2011-08-26 大埔東江雞

星期五晚 (26/8) 放工後...兩公婆又諗去邊搵野食.......終於我地好無骨氣咁去左大埔東江雞...哈哈~~~ 前一日先話 " 唔會為左一啖雞肉而受呢D氣既!! "  今日就忘記得一乾二淨!!  睇黎我地兩個真係賤骨頭.......

今日早到...未夠六點半...唔係好多人...唔駛派籌...不過嗰度d人都係咁無禮貌...唔通大埔d鋪頭都係咁有性格的?!   有間響附近的 " 清湯腩 " ...我咁耐未見過佢開鋪...因為一早賣晒就收鋪...星期日重要唔開的...!!  佢只係間好細鋪仔...平時都係大排長龍...!!  真係咁好食?! 

我地兩個坐左響度...揀好食乜...不過 d 阿姐好似只係 d "紙板侍應"...係望到你叫佢都唔會埋黎的!!!!!!! 

終於個部長埋黎幫我地落單~!!   上菜都好快~~~我地叫左 (1) 例牌東江雞 (2) 魚香茄子煲 (3) 一碗倒湯

雞好滑...不過好咸下...都幾好味~~!!

魚香茄子煲...好耐無食過呢個餸...都好味...不過都係偏咸...!!

雞腳例湯...我無飲...阿B話幾好~~~

食食下...開始多人...呢間真係好旺...咁多年都係咁多人黎食!!! 

 

2011-08-25 B的一個人晚餐

噚晚 (25/8) ... 我去左 Amor 上堂...剩番阿B要自己食飯...!!  佢呀...絕對唔會刻薄自己的!! 

呢晚佢就整左一餐好正既晚餐 ...供佢一人獨享喇~~~!!! 

仲用 iphone 影埋相添...!!!  我一定要公開佢既 " 惡行 " 先得~~~

 

睇下佢搞乜東東先...!!   芽菜...紅椒...薑...蔥......仲有袋咩黎?!  呃~~~~~!!!  係蟹黎架!!!!  咁識歎?! 

佢好鍾意間中煮下呢樣...曾家自創的 " 芽菜仔炒福麵 " ...要炒得好味...靈魂在於包 " 味粉 " 度...!!! 

老爺教佢架...!!!  又平又好味~~!! 

衰仔~~!!  趁我唔食得蟹...佢已經成日口 up up 話...等我返學既時候就整黎食...!!  以為佢講下啫...黎真!!!!!! 

睇到我都想食呀!!!!!!!!!!!!!  嗚~~~ 我今晚食左豌 " 墨丸米 " 咋~~!!!

害我一路 post 相 一路吞口水...嗚~~~~~~~

我下星期又返學呀!!  你又整乜食呀?! 

2011-08-24 試新開的新翠丰

星期三 (24/8) ...放左工...兩公婆又在傷腦筋去邊度食好...本來想去食大埔公園仔幾出名的東江雞...不過好多人等...家下仲要拎籌先得......而且個阿叔態度極唔好...我地呢 D 受軟唔受硬既人...唔會為左一啖雞肉而受呢D氣既...!!     所以即刻掉頭走...總唔信無野食!!! 

不過又真係好似無乜好食咁...@@!!!   係咪太意氣用事呢?!   走得太型呢?! 

突然阿B靈機一觸 (懶係)...提議去大埔墟街市食...經過間花檔...令我地諗番起上年一件極搞笑既事~~~~!!  

上年又係大概呢個時候黎...去完街市食飯...去取車途中...阿B突然話佢肚痛...叫我響附近行一陣...我當時仲諗...點解我食完無事既?!  佢個鐵打肚好少會出事架喎?!    無幾耐佢就返黎...仲話舒服晒...... 之後就揸車返屋企了~~!!  

後黎至知...佢炸肚痛...去左訂花...哈哈哈~~~ 因為我地同一間公司做野...通常放工又在一起...就算佢上大陸...我地都會約埋一齊食飯......所以佢有咩地方去...我都會好清楚...所以次次就到我生日既時間...佢就會搵機會去辦事又要唔比我知...!!  其實都幾好玩~~~

今日經過間花店......阿B提番起呢件事...笑到我丫~~!!  仲問佢一陣食完駛唔駛又去辦D事?!     佢答我 : 無咁多事辦呀!!    哈哈哈哈~~~

不過今年佢有一個我已知道的 "驚喜" 比我......!!!   期待中.......

