收到証書套喇~~Yeah~~

同事代訂既結婚証書套...今日收到喇!!   唔該晒啊!!

等埋八月尾收埋d相後...揀張相晒大黎放響入面先!!  封面繡左我地大日子同埋個名啊~~

實物都幾靚下架...

d花花影出黎好樣d...實物幾樣衰下 @@~ 

好野...又搞惦一樣喇!!

***

另外七月尾時...屎忽痕訂左10碼印名絲帶黎玩...今日都收到喇...雙喜臨門既感覺...hohohooooo~~ 應該會用黎做襟花手花用~~ 要研究下點樣縛先會現到個名出黎先~

其實我鍾意橫紋絲帶多d...不過搵左好多間...最少都要訂 100 碼喎...傻架咩?!  要咁多黎吊頸咩?!   所以揀左呢間 10 碼都可以訂... 出黎效果都ok丫~~ 大概14日就收到貨...都幾快~~

***

另外...上個月響 Royal Plaza 訂左套房...又話會 e-mail 黎 confirm...等左咁耐...忍唔住叫阿B打電話去再問下!!   車~~~ 有冇搞錯啊...send錯左 e-mail address???  串錯字都得?!  嚇死人咩...仲以為會上警訊呀~~!!  終於真正 confirm 實喇~~!!

***

再另外...訂左既小禮物...通知可以去 check 貨喇!!  yeah!~~~~ Sat or Sun 去驗貨先...希望無問題啦~~~ 180盒自己拎定速遞落黎好呢?!   順道又去笋崗同百合隆巡視下先!!  好想快d收到貨...因為近黎有d醒覺好似時日無多咁~~~ 即係好快到Big day喇~~~ 家下8月都差唔多過左一半喇!!!

***

今日一下子好似搞左好多野咁...@@~~ 

響 Jusco 10 蚊店買左支油性筆黎試...如果惦既就買多幾支...不過得黑色!

另外買左彩色既釘書釘...不過又唔捨得用 @@~~

***

今日仲打左比阿Ron...問介指座既情況...佢話已經做左一半...不過有野要趕所以放埋左一邊...佢話 Sun 會 e-mail 個樣比我睇下得唔得...yeah~~~ 好開心...終於有個期喇!!   好掛住d大口仔呢~~  佢地離開左我4個幾月喇!!    好期待佢地改頭換面既形象呢!!

酒店地圖初稿

阿B畫既酒店地圖啊...好靚呢~~!!  仲有我鍾意既大口仔大口妹呀!!

我好鍾意呢~~~真係好靚呢!!  好期待制成品啊!!

呢個係初稿...好得意...好似睇住個BB出世既感覺.....

 

做"兄弟" ?!

今日同11月結婚的兄弟傾開...哈~~佢話想搵我做 " 兄弟 "呀 ...!!!   無錯!!  係兄弟!!  因為佢話我無聊鬼主意多 @@~~ 好耐以前...o個時仲未係咁多人整愛的宣言...我同阿B就合力泡制左一篇 " 杰作 " 比另一位兄弟!!   到而家佢地仲記得...好難忘...哈哈~~ 所以我都有D擔心佢地會響我地 BIG DAY 時進行大報復!!  哈~~

真係好開心...佢有呢個 idea...做兄弟...哈~~ 我鐘意...不過佢話要問下未來老婆意見先...heehee~~~ 咁又係...叫個女既反串又幾搞野既!!!   我無問題架...著埋老西我都得架!!   我諗我扮男仔都應該幾英俊瀟灑的...我驚阿嫂d姊妹 " 搭 " 晒我糖呀!!  哈哈~~~ 想像下都覺得好玩!!

同呢位兄弟都識左好耐好耐...耐到我唔好意思提年份...哈~~ 家下大家同一年結婚...真係好開心呢!!  不過識我地既就荷包重傷啦~~~ 連續兩個月要比人情呀!!

好朋友~~~有咩需要幫手就出聲得喇...!!  ^^   仲有...你可以放心去自由發揮喇...我o個日請左人影 snap shot ...你唔駛咁大壓力架喇 ^^ 

另外...講開餅咭...美心員工價好似要等農曆八月十五後先有?!   下?!  咁我點算呢?   問左 8 月 expo 美心無擺檔呢!!!!   我地大概九月十幾號會過大禮喇...!!   要問清楚幫我買既好同事先得...如果真係無既話...唯有用工聯咭 (8折)...或者買唐餅...或者全部用晒雪糕劵...um...突如其來有個少衝擊添~~ @@" 

 

Confirm印帖 & 姊妹裙傾細節

今日有兩個 target ...第一件事係去灣仔簽名印請帖...第二件事就係去百利了解米白色vs香檳金的事件~~

放工即刻過海...紅隧同港灣道勁塞車...~____~"  條車龍好似蝸牛咁~~

上到金成...阿太準備好 d 稿...不過態度麻麻...佢太有個性喇!!  好彩之後係第個 sales 跟埋我地d手尾...唔駛再對住佢!! 

