今日終於都搞惦小禮物呢個項目喇...都幾滿意...而且由落單到收貨都係兩星期...快又平...正!!
就係呢套喇...幾靚架...!! 唔駛得都睇得丫...呵呵~~ !!
上面仲印埋我地個名同埋大日子日期添呀...我地自己會留兩套黎紀念啊!! 因為我網名叫阿Jew...個音同" 豬 " 相同...所以阿B揀左呢隻豬仔呢...都幾得意丫...仲係一對添喎!! 我自己就好鍾意喇!!
希望收到既人會感受到我地既誠意同埋心思啦~~!! 我地會加條彈性繩做包裝...整起黎應該幾靚架!! 而且每盒會放張心意感謝咭...真係落足心機架!! 希望唔會白費啦!! ^^
呢箱野雖然唔太重...不過拖車仔返黎都幾係野架!! 阿B既功勞! 真抵錫...HEEHEE~~
今日好開心...好滿足...因為兩個人一齊去努力搞好呢個婚禮...真係好感動!!
買晒d囍慶禮品之後...就去禮真多 check 貨...要 QC 晒 180 盒...呢間又係好好人...入到去仲拎埋櫈仔比我地坐...兩條友一坐就個幾鐘...個sales仲問我地食飯未添呀...逐盒開出黎拎上手睇...初頭check好多好似都有問題...有d驚...不過之後o個d都無大問題...有d慶幸係上黎買...因為響金都買既貨係一樣...但一定唔會比你坐底慢慢check...終於驗完真係腳都坐到痺...
180套有166套係無問題...另外14套有d問題...因為唔夠數量唔可以再刻名...所以我地要左14套無刻名既...間鋪均真到...即刻計番刻名既附加費個差額比我地...我地話唔駛架...不過佢堅持要比番我地@@~~
本來諗住用速遞落港...不過郭小姐話一箱野唔係咁重...叫我地去買部手拉車仲化算...咁又係...之後落樓下買左架車仔人仔45...貴左d...不過周圍都搵唔到...所以算了...買左3條繩 (兩蚊條)...郭小姐仲笑阿B買咁多繩...哈~~ 呢間禮真多d服務好好...特別係郭小姐...而且價錢公道...!! 終於搞惦喇~~ 由落單至收貨兩個星期就ok了!! 上次問金都話要1個月...仲話要考慮夠唔夠時間幫我地刻名...而且價錢貴 2/3 添呀...!!
至於呢份係乜...阿B話要保留D神秘感...所以要遲D先公開得啊...因為當晚既賓客都有睇blog呢......heehee~~ 咁都係想你地有d驚喜既感覺o者...忍兩個月啦!!! ^^ 估到同埋知道既唔好出聲啊!! 希望d賓客鍾意...感受到我地既誠意啦...!! 我地今次準備呢兩樣小禮物都係幾實用架...梗有一款啱大家!!
好彩走o個時無再落雨...如果唔係都幾麻煩...
臨走前去左鵬鵬睇下d絲帶...今日又係勁多人...買左兩卷絲帶0...終於響鵬鵬度幫襯到喇...不過用左人仔5蚊...哈哈~~
之後過左對面馬路食dinner...開左間日式拉麵店...就入去試下...d座位好特別...bar檯形式仲要個個位都有塊板響度 @@~~ 阻住晒!!
最搞笑食完之後個侍應問我地覺得味道點? d麵得唔得? 咁我地咪講實話啦...麵ok...不過d叉燒太少得兩小片...而d飯無乜調味料加落去...不過好彩d肉夠咸所以ok...隻糖心蛋ok...餃子ok...
佢聽左我地講之後...無拉拉話 : 咁你同佢地講啦...!! 咁即係點呢?? 你又問?? 咁應該講比邊個知呀?? 噓~~~~ 無聊!!
本來諗住驗完貨去做運動的...不過都成七點喇...所以今個星期暫停...但係我地今日都算有體力勞動架!! 呵呵~~
今日放工就上笋崗...因為 D 小禮物搞惦喇...可以驗貨喇!
今日既收穫...有花炮...利是封...囍字玻璃貼...綑網...汽球汽泵...絲帶...花籐等等...用左唔夠兩舊水...最貴都係o個大袋花籐 (人仔80蚊)...咁多次既笋崗行...今之拎既野就最多又最重既!!
