2012-06-12 提早慶祝父親節

2012-06-12 馬鞍山提早慶祝父親節

因為爸爸好繁忙...成日掛住打羽毛球...要約佢其實都幾難...

所以今年父親節就提前吃飯慶祝啦~~

一如過往都係食中菜...本來想同佢試下食 BUFFET ...

不過爸爸話唔食得多野就無謂浪費食咁貴啦~~~

一如過往...大細佬都係唔得閒既...所以都係我地兩 PAIR 人同爸爸食啦~~~

今年我同阿B送比爸爸既父親節禮物...哈~~~係佢第一部智能手機呀...!!

初時佢驚搞唔惦呀...問可唔可以換呀...退錢呀?  又話驚好快無電呀...

不過而家佢都無再投訴..應該舞得惦喇掛?!  哈哈~~~

我地仲將佢個孫女D相都放左入電話度...遲D佢應該會熟習點開黎睇架喇!!

2012-03-31 馬鞍山某酒樓飲茶

呢日出完佐敦拎左驗身報告之後...就再入馬鞍山飲茶...

好耐無同爸爸飲茶喇~~~~!!

食物都唔錯...不過唯一美中不足係...我叫的芒果布甸...D花奶係壞左架...

投訴後叫人黎收左佢都搞左好耐~~~@@~~

差不多歲半的君君

大細佬的女兒小君君不經不覺差不多歲半大了...小妹妹學野各方面都好快...家下已學講句子了...!!

識將各樣的BB砌圖砌番去原位...識玩煮飯仔切野...@@~~  係咪而家D小朋友真係聰明好多呢?! 

樣子開始似番D女仔...而且仲好乖...識得同人分享...好聽父母既話...而且仲好開朗...成日都笑咪咪~~~

三個月前的樣子...而家又大個左好多了...!!

表情多多...古靈精怪咁...好鬼馬...唔怪得咁討人喜歡了~!!

2012-04-26 整曲奇

排住隊 POST 出黎既...今次係一班嘩鬼去整曲奇...

或者我睇錯係整玻璃曲奇...原來只係加D朱古力既曲奇...早知唔加錢啦~~~!!

呢間有D搵笨...而且又係兩人一組...真係至唔LIKE呀~~!!! 

好彩今次係成班 FRIENDS 自己玩...所以搞笑多過認真整...

而且衰衰地都係食番自己朋友手中既作品...嘩哈哈~~~

我地幾個好互相合作架...睇D相就知我地幾咁相親相愛啦~~~~~~ 嘿嘿~~~

呢位姐姐仔仲好幫得手...幫手打掃地方添...哈哈哈~~~

整曲奇唔係想像中咁好玩...好似小朋友整泥膠咁...!!  用模黎吸吸吸...搞惦...!!

我地係咁發揮我地既藝術 (有限) 天份...整出黎都唔差啊~~~!!  唔食得個樣都嚇到人丫嘛!!

雖然實際學唔到D咩知識...不過當聚舊圍埋一齊玩下...輕輕鬆鬆又過一晚...^^

一人一盒作品...黎個大合照...味道嘛...我覺得凍左之後麻麻...熱食就好似幾香幾好味咁...

有個幾靚下的盒子拎走...返到屋企好彩無變花面貓...

送左比屋企個男人食~~~~ 左幾塊...!!  算比面...因為佢肚餓...!!

其他既我裝左響個玻璃樽入面...放左幾日...倒左...HEEHEE~~~~

好同事好朋友 Tea Buffet@Cova

講開好同事 + 好朋友...五月時...約左零食達人出黎拎手信順便聚下舊...

好同事P知道後...話想一齊...仲話佢有張 COVA $500 大元的COUPON 可以做 SPONSOR!!!

嘩嘩嘩~~~~ 我地兩個即時興奮莫明...即時商量幾時消化左佢~~

終於決定 2012-05-05 (SAT) 一齊去食 TEA BUFFET!!!  正~~~~~~~~~我未去過 HIGH TEA...

零食達人就成日去...仲去過半島食呀...我只係試過經過大堂咋!!! 

呢間仲都食過幾次喇~~~!!

其實食過甜品BUFFET...以呢個價錢...對於我呢D平民黎講...真係幾貴... (SAT - $228 + 10%)

一行五個人...難得響呢個情況下聚舊...真係值得飲杯...(至鍾意叫D FDS 影呢D無聊相...HEEHEE)

大家圍埋一齊開開心心食一餐...完全無機心的聚舊...真係好享受~~~~

.

我地幾個天生唔蝕底的餓鬼...LUNCH都無食...有個唔駛返工既...仲早餐都無食添呀...最狼佢呀!!

呢間無得 BOOK ...要排隊...不過呢日都無乜人排...所以兩點九就可以入座...

不過要等三點先可以離開位去拎野食...!! 

一夠鐘...個個餓鬼上身衝出去...見乜拎乜...好開心~~~~~~~!! 

每樣都的的式式...好惹人喜愛...!!  食多幾件都好似唔晚飽咁 (以為.......)....

我地每人至少拎左兩轉...碟碟滿...儀態係乜?!  鬼記得了!!! 

YUMMY~~~~ 我的第一次 HIGH TEA ...就咁獻左比 COVA 了~~!!

不過可能都係只此一次...因為身邊其他朋友都不大愛好甜品呢~~~!!