*** *** *** *** *** *** *** *** *** *** *** *** *** *** *** *** *** *** *** *** *** *** *** ***

講得太遠了...講番呢晚食乜先......

終於我地上左街市食新開的一檔...叫做 " 金翠丰 "...因為呢檔係新...我地本住試新野既大 " 無謂 "既精神!!    加上呢檔又少人...所以就試下喇!!

叫左三個餸...好大食的兩公婆!!! 

呢個叫做廚師推介既...見未試過咁煮法...就試下啦~~~~

(1) 香芥牛柳條...真係唔錯喎!!!   好好味...煮得好有心機~!!  (阿B話...可能因為少人...所以就用心D整...) ... "話沙bee" 加左落d牛柳黎炒...真係唔錯啊!!! 

(2) 椒鹽豆腐...外脆內軟滑...唔錯唔錯!!!!

(3) 椒絲蝦醬通菜...上碟都有心機...將菜和莖分開黎放...賣相 " 靚 "!!

呢間味道真係唔差...!!!  其實可以再黎試既.............................不過.......

感覺呢檔做野既人係比較雜......

而且...有個後生核突仔...執左檯之後...可能 D 汁淋到佢隻腳啦...佢居然除左隻拖鞋...就咁用條抹檯布黎抹腳......!!!   睇到我地 O 晒咀呀!!!!  

跟住我地好留意佢會唔會拎去洗下塊布呢?!  係唔會囉...轉頭仲拎番黎抹檯!!!!  有點嘔心囉!!!!    

雖然佢唔係廚師...不過想起佢用布抹腳嗰一幕.......就會幻想更多幕會上演囉!!!!  哇~~~

做飲食業既老闆...真係應該正視下員工既質素 & 衛生常識囉!!!!

Backup blog!!!

好開心~~!!!   阿B今日終於幫我 backup 左個 blog lu...咁我可以擇日 upgrade 個 blog la~~~~!!!  呢個 blog 裡面有我地兩個唔少心血 & 腳印...好有紀念價值!!   阿B成日用我 A/C 黎睇...哈~~~ 佢話呢度都有佢份架!!  

呢幾日...阿B 為我做左幾件事...真係好開心...仲有兩件事...遲 D 就會講.....唔好心急...!!   

講番點解突然又想 upgrade 個 blog ?!  因為我發覺訂閱已 upgrade 既 blog 係無通知...去識既 blogger 度留言又 show 我真名...人地變左唔識我...又無相片睇...!!  好多個唔方便...好似去左唔同既世界咁...!!! 

其實我對 yahoo 都有信心既...我見好多 blogger upgrade 左都無唔見 d blog!!  不過又要適應新環境...對我呢d懶 & 蠢既人...多多少少有點影響啦~~!!

之前唔夠 13 歲的問題 發現 & 解決 只係一日內搞惦...我慶幸到而家...嘩哈哈~~~ 因為一個唔為意...隨時無左都唔知乜事...!!  亦幫左 d blogger 都解決左問題...真係好開心呢~~!!

今日睇到原來我個 blog 都有 90 幾人訂閱...真係好搞笑...而且好多人係未留過言...只係睇~!!  其實我都唔知係邊個黎.....     (嗨~~~得閒現下身...同我 say 聲 hi 啊~~!!  )  仲有... add 左我做 blogger 的...有 d 我都唔知係邊個...其實...你地都可以叫我 add 你地架...我有 1/3 blog 係 " 朋友限定 " 的...!! 

其實我有時都想問......究竟為什麼會想看我的 blog ?!  會期待有什麼看呢?!    我總係響度諗: 大概因為我人夠無聊...咩都呱呱叫...咩都寫一餐......不過無論因為點都好...我都會好開心...寫得出黎都唔係 d 咩秘密...只係想分享下心情 & 給自己一個生活紀錄......