拎埋上次扎彈性繩黎換貨...不過上次無開單...所以只係比換貨...唔會補差額...呢D鋪好唔老實...樣樣都貴過人...一卷絲帶開價人仔 35蚊...我即訂放番底!! 我響德祥買仲平!!
補番少少利是封...好似唔多夠...而且上次買黎比姊妹o個款利是封...原來除左面頭o個張係靚之外...6張都唔同款...超娘...!! 所以都係搵過第款~~ 簡單 d 仲好d... 我地今次唔係去立興買...因為覺得佢 d 利是封質地無明發咁好...而且呢間價錢都幾公道...唔駛講價都OK...所以去番第一次呢間買!
另外...買埋d汽球...囍字玻璃貼...綑紗等...老闆娘原來已經生左喇...個BB仲好得意...肥o都o都...個樣好似仔仔...不過原來係B女黎...大個一定係靚女!!
之後去買花炮...去番上次買o個間買...因為好似穩陣d ...起碼試過得丫嘛...哈~~
終於買左兩支12吋金色裝 (人仔5蚊支)... 6支8吋金色裝 (人仔4蚊支)...12 支 彩色裝 (人仔 1.8一支)...好似入火藥咁...成個背囊裝晒炸藥咩響背脊度...哈~~
呢d係泰亨入門用...之後要麻煩未來二伯打掃了...佢仲話燒埋炮仗呀...第二日佢就知味道...佢一定會一路掃地一路後悔...哈~~:
呢d會響酒店用:
跟住買埋d花籐...上次買籐波波o個間個老闆娘好好人...所以去番呢間買...佢成日笑到好開心...又爽快...我幾鍾意佢...比佢賺我都覺得好值~~
我地要o個款花籐佢唔夠貨...要去倉攞...佢好搞笑...就咁拎左個手袋就想去...我地問間鋪開住門咁點呀? 佢話由得去...咁我地話半個鐘再返黎...好搞野...唔駛做其他人生意架咩?
買左大袋花籐黎佈置男家花園...繽紛賣廿幾蚊一條呀!! 呢度有花既人仔5蚊條 ...我地買左9條...葉就人仔2.5一條...我地買左10條...差幾遠?!
呢袋野只係人仔70蚊!!
另外買左幾扎襯花...用黎整襟花用...要擇日開工了!!
之後去驗收小禮物喇 (PART 2)....
http://hk.myblog.yahoo.com/jew903hk/article?mid=1431
我地又有新 idea...哈哈~~~ 整 Thank you card!!
初稿~~ 整左兩款...未決定用卡通定用番我地d相~~
(1) 呢張會係放響小禮物盒面既小咭仔~ 為左就個名...將大口仔同大口妹位置調了...不過好似怪怪地咁...@@~ 好唔慣!! 都係要調番轉先得~~
(2) 呢個會係張 2R 咁上下大既咭~~
我一定會叫 MC 表揚阿B的努力!! 哈哈~~~
阿B設計既酒店地圖又再 Update 喇~~
今次畫面豐富左好多...真係好靚~~!! 有我地既 Logo...大口仔大口妹...仲有酒店地址...應該夠清楚喇掛~~ 希望 d 賓客感受到我地既誠意啦 ^____^
唔知 print 出黎既效果會係點既呢?!
原來寫「先生夫人」係好容易得罪好多人。
請帖信封面的稱謂，應該以家長為第一身去寫，
例如請新郎的二伯父(假設叫陳大文)，
信封面就應該寫「陳大文二哥二嫂笑納 闔府統請」
(發帖人是新郎的爸爸, 而非新郎，所以不是用「二伯父」)，
如果是媽媽的親戚，發帖人就是媽媽。
如果你用「先生夫人」去請親戚，
有啲好mind呢樣野的人係會嬲的，佢地會覺得你當佢地係普通朋友看待。
*******************************************
男家係佢地決定寫『先生夫人』，之前佢家姐結婚都係咁寫的。
我屋企就要正統好多，不過，今日終於比我搵到資料了。
如果係新郎的二伯父，就不是寫二哥二嫂的，應該寫『二兄』跟住
寫『闔府統請』。
就算媽咪既親戚，發帖人也是爸爸 ... 真係唔搵唔知，學到老 ...
