!

本來諗住接新娘o個日自己駁線 ON LIVE TV...不過最後都係算了...因為純美新娘可以將其中一樣贈品揀呢樣...所以唔駛煩啦~~~

***

另外...因為唔想Big day o個日兄弟咁繁忙同埋心理壓力太大...所以最後都決定請人影 snap shot...不過問過好多唔係價錢貴就係無期...所以最後決定搵番純美新娘... steve 仲認得阿 B...不過佢記錯左我地未join仲係咁吹晒水...後尾比我地笑...佢後面個妹妹仔仲忍笑忍到個身係咁震...哈哈~~~steve送多樣贈品比我地...不過我地想要本相簿多D...佢話做特價就得送就唔得喇~~ @@~!!  即係而家我地有五款贈品... 1本無縫相簿...大海報...On Live TV...原裝DV母帶...特價無縫相簿...!! 

初時佢話o個日好 full 好似已經無晒人影喇...嚇得我丫!!   不過都肯再幫我地睇真d...好彩仲有一個咋...睇埋佢d相版...影得幾好喎...仲有魚眼鏡...而且佢部相機係靚機黎啊...所以好快就決定扑搥喇!!   仲問埋佢我地當日錄影師傅係邊個~~

諗諗下...o個晚我地好多人負責影相 @@~~ 魚翁撒網式...有兩個影standard相...有兩個影snap shot應該都可以揀到靚相掛...哈~

 

流程參考

日間流程

清早約定化妝師上門化妝(最少預一個鐘以上,可以之前問定化妝師),約定姊妹早少少到女家佈置或預備遊戲道具,女方家人煲定熱水新人敬荼用,預備拜神物品,

2.新郎接新娘:

一早約定兄弟到自己家中佈置花車,或一早搵定人到花店拎花球,預備開門利是,約好時間到達新娘家接人.

3.到達新娘家門前玩遊戲,開門利是.

4.接到新娘後就拜神,向長輩敬茶,長輩親戚逐一替新娘帶上金器,影相.

5.預計出門時辰出門,兄弟姊妹要幫手拎其他物品 (記得將新娘斟茶的新茶具一同帶往男家斟茶用)

6.預計時晨到達男家入門,拜祖先,斟茶給老爺奶奶長輩及替新娘帶上金器,之後一家人食飯, 新娘新郎記得派利是給兄弟姊妹們.

7.男女姊妹兄弟就可以到酒樓吃飯. (大約1點左右)

8.通常新娘就會趁呢個時間回埋門,記得帶身份証和介子.

9.大概下午4,5 點就要去酒樓酒店打點一切.新娘最好約化妝師早少少到酒樓補化妝,另外一對新人可以趁未有嘉賓到賀前影番多少少2 人合照,因為晏少少人多就多數同親戚朋友影,反而雙人合照機會會好少,有好多朋友過後睇番D 相都覺得少新娘單人相,心愛的晚裝相更少.

記得到埸兄弟姊妹幫忙吩咐酒樓播席前音樂(重複播放),如佈置不夠可叫兄弟姊妹加小小,佈置接待椅,準備簽名布,客人名單,號碼牌,張貼座位表,準備接待人客及帶位

    

夜晚流程

新娘換上晚裝及補妝後可以同新郎一起在台上等待客人到埸影相,到入席時間,新娘換上婚紗及轉妝

1.      新人進場
在開席前，播放成長片,由司儀宣佈一雙新人進場，全場燈光將會調低，然後以射燈照著新人進場，賓客可報以熱烈掌聲。兄弟姊妹門口準備花炮

2. 司儀致謝
司儀在宣佈新人進場及就座後，通常會以輕鬆的語調，略述一對新人的相識經過，並代表全場賓客祝賀一對新人。

 3. 切餅
通常酒店都會預備結婚蛋糕供一對新人作切餅之用。司儀於致辭後可即進行切餅儀式。

5. 祝酒
切餅之後，新人進行交杯，然後向全場嘉賓舉杯敬酒致謝，賓客可舉杯祝福一對新人。

6. 敬酒
在食翅之後，由新人及坐主家席的成員向每席敬酒。但假若席數太多，新人無暇兼顧，則可於台上敬酒致意。

7.玩新人

8. 送客
喜宴到尾聲(大約上甜點的時侯),新娘換衫，主人家及新人便要到出口處準備送客。為免做成擠塞，切記與客人握手時點到即止，不要過份依依惜別。

敬茶貼士

新人拜堂有不少傳統儀式，敬茶是其中之一，代表了新人感謝父母的養育之恩，因此絕不能馬虎。在敬茶之前，新人出門前更要用「龍鳳子孫碗」(又叫富貴碗)來吃甜羹糖水，寓意對婚後生活的甜蜜盼望。

