後記: 大日子前一日...上頭記

大日子前一晚...掛住同兩個姊妹玩模擬換晚裝遊戲...玩到差d唔記得返屋企上頭@@!!

幸好男家事前話十二點前...咁我同伴娘趕返馬鞍山都係十點左右...不過轉頭男家打黎話要十一點前要上頭...唔係呀嘛?!  即刻打比五姨問佢地響邊要即趕黎...幸好佢地都響沙田區...即刻飛的過黎...我地仲要煲定水...因為d湯圓響我d阿姨度...總之搞到好混亂...

佢地上到黎剛好10點55分!!!  @@!!!  即埋位點香燭...五姨口中念念有詞...我當然一貫既無厘正經學佢依依哦哦...哈哈~~~ 伴娘響度猛叫我正經d...哈~~

有一班祝福自己的親人在身邊...真溫暖!!  我仲向神台大叫 : 媽媽~~我聽日結婚嫁得出喇...廚房條隙可以封左去喇!!   哈哈哈~~~

放好晒d上頭用品...發現唔記得搵野黎裝住d香燭...哈~~終於拎隻杯裝左d米落去...再用利是封封口...搞惦!!

阿姨好誠心...我就好隨心...哈哈~~

黃老闆封比我既上頭利是...

佢地話d湯圓要食晒...嘩...成六粒點食得晒喎...食左三粒我已經想作嘔喇...終於包左落垃圾桶...如果食埋...我第二日可能會胃痛死喇!!

因為我會響酒店出門...佢地仲話要著住件睡衣同埋要戴住呢D扁柏返酒店...嚇得我丫...我梗係唔肯啦...點出街見人呀?!  最後當然我嬴啦...換衫執野走人...heehee~ 我媽咪知我一向唔理傳統啦...我自動自覺有做到咁上下既野佢應該會讚我添啦...哈~~ 我屋企好易話為既...唔會迫我做d唔想做既野...!!

簡簡單單的上頭儀式...在一片嘻嘻哈哈的氣氛下完成...yeah~~~ !! ^^