覆診 & 拍拖N週年紀念日

今日去左覆診...近呢幾日唔知點解傷口比之前痛...原來表面雖然埋口...但其實裡面係未好番的...所以醫生叫我儘量斯文d唔好咁大動作...粗重野唔好做住...而表面傷口埋得幾靚...不過我又唔覺埋得靚...><" ...今日仲唔小心整甩左d焦...有少少流血...

兩個星期後又要覆診...今日睇埋個 report ...係良性...所以可以放心...不過都要繼續跟進...半年後又要去做超聲波...我即刻好緊張問醫生...咁駛唔駛夾呀???  即係照 x-ray...好痛架真係!!  而家我仲好清楚記得o個種痛法!!!  醫生見我反應咁大...笑住同我講 : 唔駛~!!  咁都好d!!! 

見一見醫生又收左我三舊...um~~~

哈~~醫生次次見親我...都問我先生響邊...佢咁掛住阿B既?!  佢唔係想撬我牆腳呀嘛?!

***

之後去左沙田同阿B食飯...其實日日都係同佢食飯啦...點解今次咁特別要講明呢?!  因為今日係我地拍拖N年既紀念日呀!!  哈~~~不過我地無乜特別慶祝...想當年我地第一日拍拖都係食公仔麵咋...HAHA~~~ 係一路睇台慶一路食o個隻...夠特別丫呢?!  我地去左太興食飯...因為我地有大把 coupon...haha~~ 無辦法啦...扮完富豪遊世界...就要靠呢 d coupon 度日喇!!

給兄弟A的簽名筆 (改良版)

雖然已經整完D簽名筆...但係因為懶無整到D蝴蝶結上去...總係覺得欠緊D野咁...@@~~

所以死死氣又拎晒出黎...全部加番D蝴蝶結上去...

有番蝴蝶結...感覺好似真係好好多...@@~~ 諗住吞下pop...都係過唔到自己良心...heehee~~ ^^"

好鍾意呢隻玫瑰花既質地...貴得有道理...!!

全部都用唔同色黎配搭~~

包埋個筆蓋係靚d...唉...比自己結婚o個時整得仲好dd...

至於姊妹剔名筆...都加番d蝴蝶結上去...

加左係好好多...所以要做就唔得懶!!  haha~~~

為兄弟A做的入座咭

距離兄弟A的大日子仲有幾日...所以阿B近日開左摩打咁係咁整呀整...仲忙過自己結婚o個時...haha~~

用晒相的方式黎做...又靚又平...不過要cut都幾費時間同心機...今次仲要cut成正方型添...

兄弟A擺 18 圍...入座咭比我地o個時多好多...希望到時唔會好混亂啦~~

哈~~其實新娘子鍾意粉紅色的...不過阿B潛意識都係用紫色...haha~~

d檯咭既設計同入座咭係一套...不過檯咭未整好...阿B已經在努力中了...

大功告成!!  唔知一對新人滿唔滿意呢?!  ^^

整成四方型既入座咭...我覺得仲型D~~!!

給兄弟A的簽名筆

行吉之島見到D Hello Kitty 結婚用品幾靚...問左兄弟A既花車公仔係中式 Kitty...所以買左個相架同埋個花盤...真係好靚呢...到時放晒響 reception 做裝飾~~

簽名筆已經整好喇~~ 因為好凍...心口又痛...所以勞煩阿B幫我用熱溶槍埋尾...heehee~~ 搞惦晒喇!!

新娘子鍾意粉紅色...所以買左扎粉紅玫瑰黎做簽名筆既主花...今次無整蝴蝶結...因為一來懶...二來發覺插埋一齊d絲帶會皺無咁靚...所以唔整喇!!  但係今次我連筆蓋都包埋架...^^

咁樣襯靚唔靚呀?!

襯埋個 Kitty 花盤...真係襯晒~~ ^^ 希望佢鍾意啦~~~

阿細奉旨黎八下~~

至於姊妹剔名筆...我都係鍾意用番紫色花...不過筆桿就用粉紅色絲帶~~ 用埋粉紅色筆插...搞惦!!

入埋落個盒度...size 剛剛好!!  大功告成~~ yeah!!!

至於個相架...就 print 左張佢地既結婚相落去...顏色幾襯丫~~ 點解大口仔唔出呢個相架喎?! ><"

為兄弟A出點力...!!

今日係手術過後第一次出街...全情我以手護胸...因人太多...驚唔小心觸及傷口...而家應該埋口中掛...我唔想有咩差池呢...

點解要出街?!  因為要去買材料整簽名筆喇!!

今日又去探花園街伯伯喇~~ 呢堆花佢收我一舊水... 要黎整六支賓客簽到筆...四支姊妹剔名筆~~ 有剩又夠時間就用黎整埋個Welcome board~~

用番上次剩既絲帶...買左六支 maker...後黎聽人講...紫色o個支有銀色包邊...原來唔好用架...好彩買左一支o者~~~呢支仲係最貴添...我貪佢紫色靚嘛~~@@!!

