買晒d囍慶禮品之後...就去禮真多 check 貨...要 QC 晒 180 盒...呢間又係好好人...入到去仲拎埋櫈仔比我地坐...兩條友一坐就個幾鐘...個sales仲問我地食飯未添呀...逐盒開出黎拎上手睇...初頭check好多好似都有問題...有d驚...不過之後o個d都無大問題...有d慶幸係上黎買...因為響金都買既貨係一樣...但一定唔會比你坐底慢慢check...終於驗完真係腳都坐到痺...
180套有166套係無問題...另外14套有d問題...因為唔夠數量唔可以再刻名...所以我地要左14套無刻名既...間鋪均真到...即刻計番刻名既附加費個差額比我地...我地話唔駛架...不過佢堅持要比番我地@@~~
本來諗住用速遞落港...不過郭小姐話一箱野唔係咁重...叫我地去買部手拉車仲化算...咁又係...之後落樓下買左架車仔人仔45...貴左d...不過周圍都搵唔到...所以算了...買左3條繩 (兩蚊條)...郭小姐仲笑阿B買咁多繩...哈~~ 呢間禮真多d服務好好...特別係郭小姐...而且價錢公道...!! 終於搞惦喇~~ 由落單至收貨兩個星期就ok了!! 上次問金都話要1個月...仲話要考慮夠唔夠時間幫我地刻名...而且價錢貴 2/3 添呀...!!
至於呢份係乜...阿B話要保留D神秘感...所以要遲D先公開得啊...因為當晚既賓客都有睇blog呢......heehee~~ 咁都係想你地有d驚喜既感覺o者...忍兩個月啦!!! ^^ 估到同埋知道既唔好出聲啊!! 希望d賓客鍾意...感受到我地既誠意啦...!! 我地今次準備呢兩樣小禮物都係幾實用架...梗有一款啱大家!!
好彩走o個時無再落雨...如果唔係都幾麻煩...
臨走前去左鵬鵬睇下d絲帶...今日又係勁多人...買左兩卷絲帶0...終於響鵬鵬度幫襯到喇...不過用左人仔5蚊...哈哈~~
之後過左對面馬路食dinner...開左間日式拉麵店...就入去試下...d座位好特別...bar檯形式仲要個個位都有塊板響度 @@~~ 阻住晒!!
最搞笑食完之後個侍應問我地覺得味道點? d麵得唔得? 咁我地咪講實話啦...麵ok...不過d叉燒太少得兩小片...而d飯無乜調味料加落去...不過好彩d肉夠咸所以ok...隻糖心蛋ok...餃子ok...
佢聽左我地講之後...無拉拉話 : 咁你同佢地講啦...!! 咁即係點呢?? 你又問?? 咁應該講比邊個知呀?? 噓~~~~ 無聊!!
本來諗住驗完貨去做運動的...不過都成七點喇...所以今個星期暫停...但係我地今日都算有體力勞動架!! 呵呵~~
成日見d新人去 笋崗 買結婚野..依度係未好多款式兼好抵ga??但上面有無黑店ga??有無邊間相熟舖頭介紹俾我呀??我同男友都諗住上去睇下...
回覆刪除[版主回覆08/19/2009 00:21:00]我都係睇其他blog友介紹先識去架...
好多人都去呢兩間幫襯...價錢比較公道d...
笋崗 1/F 行到尾o個間叫 "鵬鵬 "...而百合隆(笋崗隔離o個幢)o個度地下有間叫 " 立興 "... 呢兩間都較多人圍響度...所以幾易搵到...
而其他小禮物就要入 d 精品店裡面問...我就幫襯左"禮真多"...都幾ok...
o個度其實做文具批發...實際賣呢d婚宴用品(利是封...囍字貼等)就得十幾間左右...
仲有部份鋪頭賣絲花...花炮氣球...lace布藝...玩具等等...
都幾多野睇...不過裡面混亂左少少...要慢慢睇~~
上去睇下啊...結婚先會去睇~~
哈哈~~ 身為blog界既人...呢度咁hit...
唔買野都當拍拖節目見識下~~^^
JEW,好詳細呀,唔該哂你呀..等我同男朋友想去睇下先...
回覆刪除[版主回覆08/21/2009 01:05:00]如果想買野...記住寫定份 list 呀!! ^^
thanks..但我地等天氣涼d先上去睇下..我地兩個都超級怕熱.
回覆刪除[版主回覆08/25/2009 01:51:00]大陸真係比香港熱呢~~~雖然o個度都有冷氣...不過都會出汗的@@~~
禮真多 has any website? & where's it?
回覆刪除do u know where has 扇 & 杯墊 as gifts 訂?
[版主回覆11/23/2009 15:07:00]響深圳笋崗訂架...
你上去睇下丫~~
兩卷絲帶只係rmb5.00 抵得咁緊要? 鵬鵬都有絲帶賣??
回覆刪除[版主回覆07/25/2010 03:18:00]基本上你要用既野...你都可以響鵬鵬同立興度買齊架!!
而其他鋪有d好搵笨的...!! @@~