好搞野...初時仲以為佢會做個版比我地睇添...原來唔係既!!  佢成份稿分幾張紙 print 晒出黎之後...剪剪貼貼摺摺...雖然係黑白色...但做左我地張帖個初形出黎...仲問我地印唔印個 "Ｗedding" 或者 "囍" 字落信封面...咁我地揀左印英文字~~ 之後再對下內容...ok無問題就簽名走得...大概Aug 31起貨...希望早d收到啦~~ 因為其實時間都好緊下喇!!   仲要加工架嘛!!

而酒店o個邊又係大概要 21日後先起到貨...希望都可以早d收到啦~~!!

仲有D貼紙...希望都早D可以收到...!!  仲有呢樣o個樣...希望快d成形啦~~

***

因為驚仲塞緊車...所以響灣仔食埋野先走...不過都唔熟路...又唔想去茶餐廳...見到大家樂就即上去...叫左個排骨菜飯 + 楊枝金露...味道都ok...不過得三件小排骨份量好少呢...!!  食完後...有位大家樂員工走埋黎...話想做個問卷調查...因為我食呢個餐係今日第一日推出...所以想問下意見咁...我地第一時間話份量少!!   其他賣相味道配搭都算滿意...價錢最好平d...之後佢多謝我地接受調查...!!   同事問我點解佢唔送 coupon比我地...喎?!  係喎!!   哈哈哈~~

***

去到尖沙咀因為無車位...所以我自己一條友殺去 exing...又係大棚人...嘈吵情度同我地上次8條女有得揮!!   有個女仔見我響門口徘徊...好識做咁叫d姊妹讓個位比我入去!! @@!!

見到 Gloria...佢都認得我...我即刻問番佢上次講既顏色問題...原來真係有分別有色差的...!!  拎埋兩條裙出黎...因為質料唔同...雖然偏白o個條都係叫香檳金...但因為係紗料密度疏d...所以就偏白d...而硬布質料o個d就會偏金...差別係好大呢!!  基於裙款唔同...所以一定會有色差出現...但我又唔想將紗質o個兩條裡面改為硬身布...雖然佢話改左無大影響...不過我覺得改左反而無咁輕盈就已經唔係原本條裙!!   所以將其餘d裙做全雪妨反而好d...雪紗著出黎應該仲會瘦d好睇d...不過應該係得一條有問題...唉...希望真係啦~~ 呢個係唯一解決方案!  原來揀唔同款係會出現呢d意想唔到既問題@@~~ 真係諗唔到!!

六姊妹揀既四款裙:

 

 

 

另外將d披肩由透明紗改為用雪紡料...以及改埋收貨為9月中!!   Gloria 都好易話為...無難為過我...態度好好...!!   仲主動幫將呢3樣更改加番落我張單度...仲有傾有講...其間見到好多人揀下面呢條黎試...佢仲記得我其中一個姊妹只係試左呢條就揀中添!! 

另外...我發現佢地加左價呀!!

租裙價由 $200 加到 $230...買裙價: 短裙由 $280 加到 $300...長裙由 $380 加到 $400 ...不過佢話如果我仲有姊妹想訂...可以用番我之前 join 既價~~

搞惦晒之後...出左鋪頭...心情好似輕鬆左好多...始終...我都想姊妹都著得靚...著得舒服~~見到佢地開心我都會好開心...^^

希望佢地交貨期真係 9 月中啦!!  

我們囍帖的內文稿

等左好耐先有既改好了的初稿...差d仲漏左個 wedding pattern...!!

內文應該無錯...不過係D花紋排得好似唔係幾好咁!! 

之後覺得個我地個 logo 放番去 Wedding 既後面仲好睇...所以叫左阿姐改左...仲outline番個封套形狀出黎...咁就清楚好多了!!

完成圖: 

好期待呢!! ^^

第三輯婚紗相

終於決定影第三輯婚紗相喇...不過主角唔係我同阿B...而係我至愛既大口仔...!!  哈~~

今日熱辣辣又悶熱...一出門口已經出汗喇!!

因為唔駛過灣仔...所以決定幫大口仔大口妹影輯 Pre-wedding photo...嘿嘿嘿~~ 諗起都覺得好玩!!

地點決定去大埔海濱公園...因為近屋企~~出發喇~~!!