吃過糖水，就要拜祖先，之後再敬茶。在敬用的茶上，通常會放上紅棗和蓮子，表示好意頭﹑年生貴子的意思。一對新人敬茶時，要用雙手呈上，按輩份敬茶，先敬最年長的長輩，如家翁﹑家姑，如此類推。每位受敬茶者都會送紅包或首飾給新人，以表示對他們的接納﹑認同及祝福。

至於敬茶亦有一些禁忌，作為新人是需要留意的。茶杯切忌沒有「耳仔」，因為茶太熱會熨手，手拿不穩打翻在地上的話，就非常失儀及不好意頭。另外避免用減肥茶的茶葉，因為傳統婚禮講求意頭，最好家肥屋潤，肥是福氣，減肥就等同減福，所以最好用鐵觀音﹑普洱﹑香片較穩妥。

至於敬茶必備的材料，包括紅棗，代表鴻運當頭；要開枝散葉，早生貴子的話，千萬不要把其中核挑去，因為核即種子，代表子孫。另外蓮子不要切開，必須是完整的，因為切開兩半就有分開的意思，這都是不吉利的；更不要把它「去衣」，因為蓮子「去衣」後是白色的，跟結婚「紅事」剛好相對，因此用連衣的蓮子沖茶是最好的。而份量方面，正所謂好事成雙，每樣一對就夠了。

****

喎?!  我買既茶杯係無耳仔架喎!!!!  不過都唔會用好滾既茶啦...哈怕唔怕!!

貼紙 & 絲帶

響網度見到有 D 個人化既貼紙...哈~~又身痕想訂呢D獨一無二既貼紙...用黎貼響帖呀餅咭呀小禮物個盒上面...雖然有點浪費 $$...不過令到婚禮有少少特色同埋自己覺得開心既...我覺得值得...唔係下下用實際去衡量既...咁搞結婚就係有藉口駛錢架啦...哈哈~~

於是訂左兩款...中式既係圖章型...西式既有我地logo架...哈~~~要一個月先起到貨呢...好彩早訂...如果唔係就趕唔切九月派帖喇~~!!

中式既第一款係透明底紫色字....第二款係相反既...紫色底透明字...好得意又有代表性呢~~

英交版就有我地既 logo 同埋大日子日期...簡單圖案及線條...呵呵~~ 又係透明底紫色字!!  無乜花巧既設計...似足我地...哈哈~~~

好期待呢~~~!!

好開心...好多野都係用上深淺不一既紫色呢~~!!

另外...訂左10mm紫色既絲帶...雖然條絲帶上面無我喜歡既條紋...不過呢間可以10碼咁訂...其他既要訂100碼呢...點用得晒呀??  @@~~  絲帶上面會印埋我地個名架...將會用響d手花襟花既地方...少少的細節令到婚禮加上少少的特色...我都係想難忘D罷了...heehee~~

絲帶係唔太深唔太淺既紫色...字既顏色係白色...希望出黎效果okay啦~~

另外先前揀左o個款証書套...最後覺得麻麻地...所以都係轉番呢款...影相出黎效果應該會靚d...呢個都係樣版黎...都okay丫...

麥記可樂杯

近期老麥又有新搞作...只要將套餐加大就可以送一隻可樂彩色杯...之前見粉嶺已送晒紫色...今日朝早去bank時...因要等confirm...所以無無聊走左去老麥買咖啡...喎?!  仲有三隻色送啊...有紫色呀!!  所以決定lunch過黎買飽食...!! 

幫同事買埋...兩個都係要紫色...呵呵~~ 好靚呢~~ 不過個無用同事響四點幾左右...問我有冇發燒藥...佢話唔舒服好似發燒咁...我問佢有冇喉嚨痛...佢又話無喎...所以我估佢係食濟左啦~~~叫佢沖杯茶飲...我地仲間中過去探佢病添呀~~ 哈哈哈~~ 食過期野又唔見佢唔舒服喎!?!?!?!   一個飽同一包所謂加大薯條 (其實係以前既中 size薯條) 之嘛...咁都食得濟?!   笑到我地丫~~^^

近黎食得太多呢d熱氣野喇...面上出左好多酒米又出暗瘡...好痛呢~~係時候要戒下口喇~~

***

上次響粉嶺見到有兩款大口仔人情封呀...阿B話買呀...佢要黎整野呀~~ 西式大口妹個皇冠好似戴左金剛圈呀...HAHAHA~~~ 大口妹個身型同我差無幾...都係咁圓碌碌~~

兩個都係大懞精!!

今日打去壹誓問可唔可以今個 SAT上去簽份擬結婚通知書...點知位小姐話 SAT無律師響度 @@~~ 不過重點唔係呢個...!!   而係佢話我地都未登記填資料!!!!   我問佢填邊D資料...佢話之前 send 過 e-mail 同通訊比我地...叫我地上網填資料...!!  係咩?!  好似上個月有收過下...不過我地無睇清楚...............位小姐仲話不如再send多次比我地穩陣d...@@!!

