2012-09-05 公仔馬卡龍

生日篇既野留番遲D再講...因為太多相...得閒先講...


不如講番整餅...


好似好耐無成班茂利一齊整餅玩野了...!!

一黎大家既 BOOKING 都好 FULL ...幾難夾時間...

而且好多蛋糕都整過...都唔知仲想整咩...

不過都無乜響屋企實習過...一黎食過唔想再食...

而且響屋企又整又洗都咪話唔煩...!! 


近黎興起整公仔型狀的 MACARON...本來想報一間專整公仔馬卡龍的...

不過一開班就即 FULL ... 我都未見過係有位剩囉...!! 

而且學費其實都幾貴下...真係貴一貴都有人學架...!!

有日見到團購有得學...雖然呢間上次學過教得麻麻地...

不過志在睇下究竟點整...而且柴娃娃玩下都無妨啊!! 

呢班其實都幾難 BOOK...問左幾個時段都 FULL 晒...

明明我朝早一開始就打去問架啦...點知原來D人零晨就開始BOOK....早講嘛!!!

幾難先有個時間可以夠三個位...即BOOK...!!  等左成兩個月先返囉!!!

不過呢日好友A就病左...所以佢無黎一齊玩...

本來我地話用埋佢份材料黎整...

阿SIR又話用黎做示範...成品就比我地...

咁都好啵...諗住起碼整得一定靚...!! 


呢班真係幾多人下...而且唔係MISS教...係阿SIR教...

仲要去第個課室添...!!

不過我覺得阿SIR只係識講...實際好似唔係太多示範...

起碼佢都無整過一隻完整比我地睇...尾段都係自己盲摸摸黎畫...!!


睇完示範...就埋位整喇... MACARON 其實真係幾簡單...不過實在太甜 (主要成份係糖)....

將材料倒埋一齊...係咁搞幾搞就可以放入唧袋了...!!

不過...當然有一定既難度啦...做得好都唔容易架...

唔係街賣咁貴喇喎!!  梗係有原因架啦~~!! 





我地兩個做一盤...打對面黎唧個鬆弛熊既頭...

其實都幾難控制的...唧圓已經唔容易...仲要整型狀...

初頭唧都像樣架...不過慢慢佢會化開囉...><"

搞到越唧越沮喪!!  我記得可以趁佢未乾時用牙簽修下D型...

不過問阿SIR...佢話唔好搞佢喎!!!  嗚~~~~ 點解唔比我整型...?! 

雖然今次得兩條友...不過兩個都唔會放棄任何玩野既時間...

用風筒吹至表面唔再有黏力......呢個重任就交左比好友M喇...!!  (因為我懶囉...!!) 

 

哈哈~~~ 好友M笑我著到條圍裙好樣衰呀...!!

影相時好似著住比堅尼喎!!!


入爐再焗20 MINS...阿SIR叫我地去睇下自己既作品起裙邊未...!!

今次焗起隻隻熊仔面都滑一滑...唔似之前嗰兩間起晒粒粒...

雖然裙邊唔係太多...不過都幾靚仔下...見到開始有D成型都咪話唔興奮..!!

跟住就玩配對...將差唔多身型既就做一對...

我嗰D有大又有細...好快配對完...我將會有八隻成品 (如果成功的話......)

跟住就用加左色既糖霜畫番D眼耳口鼻...!!

哈~~~ 遠睇都幾似丫... (自我淘醉中...)

好友M的熊仔隻隻都好均勻...不過就比較四方面...@@~~~

而且佢好搞笑...只係點三點就當個鼻 & 咀...估唔到佢近得我多都變懶了...!!!

阿SIR只提供朱古力醬做餡...要落幾多下先可以痴埋一齊...

有同學試食左...話好甜下...都預左了!!

最後我地只係圍邊黎塗朱古力醬...咁仲痴得實...!!


終於我地兩個都完成晒喇...黎張合照先...!!

呢個時候...阿SIR話比我地知...佢頭先將佢嗰盤倒左落地下...

所以叫我地遲D先上黎拎...最好一日前預約...!! 

咁唯有是旦啦...仲好...可以比好友A拎番唔駛浪費左~~~!! 

< 我的作品 >

搭 LIFT 走時...好搞笑...有個同學問我可唔可以幫我D熊仔影張相...

