2011-08-26 大埔東江雞

星期五晚 (26/8) 放工後...兩公婆又諗去邊搵野食.......終於我地好無骨氣咁去左大埔東江雞...哈哈~~~ 前一日先話 " 唔會為左一啖雞肉而受呢D氣既!! "  今日就忘記得一乾二淨!!  睇黎我地兩個真係賤骨頭.......

今日早到...未夠六點半...唔係好多人...唔駛派籌...不過嗰度d人都係咁無禮貌...唔通大埔d鋪頭都係咁有性格的?!   有間響附近的 " 清湯腩 " ...我咁耐未見過佢開鋪...因為一早賣晒就收鋪...星期日重要唔開的...!!  佢只係間好細鋪仔...平時都係大排長龍...!!  真係咁好食?! 

我地兩個坐左響度...揀好食乜...不過 d 阿姐好似只係 d "紙板侍應"...係望到你叫佢都唔會埋黎的!!!!!!! 

終於個部長埋黎幫我地落單~!!   上菜都好快~~~我地叫左 (1) 例牌東江雞 (2) 魚香茄子煲 (3) 一碗倒湯

雞好滑...不過好咸下...都幾好味~~!!

魚香茄子煲...好耐無食過呢個餸...都好味...不過都係偏咸...!!

雞腳例湯...我無飲...阿B話幾好~~~

食食下...開始多人...呢間真係好旺...咁多年都係咁多人黎食!!!