不過，亦因為稱謂，爸媽各人都有點意見
*******************************************
爸爸的二哥，我地寫”賢兄”
媽媽的哥哥係”大舅”
*******************************************
以下係我家族既list....
大姊夫、大姊
外甥 闔府統請 （我爸爸既姊姊個仔一家，即係我表哥）
外甥婿 闔府統請 （我爸爸既姊姊個女既老公一家，即係我表姐）
賢兄 闔府統請 （我爸爸既哥哥）
姊姊
外甥 闔府統請 （我爸爸既姊姊個仔一家，即係我表哥）
妹夫 闔府統請 （爸爸既妹妹一家）
賢弟 闔府統請 （爸爸既弟弟一家）
契妹夫 闔府統請 （媽媽的契妹一家）
大舅 闔府統請 （媽媽的哥哥一家）
賢姪 闔府統請 （媽媽的哥哥個仔一家，即係我表哥）
賢弟 闔府統請 （媽媽的弟弟一家＊＊可能叫小舅都得？）
表姐 （媽媽的表姐）
姑姐 闔府統請 （媽媽的姑姐）
有Ｄ疏少少既一向我爸跟媽叫，就照叫e.g.媽媽的表姐,姑姐
如以上無既係度再問～睇下有無JM識
唔明... 即係寫左"姑姐 闔府統請"之餘... 洗唔洗再寫名呀???
要, 應該寫xxx姑姐 闔府統請
************************************************
如果女家爸媽已分開 , 咁有以下兩個情況想問下...
1. 當帖落爸爸名(外父) , 係咪當佢請 ? (但外父男家係全部唔來 , 只係請外母外家 ?)
2. 當唔落爸爸名(外父), 咁又係咪當佢請 ? (外母外家)
1. 父母離婚, 但二人同時出席, 帖上要兩位名, 不過媽媽唔加丈夫姓
2. 父母離婚, 但只係一人出席, 只印出席果個人
3. 無血緣關係, 唔寫(除非父母都不在, 得番佢一個"親"人)
4. 已過身者, 唔寫
不過呢d都係hk既做法, 我發覺唔同地區都有唔同架, 例如:
hk唔需要加 "偕男/偕女" 係帖入面, 但要加 "承嚴慈命" 或 "承慈命",
不過澳門通常都寫 "偕男/偕女", 之後加新郎新娘的名最後2個字 "xx & xx 敬約"
呢個應該係咁解...
承嚴命：祖父健在
承慈命：祖母健在
承嚴慈命：祖父母健在
外婆、外公係唔需要寫『承慈命』的，只是阿爺、阿嫲先要，
所以張帖係無錯架
************************************************
咁我又想問下，係咪如果我o的伯父佢地個仔(即我堂哥)，佢地自己又已經成家立室左，咁係咪都係要另外比一張帖佢o家?
無錯呀！以結婚為準。發帖時以一個family發一張，結左婚就有自己的家，所以你伯父的家發一張，你堂哥又另外發一張。
************************************************
爸爸家姐/細妹既老公，原來叫姊倩/妹倩 ...