梗係可以啦...斷估佢唔會影黎寫 BLOG 笑我掛...!?  HAHAHA~~

< 好友 M 的作品 >

佢整得都唔錯啊...其實佢唧得比我穩定...

佢做手作都幾有天份的...不過有時就求其D...好似今次個鼻咁...HAHAHA~~

拎到返屋企都仲係好好樣...遠睇都幾可愛丫...!!

阿B好搞笑...拎左細細個 friend (鬆弛大哥) 黎影相...

哈~~~~~~~~~ 鬆弛大哥係咪睇到流口水呢?! 

呢八隻最後下場係點?!  就係兩日後 (7/9) ...約左班好朋友食飯...

當甜品請左佢地食囉!!!!!!!!!!!!!!!!!!!!!!!!!!!!

捱義氣一人一隻 KO 了...  HAHAHA~~~ 真係夠比面...

如果唔係生日...我諗佢地啋我都傻...!! 



馬卡龍...真係好睇唔好食...唔係個個受到D咁甜...@@~~~

2012-08-31 爸爸請食生日飯

八月尾 (31/8) ... 爸爸記得我就黎生日...哈哈~~~

佢話要請我食飯提前慶祝呀!!  好開心~~~~~~~~~!! 
 
一見到就比封寫上祝福的利是比我...!!  嘻嘻~~~~~~~~~


去番平時食開幾有水準的海皇漁港...!! 

三個人叫左五個餸...飽到丫...!!  食得好開心...!!!

阿B仲同爸爸隊BEAR添呀~~~~~~~~~!!!   我隊水~~~~~~~~!!!

多謝黃老闆唷~~~~

2012-09-03 細細睇眼仔

上星期一 (3/9) ... 係我既生日...我地嗰日兩個都請左日假黎慶祝...

本來阿B一早 plan 好行程...不過響星期六 (1/9) ...

我返到屋企...發覺細細做完手術既眼仔好紅...

而且夜晚仲唔太睜得開咁...雖然佢仲係好活躍...不過隻眼就係有d問題...

叫阿B跴完車返屋企前買支眼藥水比細細...最衰星期六及日又無眼科醫生睇啦...

幫佢抹過眼仔都係無乜好轉...夜晚佢仲開始有D痕咁...係咁想整隻眼...

於是幫佢戴頭盔...極之唔LIKE...係咁發脾氣...

第二日 (2/9 - SUN) ...諗諗下都係幫佢 BOOK 星期一 (3/9) 去睇醫生...

同阿B講...將原本既行程壓後...因為實在唔太放心...!! 

我相信如果唔帶佢睇醫生...我一定會玩都唔開心!!!

終於BOOK到另一位醫生...最早係 12:15 ...!! 

早D BOOK 下一個時間 (12:45) ... 可以睇番佢平時睇開嗰個靚仔醫生!!  (起碼跟開!!)

因為生日呢日 (3/9)  真係多多事咁...差D仲趕唔切去睇添呀!!!!!!!!!!!!!!!!!!!


3/9 的朝早...大陸公司因為轉新 SERVER ...搞到公司開單有D問題...

阿B 遙距都解決唔到...所以決定先回公司解決左問題先...

我就同阿細響公司樓下...坐響車度等佢...

隻傻妹今日超嗲... 平時阿B行開...佢會好唔耐煩要去望窗...擒黎擒去...

不過今日好乖...係要坐我腳上...有時仲訓響度...或者佢真係好唔舒服......

我問佢 : 其實你係咪唔捨得我地...?!  做乜要用病呢招黎痴住我地...?! 

超級痴身痴~~~~~細!!!!!!!!!!!!!!!!!!!  太令人唔捨得掉低佢!!!!  

終於比佢痴到半日呢~~~   佢肯定偷聽到我地話去玩啦...佢無份...所以要我地緊張下佢囉!!!


等左阿B半個鐘...搞惦就飛車出旺角...

好彩好快有車位...即刻上醫生度...係遲左少少...不過好彩未輪到...!!





去到診所...細細一貫係貓王上身~~~ 係咁震...!!

磅重又輕左喇...得 4.8 kgs...近黎佢都食唔晒d 糧...!!