室外氣溫應該有33度...真係無風好熱啊!!   一落車入左公園影左幾張相...阿B已經成身濕晒...D汗仲要大粒大粒咁滴落黎...佢仲話 10 月18 日如果都係咁熱就大鑊...實影到成身濕晒都似@@~~

原來做攝影師真係好辛苦的...又要諗動作教一對新人擺 pose...又要影相...仲要拎住d 器材...真係好重呢~~ 加上天氣咁悶熱...真係好辛苦架!!

其實太熱喇...我地都有d求其...務求快d影完快d走...哈哈~~~ 兩個成身都濕晒呢!!

下次無咁熱再去第度影過...heehee~~~

唔駛等幾個月時間...家下 d freelance好勤力...話咁快就收到相喇...哈~~ 去片~~~

好溫馨浪漫呢~~~ 哈~

原來訓草地效果都幾好架喎!!

影影下...有兩個小朋友對我對公仔好有興趣呢...所以就借比佢兩個影相啊...佢地不知幾開心呢!!  個妹妹仔仲好多野問我...問我對公仔點解咁得意...我話比佢知係搵人整...佢又話咁好心機既...之後又問我地對大口仔一陣會去邊...我話會返屋企囉...佢就話返屋企呀?  咁拜拜喇...哈哈~~ 好可愛!!

因為覺得中式應該響祠堂影會靚d...臨返屋企時去埋祠堂先...但係開始天陰喇...所以影左幾張就返屋企喇!!

另外一個原因係我買左袋雪條...我驚太熱會溶...所以拿拿聲要拎返屋企歎!!!

熱到成身都濕晒...不過今日影得好開心呢!!  仲興奮過自己去影...哈哈~~

下次去邊影外影好呢?! ^^

無風爆熱的一天~~~試花炮!!

今日天氣好熱...係一滴風的感受唔到...真係熱到人都顛!!   好悶熱的一天~!!

本來想今日過灣仔簽埋張帖 confirm 印...點知個阿太放假無交帶...無print份稿出黎呢!!  明明噚日講好架嘛!! ><"   搞到聽晚放工要過海去趕頭趕命喇!!   聽日佢唔準備好就片梗佢!!   之前仲講大話...話 send 左 e-mail 比我地...無理由兩個人既 gmail 都收唔到佢既野...其他人 o個 d 又無問題?!  我地仲成日check 住添...!!  算...搞好篇稿就算...點知佢又搞得唔好...成日都唔改好比我地睇...終於搞惦...佢又唔記得 print 出黎...唉..........

家下我地明白點解有時 d 鋪頭有d人會遇唔到問題...有d就遇到大問題...就係因為有呢d員工...求求其...搞到公司形象被破壞!!   希望聽晚順順利利啦...要印架喇...唔係點派帖喎!!   唔通到時印份稿出黎當傳單派咩?!

***

去唔成灣仔...咁我地又諗下去邊好...突然諗到樣好玩既野...就係帶 d 大口仔大口妹去影 pre-wedding photo...哈哈哈~~~

去之前...我地要去做項實驗先...幾個月前買左幾支花炮諗住試下D效果...不過一直都無適當既地方試...本來清明時提議拎上山試...橫惦都燒炮仗嘛...不過比阿B reject 左...佢話拜山要正經d...邊有未來新抱拎花炮當炮仗?!  仲要放完一地都係彩條?!  開 party??  哈~~所以咪一直放左埋一邊囉!! 

不過我地應該下星期會去笋崗驗貨...順便會買埋d花炮和其他物資...所以要去試花炮效果啦~~ 

地點選擇響屋企附近既田邊...星期日應該無人落田喇掛...哈~~ 我地仲拎埋部新 DV 去錄影呀...幾認真?!  要睇 PLAY BACK 架嘛...唔係點挑選呀!!  嘿嘿~~

總共有兩款花炮...總共有大少不一既五支...開炮喇~~~登登登~~

金色包裝呢款勁d靚d...彩色包裝好弱下...仲有支唔得添!!

彩色包裝最矮身o個支太弱喇!!   最後入圍既係高身o個幾支...金色最大 (12吋) 會響入門o個時放... 金色同彩色 (8吋) 會進場時同禮成時放... 好似去入軍火咁... 哈~ 阿B二哥仲話到時會入門時燒埋炮仗...@@~ 好似新年!!

剛收到攝影B的相版...比大家睇下啦~~~ 呢幾張我至鐘意!!  哈~~

三點幾影到五點幾...實在太熱喇!!  攝影B辛苦晒喇!!  ^___^

本來諗住影完相出百利傾下D姊妹裙情況...不過兩個個身濕晒...邊度都唔駛去...所以返屋企沖涼...晚餐都係叫外賣...今次叫左元綠...個辣冷麵都唔辣既!!  D魚生都ok...不過d壽司就縮晒水啦~~ o個兩罐可樂係自備的...好冰凍!!