媽咪家姐/細妹既老公，係用襟兄架
************************************************
應什麼時候開始派發喜帖？
現代人一般會在婚禮前4-6 個星期或1個月前開始派帖。但是如果您的大日子是在長假期或旅遊旺季，最好2個月前就開始派帖。這能請您的客人預留時間，不必錯失您的大日子。
應什麼時候訂購喜帖？
一般喜帖製作連印刷也需要15-25個工作天。而且收貨後也需要印刷或填寫信封面。因此在您大喜日子前3個月便需要開始籌備訂購喜帖事宜。
怎樣預計喜帖數量？
最好，當然是男女家雙方先詳細擬定一份客人名單。當中包括兩家人的親友、舊同學、同事等等。取得所需要喜帖的數量後，再加20%便可。那額外的20%是以備名單上有所遺漏；或常見的情況是，有一些比較生疏的同事或朋友主動請求得到您們或您們家人的邀請。如果以後才加印喜帖，不單費時，還不划算。 實際喜帖數量 = 預計喜帖數量 x 120%
假若未能詳擬一份客人名單，可用一般酒店或酒樓的一席12人來計算一個大約喜帖數量。由於，人客當中有夫婦或一家大小，而這只需派發1張喜帖。因此，每席可預算大約8成人需要發帖。 大約喜帖數量 = 酒席圍數 x 12 x 80%
為什麼有些人會在出帖人上面寫上「承嚴慈命」？
中國傳統，婚姻是要承父母之命。故中國的習俗，喜帖一般都是由父母發的。所謂嚴父、慈母，「承嚴慈命」是指承受父母之命令。但在出帖人─父母的名字上加上「承嚴慈命」，意思是說父母本身也聽從其健在的父母(新人的祖父母)安排，以表孝心。 祖父健在：承嚴命 祖母健在：承慈命 祖父、祖母健在：承嚴慈命
怎樣印刷人名於喜帖信封上？
從前，客人的姓名及稱謂是需要發帖人親筆寫在信封面上，以表誠意。但近年來，大部份人也會以打印機印刷。
一般有兩個方法：
1. 直接打印在信封面上，但需要承擔打印時可能出錯的風險。
2. 可先把名字及稱謂打印在透明的貼紙上，然後才貼在信封上。透明的貼紙一般在較大的文具店也有售的。
怎樣以中式格式去寫信封面？
一般中式喜帖信封格式是以直行，由右至左書寫。
第1行：在中間的位置，寫上「送呈」，以表示誠意送予的意思。置中央：列明客人姓名、稱謂、並加上啟封詞便可。現今，很多人也會用「台啟」。
第3行：若您希望邀請客人全家出席，便可於底部寫上 「闔府統請」。但其字體應比細較小一點。
有關啟封詞方面，不同的對象在書寫時會用不同的啟封詞。例子如下： 長輩或上級─「鈞啟」、老師─「道啟」 平輩─「台啟」或「大啟」 晚輩─「啟」
稱謂方面，以書面語為主。但現今，以口語稱謂列寫也很普遍。而稱謂是以出帖人的身份所寫。例子如下： 大哥/大嫂 ─ 兄/嫂 弟弟/弟婦 ─ 弟/弟婦 姐姐/姐夫 ─ 姊/姊丈 妹妹/妹夫 ─ 妹/妹丈
怎樣以西式格式去寫信封面？
一般西式喜帖信封格式是以橫行，由左至右，於信封面的置中書寫。只需要列明客人的姓名(如有需要，可在名字下加上地址)便可。
但要注意的是，除數字或Mr./Mrs./Ms.外，其他字也需要用全寫。
若是其中一位是Dr.，便需要以Doctor 替代。
當中包括「and」及地址中的Post Office Box, Street, Avenue, Lane, Apartment …等等，也需要用全寫。
以下是客人姓名的寫法：
若是己婚夫婦，並相同姓氏：於同一行列出Mr. and Mrs.{丈夫的姓名}。
若是己婚夫婦，但不同姓氏：於第1行先寫Ms. {婦人的姓名}，第2行寫and Mr. {丈夫的姓名}
若是未婚夫婦：於第1行先寫Ms. {婦人的姓名}，第2行寫Mr. {丈夫的姓名}。並不需要用「and」連接。 同姓氏己婚夫婦：Doctor and Mrs. Paul Chan 不同姓己婚夫婦：(第一行) Ms. Jane Lee-Chan (第二行) and Mr. Paul Chan 不同姓未婚夫婦：(第一行) Ms. Jane Lee-Chan (第二行) Mr. Paul Chan
是否男女家的喜帖也需要放回禮利是和餅卡？
「回禮利是」的意思─由於客人收到喜帖後會送禮，因此男、女家也需於喜帖內放入一封利是，作回禮之用。
「餅卡」的意思─根據中國傳統習俗，男家在過大禮時會送禮金、禮餅及其他禮物給女家作訂親之用。而女家會把禮餅分派給親友，以宣佈女兒將出嫁的喜訊(又稱嫁女餅)。但現今，多以餅卡代替；並由女家於喜帖內放入餅卡一併派發。 男家喜帖內附：回禮利是 女家喜帖內附：回禮利是 和 餅卡
資料來源：Trendy Card
