針紙從來都同我做唔到好朋友...因為...太心急無乜耐性...一針一線咁實在很辛苦...!!
但係成日見到人地整既口金好靚...不其然又心郁郁...
見團購有班可以玩...所以就揀左幾個對針紙都係弱項既好姊妹一齊玩...嘩哈哈~~~
勝在大家半斤八兩...可以互相取笑...!!
又可以培養起佢地做女仔的美德...我真係好替佢地著想架...!!
呢班個課室好細...差唔多要背對背黎坐...一班有五人...其實都幾勉強夠空間~~
首先揀布...選擇困難症又開始復發...!! 終於左揀右揀...大家已搵到心水選擇了...!!
我揀左兩塊花花布...併落似乎順眼就算了...其實塊粉紅布布...同我唔多襯...太 girlish ...
首先響塊布度畫紙樣...後來揀線時才醒起...唔應該用紫色筆畫...
因為我想揀既線都係紫色啊...所以後來越縫越眼懞呢~~~~~~
大家真係從來上堂未試過咁寧靜...好專心咁縫縫縫...大氣都唔敢透咁...好搞笑...!!
因為個個都響度作戰緊...好驚整錯要再縫過...
不過最後姊妹Y都係將其中一塊布反轉了...OMG!!
兩個幾鐘頭...只有姊妹M係完成晒...我地三個仲未上好個口金啪啪呀!!!!! 嗚~~~~
不過今次個個都好乖...返到屋企自動自覺完成晒...!!
四個唔同的口金...各有特色...嘿嘿嘿........
呢次導師只係叫我地用雙線黎縫...不過我覺得唔特出到條線...
再有機會...我會用四條線縫...!!
見到淘寶有好多靚布...終於近黎忍唔住...叫阿B幫我去淘左D返黎...
想整個四片口金...不過睇下個時間表...好多個星期都唔得閒.......
沒有留言:
張貼留言