我會繼續寫下去...因為我實在很無聊...heehee~~~  其實好多認識我既人都知我有寫 blog 既習慣...有幾個朋友都會不定時黎昅下我...!!  (雖然有d唔出聲...我知架!!)    有 d 無睇但知既有時都會話我浪費時間... um...我又覺得唔係既...時間係睇自己點分配囉...... 所以我都唔會介意或在意別人點睇...別人問起...我都會坦白告訴他 / 她 ...我有寫 blog 的習慣...仲會問佢睇唔睇添...!!      你 like 唔 like ...我都係我...唔會改變...!!

以前我都會在 FB 內寫我的心情...久唔久就會發下顛...不過後來...我覺得反而唔可以寫咁多響上面......唔知點解......可能唔想迫朋友睇自己寫心情...再睇就黎我個 blog 睇...因為一post出去就熟人唔熟人都會睇到！ 有時覺得真係好笑...點解現實世界反而唔可以暢所欲言?!  反而唔可以有真我呢?!   還是...我其實內裡係唔想別人太認識我...?!  實在有點矛盾......  

寫 blog 令我可以全程紀錄我們的婚禮籌備過程...可以間中去回味...再看到當時的心情...又可能發覺有些事已忘記......寫 blog 又令我認識到 scrapbooking ...令我發掘多一點生活樂趣...雖然這是一個毒海深淵  ...不過我好樂意中毒下去...... 而阿B 就成日想搵解藥比我食...!! 

總言之......Yahoo blog ...我太愛你了!!!    我希望 10 年後...我可以從新再看一次現在的生活 & 心情!! 

拿...你地咪多手 "檢舉" 我呀下!!!    Delete 人呢d行為...要光明正大...唔好鬼鬼祟祟呀!!! 

 

 

 

 

2011-08-21 慶祝特別日子@8度海逸

星期日 (21/8) 本來係一星期一煮既時間...呢個星期暫停...因為有要事要出外慶祝~~!!  啦啦啦~~~~

本來諗住 book 西貢某餐廳...不過 Sunday 既 booking 已去到九月...所以唯有遲d再去啦~~~ 之後 book 左去食 醉燒遙 ...但係阿B話好耐無食 buffet ...所以最後決定去上次學整心太軟的酒店食~~!!  仲屈左人比 八五 折...笑到我地兩個咀都大...因為阿B話呢D野應該係女人做...而我就成日推佢做...!!  嘩哈哈~~~~

8度海逸酒店...其實真係幾難去...不過有 2 hrs Free Parking ...有同事剛剛食過話 ok ...仲寫左個 report 比我地...  

價格：平日$338，週五六日$388

時間：6：00 - 9：30，我收工落到酒店7點45，啲人都食得7788，人少少，o岩 晒！唔使同人爭！到 9：30 last order reminder 時，我已經飽飽！

交通：唔使講，揸車，坐車唔方便！有 2 hrs free parking，不過攞車時我都 擺 低20蚊，泊車呀叔將架車揸到你面前，自願俾遮！

食物：款式不是很多，但勝在精緻，有即開生蠔及急凍兩款，當然食即開啦！我 就 鍾意唔落醬料，淨係加o的檸檬汁。美國蠔，有鮮味、蠔味(當 然！)，Creamy，但 海水味欠奉，我食左10隻！

特色野：即蒸海鮮，有蝦、魚、蜆、扇貝及蟹，新鮮！但如果6點到就排下對啦！
甜品：超多！都係o個d野啦！

仲有任食日本魚生、長腳蟹、.......咁既價錢，仲想點？

PS：大部分擺設包括水杯都係歪歪斜斜，我剛剛入去就感覺少少頭暈，唔知你地 會 唔會！;-)

Report finished.

真係好搞笑的報告!! 

所以就黎試下喇~~!!

今日係特別的日子...所以要出黎好好的吃一餐~~~ heehee~~~

呢度 d 蟹腳真係唔錯...所以都破戒食左幾條~~!!  至於其他食物都 ok 架...不過我好多都唔食得...而且人又多...佢拎出黎 d 食物都唔係好大碟...有時都會出現吉位現象...所以都無乜意欲出去拎野食...!!  可能閒日黎食會好 d ~~!!

好得意的杯...斜的!!

食左兩個雪糕呀~~~ !!

食左兩個鐘都飽晒喇...趕住返屋企睇 chok chok chok...heehee~~

連塊鏡都係斜的~~!!

等我地較番正影番張先~~~~

今日仲定左九月的特別日子的去向...好期待~~~!!