Dear Bridal Customers,

In relation to your wedding ceremony on 18 Oct 2009, you are invited to attend our office between 18 Jul 2009 to 18 Sep 2009：
1. to sign the Notice of Intended Marriage ('the Notice") as required by law; and
2. to attend our pre-ceremony workshop (in Cantonese).

To make appointment and enable us to prepare the Notice in advance, please click this link

http://www.oath.com.hk/chi/customerLogin.php :

a. to log on your account (with your user id: xxxxxxxxx and password: xxxxxxxx registered with us);
b. to complete the online questionnaire and workshop enrolment form; and
c. to submit the completed forms.

Regards,
An Oath Celebrant Service
Unit 1203, 113 Argyle Street, Mongkok, Kowloon
T: (852) 2115 8108
F: (852) 2513 1487
E: service@oath.com.hk
W: www.oath.com.hk

致　客戶：

就將於2009年10月18日舉行的婚禮，現誠邀閣下於2009年7月18日至2009年9月18日期間親臨本公司：
1. 簽署擬結婚通知書；
2. 參加婚禮前工作坊(廣東話)。

為預約會面時間和使本公司可預先準備擬結婚通知書，請瀏覽以下連結

http://www.oath.com.hk/chi/customerLogin.php :

a. 登入您們的準新人用戶 (使用您們已登記的用戶名:xxxxxxxxxx 及密碼:xxxxxxxx)
b. 填妥網頁上的「擬結婚通知書及預約簽署」表格
c. 呈交以上已完成表格

多謝選用本公司的服務。

壹誓證婚服務
九龍旺角亞皆老街113號1203室
電話: (852) 2115 8108
傳真: (852) 2513 1487
電郵: service@oath.com.hk
網址: www.oath.com.hk

兩個都無睇清楚...只係睇左第一段!!!!!!!   之前仲諗住就咁上去添呀...好彩打去問下咋!!

之後搞左幾耐...好多日都已經 full 晒喇!!!!   8月得番 25號晚...咁呢日唯有係首選啦...次選係 9月1日...第三選擇係 9月8日!!   9月2日我要做treatment唔得閒...9月3日係最後一個單身生日...阿B話要同我慶祝...所以唔揀呢日...!!

而家仲未 confirm 架...要等通知呀!!  ~_____~"  真係人結婚我地結婚咩都唔搞清楚!!!  仲大安旨意添!!

***

另外...今日醒覺仲有兩個半月就係大日子...但係我地仲未對好帖張初稿...Metropark催左我地幾次喇...不過我地要等埋金成o個位阿姐 send 份稿比我地呀...因為想內容一樣嘛!!   Sat 催左幾次先 send 黎...不過錯左酒店名...仲印漏個 WEDDING 圖案...今日都仲未改好...D位又唔 SET好...o個位阿姐做野好求其...仲話呢份唔緊要架...要再上去灣仔鋪頭簽名作實架...!!  你都唔整好比我地對...咁鬼遠一陣上到黎又睇住你改咩?!  都唔明點解唔好好地改比人睇既呢?  不過...我地sat一定會過去搞惦佢...再拖我地就趕唔切印架喇!!!

而家開始覺得有d打到黎既感覺喇!!!!!!!!!!!!

 

小禮物

除左安排左即場派相之外...我地最後決定再加一套小餐具表達小小心意...另外亦因為自己都想有d紀念品 for 紀念我地既大日子...

諗小禮物呢個環節都幾頭痛...究竟買咩先好呢?!  家下D人好醃尖架...食又唔得擺又唔得...食既野又話驚容易變壞又驚包裝過程唔乾淨...擺既野又嫌阻地方...之前見到有 blogger用過餐具...有個盒裝埋...都幾靚丫...呢D實用喇掛?!

原本都想揀Blogger呢款...不過最後揀左第二款...呢隻款至平~~抵呀...個盒雖然係紙做...但都幾靚架~~

我地知道香港好多賣緊既小禮物...其實都響大陸做既...所以決定去笋崗訂貨...出乎意料價錢唔係咁貴...仲比blogger上年買既時候平左人仔0.3添...後來問過金都其中一檔...套餐具連刻名貴4倍呀~~仲要好串咁未必會接order既款...我響上面訂平好多...終於訂左 180 sets...

我地訂左兩隻都係匙巾...如果一叉一匙既話...個款只係得豬仔咋~~ 所以為左係一對...所以訂呢套喇!!  面盒係黃色...底盒係藍色...我地會自己加工縛條銀色橡筋繩響上面...應該效果會更好...希望d賓客鐘意啦!!!

係隻豬仔豬女黎架~~ 都幾得意丫~~ 呢個係稿黎既...出黎效果希望 okay 啦~~

 

希望快d可以上去驗貨啦!!  真係好心急呢!!