撞鬼丫...!!  零食達人比我地德巴既手信...差唔多係D食剩既野...同埋響酒店 "撻"既野...!!

因為佢話比屋企人食晒喇...!!!  保護不力呀下!!!!!!!!!!!!!!!!!!!

真係滿有誠意啊...!!!!!  不過無所謂啦...我要求的手信係影多D相 (做到啦) + POSTCARD (終於收到啦)...!! 

佢都有做足啊...!!  HEE~~~~

仲有...近來終於收到佢由德國寄來的POSTCARD了...足足遲了兩個多月才收到呢...!!

不過都未破我地由荷蘭寄番黎HK要半年時間的紀錄...嘩哈哈~~~~~~~~~!!



近來我地成日交換 759 的零食情報...要去勻所有大間既 759 為目標...嘿嘿嘿~~~~~~~~~

佢好好記性...記得阿B最鍾意食桃哈多...上次仲買左盒濃味朱古力大粒核哈多比阿B...開心到阿B丫...!!  偏心的小無賴~~~~

好同事好朋友

好耐無講公司嘢...家下集合下黎講啦~~~~~~~~~~

今年年頭第一日...1月1 日...約左成班好同事去好友P同事的新居打邊爐!!!  旺一旺佢屋企...

主人家一早已準備好非常豐富的食物...黎招呼我地呢班餓鬼同事~~~~~~!! 

新屋好大呢...坐左我地咁多人響廳都唔覺迫...

諗番起...若干年前...成30幾個同事連佢地D家人...一齊黎我地屋企...

成個廳...兩個房...連天台都迫滿人.......我地屋企真係超細呢~~~~~~~~~

有位好同事仲買左個蛋糕上黎做飯後租品添......

至於我地就送左部咖啡機比男主人...因為佢熱愛歎咖啡~~~HEE~~~收到鍾意就得喇~~~!!



呢兩年公司都走幾多人下...不過相信會不斷有人走...

每個離開都有理由...不過多數都係不開心先會有想走的念頭...

其實有D真係會唔捨得...二月份就有兩位唔捨得的好同事辭職了~~~

希望佢地都有個更好的未來啊~~~~~~~~~


呢位好同事...每次要求佢幫忙...都會義不容辭的...實在好感激佢呢~~!!

另一位好同事 + 好朋友...哈~~~我入公司時...佢剛去完泰國旅行...仲送左把開信刀比我做手信...我仲留到而家架!!!!

我地結婚時...佢都義不容辭幫阿B做兄弟...仲主動幫我地影相拍片留念呢~~~!!

已經識左不知多少年了...佢的決定離開是有點突然...不過我是明白的~~!!

哈~~佢仲好闊佬...臨走留底千元大鈔請公司所有同事食下午茶呢~~~~~~~~~ ^^

多謝晒唷~~~~~~~~~快D搵到工...請我食多餐啊~~~~~~~~~!!  等緊架!!!!!!!!!!  (剛收到了好消息呢...HEE~~恭喜晒!!)




剛過去的端午節...就收到好同事P的自家製四方客家糭...好可愛...哈哈~~~ 味道都幾好啊~~

我仲同佢講...出年預訂兩隻比我地呀~~!!!

另外...今年買左D美心糭子黎比親朋戚友...一SET包含嘉興糭一隻...一盒六隻三種口味的冰糭...

隻嘉興糭真係不知所謂...舊肉乾爭爭...隻糭又無乜味...!!

反而我鍾意D冰糭...有三款口味...最麻麻係蘋果...我鍾意楊枝甘露同埋柚子就幾好味...

話佢地係糭只係得個樣係...味道同質感其實似洋果子...好味~~~~

2012-01-25 爸爸的生日會

其實我爸爸的生日響年初三的...家下先黎補BLOG...算唔算不孝呢?!  HEE~~~

今年買左 " 黃" 氐利是封比佢用黎封利是...佢見到不知幾開心...!!!

 
爸爸每次封利是比我地...都好有心思響上面寫上祝福說話...我有儲起架~~!!! 

D 錢就無儲起...反而我細細佬就會原封咁儲埋...@@~~~ (因為佢無我咁大駛...嘩哈哈)



阿姨帶埋佢個孫女黎同姨公慶祝生日~~~   (呢個阿姨至有心啊~~~)

 

至於零食達人...佢都好有心呀...哈哈~~~響 LINE 度 SEND 左 MSG 比我爸爸~~~

爸爸鍾意食中餐多D...所以每年都近近地響屋企樓下的酒樓食飯...!!

仲點左壽包比佢...嘻~~~老人家重意頭嘛!!!

食飽飽之後就齊齊打道回府...玩唱生日歌切蛋糕喇喂~~~~

又玩連環快拍...我地呢班係遲鈍派...閃完先識轉POSE...轉又無乜變化...好搞笑~~!!

影完先黎大笑......阿B隻手指仲定左型咁...哈哈哈~~~~

今年兌現左上年的承諾...呢個壽桃蛋糕係我同阿B親手整比黃老闆的...!!!

今年的年初三好凍呢...仲要好早起身整架...!!  當然阿B係出左大部份力...!!  HEE~~

爸爸食過讚不絕口...猛問 : 真係自己整架...?!   呵呵呵~~~~~~~~~~~~~~ 當然!!!! 

仲買左兩個大蘋果黎拜年添...嘩哈哈~~~~~~~~~~~ 真係好大個架!!!!!!!!!