究竟點先可以令佢肥d呢?!  上次靚女醫生仲問我係咪幫佢減緊肥...係都幫自己減先啦...!!

今次睇呢個西人醫生好似好仔細...不過又好姿整... (總係覺得靚仔醫生好D......)

戴個眼罩都要好小心地搞下佢個髮型...@@~~~~

佢話細細隻眼應該發炎...不過唔知係咪隻假眼有問題...

而家開住d抗生素 & 消炎藥比佢...希望食完就好番無事...

如果再嚴重就要再開刀睇下係咪裡面有問題...!!!

梗係唔想佢再開刀啦...好心痛...亦唔想佢受呢d苦啊!!!

細細~~~~ 你要加油啊...!! 

之後去拎藥...藥劑師見到份量好似重左D咁...所以幫我地問醫生...

點知個醫生話藥既份量無問題...不過原來頭先收錢唔記得加埋個診金落去...又要比多四百...!!  @@~~

要食 21 日藥都真係幾考起...!! 

餵佢食藥好難架...!!  又惡c 喎!!  一丫開佢個口就反抗...再黎就咬你!!

上次諗左招將d藥塞入佢最鍾意既腸仔度...開頭好work (可能做完手術無咁清醒)...

不過之後...唔知係佢食厭定係識穿左...有時唔肯食!!!!

硬頸到你比佢食...即刻擰轉塊面...之後仲走左去...

我成日話佢: 人地想毒C你都幾難...揀飲擇食...話唔食就唔食...超有性格!!


返屋企途中...佢訓到扯鼻降添呀!!! 

仲要訓響我隻手度...訓得好甜丫...訓到返屋企泊車先識醒!!!

因為唔想一返到屋企就放低佢出街...佢實喊爆呀!!!  一定抓門抓好耐...!!

所以我地決定買飯盒食埋先再出去...

餵埋藥比細細食...好彩佢都肯食腸仔...食完無耐可能藥力到...

佢開始眼訓...我地都開始生日之旅的行程了.......!!!   HEEHEE~~~

睇住個 IP CAM ... 見佢抓左一陣門都走去訓...都好D...!!

八月周圍食

2012-08-05 天際萬豪

好友A 話未試過入機場食 BUFFET...所以我地就買左團購去食喇~~~~~

呢間環境唔錯...不過路程真係好遠...!!  

食物質素都OK...不過款式就唔太多...

而且呢日我唔係幾舒服...所以都食得唔多...!!

周圍去食唔同酒店既 BUFFET 其實都唔錯...

話時話...我地真係食得幾多 BUFFET @@~~~~

2012-08-06 伍仔記

呢間我地間中就會黎食一次...

今次叫左三樣餸...都唔錯...!!

2012-08-17 BBQ@Sky21

呢間響尖沙咀...都係同幾位好友黎食...團購黎架...

好搞笑...我地問D職員...平時想黎食飯係點BOOK...

佢話比我地知係無飯食...得BBQ... @@~~~

好似只做團購咁...好搞笑...一D都唔識做生意囉...而家我地想翻單啊!!!! 


話係BBQ...其實係有人燒埋既...啤酒汽水任飲...

初頭黎既食物唔駛 ORDER ...因為係限定一人有一份...

估唔到...味道又幾好喎!!! 

限定配給的係 : 燒蠔...燒扇貝...燒花螺...燒蝦...燒青口!!

黎一轉就無架喇~~!!





食完之後就黎D任食既野...!!

不過款式唔多...只有雞扒...雞翼...腸仔...多春魚...墨魚丸...魚蛋...無味椰菜...等等... (好似得咁多添咋)

雞翼係最唔好食...怪味!!

其他既都OK既...不過食黎食去都係嗰D...你唔會想再叫多幾次啦~~~~!!

總括黎講...其實價錢都唔平...係初頭既食物幾有驚喜...!! 

如果佢平D...我都會黎多次...哈哈~~~

 

2012-08-18 Misocool@K11

約左好友去北角返學...未夠鐘...就響 K11 食左野先...

呢間一個人易等位...坐低叫左一個芝麻醬海鮮冷麵...

一個人的午餐...味道好...不過好貴...成六十幾蚊呀!!!!!!!!!!!!!!!  仲要加一添...!!

2012-08-18 Pancake Colours Cafe & Bar@CausewayBay

三個好友...去完上堂...就誤打誤撞黎左呢間...

