2012-06-19 間中煮的阿太飯
上個月 (19/6) ... 阿B又係上大陸工作的日子...加上又係每季的運動日...
係呀~~~ 好搞笑架...我地既大陸公司...
每一季規定各部門要定一晚黎做個零兩個鐘運動架...!!!
即係隨便打下任何波之類啦~~~~
所以呢日阿B就會遲少少先會落番 HK...
我放工後...又唔想四圍去...因為無乜購買意慾...呵呵~~~
(我發覺我乖左又慳左好多...!!)
行落火車站...突然想去推車仔...加上呢日我遲左半個鐘先放工...
所以就要加快速度去買材料....想整餐驚嚇晚餐比屋企事頭歎!! 嘿嘿~~
其實我都唔知買乜...因為我既 " 自家食譜" 係有限公司黎 (係人都知...呵~~~)
因為時間有限...首要條件係要簡單...快...同埋唔駛買太多野...驚好重...!!
我係弱質女流嘛...唔想拎重野 (除左SHOPPING魔上身時就除外...
)
所以最後我只係買左一pack蕃茄...黃紅椒各一個...揀左一包準備好既湯料...一pack牛柳肉...嘟機走得...!!
為左追番d時間...我仲打的添...!!! 呵呵~~~ (完全識歎又放縱的師奶feel !!!!)
點知當我煲落個湯...整好晒d材料之際...就接到阿B的電話.......
佢居然同我講: " 不如我同D同事食埋先落黎咯....!! " 晴...天...霹...靂...!!!!!!
我當堂O晒咀...心諗 : " 我咪白忙...?! 咁唯有自己食啦!! " ......
我未比即時反應佢...佢已經估到我搞邊科喇!!!
即刻問我...你係咪煮緊飯...!! 哈~~~其實我係瞞唔到佢的...!!
因為我呢個人成日咩都放晒上面呀...語氣呀...係呃唔到人的...!!
所以......佢就推左D同事喇...!! 呵呵~~~~~~~~~~~~~
(Well done!!!)
之後......佢SEND WHATSAPP 比我.......嘩哈哈~~~~內容...... 笑C!!!
不用不好意思...可能你會後悔無啖好食呢...!!
我次次搞親 " 大餐 "...總會係有D甩漏...今次都唔例外...!!!
就係差D唔記得煮飯呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
其中一個餸係蕃茄炒蛋...無飯唔成事啊!!!
拿拿臨洗米...好彩一杯仔米好快熟...HEEHEE~~~唔係就衰收尾了!!!
佢返到黎仲成日忍唔住出手添~~~~ 我成日叫佢: 咪搞人d 野啦~~!! (講係咁講...心唔係咁諗..!!)
是日晚餐...簡簡單單...心意搭夠...嘩哈哈~~~~
1) 蜜糖焗雞翼
2) 蕃茄炒蛋
3) 紅黃椒炒牛柳
4) 節瓜甘荀粟米煲西施骨
我呢晚仲超級乖...我仲洗埋碗添呀!!!! 洗洗下...我驚阿B唔知我乖...
所以我就問佢: 你今晚爽唔爽呀?! 哈哈哈~~~~~
2012-07-07 玩完返到屋企有飯食
上星期六 (7/7)...同班好姊妹去左玩貼鑽殼 (遲D分享!!) ...
之後就響荃灣搭車返屋企...因為屋企既事頭煮落飯...嘻~~~
時間較得剛剛好...沖埋個涼食得!!!
雖然唔係咩大魚大肉既大餐...不過煮餐飯都幾辛苦架...!! 辛苦晒啊~~!! 
是日晚餐~~~兩餸一湯...有飯我裝~~!!
1) 脆肉瓜炒牛肉
2) 什菇炒雞柳
3) 粟米甘荀蕃茄薯仔豬骨湯
好味~~好味~~~!!
講開食又講...近黎愛上響 759 入貨的韓國芝士麵...
少少辣...好好味...麵質爽滑...唔錯唔錯...!!
下次再去入貨先得...!! 而家出前一丁已經唔合我口味好耐了~~~~~~~~!!
而另一隻薯仔麵又油過頭...辛辣麵又太辣個胃開始頂唔順了...!!
加埋幾條台式黑椒腸...加D菜...加埋隻蛋......嘩~~~~~超級豐富的午餐!!!
懶得再開 POST ...長D就長D...想睇就忍埋落去啦......
順便講埋...哈~~~我上個月...好烏龍呀~~!!
話說我個電話PLAN...只有 800 MB 流量...其實對於我黎講...都夠...我至多都係用到 600 MB 多少少...
不過自從 FB 轉左版面...我發覺流量係大左...因為下下都 LOAD 晒D圖出黎......但係我都係唔過額的!!!
點知...上個月就出事了......其實我日日都會收到 123 既 MSG 提醒我大概用左幾多...一直都相安無事架!!
點知... 2012-06-19 的上午...一睇 MSG ...初時以為...咁快又一個月RESET喇?!
睇真D...唔係啊...!! 我居然一日內由
303.35 MB 用到
1.98 GB 呀!!!!!!!!!!!!!!!!!!!!!!!!!!!!!!!
超出左好多流量呀!! 於是即刻打比阿B...費事佢比錢時發現真相...哈~~~ (坦白從寬...無咁大鑊...!!)
於是佢幫我問 123 ... 要比多 $298 呀...!! 陰公...!! 而家...剩番嗰十幾日可以無限上!!
不過唔敢無限制啦...!! 費事用憤手勢囉!!!
係喇...?! 點解會出事呢?! 咪因為我 LOAD 劇囉...!!! 平時響 WIFI 既情況下 LOAD 一定無問題啦~~~
鬼整之前一日...可能熄左 WIFI 呀...變左係咁 LOAD 唔醒起無 WIFI 啦!!!!!!!!!
阿B計個流量就知我LOAD左幾套喇!!!!!
未完..仲未講完架...!! 要講下D提外話...近期 OK 換緊 ONE PIECE...非常大愛~~!!
買左幾樣醒神物品 (無無謂謂既野) ...而家夠分換左兩支筆了...!! 可以收手喇!!! 哈哈~~~
佢出幾個 IPHONE CASE 其實都幾靚...可惜佢無出 NOTE CASE 啊!!