買埋個玻璃瓶黎做筆插...兄弟A上次見到我D透明珠話好鍾意...所以買左兩盒彩色放響杯底度~~ d珠仲貴過個玻璃瓶@@!!

以上既畫面似曾相識...哈哈~~~無錯...搞婚禮既初期我都係咁樣影D材料出黎...我諗姊妹Y見到一定又會笑我...唔知幾時先整喇!!  嘿嘿嘿~~

仲有一個星期...!!!

一搞呢d關於結婚野...我就莫名其妙的好興奮...哈哈~~

正在為兄弟A去努力~~嘿!!

下個星期六就係兄弟A既大囍日子...不過佢而家都未派晒D帖~@@!

人生有幾多個十年?! 人生有幾多個好友?!  所以我同阿B都想儘力去幫佢做D野~!!  今次阿B係佢既兄弟...我...都係佢既兄弟 ><"...不過佢無派兄弟tie比我!!  不嬲都係男既認tie...女既認裙...但係我咩都無...搞到我既身份好尷尬囉...哈哈~~ 不過我慣了...個個都當我係仔...無辦法!!

因為女家方面好注重D吉祥野...白色唔可以著...@@!!  露肉太多唔得...!!  為免觸犯A嫂既婆婆的戒條...我當日會收歛少出聲...扮乖乖...哈哈~~

所以阿B幫佢地整既小禮物感謝咭...都要加入好傳統既中式元素...希望老人家睇到鍾意...咁就皆大歡喜喇!!

近日阿B忙於趕製中...

一套六款既書簽型 thank you card...終於搞惦喇...佢擺 18 圍呀...幫佢打孔綁埋繩...我都有幫手綁架...heehee~~ 今日佢地兄弟姊妹 gathering...個個見到都話靚...仲問響邊度整...阿B返黎就變得鬆毛鬆翼...嘿嘿~~

佢地既小禮物係對筷子...呢張書簽仔就用黎綁響雙筷子度...當然佢地對筷子靚好多...我只係做個模擬效果o者...哈哈~~~

話說曾經響個 blog 友度睇過 (唔記得係邊個...@@!!)...佢都係用筷子做小禮物...又係包裝精美...放響每個賓客既座位上...但居然d賓客以為係公筷...要勞煩司儀多次開mic提醒...笑死我~~ ^^ 不過兄弟A將會安排在嘉賓提名時派發...應該D人明喇掛...

之後阿B仲要幫佢整埋姊妹大支票... floor plan...檯卡同埋入座咭...佢...正在頭痕中...呵呵~~ 只剩一個星期...!!

後記: 大日子前一日...上頭記

大日子前一晚...掛住同兩個姊妹玩模擬換晚裝遊戲...玩到差d唔記得返屋企上頭@@!!

幸好男家事前話十二點前...咁我同伴娘趕返馬鞍山都係十點左右...不過轉頭男家打黎話要十一點前要上頭...唔係呀嘛?!  即刻打比五姨問佢地響邊要即趕黎...幸好佢地都響沙田區...即刻飛的過黎...我地仲要煲定水...因為d湯圓響我d阿姨度...總之搞到好混亂...

佢地上到黎剛好10點55分!!!  @@!!!  即埋位點香燭...五姨口中念念有詞...我當然一貫既無厘正經學佢依依哦哦...哈哈~~~ 伴娘響度猛叫我正經d...哈~~

有一班祝福自己的親人在身邊...真溫暖!!  我仲向神台大叫 : 媽媽~~我聽日結婚嫁得出喇...廚房條隙可以封左去喇!!   哈哈哈~~~

放好晒d上頭用品...發現唔記得搵野黎裝住d香燭...哈~~終於拎隻杯裝左d米落去...再用利是封封口...搞惦!!

阿姨好誠心...我就好隨心...哈哈~~

黃老闆封比我既上頭利是...

佢地話d湯圓要食晒...嘩...成六粒點食得晒喎...食左三粒我已經想作嘔喇...終於包左落垃圾桶...如果食埋...我第二日可能會胃痛死喇!!

因為我會響酒店出門...佢地仲話要著住件睡衣同埋要戴住呢D扁柏返酒店...嚇得我丫...我梗係唔肯啦...點出街見人呀?!  最後當然我嬴啦...換衫執野走人...heehee~ 我媽咪知我一向唔理傳統啦...我自動自覺有做到咁上下既野佢應該會讚我添啦...哈~~ 我屋企好易話為既...唔會迫我做d唔想做既野...!!

簡簡單單的上頭儀式...在一片嘻嘻哈哈的氣氛下完成...yeah~~~ !! ^^