因為個個好肚餓...所以係咁叫野...哈哈~~~終於食唔晒...不過食得好開心...!!

2012-08-28 細細試著新鞋仔

因為小狗會上床訓的關係...加上住村...出面D地下成日有地雷...

通常都係沖涼嗰日至會帶佢出街玩...變相小狗就好少落街...

至多都係樓下花園玩一陣...

前一排...阿B話不如買D鞋仔返黎...比阿細試下著唔著...

如果肯著...就可以帶佢落多D街...

終於就淘左兩對黎試下喇...!!

好快收到貨..質地都唔錯...差不多款式的響HK賣成百幾蚊...

而家只係六七十蚊就兩對了!!

上個月尾...幫小狗細細著左鞋...不過著落都幾麻煩...

小狗又唔多耐性...要快快手先得...仲要著四隻...都幾有難度...

如果第時佢知道著鞋係去街...一定更加無耐性呀!!

著左之後...佢千萬個唔願意咁...初時仲唔識行...

行到好似醉酒佬一仆一碌...又似小朋友著左高爭鞋行到好論盡...

落樓行開步禮...佢好快適應到...不過就唔行得快...!! 

出去行左一陣...佢都肯跑...不過唔知係因為熱定真係唔慣著鞋...

所以都係好慢行...

返到屋企樓下...仲有D扭抱...!!

叫佢埋黎...最後仲索性扒響度...@@~~~~



綜合佢既表現...佢係超唔鍾意著鞋囉...!!!  哈哈~~~

2012-08-29 復古首飾盒

上年...玩過一次拚貼...不過感覺麻麻...可能我整得唔靚啦~~~

(自己整唔靚就賴唔好玩...好無賴...HAHA~~)

上個月...見到去開既workshop同另一間合作開左個 復古首飾盒 ...

集合拚貼 + 彩繪做成作品...好吸引...而且時間又啱...所以即時決定報讀...

(其實係勉強啱...連跴兩晚其實幾辛苦下!!)


我第一個返到 workshop...等左陣仲未有人返黎開門...

開始懷疑記錯時間...還是無睇清楚返學地點...?!

於是打去問...原來負責教學的仲未返到...唯有等下啦~~~~~

終於遲左 10 mins 左右...老師 & 同學都陸續黎到喇~~~~!!


首先每人派左一袋材料...裡面有晒一陣要用既野...!!

之後就幫個盒上顏料...本來諗住油粉藍粉紅呢d大路色的!!

不過...最後決定油隻有點復古feel的綠色...比較深色......

基本上成個盒見到人既地方都要油...除左盒入面...!!

油完之後...就用風答吹乾......

要油得好小心架...唔可以油到起紋...

因為一陣貼餐紙上去時會浮起唔得平滑...就唔靚了!!

另外...個盒面油左層白色底油之後...再吹乾..

首先將 d pattern 左拼右拼...睇下自己既心水係咩...

最後...我決定個盒d圖案係咁擺...!!



之後就塗層薄薄的膠水...再貼d餐紙上去...再用海棉輕印至無浮起...

都算順利...起碼無起 pop ...!!

跟住就用超幼沙紙向外磨走多出黎既部份...

呢下好駛得...好過用較剪..邊位超平滑呢...!!

 

之後...另一位老師黎到...就開始教我地油漸變的彩繪...

對我地黎講...唔算繪...因為有現成既圖案響度...我地只係將佢填番深色d...

都需要一定的技巧...個個都好驚一落筆就會衰...

不過有老師響度...點錯佢都幫我地補救到的...!!

之後就開始玩下印台... oh~~~ 印字時唔夠力...有d 位無色...

跟住老師幫我印多次...不過就移左d位...唔梗要啦...vintage既野係咁...!!

油好晒之後...就將其他裝飾左拼右拼貼上去...!!

呢個課程都幾好玩...而且唔係貴...!!

比我地既裝飾材料都算多了...仲有鵝仔石用...!!

返到屋企...將d閃石貼埋上去...靚嘛...?!

個盒身我無再加野喇...因為我都無餐紙...

再睇番...唔加野上去好似仲好...!!   係鞋身左少少...!!

(懶人...要搵藉口係好容易的...!!)